هَوس دَين الله

17

لا تقبلني بعنف .. زهرة الرمان ليست تتحمل ..

.. لا تقبلني

فلو ذاب فمي ..

ماذا ستفعل ؟

****

لا زلنا واكفين بنص الخرابه الي المفروض يكون بيتنا
البيت الجميل الي جابني اله بيت احلامي ؟ خرابه هسه

- دين
- اسف
- ليش تعتذر ؟
- زوجه ابوي الغاليه واخواني حزام ضهري كسرو بيتنا لهلسبب اعتذر

اقترب مني واكتافه مكهله بالخجل والغضب

- اسف غيمتي صباحيه زواجج وبيتج كله خرب بسببي اسف والله ماعرف شسوي بس ا __

- دين وكف وكف شعليك انت ؟ وليش جاي تعتذر ؟ عبالك مادري هم كارهيني ومطايقين وجودي تره مو عميه واعرف مشاعرهم تجاهي بس هل يهمني هلشي؟ لا ، انت تحبني خلص شسوي بيهم بعد ان حبوا لو محبوا طز بيهم اهم شي انتَ .

عينه تلألأ ومتوسعه بدهشه وامتنان

- اسف
- لا تعتذر تدري انت تعتذرلي اكثر من ما تتنفس

ابتسم بس سرعان ما

- ممقهوره عالبيت اخر مره شفتي عجبج حيل اني اصلا سويته مثل متحبي بس باعي شسوو .

- طبعا مقهوره بس شسوي صار الي صار اهم شي احنا زينين بالبيت ولا بالناس لا سامح الله نكدر نأجر فندق او نروح لبيت اهلي .

- نروح لبيت اهلج شنو لا ، راح نمشي لشهر العسل أسرع من ما جان مخطط اله

- عزه صدك ؟

ابتسمت ونسيت ام البيت اومئ الي بابتسامه

- وين راح نروح ؟

- مفاجئه سبرايز

- اهو دحجيلي

- تؤتؤتؤ ، هسه امشينا لفندق بين منمشي وره يومين 

لزم ايدي كايدني للسياره شغلها وفجأه اجاني سؤال براسي  مع ان هو سخيف

- شمدريك هم اهلك ؟
- اولا مو اهلي ، بس انت اهلي ثانيا عرفت بيهم راح يسوون شي للبيت

- شلون يعني ؟

FLASH BACK :

- لك صدك مراح تتهنى
- اي اي تمام
- عبالك منسوي شي ؟
- يومين وعايفلكم البيت اروح ابتعد منكم اخلص منكم ببيت بيه بس عائلتي ، الحقيقه مو انتوا ساعه السوده الشفت بيه خلقكم الزفره

- بيتك مو؟ دشوف لعد لو متزوج سجى ومسوي عمل خير لنفسك بس تدلل

مو زوجه اب ، لا شيطان

●●●●

- ليش هلكد مصرين على زواجك من سجى ؟

نطقت واني احس الغيره اكلتني بس ما اضهرتها تخيلت هي زوجته وباسمه ويلزم ايدها ويحضنها ويسوي سوالفه السرسرلوغيه وياها ، مو اني !