يا ظلامي الدامس يا غربة انواري

١٦

بسم الله

- اليوم التالي -

فتحت عيونها ماتشوفه بجانبها ومسحت على وجهها تدرك انه طالع ووقفت تغتسل وتمشي تطلع فستانها وتسكر شنتطها ومشت للمرايا تبدا تسوي شعرها ولفلفته بشباصات لأجل يثبت واخذت المثبت ترشه على شعرها واخذت الكريم تربط وجهها عشان تبدا بالميكب ولفت على صوت الباب تشوفه داخل وصدت بهدوء تكمل وابتسم يتقدم : تتجهزين ؟
هزت راسها تحط الميكب وهز راسه يبتعد : انا بنام المغرب قوميني
هزت راسها تشوف يرتمي على بطنه ويحضن المخده وينام واخذت نفس تشيل الميكب وتسكر اللمبات تخرج واغمض عيونه يدرك انها خرجت ومشت هي لصاله عند المرايا تكمل

- بيت متعب -
واقفه تناظر للقهوه ولفت على ريناد اللي نطقت : غيم روحي ارتاحي
هزت راسها بالنفي تبتسم : لا خالتي ارتاحي انتي
ابتسمت ريناد توقف بجانبها وابتسمت غيم تكمل الشغل وتكسب محبة خالتها لأجل تنفذ خطتها

- شقة راجح -
خلخلت اصابعها بشعرها تفككه وابعدت شعرها عن شفتها لأجل مايلزق بالقلوس ومالت بجسدها لليمين تميل شعرها وتكمل تفكيك وداهمتها ريحة عطوره واغمضت عيونها تصد منه وتكمل ومن نوت تستقيم سحبها هو من خصرها يرجعها لصُلب صدره ورفعت رأسها بذهول تناظره وميل راسه يبتسم وعقدت حجاجها من ابتسامته وانحنى يطبع قُبله رقيقه على خدها النقي وابتسمت تبتعد منه : انزل بجيك
هز راسه يمشي ينزل واخذت عبايتها تلبسها وتحط طرحتها تمشي للاسفل وركبت السياره بجانبه تسمع البروق والرعود وابتسمت تهمس : مابي مطر اليوم
ابتسم يحرك السياره : كشختك ؟
هزت راسها ترخي ظهرها على الكُرسي تاخذ نفس بخوف من اللي بيحصل خاصتآ نظرات ريناد بالعرس ماكانت تطمنها ابدا ولفت تمسك ذراعه تهمس : راجح
لف عليها : هلا

همست : ماراح تروح وتخليني صح ؟
ضحك بخفه يصد للامام : انتي رحتي وخليتيني
هزت راسها : انا رحت عشان دينا اشتقت لها بس انت ؟
ابتسم بطرف ثغره رادف : انا اروح عشان ماشوف الحريم
تركت ذراعه تاخذ نفس ولف عليها : ولاتبيني ادخل ؟
هزت راسها بالنفي : سلامات ؟
ضحك بخفوت يصد للامام : عينك على امي ساعديها لاتتركينها اليوم بيجون ناس كثار
هزت راسها ترتخي : لاتشيل هم
ابتسم يحضن كفها ويقبله : كيف اشيل هم وانتي اللي هناك؟ المفروض اشيل هم قلوب المعازيم
ابتسمت ماتلف عليه وتناظر لشباك

- بيت متعب -
دخلت تسمع ضجيج العائله واخذت نفس تشيل عبايتها وتلتقي في غيم اللي عند الاستقبال وصدت منها بهدوء تعلق عبايتها تكشف عن فستانها المخصر ومزين بورود زرقاء ومشت للمرايا تعيد على روجها وتنثر شعرها ومشت للصاله وبيدها شنتطها تبتسم ولفو عليها المعازيم يبتسمون ويوقفون لها ، يتهامسون بمدحها ، ماينتقد غير الحاسد ، تمشي وتميل بجسدها برقه وهي تسلم ومن انتهت ساقت خطاويها تجلس على الطرف وشافت ريناد وقفت ومشت خلفها تدخل المطبخ تنوي تساعدها ولفت عليها ريناد رادفه : ارجعي
بلعت ريقها تهمس : بساعـ
بترت حروفها من دخلت غيم ترفع اكمامها : خالتي اساعدك؟