﷽
#سهم_الهوى امرأة الجاسر
السهم الخامس عشر
#سعادمحمدسلامة
🏹🏹🏹
أمام بِناية والد ليان
وقف أمام سيارته مُترددًا ينظر الى باقة الزهور التي بيده يذم عقله:
بلاش وأرجع يا فِراس مفيش سابق معرفة بينك وبين ليان غير إنها سكرتيرة عندك،هتفسر زيارتي لبيت أهلها بأيه....وبعدين إنت مهتم تشوفها ليه.
أجابه عقله أيضًا
عشان أتأكد إنها مش كدابة وبتمثل عشان متجيش الشغل،هي أساسًا كسولة.
وسؤال يسأله عقله:
حتى لو بتمثل إنت مالك مش من شآنك.
والجواب بإعتراض:
إزاي مش شآني مش بتشتغل تحت رياستي.
أسئلة وإجابات وعقل مُتردد بين الصعود الى تلك البِناية أو العودة للسيارة،تنهد مُفكرًا
بقوة يستنشق الهواء البارد مازال مُترددًا، بلحظة حسم القرار
وضع يده فوق مقبض باب السيارة وكاد يستسلم للتردُد ويصعد الى السيارة ويغادر ،لكن توقفت يده قبل أن تضغط على المقبض وزفر نفسه بقرار قائلًا:
مش معقول هتجي لحد هنا وترجع كده،وبعدين لازم أتأكد إن الكسولة دي مش كدابة عشان لو كدابه هيبقي لها عقاب.
ذمه عقله:
عقاب إيه وإنت مالك هي حكاية،إعترف إنك عاوز تشوفها.
وافق عقله قائلًا:
فعلًا عاوز أشوفها بصراحه حاسس بالملل طول اليوم ملقتش حد أناكف فيه زي ما بناكف فيها،بحس بنشوة وأنا بضغط عليها بأمر،أنا هطلع وأكيد أهلها هيفهموا إن ده واجب إنساني إنها موظفة فى الشركة.
هكذا إتخذ قرار الصعود
بعد دقيقة ترجل من مصعد البِناية الكهربائي نظر إلى رقم الشقه، وقف يتخذ نفسًا يُخفز نفسه حتى رفع يده وبتردُد ودق الجرس.. وقف ينتظر للحظات حتى فُتح باب الشقة، كان رجُلًا... نظر له سائلًا:
أهلًا اي خدمة.
تنحنح بحرج قائلًا:
أنا فراس مدين مدير ليان فى الشركة.
نظر والد ليان له بتمعن حقًا ثيابه عصرية وأنيقه،لكن يبدوا شاب بسيط حتى أنه شبه نحيف،رسم بسمة مجامله قائلًا:
أهلًا وسهلًا...إتفضل.
شعر فراس بحرج وهو يدخل الى الشقة بعدما تنحي له والد ليان جانبً،خطوات قليلة وتوقف يقول:
بعتذر إنى جيت بدون سابق إذن، أنا عرفت أن الآنسه ليان مريضة..وواجبي كمدير أسأل عنها.
من نظرة عين والد ليان لـ فراس فطن أن هذا الشاب ليس عابث...تبسم له قائلًا:
إتفضل فى الصالون.
دلف معًا الى غرفة الضيوف وأستئذن منه وخرج من الغرفة تقابل فى الرُدهة مع زوجته التى سألته:
مين اللى كان بيرن الجرس من شويه يا "عاطف".
تبسم لها قائلًا:
ده مدير ليان فى الشركة.
إستغربت ذلك سألة:
وده جاي ليه؟.
أجابها:
بيقول إنه عرف إن ليان مريضة وواجب يسأل عنها.
إنفلجت عينيها بإستغراب قائله:
واجب إيه، لاء تصدق هو إتصل الصبح على موبايلها وأنا اللى رديت عليه،شكله ذوق فى طريقة كلامه محترم،بس غريبة الزيارة مش كان ممكن يسأل عنها بالموبايل،إيه يخليه يجي بنفسه.
أنت تقرأ
سهم الهوي "إمرأة الجاسر"
Romantikسهم الهوي..... إمرأة الجاسر لا تغترِ عزيزتى وتتباهي أنا الملكه،وسأظل ملكه لا أنكسر ولا أندثر، أنا لستُ كـ باقى النساء اللواتى أضعفهن وأخضعهن عشق كاذب طامع،مازال بيدى الرُمح سهامِه تترك مكانها وشم بإسمى إذا أطلقتها فى قلب عدوى يآتينى خاضع،ما بالكِ أ...
