الريتانين " متراس الدرزياء "

_ الغُـرزة 11 || مؤامرة

﷽

روايـه : الريتانيـن " مِتـْـراسِ الدَّرْزِيُّــاء "
الڪاتبه : تاليـن

• لا تنسوون التصويت بنجمة والتعليق بين
الفقرات " ڪونتيساتي " ... 🤎🪶
• متابعة حساب الواتباد باليوزࢪ tallen9n
• حساب الأنستا tallen.n_
• مُعࢪف قناة التلي 9_taffi

▪▫▪▫▪▫▪▫▪▫▪▫▪▫▪▫▪▫▪▫▪▫▪▫▪▫▪▫▪

فرط الحركة الما تخلي يڪعد توترني يحجي وهو يشيل قطعة ملابس يرڪز بيها ويتفحصها ورغم ڪمالها وجمالها يبقى يباوعلها الى ان يطلع بيها عيب
صعب الذوق حجيت منزعجة
::- تعال اڪعد وترتني

ذب القطعة واجة ڪعد
مُنير ::- امل من الڪعدة خوما مثلج اني

_ ايي ما ڪل ما اڪعد تسمعوني هالحجي

::- انسمع بلڪت تتحرڪين تنجزين شغل

_ شسويلة شسويلة اذا هو ما ينطيني شغل شسوي الزمله العصا !!

::- يعرفج ما ادبرين شغل فما ينطيج

_ شينطيني اصعد الأبقار على سطح الشرڪة وما ادبرها ... !

حجه بنظراته المستهزئة
::- يا روحي انتي نيران ما ادبرين تصعديها عالسطح

حجيت بڪره
_ مستعدة اصعدها على اعلى بناية واذبها من فوك

فك حلڪه بدهشة
::- اهه هالنيران دتزرع بعقلج افڪار اجرامية

_ بخاطري اجرم بيها ما تمرر يوم اذا متسويلي مشڪلة وتحرجني

::- يلا يا روحي لا تهتميلها شوفي من جبتي سيرتها ضجتي

_ ميصير تڪولي يا روحي هاي ناخذ عليها غرامة جبيرة بلدنا

باوعلي مراضي
::- مراح اڪلج يا روحي بعد مو لان عليها غرامة لان ما تستاهليها

دار وجهه عني
::- اني ما استاهل تڪلي يا روحي ؟!

_ متستاهلين حتى ادخلج لغرفتي يالفاضية

شهڪت فاڪة عيوني
_ الفاضية !! دتعيرني باوقات فراغي ؟!

::- داعيرج بحياتج الڪلها فاضية مو وقت محدد بيها

رفعت حاجبي بتأڪيد
_ هيج لعد ؟

حجه بمڪر
::- هيج يا روحـ

سڪت متراجع ... لا ڪلت بعد ما اڪولها
قلصت عيوني علي اخوزر وهو يباوعلي بطرف عين نهضت ادور بالغرفة واهدد
_ الا اڪول لـ روهان وهُدهُد يشطبوك من قائمة التيم

حجه ممهتم
::- عساس راح يشطبوني من الحياة

عنفصت وجهي علي باوعت لبرا غرفته اڪو غرفة ابد ما فايتتها سألت بفضول
_ اڪلك هاي الغرفة شنو بيها ؟
::- غرفة عرض التصاميم بيها الموديلات المُنتجيها من الشرڪة
_ اڪدر افوت عليها واباوع ؟
::- اڪيد شنو اليمنع