متنسوش حبايبى التصويت للفصل لأن دة بيشجعنى أنى أكمل ⭐❤️دخلت هانم وصفية إلى المكان الذى يقبع فيه الشخص الدجال النصاب أو المسمى عند الناس بالشيخ برقوق ، كانت الغرفة تمتلأ بالكثير من البخور لدرجة تصعب عليك التنفس ، كان الشيخ برقوق يجلس على كرسى خشبى ذات أرجل قصيرة وأمامه اناء مصنوع من النحاس يضع فيه الكثير من الفحم المشتعل وكان هذا الفحم بدوره ينبعث منه الكثير من الدخان ، كان رجل مسن له لحية تصل إلى صدره، يرتدى جلباب أسود طويل ويضع على رأسه قبعة سوداء ، كان يرتدى الكثير من القلادات الطويلة الملونة بألوان كثيرة ومختلفة حول عنقه .
أثناء دخول هانم وصفية كان يهرتل هذا الشخص المدعو بالشيخ برقوق بالكثير من الكلام الفارغ الذى ليس له معنى قاصدا إثارة الرهبة والخوف فى أنفس كل من يلجأوا إليه ، وكان يكرر حديثه كل لحظة.
صفية بخوف : ازيك يا شيخ برقوق.
الشيخ برقوق : حى ،حى، عباس جاى ، متأذوهاش، قولتلكم يا عفاريت متأذوهاش ، دى عايزانا فى مصلحة.
هانم بخوف ورهبة شديدة وهى تلتفت برأسها على يمينها ويسارها وكأنها تبحث عن هذه العفاريت : اه أرجوكوا يا عفاريت متأذوناش ، احنا بس عايزين شيخنا المبروك دة فى طلب صغير وهنمشى.
الشيخ برقوق بطريقة درامية : انطقوا جايين فى ايه وعايزين ايه معنديش صبر.
صفية : هو مش المفروض يا شيخنا انك مكشوف عنك الحجاب ، والمفروض تبقى عارف احنا جايين فى ايه.
الشيخ بحدة وغضب : انتوا هتبتدوا معايا من الاول كدة ياختى ، امشوا اطلعوا برة ، وأردف قائلا مرددا كلامه : حى حى عباس جاى.
هانم : لا يا شيخ دى متقصدش والله ، انا هقولك احنا جايين فى ايه ، عندنا أدهم ابننا شاب بسم الله ما شاء الله أدب وأخلاق ومال وجمال، بس واقع فى حتة بت عقربة مخلياه خاتم فى صباعها ، وأردفت قائلة بطريقة درامية وهى تمثل بيديها يمينا ويسارا : تقوله يا أدهم يمين يروح يمين ، تقوله شمال يروح شمال .
صفية : أيوة يا شيخ برقوق هانم بتتكلم بجد ، الواد مبقاش شايف الا غيرها قدامه ، وساب حفيدتى اللى زى القمر واللى تقول للقمر قوم وانا أقعد مكانك ،وراح للبت الحرباية دى ، وأردفت قائلة بمكر : فاحنا بقى شكينا أنها ممكن تكون عملاله عمل وأنها سحراله ومشبشباله ومتخلهوش يشوف الا هى وبس ويفضل متعلق بيها كدة طول العمر.
الشيخ برقوق بكذب بصوت جهورى : أيوة فعلا انتوا شككوا فى محله ، هى فعلا عملاله عمل، وأردف قائلا : وأنا هقلكوا انتوا جايين ليه ، انتوا جايين يا سادة علشان افكلكوا العمل دة واعملكوا عمل جديد علشان يحب البنت التانية اللى بتقولوا عليها مش كدة.
هانم وهى تهلل وتزغرد وترفع يدها للأعلى : لولولولولولى ، الله أكبر ، اللهم صلى على النبى ، وأردفت قائلة موجهة حديثها لصفية : مش قولتلك يا حماتى أنه راجل مبروك ومكشوف عنه الحجاب.
أنت تقرأ
أنتِ العشق ( للكاتبة سارة على )
Romance❤️ماذا سيحدث إذا هربت فتاة صعيدية من زفافها وفوق كل هذا ادعت كذباً على رجل آخر بأنه يحبها ووعدها بالزواج وأنه تخلى عنها، ولكن مهلاً أنه ليس أى رجل أنه زينة الرجال أدهم العمرى، يا ترى إلى ماذا سيقودهم القدر وكيف ستنتهى قصتهم بعد أن قررت أنها سوف تنتق...