متنسوش الڤوت للبارت يا حلوين ⭐❤️
وعند الدخول من باب العمارة السكنية أصابها الذهول بشدة وتسمرت فى مكانها وفتحت فمها على مصراعيه بسبب ما رأته.
آدم بابتسامة واسعة : صباح الخير يا رحمة ، وأردفت بنظرات عشق وغرام : وحشتينى اوى.
رحمة بتلعثم ولم تستطع أن تستوعب الأمر بعد : أنت ، أنت بتعمل ايه هنا ، وجيت ازاى ،وعرفت عنوانى منين أصلا.
آدم وهو ينظر فى الارض خجلا منها بسبب حديثه المهين معها فى آخر مكالمة : أنا جاى علشان اعتذرلك على كلامى الوقح اللى قولته ليكى آخر مرة ، ثم أردف بصدق : سامحينى يا رحمة ، أنا أسف جدا.
رحمة بعبوس وجدية : مين اللى قالك على عنوانى.
آدم : والدك.
رحمة بذهول شديد وقد رفعت حاجبيها ، فآخر شخص كانت تتوقع أن يخبره عن مكانها هو أباها، قائلة : بابا ، ازاى يعنى مستحيل ، انت كداب.
آدم : وأنا ليه هكدب فى حاجة زى دى.
رحمة بحدة : مش عارفة ، أنا مبقتش أصلا اصدقك ولا اصدق أى حاجة تقولها ليا، ثم اردفت بتساؤل : ليه يعنى بابا هيقولك مكانى وعلشان ايه.
آدم : هقولك بس ممكن نروح مطعم ولا كافيه نتكلم فيه ، معقولة هنفضل نتكلم واحنا واقفين كدة.
رحمة بحدة وتجهم شديد : اه هنفضل نتكلم واحنا واقفين كدة ولو مش عاجبك ممكن تمشى ، محدش قالك تعالى اصلا.
ابتسم آدم على حديثها الفظ معه ، فبالتأكيد كان يعرف قبل ذهابه أنها سوف تعامله هكذا ، وأنها لن تستقبله بالورود فأردف بصوت هادئ : حاضر خلينا نتكلم هنا ، أنا اتصلت عليه وقولتله انى عايز اقابله واتكلم معاه ، هو رفض فى البداية وزعقلى جدا ولامنى على الكلام اللى قولته ليكى، بس قدرت اقنعه بعدها وقولتله أنى بتمنى أقابله لانى اتغيرت ونفسى يدينى فرصة اتكلم معاه، فادانى عنوان مطعم عندكم فى القاهرة وروحت قابلته واتكلمت معاه.
رحمة : وانت عرفت رقم تليفون بابا منين.
آدم بابتسامة جانبية : دى حاجة مش صعبة عليا كظابط.
رحمة بايماءة : اه فهمت، ويا ترى بقى اتكلمتوا فى ايه.
آدم بجدية : اتكلمنا فى انى بحبك يا رحمة جدا ، وعمرى ما حبيت حد غيرك ، أنا معرفتش يعنى ايه حب غير لما قابلتك ، أنا كنت رافض موضوع الجواز دة نهائى بس غيرت رأيى لما شوفتك، وقتها حسيت أنى عايز أكمل باقى حياتى معاكى.
ثم أضاف : وقولتله انى فعلا اتغيرت أرائى وانى مش ممانع دراستك ابدا برة ولا ممانع شغلك وانى هدعمك من كل قلبى وهو صدقنى لما شاف قد ايه أنا صادق فعلا وبحبك ، فطلبت منه عنوانك علشان أجى واعتذرلك، مرضيش يديهولى فى البداية ، وقالى استنى لما تيجى مصر واتكلم معاها، بس لقيته بيتصل عليا بعد حوالى أسبوع وإدانى العنوان.
أنت تقرأ
أنتِ العشق ( للكاتبة سارة إياد )
Storie d'amore❤️ماذا سيحدث إذا هربت فتاة صعيدية من زفافها وفوق كل هذا ادعت كذباً على رجل آخر بأنه يحبها ووعدها بالزواج وأنه تخلى عنها، ولكن مهلاً أنه ليس أى رجل أنه زينة الرجال أدهم العمرى، يا ترى إلى ماذا سيقودهم القدر وكيف ستنتهى قصتهم بعد أن قررت أنها سوف تنتق...
