هَوس دَين الله

16

ينظر إلى بإعجاب كأنّ في ملامحي جميع أحلامه .

*****

كلبي خايف وكلش ممستعده للحياه الجديده مابقى بس 5 ايام وخلص اصير زوجه دين للابد ان شاء الله اكيد بس حرفيا احس اريد اموت من الخوف الشي الوحيد الي مخفف عليه أن دين شخص متفهم ويحبني اكيد مراح يجبرني على شي ماريده صحيح ؟

امي منعتني تماما اني اتواصل وياه واخذت تلفوني وتكلي ميصير وعادات بلا بلا ..!

بين التجهيزات والخوف والقلق الايام انقضن وهاي اني كاعده يم ام الصالون روحي احسها تريد تطلع  من الخوف واصلا مكعديني بالسته واني نايمه بثلاثه يعني عبالك طلي .

طلبت مكياج خفيف لان البدله تصميمها بسيط بس احسها اسرتني اول مشفتها تربعت بالكاع  الا هاي ماريد غيرها  .

اربعه ساعات وبعدها تعدل بشعري ومكياجي نوب متت جوع فاطمه والبنات اخواته نسوني شوي من قلقي بضحكه بسالفه مانسالهم هذا اليوم جانوا وياي بكلشي

اجه ابوي وياه اخوي حتى ياخذوني جنت ملفوفه عبالك لفه اول مطبيت السياره نزعت البركع شو ابوي شافني منا بجى منا شنو السالفه

- شنو يابه نفتحن بواريك؟
- طاحضج بيوم عرسج وتملستين

اباوع لأخوي حاصرته البجيه وعيونه مدمعه بس يكابر ميريد يبجي ابتسمت وفرحت وهم ردت ابجي على رده فعلهم

- يابه انيهم راح ابجي بس لا تسوون هيج

ضحكو ووصلنا للبيت شافتني امي هم بجت يبو ياليوم الاكشر يوم البواري العالمي

عساس قاعه فلازم كلنا نمشي للقاعه واني تعبت صدك حتى زواج ماريد
كعدت امي تحصني وابوي يباوعلي واخوي يباوع عالطريق بس حتى متجي عينه عليه

وصلنا القاعه وكعدوني عالكوشه حلوه اباوع للبنات لبسهم حلو وساتر الا وحده حيه صغيرونه
ابرار ... وياي بالمدرسه جانت وصراحه معزمتها جايه بمحض ارادتها لابسه فستان اسود مخصر عالجسم وقصير وهي جسمها حلو طويله ورشيقه

مرت نص ساعه او اكثر وفجأه كالوا راح يدخل العريس عزه التوتر صار الف احس راح اتخربط

شوي وطب وره ملبسوا البنات الا ابرار اباوعله لابس قاطه الاسود ومزين ومسوي شعره عزه يمه رَجلي الصاك رجليه صارن خيوط هو اني منا مايعه نوب هذا طالع يجنن .

تقرب وكعد عالكوشه وعيونه مثبته عليه وجاي اشوف اللمعه
- لج رحيمان اني بحلم لو علم
- علم عيني شوف
كرصت ايده شو هذا ضحك
- اريد اشيلج واطفر بيج للغرفه بس اهخ يالحظ هسه الدقيقه تصير ساعه

حمحمت بتوتر وره ما اجت براسي
- دين تدري اني كلش نعسانه يعني يمكن انام هنا
- ماكو نوم اليوم حبيبتي
- وليش بلا