بسم الله
- السجن العام -
رفع نظره على السجين اللي يسولف مع السجين الجديد ونطق : تميت الـ ٣ شهور بقى لي
ضحك بعلو صوته يشوفه يعد ايامه المتبقيه : تراك بتخنز هنا انت داخل مثلي لاتتعب نفسك خانزين خانزين بالسجون
ناظره الرجل بحده ووقف : احترم نفسك !
وقف عساف بهياط كونه تعود على بيئة الاشخاص المهايطين واللي يتهاوشون مايتركون مجال للشخص يرتاح الا وهم يصنعون المشاكل وهذي عادة سجنهم اللي يتكثف عليه الحراس بسبب الهوشات
شمر اكمامه يرد لكمة الرجل له وابتسم يشوف سقوط الرجل ونط فوقه باستمتاع يضربه بكل قهره وحريقه وابتعد من سحبوه الحراس اللي تعبو منهم ولف على الرجال اللي سحبه من ذراعه : عساف خلاص..!
مسح عساف طرف شفته المتبلله بالدم : خلني افرغ فيهم وش دخلك ؟
زفر انفاسه الرجل بتعب منه ومشى تاركه وجلس عساف بفوضويه على سريره ورفع نظره للسقف تجبره ذاكرته على تذكرها اول مايشوف الدم مايتذكر الا هي اللي تعذبت بين يدينه هو يبتسم كل ماطش عليه دمها وشهوته في ضربها وصد يبتسم طرف ثغره الساخر على نفسه وهمس : نستك يا عساف هي حره وانت بين اربع جدران مالك الا ذا الذكرى
- قصر ال جراح -
فتحت الباب للمندوب واخذت طلبها وابتسمت بوسع ثغرها من لذاذة الرائحه ومشت خطاويها لداخل وابتسمت تشوف داليا اللي ابتسمت لها : بالعافيه
ابتسمت انوار ترسل لها بوسه بالهواء : يعافيك دلول
ضحكت بذهول من اللقب : اما ذا عمري وتقولي دلول!
لفت تسمع صوت سُميه الضاحك عليها وصدت تضحك بخفوت
صفقت بيدينها بحماس : جيبيه جوعانه !
ابتسمت انوار تحط البيتزا بالوسط وفتحت دينا المشروبات وبدو ياكلون بلذاذه
- جورجيا -
ابتسم بورج يقبل خدها ويمسك كفوفها : اصبحتي في مرحله اكبر عليك بذل جُهدك
ابتسمت بخفه تقبل خد ابوها : شكرآ ابي
ابتسم بورج يشوفها تشيل شنتطها وتنزل وحرك السياره يرجع للبيت وابتسم يستنشق ريحة طبختها وتقدم بهدوء يحضنها : انها اكلة انوار المُفضله
ابتسمت بوسرا بهدوء تصد لطبختها تهمس : لدي امل انها سوف تعود
ابتسم بورج يقبل خدها : ستعود ستعود لاعليكِ
ابتسمت تصد وتكمل : لكن مازال بالي مُنشغل هل ستعود بخير ام لا ؟ انا خائفه عليها اشد الخُوف
ابتسم بورج يطمنها : انوار قويه ستعود لنا بخير لا تخافي
هزت راسها بهدوء تكمل طبخ
- ابها -
شرب اخر رشفات الشاهي بسرعه ولبس جكيته العسكري ومشى يشوف امه اللي نزلت تشرب مويه وصدت منه واخذ نفس يمشي للخارج يشوف الشمس شارقه ومشى بسرعه
وتافف من تغرقت كنادره : مو وقتك..!
ركض لسياره يشغلها ويمشي للمركز يتجاهل كل شي يعكر صفوه
- قصر ال جراح -
" اف صدق الحين اقوم كل فجريه! "
عبارة انوار المتاففه لأنها قامت وضحكت دينا تفرد شعرها الويفي فوق العبايه : امشي بس هذا مصيرنا
انوار لبست كنادرها بتافف : ياخي مالي خلق
لبست دينا نظارتها بغرور : تصدقين احلى شي انها اخر سنه لي
صدت انوار بقهر وغطت دينا ثغرها بأعجاب : واو انوار هذا شوزك من براندك ؟
هزت راسها توقف وتمشي عليه تقلد المودل : شرايك بس ؟
ضحكت دينا تصفق بكفوفها : والله عجيب !
سمعو صراخ سُميه اللي تعجلهم ولبست انوار عبايتها بسرعه تنزل خلف دينا وسكرو داليا وسُميه اذانهم من اصوات خطاويهم الراكضه من الدرج وانتشرت اصوات ضحك دينا وانوار عليهم ومشو يركبون السياره بسرعه
وحرك السواق بتافف بعد ماسمع هواش سُميه عليهم وجمعته هو بالهواش لأجل مايتأخر
وهمست دينا : ابي قهوه
اردف السواق بتعجب : مدام سوي قرقر قرقر وانتي يبي قهوه ؟ مافيه اول شي مكالمه مدام
ضحكت انوار بعجب : هذا كم صار له يشتغل عندكم ؟
ضربت دينا الباب بكفها بقهر : اف منك يالمستفز لاتكلمني كذا اكرهك والله !
ضحكت انوار تلف عليه : انا كلمت مدام وقول عادي روح
هز راسه يتعرف على صوت انوار ولأن سُميه قالت له اي شي تقوله سوه وغير الاتجاه لمحل القهوه وحضنت دينا انوار : احبك ياحلى اخت بحياتي
ضحكت انوار ونزلو ياخذون قهوه
