يا ظلامي الدامس يا غربة انواري

النهايه

الحمدالله

ارتخى بذهول يشوف بوسرا اللي حاضنه انوار وتبكي وهز راسه بالنفي وقلبه يتسارع بنبضاته وهمس : انوار !
ابتعدت من بوسرا تلف عليه تمسح دموعها وتشهق وابتسمت تهز راسها وتقدم هو يلمس كتفها ووجهها يتاكد انها هي ! ورمشت تطيح دموعها وابتعد يصرخ : لوسي !
خرجت لوسي بيدها لوحة الرسم تركض لابوها وشافت بوسرا وبورج اللي واقفين امامها مبتسمين ونطقت بفضول : امي لماذا تبكين ؟

ابتعدو يتركون انوار توضح لها ونزلت انوار على ركبها تبكي وتفتح ذراعينها وطاحت اللوحه من لوسي تناظر انوار بذهول ورمشت عدة مرات تنطق تتاكد : انوار ؟
عضت شفتها تهز راسها تأكد لها : لوسي !
مشت بخطاويها تسرع وارتمت بحضن انوار تنزل دموعها بطفوليه ، وشوق لعب فيهم وشدو على بعض يبكون وابتسمت انوار تطبطب على ظهرها ناطقه : لوسي اتيت !
بكت لوسي تشد عليها : كُنت اعرف كُنت اعرف لن تنسيني !
هزت راسها انوار تبتعد وتمسح دموع لوسي : لن انساك للابد !
ابتسمت لوسي تميل راسها وتلف على راجح وكشرت ملامحها ناطقه : لماذا اتى !
رمش يبتسم بذهول يسمع ضحكاتهم المتراكمه واردفت بوسرا : تعالو لداخل
هزو روسهم ومسكت لوسي كف انوار ودخلو داخل يتوزعون في طاولة الطعام وجابت بوسرا الشاهي تصب لهم واردف بورج بتعجب : ماذا حصل لماذا ذهبتي بدون وداع ؟
رمشت تبتسم وحطت كفها على كف راجح وتنطق بلغتهم : ذهبت الى عائلتي وها انا عُدت بخير !
ابتسمت بوسرا : وراجح ؟
لف يبتسم من عرف احد اسمه اخيرا وابتسمت بهدوء تلف عليه ناطقه : زوجي

اعتلت الصدمه وجيهم وضحك بخفه يسمع لوسي : ماذا ! لالا الم يأذيك ؟
هزت راسها انوار بالنفي تمسح على شعرها : ابدآ
ورمشت لوسي بزعل : لماذا لم اعلم !
ابتسمت انوار تهمس لها في اذنها تغير من مودها : لدي طفل
ابتعدت لوسي توقف بذهول كونها فهمتها ولأن انوار ماعرفت تشرح لها وناظرت لوسي لبطنها تصفق بيدينها : طفل !
لفو بوسرا وبورج على انوار مذهولين وابتسمت بخجل تشرب من الشاهي وجلست لوسي بفرحه تمسك بطن انوار بكفها : صغير جدا !
ضحكت انوار بخفوت ونطق راجح يبتسم : تُريدين معرفة اسمه ؟
هزت راسها بسرعه ونطق بابتسامه : متعب
رمشت تعقد حجاجها من غرابة الاسم عندهم واردفت انوار : اسم عربي
هزو روسهم بوعي يستوعبون وماهي دقايق حتى امتلى المكان بضجيج سوالفهم وضحكاتهم المتراكمه وسرورهم بهذا اللقاء !

- بعد مرور شهور -
نزلت نظرها لبروز بطنها وتتحمل في اخر شهورها ورفعت نظرها للي دخل وابتسمت تشوفه ماسك كيس فيه توت مثل ماطلبت ونزل الكيس على الطاوله يبتسم ومشى يغسل التوت ويحطه بصحن يتقدم لها واخذته بحضنها تهمس : شكرا
رمش يتأملها تأكل وهي مُرهقه وجلس بجانبها يرجع شعرها خلف اذنها هامس : كيفك اليوم ؟
رفعت نظرها له تهز راسها وتتنهد : تعب مره
قبل خدها بهدوء ناطق : تحملي كلها ايام ويشرف متعبنا
ابتسمت بخفوت تصد للتوت واردفت بهمس : وش صار على امك ؟
اخذ نفس بضيق يخلخل اصابعه بشعره : هذا الاسبوع الثاني من عزاها ولاني قادر استوعب
رمشت بضيق تشوفه حزين وحطت الصحن على الطاوله رادفه : راجح
لف عليها بانتباه ورفعت ذراعينها تدفن وجهه بعُنقها تشعر بضيقه ورجفة كتمانه وميلت راسها بتعب تهمس : ابك !
اغمض عيونه كونها لها ايام تطلبه يبكي شوي ويفرغ لكنه يرفض لكن اليوم وصل لاخر حده من الكتمان وابتسمت تشعر بدموعه على عُنقها واطراف تيشيرتها دقايق قليله وابتعد يمسح دموعه ماينوي يتعبها زود تعبها واردف : تنامين ؟
رفعت اكتافها بجهل : مدري اذا بغيت انام نمت بس انت ؟
رمش يبتسم من حرصها عليه ونطق يطمنها : معك
ابتسمت بهدوء تلف على جوالها اللي يرن واتسع مبسمها ثواني ترد بلهفه : دينا !