﷽
#سهم_الهوى_امرأةالجاسر
السهم الخامس
#سعادمحمدسلامه
🏹🏹🏹
بالشركة
ها هو لقاء ثالث مع صهيب،ترحيب بينهم
ثم جلسا تبسم لها قائلًا:
جالي إتصال من إدارة الشركة، ياريت يبقى تخميني صح.
إبتسمت رغم فهمها له لكن بخباثة سألته:
تخمينك لأيه.
كان يُضاهيها بالخباثه وتبسم قائلًا بثقة:
خمنت إن العرض بتاعي هو اللى فاز طبعًا،لأنه المُميز والأفضل.
ضحكت قائله بمزح:
لاء دي مبقتش ثقه ده بقى غرور وجنون العظمة.
ضحك هو الآخر قائلًا:
ثقة،غرور،جنون العظمه،كلهم مفردات لنفس المغزي.
ضحكت بإيماءة،ثم تحدثت بعملية:
خلينا نتكلم جد،بما إنى المسؤوله قدام الشركة يهمني الإنجاز وإيجادة العمل،عرضك فعلًا كان الأفضل وتم الموافقة علي تنفيذه وطبعًا، الوقت بالنسبه لينا مهم جدًا، المشروع ضخم ومحتاج إنجاز...وعشان كده هنبدأ فى التنفيذ فورًا.
أجابها بعملية:
تمام،محتاج أشوف أرض المشروع عالطبيعة طبعًا عشان نتلافى الأخطاء وقت التنفيذ.
أومأت له قائله:
تمام،زي ما إنت عارف إن الأرض فى مرسى مطروح.
أومأ قائلًا:
عارف،كمان سبق إشتغلت هناك فى مشروع مع الشركة اللى كنت بشتغل فيها قبل كده،يعني ممكن أكون على دراية بجغرافيا المكان،لكن مساحة المشروع ومكانه بتفرق .
أومأت له قائله:
تمام ممكن نسافر أنا وإنت تشوف مساحة ومكان المشروع.
وافقها قائلًا:
وأنا جاهز، من دلوقتي.
إبتسمت له قائله:
واضح إنك شخص نشيط أوي.
ضحك قائلًا:
أنا شخص بفضل الإنجاز، يعني مش بحب أضيع الوقت.
نظرت له بنظره لم تفهمها وسألته بمفاجأة:
طب وNightclub (ملهي ليلي).
فهم قصدها وضحك قائلًا:
ما أنا كنت هناك فى شغل، بصراحه مرتاحتش ورفضت تنفيذ المشروع... والخناقه اللى حصلت كانت إنقاذ ليا، قدرت أتهرب من الشخص اللى كنت هنفذ له المشروع.
لمعت عينيها وسألته بإستفسار :
كان مشروع إيه ده.
ضحك قائلًا:
صاحب وNightclub
عاوز يعمل واحد كمان،وبصراحة لقيت التفاهم معاه صعب،وصدفة إرتاحت من زنه وبعته لمكتب صديق ليا وهو فهمه وهينفذ له حسب مزاجه.
إبتسمت فايا تشعر بأعجاب قائله:
واضح إنك شخص بتحب تبقى مُميز،عالعموم هتشوف و...
قطع حديث فايا رنين هاتفها،نظرت،ثم لـ صهيب وإستأذنت للرد...تحدثت بحماس
سمعها رغم عدم فهمه،لكن نهاية حديثها:
تمام قبل تسعه هكون فى المكان،هتبقي سهره روعة أكيد.
أنت تقرأ
سهم الهوي "إمرأة الجاسر"
Romanceسهم الهوي..... إمرأة الجاسر لا تغترِ عزيزتى وتتباهي أنا الملكه،وسأظل ملكه لا أنكسر ولا أندثر، أنا لستُ كـ باقى النساء اللواتى أضعفهن وأخضعهن عشق كاذب طامع،مازال بيدى الرُمح سهامِه تترك مكانها وشم بإسمى إذا أطلقتها فى قلب عدوى يآتينى خاضع،ما بالكِ أ...
