بسم الله
- عامر -
رفع نظره على ارث اللي دخل واردف : الحين تقولي وش فيك ؟
زفر عامر انفاسه بغضب : جسار و عساف
عقد حجاجه ارث : جسار اعرفه بس عساف ؟
عض شفته بقهر : اللي جبنا له بنته من جورجيا
رمش ارث عدة مرات واكمل عامر : بنته تزوجت راجح بس مسيار
سكت بهدوء يفكر ثم اردف : ضربوك ؟
هز راسه بقهر : بحرق قلبه انا اوريه
- قصر ال جراح -
كشرت من ريح البصل اللي انتشر ولفت لأنوار اللي تقطع اللحم ومكشره ورفعت سبابتها تردف وهي تناظر للكاميرا : اخر مره اطبخ
ضحكت انوار : اخ
ابتسمت دينا تعشق اللحظه هذي
- فهد -
عقدت حجاجها مشاعل : عساك شفتها ؟
ضربت فخوذها بتعب : انت رحت وتغيرت انا داريه ما ورا ذا الوظيفه الا الدشاره يالوصخ
حك جبهته يردف : امي هدي هدي بالله
اخذت نفس تلف على طلال اللي ابتسم : وينها ؟ تعرفها ؟ وكيف اهلها ؟
ابتسم فهد يلف لأبوه : في ابها وقد جت لمكتب التحقيق وابد سمعتها زينه وابوها من اكبر التجار ومعروف عايشين بقصر
عقد طلال حجاجه : وتظن انها توافق عليك ؟
بلع ريقه يستغرب
واردفت مشاعل : عايشه بقصر اكيد دلوعه ومن بنات ذا الجيل ما اتوقع بتوافق عليك
بلع ريقه يشوف عدم رضاهم وهمس : نحاول ؟
رمشت مشاعل عدة مرات وسكت طلال يناظر للارض بشرود واخذ نفس بتعب يوقف يخرج من عندهم يشوف عدم قناعتهم وعدم رضاهم
- مساء اليوم الرابع -
تناظر يمين ويسار تتاكد ان الكل نايم ومسكت جوالها تنزل وخرجت من القصر تشوف المطر وابتسمت بخفوت تجلس على الكرسي وفوقها مظله وتناظر لسواد الليل والمطر وزفرت انفاسها بتعب وابتسمت تتذكر انه قال لها
" لاتنسيني " ضحكت بخفه تردف بهمسها : وانا اقدر انساك اصلا ؟
نزلت نظرها تشوف اسم المتصل وعقدت حجاجها بصدمه وابتسمت ترد بسرعه : جارح !
يناظر للعساكره اللي نامو بعد مانتهو وبدات الدفعه الثانيه ومسك جواله بخفه يحط ذراعه تحت راسه في وسط الظلام وبين العساكره يتذكرها و يشتاق لها ودور لأسمها بجهة الاتصال وابتسم يدق يحط جواله بأذنه واغمض عيونه من وصله صوتها تناديه بأسمه اللي هي اختارته وهمس : لبيه
ماقدرت تكبح ضحكتها من فرحتها وعض شفته بابتسامه يسمع رنين ضحكتها وهمس : اشتقت لك حييل
ابتسمت بخفه تهمس : انا ما اشتقت
ضحك بخفه يشوفها مازالت تعانده ومستحيل تتنازل عن عنادها له وتمثيل كُرهها له وهمس : مين اللي يضحك قبل شوي عشاني اتصلت عليه ؟
عضت شفتها السفليه تكبح ابتسامتها : مو انا
هز راسه يسكت واردفت : بقفل
هز راسه بالنفي : لا سولفي لي وش صار مابي افقد صوتك اشتقت له
ابتسمت تهز راسها : دخلت القصر ورحت للغرفه اقفل خلاص ؟
غطى ثغره يكتم ضحكته وابتسمت تسمعه يكتم ضحكته واردفت : قلت شي يضحك ؟
هز راسه بالنفي : مايضحك بس ليه مستعجله ؟
رفعت نظرها للمطر اللي كل ماله يزيد بهطوله واردفت : عندكم مطر ؟
ابتسم يهز راسه بالنفي : انتي ؟
هزت راسها : كثير مره و طلعت له
ابتسم يهمس : تحبينه ؟
هزت راسها : اعشقه اذا شفته بجورجيا اصير كني بزر احب اركض فيه والعب فيه مع لوسي
بلعت غصتها من تذكرت لوسي وميل راسه بهدوء ماخفى عليه كبح دموعها من نطقت لوسي واكملت تهمس : ايام كنت اضحك قبل ماتدخل حياتي انت
اخذ نفس بتعب من ادرك انهم رجعو لنقطة الصفر : انوار ابوي كنت مجبور
مسحت دمعها تهمس ببحه : رضيت ترجعني لعذاب ابوي وانا استنجد بك ؟
اغمض عيونه من اعادة بباله مشهدها وهي تبكي وتستنجد به وهمس : اسف
هزت راسها تبلع غصتها : هذي كلمتك يا جارح ليه تقول اسف وانا مسميتك جارح ؟
ابتسم بهدوء : ماقد اذيت بحياتي انسان مثلك وماقد اعتذرت بحياتي لأحد غيرك وماقد خضعت لحُب احد ثاني غيرك
اخذ نفس يهمس بتعب : انوار انا احبك كيف تلوميني اذا وقفت قدامك وما اندفع لك ؟
اغمضت عيونها بضيق : وانا ما احبك انا احاول اجرحك مثل ماتجرحني
ابتسم بضيق : رجعنا للبدايه ؟
رفعت نظرها للسماء تشوف المطر اللي قل وبدا يوقف وكأنه ماينزل الا وقت فرحها وسمعته يكمل بهمس : والله واللي خلقني يا انوار اني اندم
بكت تهمس بهمس محروق : وش يفيد الندم ؟ وش ؟ بيجبر الكسور اللي كسرتني فيها ؟ بيمحي ذنوبك ؟ بيزرع بداخلي محبه لك ؟
وصلها صوته التاعب : ياليت ، اتمنى
هزت راسها بهدوء : افهم ماحبيتك جارح بس انا ضعيفه عندك وقدامك
ابتسم يميل ثغره : طيب احبك
اغمضت عيونها تبتسم وهمست : تعقب
ضحك من وصله صوت اقفال المكالمه
