هَوس دَين الله

8

عيناه ورموش جفونه وطريقة تحريكه لحاجباه انفه وشفتاه اهه شفتاه فأنا عاشق ومغرم بتلك الشفتان انا احبهم كما احب وجهه الملائكي الذي يغطيه شعره القصير جداً فهو ناعم ذو رائحةً لطيفة ك افعاله المؤذية لقلب كل من رأه وايضاً رقبته تلك التي اريد الرسم عليها بطريقه تجلعني افعل ذلك من اجل الحب وليس النشوة، جسده.. خصوصيتي الابدية اثناء عقلي اوصفه اغار من تخيل الحروف له

~~~~

فتحت عيني واحس بجسمي يوجعني عبالك دب جان نايم عليه

بدلت ونزلت واشوف العيون الكارهه الي ، ركزت نضري على العجوز الشمطاء وغمزتلها بحيث صفنت وشفتها تحرك شفتها متأكده سبتني
طز !

رحت اريد اكمز فوك راس جنه وروان حتى يكعدن لان مادري ليش كاعده من وقت اليوم
لكت استوقفني جسده الي غطى الشاشه مال عيني

- حضري روحج
- لشنو؟
- امج وابوج يريدون يشوفوج راح نروح لمطعم

كلبي دك لمن سمعت كلماته وبدون أي حرف ركضت بكل سرعتي لغرفتي لبست تيشيرت اسود مكتوب عليه كلام بالانكليزي وبنطرون ازرق مشطت شعري الطويل وحطيت شوي مكياج مزاجي عال العال رشيت عطري كاخر لمسه وركضت لدين

- يلا عمو امشينا يلا

اباوع نضراته متمركزه عليه بانزعاج
- هيج تطلعين
- لعد شلون
- لبسي ملابس أطول او أعرض
- هذا لبسي واني ببيت اهلي ابوي يقبل

تنهد بانزعاج يعرف ان ماله سلطه عليه
مشى وتبعته مثل جرو صغير
الطريق كله اني على اعصابي فكي يوجعني من الابتسام

- يابه حلكج راح ينشك هودي
- لا تحاول كلبي يدك
- شوكت يدكلي
- شكلت؟
- مكلت شي

وصلنا المطعم ونزلت سريع لكن صوته الصارخ وكفني

- هوب هوب هودي عيناي
اقترب مني بحيث صرنا نمشي بصف بعض يلا طبينا المطعم
ادور بعيوني مثل المتيهه عنهم لمن دين اشرلي
كمت اطير حرفيا مو امشي واخيرا احس بالراحه المطلقه بحضن بابا بحضن ماما حضنتهم وكأن هذا اخر حضن بقيت مجلبه ولا قبلت اعوفهم
احضن بيهم وابوس وكلبي ميشبع تحت نضراته

سألوني شكم سؤال وحجوا عن الجوازات والاحداث

- والله عمي لحد هسه يدورون عليها وكلسع كابه العيطه ببيتنا يريدون يعرفون

- عمي بس كلي اي واني اعفنهم بالسجن واخليهم دربهم ما يندلونه

- عمي همه هم اهلي شما سوو ماكدر انكر العشره بينا

- يريدون يكتلون بنتك عمي يا عشره صرفها عالخمسه وجقلبهم

اكملوا حديثهم وماما جانت تسألني عن معاملتهم الي شلون اعيش هناك واكيد طلعتهم ملائكه كلهم

بقينا تقريب ال3 ساعات ولا مليت ولا كليت بس خابروهم وصار لازم يروحون امتلت عيني دموع واني احس بنفس شعور ذاك اليوم من عفتهم وصرت ويه دين بسياره