هَوس دَين الله

6

احب الي يهتملي ويشوفني محور كونه لكن ماحب اهتم باحد
احب اخذ الاهتمام بس ما انطي احس بعبىء اذا احد كلي اهتمي بشغله

اكو هواي ناس احبهم هواي بس مو لدرجه الاهتمام

مرت اسبوعين واني هنا بعدني ممتعوده واحس بغربه لكن روان وجنه مهونات عليه دين الله مشفته كالوا عنده شغل وراح وامهم الحيه بس تذب كلام بس لابستها ماكدر اقلل احترام

جنت نايمه وفجأه انفتحت باب الغرفه الي سواها الي عمو حرفيا تجنن وهي اكثر مكان اخذ راحتي بيه
اشوفهم يكمزون فوكاي

روان : لج كومي يمصخمه
رحمه : شكو يمعودين من صباحيات الله واحد مينام
جنه : لج راح يجون عمامي كومي لازم احنا قبلهم نكون جوه
رحمه : اف تمام تمام طلعن خل ابدل

طلعن وكمت غسلت وجهي وسنوني ورحت ادور شلبس بالاخير وكع الاختيار على فستان اسود مريح وعادي وهو أقرب لمال بيت من مال طلعه

نزلت ويه روان وجنه وفجأه البيت انهجم تكول طبوا علينه
طبوا عمامهم وزوجاتهم وكوكش الجهال مالهم البيت صار مابيه مكان تحط رجلك
وطبعا جنت اني محور الانضار وكلها تسأل الحجيه منو هاي وشجابها ومادري شنو
نطقت وحده منهم والي تصير مرت عمهم الوسطاني

عبير : حبيبه منو انت وشجابج هنا
رحمه : محد اني خاله وشجابني هنا أفضل تسألون عمو

ضلت نضراتهم الي ابد محبيتها تكول صدك العائلات الي اشوفها بالقصص حسيت بشعور يخزي وكل الي ردته هو ..
وهنا احس لأول مره الله سبحانه يستجاب دعائي لان ماكو شويه وطب واحس فرحت بجيته مو شلون مجان

سلم عليهم وكلهم بس اسبح واجي مر من يمي ونضراته صارت عليه استنجدته بعيوني وتمنيت ان فهم اني شجاي اقصد

مرت ربع ساعه ثانيه واني كاعده على اعصابي واخيرا اجه وفرحتي من كعد نفس القنفه مالتي بس بعيد ريحت كلبي

دين الله : الله بالخير
الكل: الله بالخير والعافيه
عمه الوسطاني: عمي هاي البت منو وشجابها بنصنا
دين الله : عمي هاي رحمه بنت صديقي عنده ضروف فامنها يمي

اومئوا ومتأكده محابين وجودي عبالك ديناصور كاعد يمهم
بس اهم شي عمو كاعد يمي ارتاح بوجوده مدري ليش وفجأه شفته اشرلي اقترب منه اقتربت وهمس لي

دين الله : تكدرين تجيبيلي مي اذا ما عليج زحمه
رحمه : اكيد عمو
كمت سريع اجيبله مي البنات كلهم بالغرفه بس مرحت وياهم محبيت جاي اجيبله مي واشوف واحد من ولدهم طب تجاهلته وكملت طريقي ارجع هناك

حيدر : شلونج
رفعت حاجبي باستهزاء
رحمه : الحمدلله
وتجاهلته ومشيت وصلت للصاله انطيته المي ووجهي مبتسم رجعلي البسمه وحرفيا ابتسامته حلوه كعدت بمكاني واني اسمع سوالفهم مرت دقايق واجت روان سحبتني للغرفه