هَوس دَين الله

10

مليء هاتفي بتفاصيله ، بكلماته ، بصوته ، بملامح وجهه لكنني ما زلتُ أطمع في أن تكون هنا بين يدي.

~~~

صفنت واني كل عقلي منتضرته يكمل عقلي وكف وهو حس لذلك اتقرب مني

- رحمه وياي؟
- كمل وشصار بعدين
- شنو شصار ابوج زارفيه بطلقه
مي بارد وكع على راسي ابوي متصاوب؟ نزلت دموعي بدون شعور

- ابوي ؟
- رحيمان لا تبجين امشي خل اخذج وان شاء الله مابي شي كولي يا الله
- دين حباب كلي شلون وشصار
انهاريت وبسرعه رحت لبست جبه من روان وركضت عليه مشى بينا هم ببغداد لذلك سقنا لحد بغداد واني موكفت بجي

- لج بابا كافي عيونج راحت
- دين ابويه مادري شبيه مابي مضروب طلقه
- هسه ليش تتفاولين عليه كولي يا الله مابيه شي ان شاء الله

مسمعت حجيه واستمريت بالبجي لحد موصلنا بغداد وطبينا المستشفى ركضت عليه سريع واني اشوف امي والي حالتها متقل عني كبل حضنتها وبدينه نبجي

- ماما شصار فهمينا
- عمامج المايخافون الله طبوا للبيت وهددوا اذا ما كال وين انتِ يصوبوا وصدك سووها الحثاله

عمامي ؟ اخوانه؟ صوبوا ممهتمين اذا يموت او لا بس حتى يكتلوني اني الماسويت شي؟ شنو ذنبي؟ انخطفت ؟

باوعت لدين الي نضره الأسف محتله وجهه تقدمت نحوه جارته لمكان مابيه ناس

- شبيج رحيمان تريدين شي محتاجه شي؟
- تزوجني

وكفت الكلمات ببلعومه وعقله توقف عن التفكير

- ها ؟

- مو تحبني تزوجني بشرط اريدك تخيلهم كلهم يعفنون بالسجن

- شجاي تحجين

- شكم مره لازم اعيد كلامي

- رحمه شبيج انضربتي على راسج شنو اتزوجج مقابل هالشي بعدين ابوج مخلاني الزمهم يكلي اهلي

- بعد لا هم اهله ولا يعودوله بشي دين ساعدني

- رحمه مجاي تعرفين شجاي تحجين روحي وبعدين نحجي .

تقربت منه لازمه ايده وعيني دموع

- حباب دين انت مو تحبني مو كلت مهووس بيج مو تريد تزوجني بس نفذلي هالطلب واني قابله

- رحمه صح احبج واريدج بس ماخذج علمود صفقه اريدج تحبيني ونتزوج بكامل ارادتج والحجي مو مناسب هسه خل يكوم ابوج بالسلامه ونحجي بعدين

تقربت اكثر نسيت كلشي الحرام والعيب بحيث لوما فارق الطول جان لزكت وجوهنا

- دين شبيك جاي اكلك اني قابله اتزوجك واصير مرتك بس افهمني ضاربين ابوي طلقه بس لان يريدون يكتلوني لشي مسويته ، ذنبي انخطفت وباع شلون ابوي تحمل نتائجه حباب دين