1
في بيت الجد يعقوب ،السعوديه،
نبيل:ي يُبه يومين وبنروح مكه انا والحرمه والاولاد
الجد:شقاعد تقول والعرس؟
نبيل:يُبه العرس بعد اسبوعين!وحنا بنروح نعتمر اسبوع وحنا عندكم.
الجد:بس ي ولدي مايصير ذا عرس بنت اخوك
نايف:يُبه الله يهداك خله يروح والعرس عاده مطول بالنسبه لي عادي
الجد:زين زين ما اقدر امنعك دامك مقرر الله يسهل
نبيل:مشكور ي يُبه ماتقصر
الجد:قم ي فيصل شوف وين منصور وسعود وقل لهم ابو ضاري جايي يتقهوي وخلهم يجو لعندي
فيصل:ابشر ي جدي تقدم يخرج من الملقط ويدور عليهم وتوجه للمزرعه
،بالمزرعه،
منصور:سعود عطنا قصيده من زمان على قصايدك
سعود بتفكير:على خشمي..قاطعهم دخول فيصل وهو يرد السلام بصوت جمهوري:السلام عليكم ي الربع
الكل:وعليكم السلام.
فيصل:ي شباب جدي يقول تعالو له
سعود عقد حواجبه:خير ويش يبي.؟
فيصل:يقول جايي ابو مضاري يتقهوي
منصور تأفأف:ويش جاي يسوي ذا
سعود:اعقل ي ولد جايي لعند جدي
فيصل:منصور خير ويش في لا يكون مانسيت ولسى حاقد عليه..؟!
منصور بتنهيدة:اها آها والله مانسيت وللحين مقهور كسر قلبي وكيف تبيني انسى.!
فلاش باك قبل سنتين
عند ابو ضاري الي كان قاعد جنب نياقه
ومنصور الي كان يتقدم لعنده
منصور:السلام عليكم
ابو ضاري:وعليكم السلام خير شجابك
منصور وهو يناضر النياق:ابد طال عمرك جدي يقوم تعال اتقهوى انت وياه
ابو ضاري:زين روح انت وانا بعدك
منصور:خلني اقعد عند النياق وانت روح لجدي
ابو ضاري عقد حواجبه:انت تقعد عند نياقي معصي والله معصي يخسى واحد مثلك يجلس عند نياقي
ناضره منصور بقله حيله ونطق:مو مغصوب على شي عطيتك اقتراحي واذا تبيني اقعد ابشر
ابو ضاري بعصبيه:اقول اذلف لا اجي اطوطى في بطنك هذول نياقي ومن يوم ماشريتهن وانت عيونك عليهن وحاسدني وتبيني اخليك تقعد عندهم تبي تاخذ نياقي مني اذلف
منصور:بشويش على نفسك لا يفقع لك عرق ونياقك خلهم لك ومانيب قاعد حتى لو تقول اقعد
تأفأف وهو يمشي ونطق:اخر من عنده نياق
،نرجع للواقع
فيصل:ولين متى بتجلس حاقد عليه
منصور:ماني مسامحه لين ابرد قلبي فيه حرمني من اني اجلس عند النياق وهاذا كان حلم طفولتي
سعود:عوضك ربي ي منصور بنياق وحلال بعد وش تبي ب النشبه ذا خلاص انسى
تنهد وهو صاد عنهم:خلاص خلنا نروح لعند جدي
وتقدم يخرج وخرجو معه ووصل الملقط وكان ابو ضاري وصل قبلهم
سعود:السلام عليكم
الكل:وعليكم السلام
الجد:علامك ي ولد تأخرت انت وياه
فيصل:السموحه ي جدي قاعد ادور عليهم وبزور لقيتهم
الجد:روح ي منصور جيب القهوه
ابو ضاري:السموحه منكم بس خرجت مستعجل وما تكحلت عطوني كُحل!
الجد:جيب القهوه والكحل من عند جدتك
منصور:ابشر وتقدم يخرج وخرج معه سعود وتوجهو لعند الحريم ودخل وهو ينادي امه
تقدمت ام سعود:هلا ي ولدي خير وش عندك
تقد منصور يقبل راسها:اخخخ جعل منحرم منتس ي الغاليه
ام سعود:ولا منكم يارب
سعود:يُمه جدي يقول القهوه والكُحل من عند جدتي
ام سعود:الحين اجيبهم تقدمت تدخل تجيب داله القهوه والكُحل روجعت:ها يولدي خذ اخذه سعود وتقدم يطلع
ناضر منصور الكُحل بيد سعود ونطق:سعود
التفت له:سم
منصور ابتسم بخبث:سم الله عدوك بس شكلي عرفت شلون ابرد حرتي فيه
تقدم لهم فيصل ونطق:علامكم واقفين هنا يلا تحركو
سعود ناظر منصور وعقد حواجبه:منصور شقاعد تفكر.؟
ضحك منصور:ابد طال عمرك بنتقم عطني الكُحل
ناظرو فيصل وسعود نظرات الخبث بعيونه وماتطمنو
اخذ منصور الكُحل وتقدم يرجع ينادي امه
ام سعود:وش نسيت بعد
منصور:يمه عطيني فلفل
ام سعود:وش تبي به ي ولدي.؟
منصور:يمه عطيني بسرعه
دخلت وجابت له الفلفل وطلع من عندها وتقدم يجلس بالارض ويصب الكُحل للارض ويعبي بدالها الفلفل وسكر العلبه وتقدم يدخل
مسكه سعود من يده:اعقب ي ولد
ناظره فيصل بخبث:لا تقول بتسويها
منصور بضحكه:بيبرد قلبي وأخيرًا
ابعد يد سعود وتقدم يدخل وصب لهم القهوه ب الفناجين وعطى ابو ضاري الكُحل وتقدم يخرج من الملقط وجلس بالحوش عند سعود وفيصل
منصور بضحكه:بنسمع الزلزال
ضحك فيصل:والله وسويتها ي ولد
سعود:خله يستاهل وان شاء الله تكون بردت على قلبك الحين،؟
منصور:برد والله...قاطعهم صوت ابو ضاري وهو يصيح:عيونييييييييي اااااه عيننننننني الحق ي ابو ناصر عيننننني عييييينيونيييييي انحرقووووو
منصور:سمعتو خلنا نهرب يلاه
فيصل:يلا يلا بسرعه
تقدم منصور وهو يدخل لعند امه للمطبخ وهو يلهث
سلمى:علامك هدي هدي خذ اشرب ماء
اخذ منها الماء وهو يلهث وشرب:اذا جا ابي وقال وين منصور لا تعلموه
مشاعل:الله يستر وش مهبب .؟
منصور بضحكه:بردت قلبي
،عند ابو ضاري بالمجلس اخذ ناصر الكُحل وشافه ونطق:يُبه هاذا فلفل مب كُحل
الجد بصراخ:وشوله
ابو ضاري:الحقوني عيوني بتنفجر الله عيووووني
راح نبيل وجاب سطل فيه مويه وتقدم يغسل وجه ابو مضاري ويمسح عيونه مره ومرتين وثلاث لين بداء يروح الفلفل بشويش
نطق الجد:السموحه منك ي ابو ضاري مانعرف ويش الي صار حقك علينا وانت قم ي ولد ورح شوف امك وليه الكُحل صار فلفل
نبيل:ابشر وطلع وتوجه للبيت والغضب بعيونه وهو عارف ان منصور وسعود هم راس المصيبه ودخل البيت ونطق:منصوووور سعووود
،عند منصور سمع صوت ابوه ونطق:رحت فيها ي منصور رحت
سلمى:شسويت ي منصور
منصور:اخرجي اخرجي وكلميه اني ماجيت هنا بسرعه
سلمى:بس ي..قاطعها منصور وهو يدفعها للباب:اخرجي خلصيني
خرجت سلمى وخرجت مشاعل معاها وتوجهت لعند ابوها
ونطقت مشاعل:يُبه شصاير.؟
ناضرها بحده ونطق:وين اخوس وين منصور
سلمى:شصاير منصور مو بالبيت
نبيل:تدرين اخوتس وش مسويين حطو الفلفل بدل الكُحل لـ ابو ضاري
كتمت ضحكتها مشاعل ونطقت سلمى:وشوووو يُبه انا الي حطيت الفلفل ب الكُحل
نبيل عقد حواجبه:وليه
سلمى:كنت قاعده اطقطق انا ورهف ومشاعل وكنا بنسوي مقلب ب ملاك
نبيل:حسبي الله ونعم الوكيل حسبي الله
وصد وطلع رجع لعند ابو ضاري
سلمى تنهدت براحه ونطقت:الحمدلله
مشاعل بضحكه:الولد ذا مصيبه والله مصيبه
وتقدمت تطلع من الملقط وتدخل للمطبخ وشافت منصور متكتف وخايف
وضحكت وضحكت معاها مشاعل بقوه
ناضرهن قاعدات يضحكن ونطق:علامتس انتي وهي وش الي يضحك؟؟!
مشعل:ي ولد مب ناوي تعقل ها
سلمى:تخيل صار له شي لا سمح الله ويش بيسوي ابويا فيك.؟!
منصور:وينه ابويا الحين ؟!
مشاعل:خلاص لا تخاف تقدر تخرج سلومه حلت المشكله
ناظر منصور لسلمى:كيف
حكت له مشاعل القصه..ونط يحاوط كتفها:اشهد اني معي اعظم اخت وش كنت بسوي بدونتس ي نظري
مشاعل:احمممم باقي واحده لاتنسى
منصور:فدا عيونتس ي الغيوره
سلمى:هاذا واجبي وانت بعد اخويا الا قول ليه سويت كذا
منصور :سالفه طويله احكي لك بعدين خلني اروح اشوف وش صار
ومشى وطلع من المطبخ وتوجهه للحوش وشاف سعود وفيصل قاعدين يضحكون وتقدم لهم ونطق:حليتها خلونا ندخل نشوف شصار معه
وتقدمو يدخلو المجلس
ــــــــــــــــ•ــــــــــــــــ .
،صنعاء في بيت عبده ب الديوان كان قاعد يتقهو هو عياله
صلاح:يُبه فكرت بكلامي،؟
عبده:ايشو،؟
صلاح:يبُه الله يحفضكم فكر مره ثانيه مايسبرش نطلع كُلنا
عبده:تكلمت من قبل وارجع اعيد اليوم الفجر بنسافر مكه وعنسير كلنا انا واخواني وخواتي وعيالهم
صلاح:بس ي يُبه كثير مانقدر نطلع كلنا اكثر من 20 نفر
عبده:هذول اخواني وصيه ابي لي فاهم وبنطلع كلنا وقد كلمتهم وقلت يجو يأخذون من سياراتي ونطلع
صلاح:دام هاذا الذي تشته يسير خير.
'
'
انتهى🤎..
اتمنى التفاعل قدر تعبي..
