هَوس دَين الله

3

رَحمه :
فتحت عيني ببطئ وضرب راسي صداع خلاني على وشك اني ابجي فركت راسي محاوله اخفف الوجع وهنا تداركت الموقف وشصار قبل لا يغمى عليه شفت نفسي بغرفه صغيرونه فارغه ويحيط بيها الضوء الأخضر الي بث بداخلي الرعب محاولت اروح واشوف الباب لان اكيد قافليه مكدرت ابجي ولا اطلع اي رده فعل مجرد بقيت صافنه بزاويه الغرفه وعيني على احد الزوايا الي كدامي من الخوف والرهبه الي بيه كمت اتخيل اشياء

كمت اتخيل طفل قاعد كدامي حرفيا شكو فلم رعب شفته بحياتي مَر كدام عيني هاي اللحظات

قاطع تحديقي المستمر للزاويه الي دام فتره ما اعرف شكد احد يفتح الباب ويواليها دخوله
الاضاءه جانت مو بصالحي مكدرت اشوف شكله لكن ضخامه جسمه ارعبتني هذا لو يضربني راشدي اتبنج سنه

المجهول : اي واخيرا كدرنا نجيبج طبعا احب اشكرج لان صرتي نقطه ضعف لابوج العار

رحمه : احترم نفسك ولا تغلط عساس انت فد شخصيه وتحجي على أبويه روح شوف نفسك أول وبعدين تعال اغلط

المجهول : ما شاء الله الاب ك** والبنيه ك*** خوش نسل

رحمه : يشرفك ويشرف ميه مثلك

مجهول : اعرفج بنفسي اني عماد اترأس كروب معادين ابراهيم الم***

رحمه : فشر بعد واتحداك تجيب الي يسكتني

ضحك ضحكه مقززه

عماد : لا دخيلج كمت ارجف

رحمه : اوي اعصابك لا تموع

عماد : لا وتحششين ما شاء الله

رحمه : عبالك راح ابقى هنا؟ صدكني ابوي يلكاني لو بسابع سما ما دام الله سبحانه وتعالى يريده يلكاني فراح يلكاني وبهذاك الوقت صدك راح يرجفلك هواي اشياء

عماد : اي ننتضر ونشوف

شافته وهو يطلع عايفها ويه الضلام والتخيلات الي راح تخبلها

___.
___.
___.

- لك يابه نلكاها بإذن الله بس اهدء يمعود راح يعلك ضغطك

اردف وهو يحاجي الشخص الي كان على وشك الجنون منذ ان اجاه خبر من رئيسه يطلب منه يتولى قضيه البنيه المخطوفه

" لك ماهي وين الكاها ، وين راحت ، وليش اخذوها ، وهسه شلونها

- بس كول يا الله هسه نهدأ ونحاول نحل المصيبه الي حلت علينا

" متتحمل هي  لا متكدر ، اكيد هسه حاطيها بغرفه ضلمه تخاف ولك تخاف هسه جاي تتخيل اكو اشياء ،

- باع بس صلي علنبي وهسه نمخمخها ونبدي نحلها بعون الله نلكاها بس كول يا الله