هَوس دَين الله

15

حتى في الثالثة فجراً ، في منتصف الأغنيات

من بين حشد الأقارب والعائلات، أنت موجود .
Dean *
~●~●~●

عزه عقلي طوال هاي الايام ينهش براسي مابقى على زواجنا بس شويه نوب امي بدت تذب النصائح من جوه لجوه عزه كل متحجي وياي اتبخر من الخجل واتهرب من الموضوع بسرعه ممعقوله اكيد لا هه شنو يعني دين راح يلزمني لا لا اكيد

احجي ويه نفسي واحاول اقنعها خرب غير اشنقه اذا مد ايده

صارلي اسبوع مشايفته مشتاقتله لدرجه كبيره بس طبعا هو ميدري اني اشتاقله أضعاف اشتياقه او مدري يمكن هو الي يشتاقلي هواي بوسط انشغالي ويه امي وصدح صوت تلفوني واشوف اسمه الي زين شاشه تلفوني

ديَني ♡ .

امي شافته قبلي
- عيني دينج يتصل شوفيه شبيه

عزه ركضت اخذت تلفوني واني افتح الخط

- دين؟
- عيونه وسنونه

ابتسمت
- تريد شي ؟
- واكفلج بره
- عزه شتسوي بره تره ابوي ميقبل
- غير تنجب وتطلع مو روحي راح تطلع لج مشتاقلج بحيث هسه اطفر عليكم واغتصبج كبالهم
- لا تصير سرسري هسه اطلع

سمعت ضحكته الي ازهرت كلبي .

وفجأه اجتني لحضه ادراك ان اني جنت قبل ماجيب سيره ولد حتى اهلي لا يشكون او شي وهسه احجي ويه ولد ولا خطيبي وأهلي يدرون شلون فشله مع ان هي متفشل بس اني اخجل

- يمه دين واكفلي بره عادي اشوفه واجي

- تره مصارت هاي كليله ميصير كليوميه واكف كبال بيتنا كلنه خطيبج بس هم ميصير هسه العالم شتكول روحي شوفي وهاي اخر مره تزوجو وكلشي سوو محد يلزمكم

اؤمئت الها وركضت لبست جبتي وعدلت شعري وحطيت شوي مورد وطلعت لكيت سيارته الي اميزها عن الكل مثل صاحبها تماما .

- دين امي تكول ميصير تجي
اردفت اول مطبيت السياره

-  سلام قول من رب رحيم لا سلام ولا كلام كبل هيج؟
- اي غير اكلك يا عيني .
- فديت عينج وغير اجزاء

ضيقت عيني واحس اكو فد نفثه سرسره موجوده بجملته
مد ايده لمشغل الاغاني وصدح صوت الاغنيه

ما نام حالف لا ما نام لعيونك اسهر عشر عوام فراكك لان طير نومي
مشتاك طبعا اي مشتاك متعودت على هيج فراك
تعلمت احضنك من يومي
ما جنت اضن تبعد عني وتفاركني ما ترجعلي
ما كتلي عن بعدك صعب يكسر كلب ما يرحمني
لو طولت اكثر بعد اموت احسلي ، اموت احسلي

مع ان الكلمات حزينه وعلى الاشتياق بس اللحن ابد مو مال حزن وبدون وعي اخذتلي هزه
ماشوف الا مطفي المسجل وضارب فخذه يصيح