هَوس دَين الله

23

ما السر في صوتك؟ ليس عادياً ، ينزع الحزن من عُمق صدري ويصنع بداخلي شعوراً اجهله تماماً ولكنه يُعيد رغبتي
للحياه ، يجعلني أتنفس .

***

يوم عادي وعايشين طبيعي فجأه اجت رساله لدين خلته يصفن وبينت ملامح العصبيه بوجهه

- رحمه نزلي وياي جوه
- تمام

حجيت لان شفته نزل بسرعه
جمعهم كلهم بالصاله وهو متوتر واعصابي تلفانه

حجه علي

- شبيك يمعود انحولنا وانت بس تفتر

- باعو هاي الصاله متطلعون منها اليوم فهمتوا لو لا الي يطلع جد جده اسلكه

- ياه ليش شكو يا ستار

صاحت العجوز الشمطاء وهو لبسها مجاوبها كبل صعد فوك ونزل لازم سلاحه وجاي يلقم بيه
واني لازمه كلبي من الخوف خاف يصيرله شي

راح يريد يطلع حتى يسد الباب علينا ركضت عليه

- دين صدك تحجي وين رايح
- رحمه ابوس ايدج بس هالمره عوفي العناد وابقي هنا

- ما انت اكيد تخبلت تريد تحبسني هنا ؟

تقرب حصرني بالزاويه وهو يهمسلي

- غيمتي اجه تهديد واحد ابن ك** يكلي ابقى بالباب اليوم لا اهلك يودعون لان اني استلمت قضيه مخدرات وسجنت روس كبار
فبداعتي عندج ابقي هنا اذا بس انجرحتي اتخبل والله

- دين ما اني ابقى وياك طالعلهم وحدك لعد هذول مو زلم شكدهم شكبرهم

- رحمه اسلحتي كلها بمكان شغلي بس هذا والولد مبقيهم يمكم كلشي يصير اكو جهال ونسوان ماكدر اعوفكم وحدكم

- دين لو يجي مدري منو ماعوفك يعني تريد تحميني وانت رايح شامر نفسك وانت حتى متعرف شكد هم

سحبني بغير غرفه وحضني وخر لازم ايدي

- اني طبني مرض اهم شي انت ماكدر افرط بيج رحمه انتِ كل هلي

- هو شنو طبك مرض مااا يعني متفكر بيه اذا صارلك شي لا سامح الله وين اولي وين انطي وجهي

- بحيل الله ميصير شي هسه طبي خل اقفل الباب

- بابا دطير وياك يعني وياك يخاف عليه وميخاف على نفسه

باوع عالساعه واعصابه انهارت اكثر لزم ايدي وباسها

- اترجاج رحمه اني حرفيا هسه جاي اتوسل بيج حبابه ابقي

- مااا

نزل على ركبه ولزم ايدي

- حبابه

شو هذا جاي ينزل شويه شويه خفت لا يسويها ويكعد يم رجلي

- دين كوم

- رحمه ابوس ايدج طبي

- دين ليش تسوي هيج اني خايفه عليك و اذا صارلك شي اموت