﷽
#سهم_الهوى_مرأةالجاسر
السهم التاسع
#سعادمحمدسلامة
🏹🏹🏹
بعد مرور أكثر من أسبوعين
مساءًا
بغرفة فايا
كانت هي وتاج تجلسن على الفراش يتحدثن بمواضيع شتى، الى أن فتح عليهن باب الغرفة وطل برأسه قائلًا بمرح:
ريا وسكينة بيتفقوا عالضحية الجايه.
ضحكن له وتفوهت فايا بمرح:
تعالى يا عبعال.
ضحك وهو يدخل وجلس على مقعد قريب من الفراش قائلًا بمزح: كده ناقصنا حسب الله.
ضحكن وتحدثت فايا بمرح:
نجيب جاسر ويبقى حسب الله.
وكزتها تاج بتأنيب مرح:
عيب تشبهي جاسر لـ حسب الله، جاسر فارس وعنده أخلاق الفرسان.
غمزت فايا بمرح قائله:
ومين يشهد لـ جاسر أبو الفوارس.
تبسمت تاج بغرور مرح، كذالك غمز فراس قائلًا:
طبعًا وجاسر أبو الفوارس... لما تخلفوا إبقي سمي إبنكم فارس.
لوهله خفت قلب تاج ولم تُعقب، بينما لاحظت فايا ذلك غص قلبها،...
أخذهم الحديث بين المرح والجد أحيانًا حتى تثائبت فايا قائله:
عندي ميعاد طيارة بكره الساعة حداشر الصبح.
تبسم فراس قائلًا:
رايحة الموقع بتاع المشروع.
أومأت قائله:
أيوه عشان المهندس بتاع المكتب المسؤول عن تنفيذ المشروع، المشوار إتأجل بسبب سحب الترخيص بتاع الإنشاء، بس عرفت أرجع التصريح تاني.
زفرت تاج نفسها قائله:
عندي يقين إن سحب الترخيص كان مقصود مش غلطة زي ما إتبرر لينا.
اومأ فراس كذالك فايا بموافقة،تنهدت تاج قائله:
إنت لازم تسافر لندن فى أقرب وقت يا فِراس.
أومأ لها بقبول لكن مر على خاطره تلك الحمقاء الكسولة،كآن رؤيتها أصبحت غواية له.
لحظات قضوها فى الحديث عن أعمالهم،ثم نهضت تاج من جوار فايا قائله:
خلينا نسيب فايا تنام براحتها قبل السفر،أنا كمان عندي بكرة إجتماع مع رئيس شُعبة الأنشاء والتعمير ولازم أكون فايقه له واقدم له الشُكر هو اللى سهل لينا رجوع الترخيصات تاني.
غمزت فايا قائله بإستفسار:
وجاسر يعرف بالإجتماع ده.
اومأت رأسها بنفي فضحكت فايا قائله:
طب كويس كده ضمنا مش هيحصل مشاكل.
لم تفهم تاج قصدها وسألتها بإستفهام:
وإيه المشاكل اللي هتحصل لو جاسر عِرف؟.
ضحك فراس قائلًا:
الغِيرة، زايدة أوي عند جاسر، إنتِ مش ملاحظة كده، أوقات بحس إنه بيغير مني شخصيًا.
أومأت فايا بتأكيد... تنهدت تاج بآسف قائله:
دي مش غِيرة دي للآسف تحكُمات زايدة...يلا بلاش نرغي عالفاضي،نامي عشان متحسيش بإرهاق السفر،عاوزه نبدأ فى تنفيذ المشروع فورًا كفايه المناوشات الأخيرة،وأهي إتحلت.
أنت تقرأ
سهم الهوي "إمرأة الجاسر"
Romanceسهم الهوي..... إمرأة الجاسر لا تغترِ عزيزتى وتتباهي أنا الملكه،وسأظل ملكه لا أنكسر ولا أندثر، أنا لستُ كـ باقى النساء اللواتى أضعفهن وأخضعهن عشق كاذب طامع،مازال بيدى الرُمح سهامِه تترك مكانها وشم بإسمى إذا أطلقتها فى قلب عدوى يآتينى خاضع،ما بالكِ أ...
