هَوس دَين الله

19

أريد أن أضمه كطفلي
أن أمرر يدي على وجهه الحبيب
وأداعب حنجرته النافرة كالنهد
أي جرس ينوح فيها ؟
أي هزار يرقد فيها رقاد الفراعنه ؟

☆☆☆

شنو؟ عيون الكل توجهت نحوي كلهم مصدومين بس بنفس الوقت شفت فرحه الشماته بوجههم هاي شديحجي صفنت عقلي توقف عن التفكير بدون وعي باوعت لدين شفت شرايين جبهته مبينات ليش ميحجي شي ؟ ليش ميرد ؟ اباوعله رافعه حاجبي انتضره يرد ويفشلهم بس ليش مجاي يحجي

- د_دين

باوعلي وعيونه انملت اسف
لا لا لا ليش عيونه تباوعلي هيج

- دين
نطقت بصوت عصبي اكثر

لزم ايدي
- كومي رحمه

دفعت ايده .
- شنو كومي شجاي يحجي

- امشي واني افهمج

- احجي هنا شجاي يحجي

فقد اعصابه وجرني حيل جاي اقاومه اريد تفسير واني احس اعصابي على شعرايه بس اول مره اعرف قبضته هيج قويه جرني صعدنا لغرفتنا دفعني جوا وقفل الباب

- شجاي يمسلت هذا الجوه

صحت بوجهه
- لا تصيحين هسه افهمج

- شتفهمني واني اكول شبيك اليوم طلعت راح تخطب  ، رجلي راح يخطب واني اخر من يعلم

- بس اسمعي

اكره دموعي الي تنزل بهيج لحضات

- دين سمعته شكال كبالهم واني انتظرك تحجي شي بس انت ساكت شفت شلون يتشمتون بيه وانت ساكت محجيت شي عوف هاي كلها تخطب ؟ سجى ؟ ليش لعد اخذتني اذا هيج صارت خليتني احبك واتعلق بيك واتزوجنا فوكاها وتريد تجيب وحده فوكاي ، اني؟

- لج بس سمعي لخاطر الكاظم

- ماسمع شسمع يعني دين انت مجاي تفهمني اني احبك حيل لدرجه جبيره لا اني صرت مهووسه بيك باوع باوع لحضه
ركضت مثل المخبله على تلفوني وطلعتله الألبوم

- شوف شكد صور وفيديوهات وشوف هاي من غنيتلي دائما اسمعه وهاي صورتك الي اخذتها الك بالسياره وطلعت تجنن اضل ساعات اتأمل بيها اني مو بس احبك ديني انت صرت حياتي

صافن ووجهه مصدوم من كميه حبها الي ما توقعها هو عرف ان هي تحبه بس مو لدرجه هوس يعني الفين صوره وفيديو ؟؟ الله اكبر تلفونه مابي صوره وحده اله

تقربت منه ولزمت ياخته

- دين اذا تزوجتها اني راح اعوفك واني ماريد اعوفك حباب

نزلت دموعي واني اباوعله وكل الي خطر ببالي شكله وهي حاضنته وتبوسه او يعاملها مثل ميعاملني هنا زاد البجي

- لج بابا انطيني فنتك احجي اكلتيني بكشوري

نطق وهو لازم وجهها ويمسح بدموعها رفعت عينها اله وهنا انسحر بمنضر عيونها للدرجه الي خلته ينسى الكلام الي راد يكوله بس تمالك نفسه لان اذا متكلم هسه راح يتطلقون بجديه