الريتانين " متراس الدرزياء "

_ الغُـرزة 1 || البداية

﷽

روايـه : الريتانيـن " مِتـْـراسِ الدَّرْزِيُّــاء "
الڪاتبـه : تاليــن

• لا تنسوون التصويت بنجمة والتعليق بين
الفقرات " ڪونتيساتي " ... 🤎🪶
• متابعة حساب الواتباد باليوزࢪ tallen9n
• حساب الأنستا tallen.n_
• مُعࢪف قناة التلي taffi_9

▪▫▪▫▪▫▪▫▪▫▪▫▪▫▪▫▪▫▪▫▪▫▪▫▪▫▪▫▪

رُغم اتسا؏ ظل شرودي وانخفاض سقف احلامي المُطيلة النظر علي ليتوضح اهترائه وعلامات نقش السنين المرت مُنذ بنائه ولم تمر دون ترك أثرها مُعيدة بذاڪرتي الى ليلة البارحة لأتذكر بماذا فڪرت وماذا قررت ان انفذ من افڪاري في العديد من الأمور منها ان اطور حياتي وابدأ بروتين جديد يجري بي الى مستقبل افضل

لڪن ڪل شي بعاداتي يختلف ...
بالليل اعَزم على انجاز هواي امور والصبح كل هالة الأحلام والمخططات تتبخر على اصوات صراخ اصحاب المحلات بالمنطقة

جسمي مُمدد على نهاية الجرباية وراسي نازل للارض اباو؏ لسڪف غرفتي المسميته سقف احلامي لانه اڪثر من يستاهل التشبيه بيه سقف متهالك وغير عالي الاتسا؏ ڪسقف احلامي تماما

تنهدت بأستياء من واقع العيش المرير لعائلتي اليزداد سوء عن واقع حياتي المثير للحزن

نقلت نظراتي المنطفئة بانعدام شغف من السقف الى باب غرفتي اللي انفتح وانمد منه راس ماما تعيط متعصبه ڪعادتها بڪُل بداية نهار جديد

::- يلا اصحي وتعاي ساعديني بشغل البيت

طلعت وسدت الباب ؟ لا انما نفذت انطباعها الأزلي اللذي لا يتغير فڪته على ڪبره عمدا حتى لا يبقى اي مجال ارجع انفرد بذاتي او تاخذني غفوة ولحظة رخاء بعد هذا السلوك المنرفز

راحت تڪمل عياط عالباقي ولو ڪان بمقدورها ان تعيط عالجدران وتخليها تتحرك من مڪانها وتتراڪض ڪدامها خايفه من صوتها المزلزل بغضب وتذمر ما ڪان قصرت بهالشي

تأفأت كأول فعل اسويه بيومي ونهظت من فراشي لخارج غرفتي رحت للحمام غسلت لڪيت الڪُل طالع الشغله الا العاطلة عن العمل او بالاحرى ما لاڪيه فرصة عمل اصلا حتى اتعطل عنه واللي هي اني

انفتح باب البيت ودخلت ماما سألتها واني ماشيه لغرفة معدات التنظيف حتى ابدأ بتنظيف البيت ڪمهمه الي ولازم انفذها يوميا

_ وين البنـات ؟

ردت وهي تتنقل بانحاء البيت ما عدها شي تسوي بس المهم ما تبقى ڪاعدة او واڪفه بدون حركة
::- كل وحدة طلعت لشغلها مثل ڪل يوم والا ما تدرين بهالشي ؟!

حجيت بادية بالصالة انظفها وامسح الارضية
_ لا ادري بس اليوم طالعين من وڪت كل مرة اڪعد الڪاهم متواجدين