កំណត់ត្រាលោកា

ភាគទី21 ជិនអី.....!

ស្របពេលគ្រោះថ្នាក់កើតឡើង ក្រុមជួយសង្គ្រោះនៅខាងក្រោមត្រៀមរួចជាស្រេច អ្នកទាំងពីរត្រូវបានធ្លាក់ពីលើអគារកម្ពស់47ជាន់ ចុះមកក្រោមប៉ះត្រូវពោងជួយសង្គ្រោះ តែសួរថារងគ្រោះដែរទេ? ចម្លើយតបនោះប្រាកដជារងគ្រោះ លីងវួយរត់ចូលទៅជួបគូស្នេហ៍ ត្រកងកាយទោរទន់ប្រែជាត្រជាក់អស់ ខ្យល់ដង្ហើមលែងដំណើរការ

"សុីងយូ! សុីងយូ!"លីងវួយអង្រួនគូស្នេហ៍ ស្រែកដង្ហោយហៅ ប៉ុន្តែនាងលែងមានចលនាទៀតហើយ វិញ្ញាណពណ៍ខ្មៅម៉ៅឈីងស្រែកឈឺចុកចាប់ ក្នុងខ្លួនប្រៀបដូចជាកម្ដៅភ្លើងបាបកម្មដែលនាងបានសាងឡើងកន្លងមកធ្វើអោយរលាកពេញរាងកាយ រហូតដល់រលាយទៅជាធូលីអណ្ដែតលើអាកាស

គ្រប់គ្នានៅកម្មវិធីចេញមកមើលព្រៀង បន្ទាប់មកកុងជិនក៏បានរត់មកពីក្នុងមកជួបរាងតូចជាភរិយា រាងកាយទាំងមូលស្រោចទៅដោយឈាមក្រហមច្រាល ទើបចាប់ត្រកងភរិយាឡើង

"ចឺហាន់! បងមកហើយ! សុំទោស បងការពារអូនមិនបាន ចឺហាន់និយាយជាមួយបង"កុងជិនចាប់មុខរាងតូចឡើង ទាំងញ័ររន្ធត់ទទ្រើក ជាកំហុសរបស់គាត់ បើសិនជាមិនអោយរាងតូចចាកចេញក៏គ្មានរឿងបែបនេះដែរ

"ជួយ....ជិនអី! កូនប្រុស...របស់យើង"ចឺហាន់និយាយខ្សាវៗដង្ហក់ខ្យល់ ដៃម្ខាងខំប្រឹងអោបករបស់ប្ដី ដៃម្ខាងទៀតចាប់ត្រង់ពោះរបស់ខ្លួនឯង គេមានអារម្មណ៍ឈឺចាប់ត្រង់ពោះខ្លាំងណាស់ គេខ្លាចកូនប្រុសរបស់គេមានបញ្ហា

"បង..បងនាំអូនទៅពេទ្យណា"កុងជិនភ័យរហូតធ្វើអីសឹងមិនត្រូវហើយ ទើបលើកភរិយាមកចំដើមទ្រូងទាំងទ្វេ រួចប្រញាប់ចាកចេញ ប៉ុន្តែមុននឹងចាកចេញរាងក្រាស់ងាកទៅរកជំនួយការ

"បើសិនជាជិនអីមានបញ្ហាអីនោះ បិទសណ្ឋាគារនេះចោល!!!!"និយាយរួចកុងជិនបានឡើងឡានចាកចេញទៅលឿនស្លែវតម្រង់ទៅមន្ទីរពេទ្យ

"សណ្ឋាគារនេះ ប្រាកដជាដំណើរការលែងបានទៀតហើយ ធ្វើឱ្យភរិយារបស់លោកម្ចាស់កុងមានបញ្ហា ថែមប៉ះពាល់បុត្រស្នងទៀតដឹងតែមិនរស់ទេ"អ្នកនៅក្នុងហ្វូងមនុស្សនាំគ្នាខ្សឹបខ្សៀវគ្នា