هَوس دَين الله

22

أخبرك سر ..؟!
تبدو وسيماً جداً حين تطلق سراح ضحكاتك لذا أحب أن تعقد حاجبيك دائماً

خشية أن تفتن إحداهن بك!!

'~~~~~

كاعدين عالغده اليوم كبت الحنيه والا نتغده سوه
فجأه حجت العجوز الشمطاء

- اي والله يا يحيى يعني انت جايبه من اسبانيا ومتعب نفسك وبالاخير حتى سلام ميسلم اصلا بوجهك ميباوع

شفت ايد دين انقبضت عضلاته وكمل اكله متجاهلهم

- يلا شتسوي هي بزره الكافره شتطلع يعني

شمر الخاشوكه بالاكل حيل والكل كام يباوع عليه

- وانتِ ليش متلزمين رجلج حتى ميروح ين*** ويجي جايبلج بزر هو اني عاتب عليه يجيبني بس تعرفين ط** حن لابنه والا يجيبه بين احضانه وميحتاج اكلج شسوه مو؟

- ياه ياه باع شلون يحجي على ابوه لك انت من يا مله
- كلهن الا مله ابوي الغالي

دين يباوع لابوه بكره ماعتقد اكو ابن يكره ابوه هلكد
ويحيى هم مو الاب الي يموت على ابنه

- لا تباوع هيج
- بكيفي وين ماباوع اباوع وبعدين اباوعلك على شنو ؟ اشو جنك القبطان نامق

- احترم نفسك اني ابوك

- على نفسك ابوي الي يزني بره ويجيب ماريده ، عبالك نسيت مو؟ لك من اني صغير ضاملكياها بس انتضر شوكت اخليك انت والحيه البصفك تتهجولون بالشوارع وتعرف اسويها

كام وسحبني وياه

طب للغرفه روحه طافره كعد عالقنفه مرجع راسه ليوره ويدخن بشراهه

- دين شنو هالتدخين مو زين
- رحمه عوفيني حبيبتي
- ماعوفك شو باوعلي

تقربت لزمت ايده

- باع مالك دخل بأم حلك العجوز الشمطاء هي تحجي وحيدها متشوف الكل لابسها ، شما تحجي خلتولي تمام لا تحط بالك وياها

سحب نفس من الجكاره وهو يباوعلي ساكت
وتذكرت حجيه شنو مسوي ابوه؟

- دين شنو قصدك من كلت شسوه؟ شمسوي ابوك

- مو هسه رحمه

- تمام

- طنكرتي؟

- لا شوكت متريد تحجيلي احجيلي .

بأس ايدي ورجع يدخن
سحبت الجكاره

- دين كافي خلصت الباكيت
- رحمه
- ماكو رحمه مو زين

تنهد ورجع راسه عالقنفه صافن عالسكف

- رحمه
- عيوني؟
- مجاي أكدر انسى ولا راح انسى ، اكرهه كره العمى اشوف دم سنوني ولا اشوفه من اول مره شفته واني اريد اخذ بثاري منه

لزمت ايده حتى احسسه اني وياه بكلشي

- ياكل ويشرب وعايش حياته وامي جوه التراب شنو ذنبها ؟ زنت ويه عراقي؟ هذا ذنبها؟
جانت مداريتني مثل المي الي بالصينيه عايش احلى حياه وياها واجه هو عالخالي بلاش سلبها مني بكل سهوله