هَوس دَين الله

18

- مالذي يجذبك بي ؟
- ساقك المتتلئة قليلا من الاعلى نطقك لحرف الراء وأنتِ نعسه وفمك ايضًا ..

- ماخطب فمي !؟

- من حسن حظك أنني بارع في التقبيل .

****

مَر شهر على زواجنا بهذا الشهر اخذني لاسبانيا بلد امه كشهر عسل اتذكر شلون كمت اكمز وبوست وجهه من الفرحه وداني هواي مناطق مشهوره وهو كل ميحجي بالاسباني اوقع بحبه اكثر اني مادري شلون الله رزقني برجال مثله الحمدلله ربي
وداني لاماكن شبيهه بالصور الي شوفته ياها وخصوصا البحيره واحنا كاعدين كبالها جان دنيا العصر من اخذني كعدنا سوه اني اتأمل المكان وهو يتأملني

- دين
- عيونه
- احبك هواي ، متوقعت راح تنتبه لكلشي احجيه لا وتجيبني شهر عسل باماكن جنت اتمنى اشوفها احس انت نعمه

- صدكيني اني مو نعمه انت نعمه ، نعمتي ، اكو هواي عيوب ومشاكل بيه بس انت متقبلتني مثل ما اني

- شبيك والله خبلتني اشو جنك ورده جوري

ضحك بصوت عالي لتشبيهي اله أنهى ضحكته بابتسامه وهو يباوعلي احس قلبي دكاته زادت الشمس عاكسه على عينه وابتسامته وحتى تجاعيد عينه مادري احس اني مو اني وياه شخصيتي تتغير 180 درجه وياه لدرجه اني اقتربت وبسته بخفه على شفته مادري بس حسيت هاي جانت كل رغبتي هسه .

ضل يباوعلي وفجأه رجعني ليوره على العشب ودنك يتأملني وفجأه طبق شفته على شفتي

ما وخر الا لمن ورمت شفتي وطكت دم .

كعدني بحضنه ساند فكه على كتفي وضلينا نتأمل الغروب .

هاي بلا شك أجمل أيام حياتي ، اخذت صور هواي فيدوهات هواي خصيصا اله ، اصوره هو وياكل ، ينام ، يضحك ، منزعج ، يتنفس ، خصوصا من ينام على بطني او كتفي ومرات يدخل نفسه بقميصي كله صورته

صار عندي هوس بتصويره ، واخذت صور اني وياه هواي وسويتهم خلفيه شاشه اما هو حاط وجهي كخلفيه شاشه وهذا الي سبب هيجان فراشات وداينوصورات ببطني .

للاسف انتهى الشهر ولازم نرجع واكيد بحكم عمله ميكدر يطول حاول يطول بكد ميكدر بس هذا أقصى شي وداني لهواي أماكن وكون الي ايام جميله مراح انساها

رجعنا للعراق استقبلونا اهلي سلمنا عليهم ورحنا وياهم للبيت ارتاحينا شوي بس دين استحى كلش يكول شلون متزوج بنته وانام ببيته .

وبيتنا بعده مكامل لان الضرر جان هواي حتى حيطان مفلشيها .

فاضطرينا للاسف نروح يم بيت اهله ، وهذا الي سوينا اول مطبينا اجو البنات سلموا علي وجان بيت عمه موجود ابو سجى الغيره اكلتني بحيث ضليت مجلبه بايده وهو مكيف هو يسلم عليهم ويحجي واني انطي نضرات حقد وكره لسجى الحيه .
نضراتهم متختلف كلهم مطايقيني بس طز بيهم