هَوس دَين الله

14

مليء هاتفي بتفاصيله ، بملامحه ، بكلماته ، بصوته ، بملامح وجهه ، لكنني ما زلت اطمع في أن تكون هنا بين يدي .

¤¤¤

ثواني مرت ولا زال صافن حتى وترني ..

- شبيك عزه شو ضربتلك دالغه
- عيديها
- شنو
- عيديها
- ا- احبك
اشرلي بيده اتقرب وكف كلبي جان يأشرلي مره ثانيه تقربت وماحس الا جرني من ايدي بحيث حسيت ايدي راح تنخلع حط شفته بقوه على مالتي وكام يعض بشفتي حيل حسيته تخبل يعصر بيدي وبركبتي بحيث حتى الخياط مالته حسيته راح ينفتح دفعته بالكوه لان مجاي يقبل كل ما اوخر يسحبني

- شبيك دين تخبلت
لزمت شفتي ورمت الدمعه صارت بعيني شهل فشله هسه اذا اجوي اخوانه شنو موقفي

- دين تخبلت باع شفتي شصار بيها هسه شكول لاخوانك

- ياكلون نعل تعاي مصه ثانيه

- استغفرالله

بعدت عنه مسافه امان واشوفه يباوع لكل حركه اسويها

- احم لا تباوع هيج شبيك
- ماكدر

لزم ايدي وكام يبوس بيها

- متعرفين شكد احبج هسه اطلع كلبي وانطيه الج ماكدر اوفي بشوي من حبي

- خلي كلبك بصدرك وحبني بيه تنطينياه شسوي بيه احطه مزهريه

ضحك وضرب ايدي خفيف

- مو مال غزل

استمرت كعدتنا واحس بمي بارد على كلبي دين رجع مثل قبل
مرت ايام ودين يتعافى شوي شوي واني بين يوم ويوم يمه ويكعد يبوس ويتغزل بيه واني كلبي يزهر بكلامه وتصرفاته مادري شمسويه والله سبحانه وتعالى جازاني بيه احسه اجه هديه بالنسبه الي

بيوم كاعده بغرفتي وهاليوم كعدت واني اجتني رغبه لدرجه عيوني دمعت رغبه اني اريد احقق حلمي واعيش الحياه الهادئه الي رايدتها من اني وصغيره

اباوع بتلفوني واحسد الي عايش بالاماكن الي هيه حلمي تنهدت واخذت كتاب وكعدت اقره على الرغم من اني هواي عالتلفون وأهلي اربع وعشرين ساعه يرزلوني  لكن احب الكتب لدرجه مرعبه لكن ممشتريه هواي كتب اقراهن عالنت وكذلك اتابع مسلسلات وافلام هواي