مرت ايام ثانيه ولا زلت حبيسه هذا المكان المقرف لكن في احد الايام مادري بس كان مزاجهم جيد ومفول لذلك اجه عماد وكلي تعاي سبحي طبعا هنا فرحتي احس كلولي طبي الجنه مو الحمام جنت اسبح يوميه وهسه صارلي تقريب الشهر جسمي ما شايف المي
قفلت الباب اكثر من مره وتأكدت ماكو فتحه او زرف بالحايط يلا كدرت اطمأن وفعلا اخذت حمام يعوض كل هالاشهر صح جان المي بارد وثلجت بس مهمني بوقتها
اخذت الملابس الي جابوها الي وهي عباره عن قميص زيتوني باهت مبين ملبوس اكثر من مره وبجامه سوده أعرض من حياتي يلا رحم الله والديهم ...
كعدت بالغرفه مره ثانيه وتمنيت ابوي يلكاني او الشرطه لان اذا بقيت اكثر يمكن انتحر احس نفسي بيني وبين الجنون شعره
دعيت هواي ونمت بنص الدعاء ودمعتي على خدي .
___
___
___
" لك راح اتخبل وين اخذها
- يعني هم سرسري وهم ذكي هاي مترهم
" استغفرالله ريسان ركز وياي تره هاي مو اي بنيه اذا صارلها شي اتخبل
- يابه درينا هسه غير ندري الاميره وين مضمومه مو شاب راسي من وره التفكير وانت متساعد عبالك بيك دوده ولا تكعد
" دنجب لك عار ولي من خلقتي خل اركز
كعد يفكر ورا ما طلع ريسان وخلاه حبيس افكاره
تمنى بس خيط او معجزه تصير ويلكاها لانه تعب ..
تعب وهو يهوجس بيها وهي متعوف افكاره ومن شعور تأنيب الضمير وميكدر يكمل حياته بحيث صارت حياته عباره عن انه مكابل الاوراق وكاعد
- علي ما عرفت اي شي جديد
اتصل على علي من المره السابقه
" يابه كتلك عماد وجماعته مو هينين والبنيه لو مفصخه وكل جزء بمكان لو مدفونه بفد تربه
- طاحضك بيش مفاول علبنيه بس كلي مادريت اي شي جديد
" خاف اكلك لا لأن اخاف عليك نوب تشبعني جلاليق لحد ميصير ط*** فرده وحده بس شسوي
- دكول شنو
" اجتني اخباريه يكولون شايفين عماد وشكم واحد وياه ب *** ببيت يعود لواحد منهم فشنو رأيك تسبرزهم ؟
- اسبرزهم بس ؟ لك راح اشك ط***
" كفو يالذيب ان شاء الله تلكى البنيه ويهدأ بالك شوي وترتاح
- رحم الله والديك حبيبي يلا اروح اني
" الله وياك ....
كانت هذه نهايه المكالمه وانطلاقه للمكان الي أعلمه بيه صديقه الي هو صح سرسري بس يخاف الله ويتمنى ان تكون هاي نهايه هاي الرحله الشاقه الي صارت عليه واكثر شي علبنيه
___
___
___
كاعده واحجي ويه يوسف وفجأه دخل عماد مسرع والتوتر ماكله ويكلي كومي كومي ما لحك يكمل كلامه الا والباب يندفر ويدخل شخص لابس ملابس عسكريه اني احس صرت ماسمع ولا اشوف عقلي امتلى بفكره هل هاي نهايه معاناتي؟ هل راح ارجع بين احضان ماما وبابا ؟ راح ارجع لحياتي ؟؟
أنت تقرأ
هَوس دَين الله
RomanceMommy issue attached submissive man - شَنو رأيج بَعدم فَتِح النقاشات المو مُهمه وتفتحيلي قميصج بدالها؟ .. - مالذي يجذبك بي ؟ - ساقك المتتلئة قليلا من الاعلى نطقك لحرف الراء وأنتِ نعسه وفمك ايضًا .. - ماخطب فمي !؟ - من حسن حظك أنني بارع في التقبيل
