أنتِ العشق ( للكاتبة سارة إياد )

الفصل السادس عشر

لا تنسوا الڤوت قبل القراءة ❤️

عشق بمكر وعلى وجهها ابتسامة واسعة : بصى يا عليا فستانى جميل ازاى ، ها قوليلى عجبك، ثم اردفت قائلا بخبث: عقبالك يا قلبى.

عليا وهى تجز على أسنانها وعيونها تشتعل كالنار: اه جميل مبروك.

عشق : الله يبارك فيكى ، عقبال ما نفرح بيكى انتى كمان.

جاءت هانم أثناء هذه الجملة وهى تقول بسخرية : متقلقيش يا ست عشق ، بنتى يوم ما تتجوز هتتجوز سيد الرجالة كلها ، ثم اردفت قائلة بتكبر : العرسان واقفين طوابير يا حبيبتى ومستنيين بس بنتى تشاور بس وتقولهم موافقة ، عليا مفيش زيها فى الدنيا جمال ومال وأخلاق ، مش زى ناس محلتهاش حاجة، فبتقعد تلف وتدور على ولاد الأكابر علشان توقعهم .

زينب بغضب وصوت عالى : هى مين دى اللى بتلف وتدور ، احترمى نفسك واتكلمى كويس عن بنتى.

عشق بحدة وهى توجه حديثها لهانم : وانتى قصدك مين أن شاء الله بالكلام دة .

هانم بسخرية واستهزاء : انتى عارفة كويس قوى انا قصدى مين ، متعمليش فيها غبية  وعلى نياتك وانتى ماية من تحت تبن.

عشق وهى تتصنع البكاء وتذرف دموع كدموع التماسيح وهى توجه حديثها لوفاء : سامعة يا ماما بتقول عليا ايه ، بقى أنا ماية من تحت تبن أنا ، انا مش هرد عليها بس احتراما لحضرتك وكمان احتراما ليها لانه عمرى ما هقل من حد أكبر منى.

هانم بغيظ وحدة : تقلى من مين انتى يا بت ، انتى نسيتى نفسك دة انتى حتة عيلة من بيت جعان ولا راحت ولا جت، دة انتى تحمدى  ربنا وتبوسى ايدك وش وضهر أن فارس رضى يبص لواحدة زيك.

وفاء وهى تصيح بصوت عالى : هانم لحد هنا واسكتى ، انا مش هسمحلك ابدا تقولى اى كلمة وحشة لعشق وبطلى كلامك الماسخ دة ، عشق بقت بنتى خلاص ، اياكى ابدا اسمعك بتقلى منها بعد كدة أو بتهينيها.

عشق توجه حديثها لوفاء وهى تدعى البراءة والدموع تنساب من خديها : للاسف يا طنط هانم اللى زيك عمره ما هيفهم ابدا يعنى ايه حب ، ولا يعنى ايه روحين بيحبوا بعض ، انا وادهم  بنحب بعض جدا ، وانا ملفتش ودورت عليه ، أدهم هو اللى حبنى الاول، ثم اردفت قائلة بحزن مصطنع : على العموم شكرا اوى انك بوظتى عليا سعادتى بفستانى وبفرحى.

هانم وهى تعوج فمها يمينا ويسارا بسخرية وهى تردد كلامها : معرفش يعنى ايه روحين بيحبوا بعض ، ايه الكلام الماسخ دة.

وذهبت عشق وهى تجرى وتصعد الدرج وهى تضع يدها على فمها متصنعة البكاء، وذهبت ورائها رحمة وزينب.

وفاء وهى تنادى على عشق بصوت عالى : استنى يا بنتى متزعليش ، انا أسفالك حقك عليا.

وقالت وفاء وهى توجه حديثها لهانم: عجبك كدة زعلتيها ،استفدتى ايه دلوقتى انتى كدة، ثم اردفت قائلة : وفاء حسك عينك توجهى ليها كلمة بعد كدة فاهمة.