أنتِ العشق ( للكاتبة سارة إياد )

الفصل الرابع عشر

متنسوش التصويت للفصل من علامة النجمة قبل القراءة ❤️

•••••

كان أدهم فى مكتبه ينتظر مجىء سالم ، وفجأة دقت السكرتيرة على باب المكتب تعلمه أن سالم جاء ، دخل سالم إلى المكتب وعلى وجهه سعادة بالغة وهو يقول : السلام عليكم يا أدهم باشا.

أدهم وهو يشعر بغضب دفين ويحاول أن يهدأ نفسه من أن ينهض ويهشم رأس ذلك القذر مجاوباً إياه بابتسامة كاذبة : وعليكم السلام اتفضل اقعد.

سالم وهو يجول بعينيه فى المكتب بدهشة : ما شاء الله المكتب فخم ، هو انتوا عندكوا كل حاجة فخمة كدة قصر ومكتب ، ما شاء الله ربنا مديكوا كل حاجة ، ثم أكمل حديثه بضحكة ساذجة قائلا : اوعى تفتكر انى بحدسكوا  والله ما بعرف أحسد حد، انا عينيا مش مدورة.

أدهم بابتسامة سَمجة وسخرية فهو حقا لا يطيق رؤية ذلك الرجل أمامه: لأ أكيد مبتحسدش اتفضل اقعد.

جلس سالم على المقعد المقابل لادهم قائلا : خير يا بيه سيادتك كنت عايزنى فى حاجة.

أدهم وهو يرجع بظهره مسندا إياه على المقعد وهو يقول بعجرفة : اه كنت عايزك فى موضوع مهم جدا .
ثم مرر إليه ورقة وقلم وقال له : أمضى على العقد دة.

سالم وهو ما زال على وجهه تلك الابتسامة الساذجة : أمضى على ايه يا باشا ، ايه دى.

أدهم بوجه خالى من اى تعابير : اقرأ.

بدأ سالم فى قراءة الورقة ثم نهض منتفضاً من مكانه: ايه الحديت الماسخ المكتوب دة يا باشا ، انت عايز تاخد ارضى.

أدهم ببرود ولا مبالاة : اه هو دة فعلا اللى عايزه.

سالم بانفعال وهو ما زال واقفا: ليه وعلشان ايه، دة انت المفروض اللى تدينى ، دة كنت عامل حسابى وجاى على الأساس دة.

أدهم وهو يرفع حاجبيه ويقول بفضول : اديك ايه.

سالم : تدينى مهر عشق ، اومال هتتجوزها ببلاش ولا ايه.

أدهم : لأ طبعا مش هتجوزها ببلاش وهديها حقوقها كاملة اكيد ، بس فى نفس الوقت شرطى الوحيد علشان اتجوزها هى انك تتنازل ليا عن أرضك.

سالم بغضب : طب ليه والسبب ايه.

أدهم بلا مبالاة : من غير سبب، اهو مزاجى كدة.

سالم : طب مانا ممكن مجوزهاش ليك عادى ، انا ايه اللى يجبرنى على كدة.

أدهم : لأ يا سالم انت متقدرش أنك تمنعنا أننا نتجوز ودة لأن عشق ست راشدة ويحقلها فى القانون أنها تتجوزنى من غير موافقتك، ثم أكمل : بس شوف مين ساعتها بقى هيبقى الخسران.

سالم بانفعال: ما هو اكيد انا اللى هبقى الخسران مادام هتاخد ارضى.

أدهم بسخرية : هو انا بس نسيت اقولك على حاجة بسيطة ، هى مش ارضك بس اللى عايزها ، انا عايز فلوسك اللى حاطتها فى البنك كمان ، هما مش كانوا مية الف بردو ؟