~يوم البروفة ، بوتيّك مرج للأزياء~
تجمعت الدموع بمحاجر عيون شهايد من خرجت ريداء بفستانها الأبيض تبتسم بخفوت : حلّو ؟
وقفت شهايد تحضنها بمشاعر متأثره : حلّو وبس ؟ الا يجنن وأنتِ اللي تحلينه يأمي الله يحفظك من عيون الحساد !
بادلتها الحضن بـ أبتسامه واسعه تبتعد عنها تناظر أمواج الداخله بـ أستعجال ترمي أغراضها على الطاوله تناظرها : بديتوا بموجات الدموع ؟ أنتظروها تنزف علاقل !
ضحكت شهايد تمّسح دموعها ، وقفت مروج تلّتمس فستان أختها بعنايه : ضابط ؟ يحتاج تعديلات أخيره ؟
لفت بجسدّها للمرايا الكبيره تناظر طلّتها بالفستان كامل لأول مره تلّبسه بعد ما كانت تشوفه متلبس المانيكان فقط ، تناظر القماش الصافي المطرزّ على جوانبه ورد باللون الأبيض ببريق وردّي ، أكمامه نازله على الكتف بقصه مذّهله تبرز عُنقها وكامل نُحرها من بدايته يضيق على الصدر ثم يتوسع مع تطاريز الورد المتلونه بالوّردي الفاتح مع كريستال فضيّ وكريستال باللون الوردي اللامع ومن الخلف مرسوم على شكل نجمه بتصميم خيوط وبالأخير يتوسع على طوله أكثر وأكثر يوضح فخامته وجمال تفاصيله وتطريزه
وأبتسمت مروج بايدها الطرحه تعدلها على رأسها الطرحه المطرزّه بالورد الوّردي باطرافها وبدايتها فقط يتزّين باقيها بالكريستال الفضي مع اللولو الورّدي بمكس رهيبه يناسب الفستان وطلتها
زمت شفايفها تقدم أطرف طرحتها المطرزه بالوّرد تستر أكتافها وهمّست مروج : أزيد الورد الوّردي بالمقدمه يستر أكتافك ؟
قفزت أمواج بعقده حاجب : ليه ؟ حلو الفستان بكل تفاصيله وأنتِ حليتيه والله لا تعدلين شي !
ضحكت ريداء بخجل تنطق مروج : الأخت ماتبي أكتافها تبرز الا لزوجها حبيـ
دقتها ريداء المتورده خدودها خجل ، وضحكت أمواج تدقها بكتفها : حركات المُحبين هذه لا نحبها ولا تروّق لنا يا ويلك تغطين أكتافك بالطرحه بذبحك !
نطقت شهايد الجالسه بجنب كرسي سهى : هيا يا بنات خلصونا قبل لا تصحى سُهى !
لفت ريداء بثقل فستانها تعدل طرحتها بـ أبتسامه : فستاني ضابط ولا يحتاج تعديلات دور مروج !
أبتسمت مروج تدخل خلف أختها تساعدها تنزل فستانها ، ودخلت الغرفه الثانيه تلبس فستانها المختارته بتصميم خاص مختلف صممته بنفسها تتميزّ عن غيرها تشوف الأندهاش بعيونهم الزايغه تنطق شهايد بصدمـه : مروج وش سويتي ؟
تقدمت أكثر بفستانها الأبيض المشّع الملي بتطاريز غصون الأشجار البيضاء بتلّوين داخلي بالون الاخضر الفاتح تلّمع مع لمعان أبيض فستانها المتنوع بكثير الكريستال باللون الأخضر الياقوتي تلتف أغصان الأشجار بحركه تمويج مذهله للأعلى لفتحه الصـدر المضخمه مع أكمام نازله على بدايه الكتف فقط تستكمّل طريقها باكمام طويله من الشافون المزيّن أطرافه بالكريستال الأخضر ، تنحني بعض الأغصان الخضراء على شكـل لولبي للأسفل وبعده يتوسع تدريجيًا على طوله الفخم مبرز طول جسدها
تنطق مروج بـ أبتسامه : ? I am special
صفقت أمواج بحمّاس : سبيّشل سبيّشل سبيّشل مـره !
هزت رأسها شهايد بعدم رضى : يا بنتي وش بيقولون علينا الناس ؟ عروس ولا شجره ؟
أنفجرت ضحك ريداء بعدم قدره على كبّت ضحكتها وضحكوا كلهم من شُده ضحكها تميّل شفايفها مروج : أنا شجره ومحد له شغل !
وافقتها أمواج المشجعتها ونطقت ريداء بـ أبتسامه : خليّها شهايد ما يقدر عليها الا ربها !
وقفت شهايد تضمّ أيديها بحنيه : عاجبك يأمك ؟ يزّهاك وأنتِ تحلينه الله يسعدك يأمي !
