بسم الله
- انوار -
ناظرت لطرف الباب المسكر وعضت شفتها تحاول تفتحه وتجيب جوالها لكن عاجزه عن القوه ومشت بالبيت وابتسمت من شافت مسدس واخذته بكفوفها شي ابدآ مو لايق على يدها ومشت بخطاويها وهي تعرج
ابتسم يشوف الكبريت وبدا يولعه : احرقك واحرق ولدك
وشغله وابتسم يرميه ويشوف النار اللي تبدا تكبر وركب سيارته يحرك باتجاه معاكس
مشت وشهقت تشوف البيت اللي غطاه النار ولا تقدر تخرج من النار اللي مغطيه الباب ورجفت تنزل دموعها بخوف : لـ لا لا
ورجعت تركض تدور مفر وبكت تصرخ وتطلق النار عن الاشياء اللي تعترض طريقها جاهله انها تزيد النار بالنار وصرخت بتعب : لالالا
وشهقت تشوف الباب اللي سقط وبكت تغطي ثغرها بصدمه
ارتخت ملامحه بصدمه يشوف الحريق وصرخ بعلو صوته : انوار !
بدا يزيد السرعه وهو يرجف ولف يشوف الشرطه والاسعاف اللي تعداهم وهم يحاولون يلحقونه واسرع بسيارته ووقف سيارته بسرعه وطريقه مجنونه ومتهوره ونزل تارك بابه مفتوح وصرخ : انوار انوار
ماسمع اي رد وارتجف يشوف الباب يكسيه اللهب ورجف يعيد صراخه : انوار انوار
دار حول البيت يركض ويصرخ وجمد محله مايسمع صوت
تناظر للتراب حولها قدرت تطلع من الشباك الخلفي وهي تبكي وترجف وركضت بخطاويها تنحاش وتركض ماتبي عساف يلحقها وبدت تركض تركض جاهله وين تهرب وهي تصرخ بألم
لف يشوف اللهب اللي بدت تختفي من رجال الاطفاء وكح بتعب ولف يشوف العسكري اللي هز راسه بالنفي : مافيه احد
اغمض عيونه بتعب ولف يدور حول نفسه يدورها بعيونه يجزم انها هنا وركب سيارته بسرعه يسوق وصدره يهبط وينزل من الخوف والرجفه
لفت تشوف نور سياره يقترب ونزلت دموعها تركض تجهل من هو لكنها تظن انه عساف ورفعت المسدس وهي تركض وتشهق بتعب وبدموعها وصرخت من شعرت بقرب النور وزادت بسرعتها رغم تعبها
عقد حجاجه يشوف شي يركض وبلع ريقه يزيد بسرعته ويسمي وسرعان ماخرج من الشباك يصرخ : انوار
جمدت ملامحها تسمع صوته واغمضت عيونها تزيد بركضها وهي تبكي ونزل من سيارته يركض : انوار
صرخت تغطي اذنها : ابعد ابعد
ارتخت ملامحه يسمعها وهمس : انوار !
رفعت المسدس للاعلى تطلق النار وهي تبكي : لاتقرب مني ابعد ابعد
سكت ثواني يدرك انها بحاله هستيريه من التعب والجنون والخوف واردف يرفع كفوفه يهديها : انوار ابوي انا راجح ولا جارح اللي تبينه
بكت تطلق مره ثانيه وتصرخ : ماعرف احد وخر مني مابي احد
تقدم لها يركض لها بخوف : ابوي انوار
بكت ترمي المسدس وتغطي اذنها وهي تبكي وفتح ذراعينه يحضنها بسرعه : انوار !
بكت تسمع صوته عن قرب ورفعت ذراعينها لأول مره تبادله وتشد عليه ، تشهد لهم عتمة الصحرى ورياحها على رضى الطرفين على هذا الحضن ، حضنته تلمس امانها في حضنه وبكت تشهق : راجح وين كنت وين ؟
اغمض عيونه من نطقت اسمه : موجود يانظر عيني موجود
بكت بعدم حيلتها وهمست بهمسها : فاتك وش سوا فيني عساف
اغمض عيونه يشد عليها يشعر بانتفاض جسدها ورجفتها وحس بثقل جسدها ورجف بهدوء يهمس : انوار
ماسمع لها صوت ورجف بصدمه يشوفها ماتتحرك ولاتنطق وركض بها لسيارته يمشي للمستشفى تارك كل الناس اللي جابهم يسعى بطريقه وهو يعاود تكرار اسمها : انوار
يعيده على امل انها ترد عليه لكن بدون اي فايده
