18
،عند منصور بعد ماخلصو تجهيزات المخيم توجهو للبيت يغيرون وبعد ماخلصو طق باب الغرفه ودخل نبيل وام سعود وسلمى ومشاعل واسيل ناظر لهم نبيل وشافهم كيف مجهزين انفسهم وهو موب مصدق انه اليوم هو اليوم الي بيزوج فيه عياله اليوم الي كان بنتظاره من زماااااان وكانت الفرحه بقلبه وبقلب ام سعود الي كانت فرحانه انه اخيراً عيالها تزوجو وقدرت تشوفهم عرسان تقدمت لهم بالبخور وبخرتهم ودمعت عيونها تقدم لها سعود ومسح دموعا:افااااا تبكين ليييه ؟!
ام سعود:ذي دموع الفرح ي وليدي ،
قرب لها منصور وحضنها:يمُه دموعتس غاليه ما ابيتس تبكين ابد اليوم يوم الفرح بس،
ام سعود:ربي يحفضكم ي قره اعياني وجلعني اشوف عيالكم ،
ضحك سعود ونطق:امين امين ،
سلمى تقدمت لعندهم:كنت اقول انكم محضوضين بس بعد ماشفت ذا الزين كله تأكدت انهن محضوضات ،
مشاعل:اكيييد دام اخواني ،
ضحك منصور وناظر لا اسيل:اسول وين البزر حقتس؟؟
اسيل:معى غازي ،
منصور:كان ابي اخرج معه ،
مشاعل:لو تشوف ي منصور كيف صار شكله ب الثوب والشماغ والبشت ،
منصور :بروح اشوفه ماني قادر اصبر ،
نبيل:اجل يلا دام خلصتو خلونا نمشي الناس ينتضرون ،
سعود:اجل يلا وخرجو من الغرفه متوجهيين للمخيم ،
'
بغرفه وليد كانت اماني قاعده تبخره وخلصت ونطقت:اجل خلصنا ،
وليد:شكلي حلو؟؟
ناظرت لعيونه:من كثر حلاك اخاف يأخذوك مني ،
وليد بضحكه:اجل كذا تأكدت ان شكلي حلو بعدين لا تخافي انا لتس وحدتس ،
اماني:ادري انك لي وواثقه ،
وليد:تدرين اني اعشقك واعشق ثقتك فيني ،
اماني:ادري وانا بعد اعشقك،
ناظر لها بهيام ونطق:بخرج الحين قبل اكنسل سلام ناظرت له وضحكت وخرج وليد وبدئت تجهز نفسها للعرس ،
'
بغرفه آمال كانت قاعده تتجهز خلصت ودخل عليها يحيى وناظر لها ونطق:وش هالجمال وش هالزين تبين تذبحني؟!
آمال:بسم الله عليك شذا الكلام ،
تقدم لها وحاوطها من خصرها:بشكلتس ذا والحلاوة ذي بتذبحيني تسمعين وناظر لبطنها:ي الله متى بيخرج قولي له ان ابوه ينتظره من 4 سنوات خليه يستعجل ،
آمال بضحكه:ابشر بقول له خلنا نطلع قبل ماترجع للمخيم نبشر عمي وعمتي بيفرحون حيييييل ،
بعد عنها:يلا ،مشو متوجهين لصاله يبشرو العائله ،
'
عند العروسات بعد ماخلصو الميكب
نور:اسمعي بدخل الحمام البس فستاني
وانتي البسي فستانش لوما(لين)اخرج نشوف فستان من الحالي،
سما:مابش داعي عارفه ان حقي احسن،
نور بطرف عين:استغفر الله العضيم ودخلت الحمام تلبس وسما لبست فستانها خرجت وناظرت لفستان سما وسما ناظرت لها نفس النظرات ونطقين بنفس الوقت:حقي احسن،
نور:هاذا (واشرت على فستان سما)احسن من حقي؟؟
سما:ليش فاعله ان حقش حالي؟؟
نور:ايوه ولا حقش ابسري ابسري(شوفي) كيفو وارجعي اتحاكي (اتكلمي)،
سما:اسكتي اسكتي مشو ضروري تتحاكي قدنا داريه (عارفه)حق من الحالي وحق من الشوعه(موب حلو) ،
نور بعصبيه:مالش مالش عليا ي بنت عمي مافعلت بش؟؟
سما:تشتي(تبي)تدري ما فعلتي بي ؟!
نور:ايووه مافعلت بش؟!
سما:ولا شي بس فستاني احسن ،
نور:والله انش غيرانه من فستاني ،
سما:اني اغار....قاطعهم طقه الباب ودخلت سلمى ومشاعل
مشاعل:وووو فستانتس ي نور يهبببببل
سلمى:سما فستانتس خياااااااال
نور:رفستو حق من الاحسن حقي ولا حقها؟؟
سلمى:كلهن حلوات ،
مشاعل:ايوه حقتس حلو ي نور وحقتس ي سما حلو ،
ناظرت نور لسما بطرف عين وبادلتها سما النظرات لاحظت سلمى النظرات ونطقت:يلا يلا الحريم وصلو ،
نور:يلا مشو متوجهات للمجلس وكان كل حريم الديره منتظرات ،
'
عند يحيى دخل الصاله ونادى امه وابوه وساره خرجت ساره:هلا تبي شي ؟؟
يحيى:يمُمممممه وينتس تعالي ،
ساره:يحيى شفيك ؟؟تقدمت ام يحيى ونايف ،
ام يحيى:علامك وراك تصارخ؟؟
ابو يحيى:فيك شي ؟؟
يحيى:يُمه يُبه اليوم انا اسعد انسان بالعالم!،
ساره:دايمه عليك يارب،
ام يحيى:فرحنا معك ي وليدي ،
يحيى:يُمه بتصيرين جده بعد 8 اشهر بصير اب ،
فزت ساره ونطقت:احلف ،
ام يحيى تجمدت بمكانها من الفرحه والدموع تجمعت بعيونها:صدق؟؟الف مبروك ويتربى بعزك يارب،
ابو يحيى:اخيراً ربي فرح قلوبكم الف مبروك ي بنتي الف مبروك ،
آمال:يبارك فيك ي عمي اخيراً،
ام يحيى:لازم تنتبهين لنفستس وتعتنين بصحتس ولا ابيتس تسويين شي ابيتس تنتبهين لنفستس ولولدس بعد ،
آمال:ابشري ي عمه ،
يحيى:تنتبهين لنفستس وتسمعين كلام امي ،
آمال بضحكه:ابشر ابشر بسمع الكلام ،
يحيى:اجل انا رايح ابيتس تنتبهين لنفستس ولا ترقصين ،
آمال بضحكه:ابشر ،
ام يحيى:اجل حنا بعد نطلع،خرجين متوجهات لمجلس الجد،
'
بالمخيم كان الكل قاعد يرقص ومستانسين وقفو بتعب ،
عساف:تعبت بس ما ابي اوقف رقص،
فايز بضحكه:لا توقف ارقص ،
فيصل:ذا عرس الغاليين نرقص بدون مانوقف يلا،
صفعه خالد على راسه:واذا عرس الغالييين شستفيد وجع ارجولي بس ،
منصور:اقول اسكت ولا والله ما ارقص بعرسك،
خالد بضحكه:لييه من قال لك اني بعزمك؟؟
مشعل بضحكه:بووووووم زيد عليك بيوم عرسك ي منصووووور،
منصور ناظر له بطرف:لا تعزمني مانيب جاي عرسك ي الخسيسسس ،
عساف:يلا خلونا نرجع نرقص ،رجعو يرقصو وبدئو المعازيم يسلمون على منصور وسعود ويباركون لهم ،
'
عند البنات بعد مادخلين مجلس الجد بدئو البنات يرقصون والحريم يباركون لسما ونور وام سعود قاعده مع حريم الديره
ام نجلاء:الا شصار معتس ي ام سعود وخطبتين لعيالتس من بنات اليمن؟؟ولا بنات الديره ماملون عيونتس ،
ام سعود:بنات الديره يازينهن بس ربي كاتب نصيبهم من اليمن مانقدر نسوي شي ،
ام سلمان:لوكان خطبتو من الديره كان افضل من البلاد الغريبه ،
ام ضاري:ايوه كان عرفتو شطيبعه البنت شأصلها من اي طبقه احسن ،
ام سعود:شفيهم بنات اليمن والنعم فيهم والله ،
ام نجلاء:ماقلت فيهم شي بس مستغربين انكم زوجتو من خارج القبيله،
ام سعود:حلو التغيير،وصدت مشت من عندهم والحريم كانو قاعدين يناظرون لـ نور وسما ،
'الكل كان مستانس وفرحان والأجواء كانت رقص وفرح ومر الوقت لين جت وقت الزفه ،
،نور الي خرجوها لغرفه لجل سعود يدخل على سما دخل سعود وناظر للحريم وتقدم يمشى وهو يشوفها كيف قاعده تناظره بفستانها الابيض وشعرها الأسود ومكياجها رغم انها كانت عروس كان خفييف وكانت جميله حيييل لدرجه عجز سعود يشيل نظره عنها،وصل وقعد جنبها
