عندما يعشق الشيطان

✍️ الفصل العاشر

- انتفضة عهد ع صوت صراخ هويدا , وصوت عمر الغاضب  ، اندفعت عهد الي غرفه سما وتبعها فريد ... دلفوا الي غرفه سما وتسمروا ف مكانهم بذهول  .. وهم يشاهدون عمر يقبض على ذراع هويدا بغضب وسخط شديد ويصبح: انطقي يا بت جبتي الفيديو ده منين ؟؟

- وتعرفي حور منين انطقي ؟!

هويدا بدموع ورجفه : قلتلك معرفش خطيبتك .. سيب دراعي يا حيوان ...

اندفع فريد بسرعه وسحب هويدا من يد عمر وخلصها منه وهتف بغضب : سيب دراعها يا عمر انت اتجننت ؟!

اخذت عهد هويدا ف حضنها وربتت ع كتفها : اشش خلاص يا حبيبتي اهدي ..

هويدا براجفه : عايزه امشي من هنا يا عهد ..

سما بخوف : استني يا هويدا ..أنا السبب في كل حاجه ..أنا اسفه اوي !!

تمتمت عهد : يلا يا حبيبتي نمشي ""

عمر بغضب : تمشوا فين  ؟!  مفيش حد هيتحرك من هنا الا لما اعرف كل حاجه ..

فريد بغضب : اصبر بقا عشان تفهم ..

هتفت سما : هويدا ملهاش دعوه بالموضوع يا عمر !!
أنا اللي عارفه كل حاجه ,,

نفض عمر يد فريد بعنف وغمغم وهو يمسك ذراع سما : عارفه ايه انطقي ؟!

سما برعب : حور بتخونك يا عمر مع خالد زميلها ف المكتب .. ومع رجاله تاني كمان ..

عمر بعدم تصديق: انتي كدابه  ،، حور مستحيل تعمل كده !!

دلفت حنان بفزع : ف ايه يا ولاد ليه الزعيق ده ؟!

سما بدموع : أنا مش كدابه  .. حور بتخونك ...قطع كلمه سما صفعه قويه من كف عمر ع وجنة سما وصاح : قلتلك مستحيل !!

شهقه خرجت من فم عهد وهويدا ...
وهم يتمسكوا بسما بخوف قبل سقوطها ..

ضمت حنان ابنتها بحمايه : انت اتجننت يا عمر ؟!

جذب فريد عمر من قميصه وضربه بقوه بمقدمة رأسه ع انفه وهو يهتف بغضب: يمكن دي تفوقك ؟!
انت اتجننت ياض بتضرب اختك عشان الوسخه بتاعتك !

وضع عمر يده ع أنفه بالم وصاح : بتضربني يا فريد ؟!

صاحت حنان : لا يا فريد !!

فريد بفضب : واكسر عضمك كمان ... قبل ما تضرب
اختك وتتهمها بالكدب اتاكد من كلامها الاول ..

جذب فريد الهاتف من الأرض والقاه ف وجه عمر : خد وغور اتاكيد من الارف اللي ف الفون ده وبعدها .. اتكلم واضرب يا دكر ..

مسك عمر الهاتف وخرج بغضب اعمي والشياطين تلاحقه..
تقدم فريد وسحب سما وضمها ف حضنه وهو يمسح على شعرها بحنان غمغمت سما بدموع : أنا مش كدابه يا أبيه ..

- عارف يا سما عارف يا حبيبتي !!

هتفت حنان بغضب : ممكن تفهموني ايه اللي بيحصل ؟!