هَوس دَين الله

9

حبك يقودني للجنون ، أَصبَحتُ لَا آتي بفكرتين إلا وتكون أَنتَ إحداهما ، وأَنتَ تَعرف أنني سأختارُكَ أَنتَ ، لِذا بِتَ أَنتَ كُل أفكاري وكُلُّ مَا أُريد وكُلِّ مَا أُحِب وكُلِّ مَا أَملِك ، وفِي مَا
أملك أنا أنانية يا متيمي .

~~~~

كلماته وقعت مثل الصاعقه على اذني ضليت ساكته محجيت شي على عكس عقلي الي موقف عن التكلم

شوكت حبني ؟ مصارلي بس شهر هنا ؟وليش كلي هسه ؟ وهو اكبر مني شلون حبني ؟
وصلنا البيت ونزلت بسرعه ركضت لغرفتي عاكفه على نفسي هناك مستحيل اواجهه بعد

اجتني جنه الي لاحظت اضطرابي وبس حجيتلها شصار رادت تكسر الجربايه من كدما كمزت وكتفي خدر من الضربات وصياحها الكتوم الي مطلعها عبالك نقار الخشب

- كبر شبيج بعد ماشوفه وجهي
- انجبي لج اخوي يحبج غصبا عليج تزوجيه
- لا تخليني اشيلج بزيج محافظه على أخلاقي ماريد انزعها
-لا جديات شنو اليمنعج اشو يجنن ومتمكن والبنات كاتلات روحهن عليه
-  مستحيل اني ويا منرهم ووجهي ماشوفه اله هذا الي عندي مدري اصلا ليش كلي

- امداج اي والله

كان آخر ما تقوله قبل ما تخرج تاركتني اني وافكاري الي قررت انهيها لان جاي تعذبني فاتجهت لملجئي الأمن

النوم .

كل ما يجوني عالغده او العشه اكلهم ماريد واكمل نومي ماريد اواجهه شلون اباوع بوجهه مستحيه اول مره يصير هيج اهو هسه ليش حجه لو بالع لسانه وساكت

عبرت الساعه 12 ولا زلت نايمه ، عندي قابليه هواي للنوم أكدر انام شكد ماريد وهذا الي اعتبره نعمه .

__
__
__

الي طلع مني بلحضه تهور خلاني ما المح ضلها اليوم كله حابسه نفسها بالغرفه جنها فاره وعايفتني هنا بعذابي

هسه شجاني وحجيت ؟ اي غير طالعه تجنن .
واذا طالعه تجنن تكعد تمسلت ؟ يابه مشفت ضحكتها انتَ ؟ صوتها ؟ شكلها .

كاعد احجي ويه نفسي مثل المخبل  وشفت الساعه عبرت ال 12 مسوي جلسه تأنيب الضمير ويه نفسي وقررت اروحلها

ختولي شنو متقبل اموتها والله هي مالتي غصبا ما عليها

شلت رجليه رايح لغرفتها والي دخولها أسهل من دخول غرفتي وشفتها نايمه ادري متشبع نوب ادري بقابليه نومها بس جنها جثه ومنسدحه

جثه حلوه .

تقربت حاشر وجهي بنعيمي .. رقبتها .
اردفت واني اتأمل وجهها الي ابدع الخالق بيه وسواه بكل عنايه

- انت مالتي رحيمان ، لا عبالج ابوج ياخذج يعني صرت فتره بحياتج ، لا .. انت الي باقي وراج لحد اخر يوم بحياتي مهما سويتي وراج حبي سام ومؤذي ادري، بس ميهم انت الي وكعتي بيه ، تحملي نتائجه ..