"អូន... អស៎ មកពីលោកប្រធានាធិបតីខោកក្បាលអូនមុនហ្នឹង ទើបបានជាអូនទៅជាភ្លើបែបនេះ ឃើញទេៗ? គិតអីក៏មិនឃើញដែរ ខួរអូនផ្អាកដំណើរការហើយ"
"..." ម៉ៃឌ្រេដ៍ខឹងឡើងហុយផ្សែងតាមច្រមុះ។ មុននេះគេនិយាយសាច់ការច្បាស់ណាស់ ម៉េចក៏នាងធ្វើឱ្យក្លាយទៅជាសាច់កាប់អ៊ីចឹង?
"លោកប្រធានាធិបតី" នាងក្ដាប់កាតយ៉ាងណែនហើយមើលមុខគេទាំងភ័យ។
"..." ម៉ៃឌ្រេដ៍នៅតែមិនមាត់ គេបែរមុខទៅម្ខាងយកតែផ្កាបណ្ដូលផ្កាឈូកមកផឹកយ៉ាងព្រងើយ។
"លោកប្រធានាធិបតី អូនអាចចាយកាតនេះបានទេ?"
"ហ៊ឹម"
នាងតូចស្ទុះឡើងវឹងទៅចាប់គេថើបថ្ពាល់ទាំងសងខាងហើយចុងក្រោយគឺថ្ងាស់។
"ធ្វើស្អី?"
"ចាំអូនជួយចាយលុយលោកប្រធានាធិបតី" នាងកាន់កាតយកទៅដាក់ក្នុងកាបូបដៃរួចទើបទាញអាវក្រៅធំមកកាន់ទំនងជាត្រូវចេញទៅក្រៅ។
"..." ម៉ៃឌ្រេដ៍ឈ្លីម្រាមដៃតិចៗទាំងមុខស្មឿកៗ។ នាងចាប់ថើបគេស្រស់ៗលែងខ្មាស់អៀនអីអស់ហើយ ពេលនេះគេបែរជាអៀនទៅវិញ។
តែផ្ដាស់មែនហើយ!
នៅជាន់ខាងក្រោម
ម៉ាកដើរសុខៗក៏ត្រូវស្រីរបស់លោកប្រធានាធិបតីចាប់អូសកទាំងរស់។
"អេស៎ អ្នកនាងនាំខ្ញុំទៅណា?"
អេណាស្រាប់តែឈប់ស្ងៀម ព្រោះទើបតែនឹកឃើញអ្វីម្យ៉ាង។
"ត្រូវហើយម៉េចក៏ខ្ញុំជាអ្នកអូសលោក លោកអូសខ្ញុំទើបត្រូវ ឆាប់ឡើងខ្ញុំចង់បានសៀវភៅប្រលោមលោកច្រើនក្បាលខ្លាំងណាស់"
ម៉ាកឃើញនាងស្លន់ចង់បានសៀវភៅបែបនេះក៏មើលជុំវិញសិនមុននឹងឱនសួរ។
"ចង់បានសៀវភៅ ហើយមានលុយទេ?"
"មាន!" អេណាលើកកាតខ្មៅបង្ហាញឡើងជិតស្ទើរតែធ្លុះដល់ភ្នែក ឱ្យគេបានឃើញច្បាស់កម្រិត HD។
"អ្នកប្រុសវេរកាតឱ្យវិញ?" ម៉ាកឡើងចំហរមាត់ ព្រោះលើកមុនអេណាសាងកំហុសធ្ងន់ណាស់ នាងធ្វើឱ្យបាត់កាតស្មើនឹងបាត់លុយមហាសាល សំណាងហើយដែលយកកាតមកវិញបាន។ លើកនេះបែរជាឱ្យទៀត ទំនុកចិត្តលើស្រីសម្បើមណាស់!
YOU ARE READING
ការចងចាំស្នេហ៍ដ៏ឈឺចាប់
Romance"ម៉ៃ... ម៉ៃឌ្រេដ៍" អេណាសម្លឹងមើលមាឌធំក្រអាញឈរបែរខ្នង។ កែវភ្នែកនាងរលីងរលោងពេលនឹកឃើញដល់សកម្មភាពដែលគេធាក់នាងមួយទំហឹងនៅថ្ងៃនោះ តែនាងមិនចាំថាព្រោះហេតុអីនោះទេ។ ម៉ៃឌ្រេដ៍ឈរអានសៀវភៅបែរមុខទៅទូរសៀវភៅ ហាក់គ្មានប្រតិកម្មនឹងការដឹងខ្លួនរបស់នាងឡើយ។ "នាងចងចាំយើង?"...
