26
'
صبحتو بالخيِر من خاطر مسِفهل وطربِان🤎،
'
عند منصور وسعود الي تعبو من كثر مادورو على البنات بس بدون فايده،
سعود:وين بنشوفهن الحين؟؟
منصور:سعود شف في نار،
لف سعود يناظر:صادق شكل البنات،
منصور:تعال نشوف،
تقدمو شويه وشافوهن البنات،
سعود:حنا قاعدين نلف الدنيا ندورهن وهمَ قاعدين يشبون النار،
منصور:ذا حرام والله بس خله الحين اوريهن شلون يخرجين من المخيم،
سعود:وش بتسوي؟؟
منصور وهو يتلثم بشماغه:بتشوف انتظر هنا،
مشى بخطوات خفيفة لين وصل لعند نور ومسكها،
نور بخوف: يُمههههه يُمهههههه بنااااات من ذااااااا،
صرخين البنات بأقوى قوه،
سلمى بصراخ:وشششش تبي فلتها،
سما:من اننننت؟؟
نور الي بدئت تبكي بخوف:لو سمحت فلتني ايش تشته مني فلتني،
سكر فمها بيدها وقال بصوت مشحب:خليكِ ساكته،
عقدت حواجبها من الصوت وقال بنفسها(منصووور لا والله منصور ذي ريحه عطره هييين ي منصور هيين بوريك،بدات تدق على يده بخوف وتأشر للبنات بمعنى انها اختنقت،
سما:فلتهااااا البنت اختنقت بتمووت،
ماقدرين البنات يسويين شي لإنه محاصر لـ نور واي حركه بيأذيها،
نور الي مثلت الاغماء وطحت لحضنه،
سما بصراخ:نووووور،
سلمى:ي وييييييليييي قتلت البنت نووووور،
منصور وهو يحط راسها بفخذه ويبعد الشماغ،
طارت عيون مشاعل بصدمه:منصوووور!!!
سلمى:حسبي الله ماتستحي على وجهك انت خرعت البنت،
منصور وهو يطالع بنور:لا تخافي مافيها شي،
سما:ايش الي مافيها شي مشنت(منت) شايف كييف دايخه؟؟
مشاعل:منصور مافييي مويه حاول تصحيها،
منصور:شفيكم زوجتي واعرفها اكثر منكم مافيها شي،نور يلا اصحي،
نور الي عرفت انو كشفها أصلًا رئيس المقالب وماتبي يكشفها قامت بهدوء والبنات يناظروها بصدمه،دخل سعود شافته سما وتخبت ورا سلمى،
سعود:ليه طلعتو من المخيم؟؟
مشاعل:والله كله من نور سمعت صوت وخافت وقالت مستحيل تقعد وخرجنا ندوركم بس...
سعود بمقاطعه:بس شفتو المكان ذا حلو قلتو خلونا نقعد وطز فيهم المهم حنا نستانس صح،
سما من ورا مشاعل:تكبير المواضيع عندك ماشاءالله ايش هاذا السيناريو الي سويته؟؟ ضعنا مش عجبنا المكان ونور كانت بارده شبينا النار لجلها،
سعود:انتي بذات ما ابي اسمع صوتس اسكتي،
سما:ابشر،
سعود:يلا نرجع،
مشو البنات بهدوء ونور الي اخذت جوالها ولفت بتمشي بس مسكها منصور الي تعمد يمسكها ليين يمشون،
نور بنبره غضب:معد باقي في راسك مقلب؟؟يلا طبق مستعده،
كاتم ضحكته من عرف انها زعلانه من نبره صوتها:مافي مقلب في بالي بس انتظري الحين بيطلع مقلب،
ناظرت له بطرف عين ودفته ومشت،
لحقها ووقفها وسحبها لحضنه وشد عليها وهو يدفيها بفروته ،
نور وهي تحاول تبعده:منصور ابعد،
منصور:خليتس كذا شويه،
هدات بس شويه وهي تحاول تبعده،
بعد عنها وهو ماسك يدينها:ليه كذا بردانه؟؟
نور:ماتبسر كيف الدنيا برد خلنا نرجع،
منصور الي رفع يدينها لفمه وينفخ فيهم،
نور الي ناظرت له بهدوء وكل تفكيرها تقلبات مزاجه ساعه مافي احن منه عليها وساعه مايخلي شي مايخوفها احتارت من ها الانسان وتصرفاته وقعدت تفكر هي حُب ولا وش؟؟ واذا حُب ما ابي اشوف حنيته ابدا لانه بتصرف من تصرفاته الحنونه توديها بستين داهيه وماتقدر تتحكم بمشاعرها ،
ترك يدينها وفسخ فروته ولبسها،
نور:لابسه خله،
منصور:جاكيتس خفيف تدفئي بفروتي،
نور:بس برد عليك،
منصور:لا تهميني المهم انتي مانيب ناقص تمريض،
نور:هاذا شغلك، انك تهتم بزوجتك وتعالجها اذا مرضت ،
منصور وهو يمشي:ادري ان شغلي هو انتي بس نأخذ ب الاسباب ،
نور وهي تلحقه:الزوج لازم يحترم زوجته ومايفجعها ويخاف عليها ومايفجعها ويغار عليها ومايفجعها بس سبحان الله ربي خلقك عكس،
ضحك من عرف انها تلمح لمقالبه:ابد انا اذا حبيت شخص كذا اعبر عن حُبي،
نور:ايش هاذا من حُب عام كم انت..سكتت من جت لها لحضه ادراك انه اعترف لها اعتراف غير مباشر بلعت ريقها بخوف ومشت تسارعه بخطواتها،
ابتسم وهو يشوف كيف تفشلت واسرع بخطواته يسبقها،
ناظرت له وسارعت اكثر،
وكذا كل ماسارعت سبقها ماقدرت تتحمل وركضت وهي تضحك،
منصور:بشويش بتوقعين،
نور وهي تركض:بسبقك،
ضحك عليها وركض يسبقها بس كان يتعمد يبطىء عشان تسبقه،وصلو للمخيم وكان الوقت متأخر نامين البنات بالمخيم ومنصور وسعود قعدو خارج المخيم ينتضرون احد بس طال انتضارهم ونامو بدون مايحسو،
'
الجد:للحين ماوصلو وش الي صار عليهم؟؟
وليد:بنروح نشوفهم ي جدي،
الجد:اهجد ي ولد وين تروح ذي الحزه نص الليل؟؟
وليد:نشوفهم،
الجد:بننتظر اذا ماجو الصبح روحو،
وليد:بس..
ابو غسان:جدك صادق بكره نشوف،
ابو يحيى:جربتو تتصلو عليهم؟؟
ابو سعود:اتصلت بس مافي شبكه عندهم،
غازي:لايكون لسى بالمخيم ترا مافي شبكه فيه،
وليد:الله يعلم،
الجد:بنتأكد بكره،
-
«الفجر صحى وليد وغازي وحركو متوجهين لعند سعود ومنصور»
'
عند منصور وسعود بدئت الشمس تطلع بشويش والبنات صحين وسوين القهوة،
منصور:بنروح ندور شبكه ولا حد يساعدنا وانتو اقعدو هنا،
الكل:تمام،
مشو والبنات اخذين القهوه وعدلين جلستهن ويناظرين الشروق،
بعدت نور الطرحه من راسها وبدا شعرها يطير معى نسيم الهوى البارد،
سلمى:المنظر يثلج الصدر،
نور وهي تناظر بهيام وتذكرت وقت الغروب معى منصور وتذكرت كل شي لها باليمن امتلى مجحر عيونها بالدموع من تذكرت امها،
مشاعل الي لفت لها:نور شفيتس ليه تبكين؟؟
لفو كلهم لها ،مسحت دمعتها الي حرقت خدودها وقالت:مافي شي،
سما:نوور ايش فيش،
نور:والله مافيني شي،
سلمى:طب ليه تبكين؟؟
نور:مابلا(مافي الا) تذكرت امي،
مشاعل:اشتقتي لها؟؟
سما:اكيد ليش به من ما يشتاق لأمه؟؟
نور الي بدات تغني بقهر وبيدها القهوه وتناظر الشروق:
ألا يُمممممه على بُععععدش حنينييييي كُثر خيييييرش ،
سكتت تستجمع انفاسها وكملت:
كُثر يانوررررر عينيييي كثُر خييرش كُثر يانووووور عيني،
ألا يُممممممه كُثر خيييييرش عدد ماكاااااان عددماكاااان عددماكككككان،
سكتت ماقدرت تكمل خانتها العبره ونزلت دموعها مثل الجمر على خدودها وكل دمعه كانت تعبر عن شوقها لأمها وعن شعور اشتياقها لعائلتها وديارها، حطت القهوه من يدها ومسحت دموعها وناظرت للبنات كل واحده كانت تناظر الشروق بهدوء،
لفت لها سما:خلصتي؟؟
نور بضحكه تسليك:ايوه،
سلمى:ياليت كان جوالتس شغال كنت بصورتس كان شكلتس يدوووخ وانتي تغني صراحه،
مشاعل:مشاءالله صوتس يهبل والأغنيه مرررره مأثره،
سما:بنت عمي وادري معاها صوت يجنن،
سلمى:ذي المره انا معتس،
'
عند منصور وسعود طال انتظارهم وماشافو شبكه،
منصور:خلنا نرجع تعبت،
سعود:شف في سياره جايه وأخيرًا،
فز منصور بفرحه:وأخيرًا،
لوحو لصاحب السياره عشان يوقف ركز عليهم ووقف، نزل من السياره وهو يقول:بغيتو شي؟؟
سعود:والله محتاجين مساعده،
صاحب السياره:ابشر بعزك وانا اخوك وش بغيتم؟؟
سعود:بشرك الله بوجه النبي، ابد انفقع التأر ومحتاجين تأر اذا في معك عطنى وبشر بالسعر الي تبيه،
صاحب السياره:لا شدعوه مابغيت فلوس ذي مساعده مني،
منصور:والله انك بتأخذ قيمتها ي..
صاحب السياره:حطام،ليه تحلف وانا اخوك مافي داعي للفلوس،
منصور:لا ي حطام ذي من حقتك،
حطام:اجل انتضرو بجيبه،
راح وجابه لهم وعطوه الفلوس وبالزور قبلها،
حطام:تحتاجون مساعده بتركيبه؟؟
سعود:كثر الله خيرك،تسلم نقدر نسويه،
حطام:اجل الله معاكم،
منصور:فمان الله،
ركب حطام السياره وحرك وسعود ومنصور راحو للمخيم ،
منصور:وييينكم تعالو،
خرجو البنات على صراخ منصور،
سلمى:وش بك تصارخ،
منصور:ابشركم شفنا تأر وبنروح،
فزو البنات بفرح مشاعل:في ذمتك،
منصور:والله،جهزو وحنا بنركبه ونحرك،
مشو البنات يجهزو ومنصور وسعود راحو للسياره يصلحوها،خلصو وطلعين البنات ومشو متوجهين للبيت،
'
بغرفه يحيى كانت آمال تحس بوجع خفيف في بطنها وكانت تحاول تتحرك عشان يخف الألم ودارت على الغرفه مره وثنتين واربع بس الألم صار اقوى ماقدرت تتحمل اخذت جوالها ودقت على يحيى الي كان في بيت الجد،
يحيى:حي الله ذا الصوت،
آمال بصراخ:يحيى ويييييينك تعااااال بطننننني بطنننني،
قفل يحيى المكالمه بدون مايقول حرف وخرج مسرع من المجلس ودخل البيت،
ام يحيى:بسم الله الرحمن ايش فيك ي ولدي،
يحيى وهو يركض للغرفه:آمال يُمهههه،
فزت ام يحيى بخوف ولحقته للغرفه،
وصل للغرفه وشافها تتحرك وكاتمه على وجعها،
يحيى:آمال شفييتس؟؟
آمال ببكى:يحيى ولدييييييي ولدددددي،
انصعق يحيى من نبرة صوتها ومسكها بأكتافها ويهز:شفييييه ولدددي شفييييه؟؟؟
ام يحيى:يحيى جهز السياره نأخذها للمستشفى،
خرج يحيى وهو يركض وام يحيى لبست آمال العبايه واخذتها للسياره وحركو،
'
بطريق عند سعود ومنصور،
سلمى:منصور بقاله تكفى خذ لنا اي شي،
مشاعل:اي والله ميته جوع،
منصور:وش بغيتم،
نور:خذ لنا اي شي راضيين،
وقف سعود السياره ونزل منصور البقاله،
سما:سعود،
سعود:هلا،
سما بدلع:قره عيني،
سعود:سمي،
سما بتقليد:سم الله عدوك،بس طالبتك بشيء،
سعود الي لف لها:وش؟؟
سما:اول قول تم،
سعود:طب وشو؟؟
سما:لا قول تم ولا خلاص معاد اشتي شي،
ناظروها البنات بأستغراب وعلى وش ناويه،
سعود بقله حيله:تم يلا شتبي،
سما بفرحه:حرك السياره لورا ذا البيت'بيت على يمينهم قريب من البقاله بس السياره اذا دخلت ماتنشاف'
سعود:لييه،
سما:خلنا ننتقم من منصور امس قرح (فقع)ريتي ،
فزو البنات من عرفو على وش ناويه،
سلمى:تكفى ي سعود تخبىء تكفى،
سما بتقليد:ترا قلت تم يلا،
حرك سعود السياره بهدوء وتخبو،
خلص منصور وخرج بس ماشاف السياره عقد حواجبه بأستغراب لف يمين شمال بس مافي،
منصور:غريبه وين راحو؟؟
عند البنات الي كانو ميتين ضحك على شكل منصور،
نزلت نور شباك السياره وقالت بهمس خافت:منصوووور منصووور،
لف منصور على الصوت بخوف وهو موب شايف احد،
نور:منصوووور منصوووور،
حط يده على راسه وقال:اعقب ي ولد قاعد تتخيل صوت البنت ولا وشو،
سلمى بضحكه:سوينها وقلبنا عليه،
مشاعل بضحكه:شوفو شوفو كيف يدور على الصوت،
سعود الي لف لسما:برد قلبتس الحين؟؟
سما:نص برده بس بوفي النص الثاني قريب،
ضحك عليها وخرج من ورا البيت،
شاف منصور السياره وتقدم يفتح بس سعود حرك،
منصور:قاعدين تلعبون معي؟؟
وقف سعود السيارة وراح منصور يفتح بس سعود حرك،
منصور الي تنرفز:خلي السياره لك ماني بطالع،ومشى على رجوله متجاهل سعود،
سعود وهو يلحقه بالسياره بشويش:اطلع،
منصور:ماني بطالع،
سعود بضحكه:مارح اعيدها اطلع،
طنش منصور وهو يمشي،
سعود:منصووووور اطلعععع،
منصور الي لف له:واذا ماطلعت ؟؟
سعود:بنزل اسحبك من راسك اطلع بكرامتك،
مشى منصور بيفتح بس سعود حرك،
هنا الكل فرطو ضحك ومنصور الي يمثل الغضب وداخل ميت ضحك،
منصور وهو يقلد سعود:منصووووور اطلعععع،
سعود بضحكه:طب الحين اطلع،
منصور:بأحلامك،
سلمى من وسط السياره:ذا حقت امس ي منصور،
منصور:اوريتس هيييين،
سعود:يلا ي منصور تأخرنا،
منصور:رح لك الله معك،
سعود الي حس انه زودها نزل من السياره وحاوط كتفه وهمس:همَ قالو كذا يامنصور،
منصور:وانت تصدق،
سعود:اسمع الحين الملعب لك سوى فيهن مابغيت انتقم،
منصور:ذا اكيد بنتقم،
سعود وهو يسحبه:اجل يلا مشينا،
طلعو السياره وسعود حرك،
مشاعل:ويش شريت؟؟
منصور:فيران تبي؟؟
مشاعل:لا ما ابي فيران خلهم لزوجتك،
منصور وهو يلف لنور:اماااا فيران لزوجتي لالا والله تستاهل اخس من الفيران،انا تلعبي علي انا منصور بن نبيل هيييين،
نور بتقليد:افااا انا العب عليك ماعاش من يعلب على الجرُوي حقتي،
سما هنا ماتت ضحك ماقدرت توقف ،
سلمى:وش معنا ذي الكلمه؟؟
نور:ذا لقب زوجي،
مشاعل:طب وش معناه؟؟
نور:اسفه مقدر اقول لكم سر،
منصور الي شك من ضحكته سما عطاهن الكيس واخذ جواله يبحث،
منصور:سعود في شبكه هنا... سكت من وصلين له المكالمات والرسايل قعد يقرأ وعلى طول دق على وليد،
منصور:وين انت،
وليد:وين انتم حنا موجودين،
منصور:انقع التأر بس شفنا شخص وعطانا والحين مروحين انتو لا تجو،
وليد:اجل حنا بالطريق بنرجع،
منصور:يلا سلام،
قفل ورجع اتصل على ابوه يطمنه خلص وشغل اغاني وقدو يغنو وهم فرحانين ونسى موضوع البحث،
'
بالمستشفى عند يحيى بعد ماوصلو اخذو آمال لغرفه الفحوصات،
يحيى:يُمه ولدي شفيه؟؟
ام يحيى وهي تمسح على ضهره:مافيه الا كل خير ي ولدي لا تخاف،
يحيى:الله يسمع منتس ي يُمه،
خرجت الدكتورة ودخلت غرفتها وخرجت آمال بعدها ويحيى وامه دخلو معاها،
يحيى:شفيها ي دكتوره،
الدكتورة:عندها التهابات بس بسيطه بكتب لها شويه ادويه وبتصير احسن،
يحيى:مافي خطر على الولد؟؟
الدكتوره:لا مافي اي خطر بس لازم تنتبه لصحتها،
ام يحيى:الحمدلله مافي اي خطر،
يحيى:يُمه بروح اشتري الادويه ونتي خذيها وروحو لسياره،
ام يحيى:قومي ي بنتي،
راح يحيى يجيب الادويه وآمال وام يحيى راحو للسياره خلص وراح ركب وحركو،
يحيى:خاطرتس في شي؟؟
آمال:ولا ابي شي،
يحيى:يُمه وانتي تبين شي؟؟
ام يحيى:سلامتك ي ولدي مابي شي،
'
قبل العصر وقف سعود السياره بالحوش نزلو، سعود ومنصور راحو لعند الجد والاخوال يسلمو والبنات كل واحده راحت لغرفته،
سلم منصور وسعود وانسحبو لغرفهم،
دخلت نور الغرفه وحطت جوالها بالشحن واخذت اجلاله الصلاه ودخلت الحمام تغسل،
دخل منصور الغرفه وعرف انها بالحمام انسدح على السرير ينتظرها،
وبعد دقايق خرجت وهي لابس روب الصلاة والمنشفه براسها شافت منصور مغمض عيونه وقالت:منصور ،
فز بخوف:هااااا،
نور:راقد؟؟
منصور وهو يمسح على وجهه:غفيت من دون ما انتبه،بروح اغسل خرجي ملابسي،
هزت راسها بـ الايجاب، دخل منصور الحمام ونور خرجت له الملابس،أذن اذان العصر، صلت وخرجت لها فستان يشبه لبس المغربيات وفتحت الصدر على شكل٧ ولبست حطت الطرحه على راسها وخرجت من الغرفه متوجهه للمطبخ تشرب ماء،
'
عند سما بعد ماصلت لبست فستان احمر ب اكمام مخصر جسمها وانييق رفعت شعرها وحطت المكياج وكتفت بروج احمر ومسكرا بخت عطرها وسعود الي كان جنبها ولابس ثوب ابيض وشماغ ابيض والعقال الاسود وساعتته السودا دهن العود وتقدم يمرر لها من ورا اذنها وقال:ذا افضل من العطر،
سما:كله حالي تيه (هاذا)ولا العطر مايفرق،
سعود وهو يناظر شكلها الي حرفيًا مسحور:بقيم شكلتس،
تعدلت بوقفتها بدلع:كم،
سعود بتفكير:اممممم 3/10،
سما:كم كم كم ؟؟؟
سعود وهو كاتم ضحكته:3/10،
سما:بالله عليك هاذي الفخامه كلها وب الاخير 3 حرام والله..سكتت شوي وقالت بغرور:مش مهم رئيك ادري اني حلوه،
سعود: تبختري بين التواضع والغرور
وأخذي من أبيات الغزل ماتشتهين ومري على قصايدي 'مثل البخور'لين اتنفس شعر مهوب اكسجين،
لفت له بصدمه وبتسمت بخجل من كلامه،
سعود: من خجلها يوم حمّر خدها
كنها شمسٍ على صدر الغروب،
حطت يدها بوجهها بخجل ومشت وهي تقول:يلا تأخرنا،
مسكها من يدها وجلسها بحضنه وقال:لو كنت ادري ان اشاعري بتخلي شكلتس كذا كان شعرت لتس من زمااااان،
سما:كيف شكلي؟؟
سعود: اللطف من الغيمه البيضا الى درت واحلى من السكر اللي بأخر الشاهي،
انقطع صوتها وهي تناظر له بصدمه،
سعود بضحكه:شفيتس من اكل لسانتس؟؟
سما وهي تقوم من حضنه وتحاول تخفف التوتر وتنسى كلامه:ابد في واحد اليوم مدري شفيه قاعد يتكلم كلام مهوب له،
ضحك بقوه وقال:ماعجبتس؟؟
سما:لا ماعجبني،
سعود:احترت فيتس الصراحه اذا قلت شكلتس مهوب بحلو تطقين راسي واذا قلت شكلتس حلو قلتي ماعجبتس طب وش تبيني اقول؟؟؟
حطت يدها على كتفه وقالت:اي شي منك حلوه ادري انك تستعبط علي وان الكلام مهوب من قلبك ي قره عيني،
سعود:اماااا ومتى يكون من قلبي؟؟
سما:نبره صوتك تتغير وتجيب قصايد بذي اللحضة اعرف،
سعود بضحكه:طلعتي ذكيه،
سما:اكيد دامني زوجت سعود،
سعود:واثقه!!
سما:اكيييد،
'
بالغرفه دق جوال نور بس مافي رد دق مره ثانيه خرج منصور من الحمام والمنشفه محاوطه خصره وراح يشوف المتصل عقد حواجبه من قرا اسم المتصل 'اختي الغاليه' دخلت نور الغرفه،
لف لها:اتصال!!!
بلعت ريقها بخوف وهي تشوف شكله واول مره من زواجهم تشوفه بذا الشكل تجمدت بمكانها بخوف،
منصور:شفيييتس تعالي ردي،
تقدمت واخذت الجوال من يده وفتحت الأسبيكر وهي تقول:حيااااا بروحي حياااا،
سلطانه:حياااااا ملاااان الدنياء،
نور وهي تقعد على التسريحه:جبرني كيفش وكيف اخبارش ورب اني فاقده لش خيرااااات،
سلطانه:الله يحفضش ي نضر عيني والله الحمدلله بخير انتي كيفش ،
نور:والله الحمدلله ما نسأل الا عنكم،
سلطانه:والله من يوم تزوجتي معى سمعنا صوتش،
نور الي رفعت انظارها له وهي تشوف كيف قاعد يلبس وشعره المبلل وعروق يده البارزه عضت شفاتها السفليه من منظره، شتت انظارها من لف يناظرها،
نور:والله اني موجوده بس انتي المختفيه معى زوجش متى روحتو من سقطرى؟؟
سلطانه:قبل اسبوع،
نور وهي ترطب يدها بالكريم:لوكان سحبتي على سقطرى وطلعتي معانا انو افضل لش،
سلطانه:كان نفسي اجي معاكم بس مانفعل المهم كلام زوجي،
نور:يخووو جحفه(مالت) عليش وعلى زوجش ،
سلطانه:ي ويلش على زوجي مافعل بش(وش سوى فيتس)،
نور:مافعل بي شي ،ذلحين مش ناويه تقفلي؟؟
سلطانه:خير مامعش ؟؟
نور:اشتي اتصلح وانتي اتصلتي وقاطعتيني اليوم خالت زوجي جت بروح اسلم عليها،
سلطانه:خاله زوجي وحركات هيا اسمعي بجلس اتجابر انا ونتي لوما تخلصي(بتكلم معتس لين تخلصي)،
نور:ايوه قولي لي سرتي(رحتي) عند امي او ماشي(لا)؟؟
سلطانه:ايوه رحت قبل امس لو تشوفي كيفي حالتها حاله بعدش،
نور:جبرني بها والله ان قاني فاقده لها لو تبسري بس،
وقعدت تسولف معى اختها ومنصور الي خلص ولبس ثوب اسود وتعطر ولبس ساعته وحط الشماغ الاحمر والعقال لين تخلص نور يشوف شكله ويسويه قعد على السرير يستمع لكلامها هي واختها ويناظر لها كيف تتجهز،
نور الي كانت تسولف معى اختها وهي مبسوطه بدات تسوي المكياج وحطت ايلاينر خفيف وكُحل اسود وحطت المسكرا على عيونها وبرزت شكل عيونها الصغيرة معى شكل فستانها الأسود والذهبي، طبعت بشفايفها روج احمر ولبست بعنقها سلسال ذهب وكان فيه اربع عملات ذهبيه وخيوط دقيقه على حوليته كان انيقققق حييييل ولبست بيدها ذهبها قفلت المكالمه وفردت شعرها البُني الناعم وتعطرت وناظرت لشكلها برضا تام،
بالنسبه لمنصور الاشياء ذي كانت كثيييره في حقه احتار على وش يناظر على عيونها الي فيها الكحل صايًد ولا عنقها عنق الغزال ولا مبسمها مبسمٍ ربي من الورد سواه، انشلع قلبه شلع من منظرها ومنظر شفاتها،
حاول يشتت افكاره ويتحكم بمشاعره وقال:خلصتي،
لفت له:ايوه ليش؟؟
منصور:بستعير المرايه شويه اضبط شماغي،
نور:منصور وش رئيك اسوي له عمامه،
منصور:لا ما ابي،
نور:خلني اسويها نفس تصلوحنا باليمن،
منصور:لالا ،
نور:منصووور تكفى تكفى،
منصور الي كان ذايب بشكلها ذاب اكثر بصوتها:طب تعالي،
مشت وهي فرحانه اخذت الشماغ وقربت له نزل راسه وبدات تلف على راسه،
رفع نضره وماكان يشوف غير عنقها
سرح بسلسالها الي برز عنقها رفع سبابته يثبت سلسالها يمررها حول عنقها بهدوء ورد بنضره لفتحت الصدر حست بخوف انه بيعيد الحركه وحاولت الابتعاد رفع يده سحبها من خصرها وقرب وجهه لها يطلبع قبلته الأول تسارعت انفسها بخوف من قربه الشديد لها وماكان يبي شي غير يلبي رغبته فيها ويشبع منها ويخلط كميه الحب والمشاعر الي في قلبه لها ويصيرو واحد،
قاطع قبُلتهم الاولى من انها تصير سلمى وهي تدق الباب، رفع نظره للباب بضيق ورد يناظرها ويناظر الخوف بعيونها بعد عنها بهدوء وراح يثبت شماغه، ونور الي تنفست براحه فتحت الباب وكان ودها تبوس سلمى انها انقذتها،
سلمى:خلصتو؟؟
نور:ايوه،
سلمى:يلا الحقوني،
هزت راسها ب الايجاب وقفلت الباب وناظرت لمنصور الي كان بيبعد الشماغ،
نور:لا خله لا تبعده،
منصور:احس مهوب حلو،
نور:لا والله يجنن،
منصور:متأكده،
نور:ميه بالميه وليش برضى على زوجي يخرج بشكل مش حلو؟؟
ابتسم بخفه:اجل يلا مشينا،
نور:يلا،
مسكت يده ومشو متوجهين لعند الخاله مُزنه،
نزلو وقال بصوت مرفوع:طريييق،
دخلت الهنوف والباقي حطو الطرحه على راسهم،
ام سعود:ادخل،
دخل منصور ونور معه وتقدم يسلم على خالته وعلى حريم اخواله وقعد ونور جنبه،
الخاله مُزنه:ي حيا الله ولدي من امس منتضرينك انت وزوجتك،
منصور بضحكه:الله يحييتس ي خاله توه نور بيتنا،
الخاله مُزنه:البيت منور بأهله، بعدين مشاء الله جايب بنت ي حليلها،
منصور وهو يناظر بنور:وانتي صادقه ماشاءالله عليها،
ابتسمت بأحراج وقالت:تسلمي ي خاله،
ام صقر:لوكان زوجتوه من العائله كان افضل،
ام الهنوف:وانتي صادقه ليه يزوجون من بنات اليمن خلصو بنات السعوديه؟؟
منصور:وش فيهم بنات اليمن والنعم فيهم بعدين ذا النصيب وانا احمد الله على ذا النصيب باليوم الف مره واشكر ربي انه عطاني ياها وي حضي فيها ف يعني مافي داعي لكلامكم وذي حياتي ومرتاح فيها،
ام صقر:وش بك ماقلنا شي بس..
منصور بتطنيش:الا وش اخبارتس ي خاله؟؟
الخاله:الحمدلله بخير،
منصور:وين زوجتس ليه ما اجى؟؟
الخاله:انت تدري اذا اخواني موجودين مستحيل يجي قال بيجي مره ثانيه،
ام سعود:وين اخوك للحين مانزل،
منصور:والله مدري،قام وهو يقول:عاد انا استأذن،
الخاله:اقعد شفيك،
منصور:بروح اشوف اخوالي والعيال،
الخاله:اجل دام كذا الله معك،
خرج منصور وخرجت معه نور،
نور:منصور وقف،
لف لها:سم،
نور:سم الله عدوك ، بس لحضه اعد العمامه،
وقف بثبات ونور تعدل له الشماغ،
منصور:اذا قالو لتس شي تجاهلي هم كذا،
نور:تمام،
منصور:بس لو زودوها لا تسكتي،
نور بضحكه:ابشر،
دخلت شوق الي خرجت معى فلاح وناظرت لهم وعرفت ان ذا منصور وذي حرمته صدت ومشت متجاهله وجودهم،
نور:من ذي؟؟
منصور:معرفها شكلها واحده من البنات،
نور:خلصت تقدر تروح،
خرج منصور ودخلت نور وقعدت جنب ام سعود،
'
ببيت نايف،
ساره:الحين متأكده انتس بخير؟؟
آمال:والله اتحسنت شفيتس،
ساره:اخاف يحيى بيقتلني لوصار لتس شي،
ام يحيى:بنتي اذا فيتس شي وماتقدرين تخرجين معانا اقعدي وبقعد معتس،
آمال:لالا ابي اخرج اوسع صدري،
اسيل:اجل يلا مشينا،
ساره:وين حقتس البزر،
اسيل:يلعب معى البزران،
دخلت رهف:السلام عليكم،
الكل:وعليكم السلام،
رهف:جاهزين،
ام يحيى:ايوه امتس وين؟؟
رهف؛تحترينا يلا،
مشو متوجهين لبيت نبيل،
'
عند سعود ماهي الا دقايق معدوده ونزل وهو يقول:يُمه ادخل،
قامت نور ودخلت غرفه البنات وقالت ام سعود يدخل دخل وهو ماسك يد سما سلمو وقعدو ،
الخاله:ماشاءالله ريحتك الزواجه،
سعود بضحكه:لوكنت بدري اني برتاح كذا كان تزوجت من زمااان،
الخاله:ماشاءالله وزوجت حليوه،
سعود:يعني ماهيب حلوه مره بس نقضي،
ام صقر:عاد اذا ماملت عينك بزوجك اختي ،
ام الهنوف:ايوه لو تشوفها جميييله حيييل،
سعود:اذا في نصيب،
طارت عيون سما بصدمه ولفت تناظر له:ليش مامليت عينك؟؟
سعود وهو يهمس لأدنها:اشهد ان عيوني ماتشوف غيرتس بس ماعطيتيني حقتي،
اتسعت عيونها بصدمه:سعوووود،
ضحك بقوه وقال:امزح امزح شفيكم ذي زوجتي ومحد بيأخذ مكانها ومستحيل افكر فيها حتى تفكير ،
الخاله:الله يديم محبتكم ي ولدي،
سعود:امين ياخاله اميييين،
سما بهمس:لوكان قلت هاكذا من البدايه ليش عاد تنطل بالكلام،
سعود بنفس الهمس:قلت اشوف شكلتس اذا غرتي كيف بتكوني،
ام صقر:مشاءالله عليك ي سعود رجال والنعم فيك،
سعود من دون نفس:تسلمين،
ام صقر:عاد اذا نويت تتزوج اختي موجوده،
ماقدرت سما ماقدرت تتحمل وقالت:اختش ذي بيجي نصيبها ام انش تفكري تربطي نصيبها بسعود ب احلامش ،
ام صقر:والله وطلع لسانك ،وش ذا ي ام سعود عندكم مرت الابن تتكلم على اكبر منها،
ام سعود:وانتي زوتيها ،
اتسعت عيون ام صقر بصدمه وسعود الي لف لسما يضحك ،
سعود:خاطركم انا رايح،وهمس بأذن سما:لا تسكتين لها واذا اضطر الأمر اضربيها المهم تخرجين الضاربه موب المضروبه،
سما:اكييييد معك سما ،
ضحك عليها وتقدم يخرج متوجه للبيت الجد،
'
دخلت نور الغرفه،
فزت سلمى:شفيتس؟؟
نور:مابلا(مافي الا) سعود جى وجيت اتخبى عندش،
الهنوف:ذي نور حرمه منصور صح؟؟
نور:ايوه وانتي من، لايكون البنت الي كانت لابسه عبايه قبل شويه؟؟
الهنوف:لا اني الهنوف الي شفتيها شوق بنت عمتي،
نور وهي تسلم عليها:حياش،
الهنوف وهي تناظر شكلها:مشاءالله مثل ماقلت رهف تهبلي،
نور بأحراج:تسلمي وانتي ماشاء الله عليش حالييه،
الهنوف:ي ربييي كلامك مررره حلو،
نور:وانتي كلامش ب الكاف،وأخيرًا شفت احد يتكلم كلام غير السين،
الهنوف:عايشه بالمدينه وكلامي يختلف،
مشاعل:ليه حقتنا ماعجبتس؟؟
نور:لالا حاليه بس قلت اخيرا في تغيير،
الهنوف:حرمه سعود ويين؟؟
نور:خارج هي وزوجها،
سلمى:بروح اشوف اذا راح،
خرجت سلمى وشافت سعود راح ورجعت كلمت البنات ودخلين وقعدت نور جنب سما شوي ودخلت شوق وسلمت بدون نفس وقعدت،
سما بهمس لنور:البنت هاذي ماتطمنت لها،
نور بنفس الهمس:نظراتها ماتطمن ،بس اسكتي حرام ،واحسنو الضن ب الأخرين،
سما:اسمعي اسمعي الخاله احس على نياته بس الثنتين ذوك يهود وباين من اشكالهن،
نور:جالسه تدي محاضرة لمنصور ليش اتزوج من اليمن،
سما:عاد اني قالت لسعود نزوجك اختي،
نور:اهااااايه علينا شكلنا بنشوف اخرتنا معاهن،
سما:سعليش(لاتخافي) سما موجوده مش ع يقع(مارح يصير) شي واذا اتمادين والله لايسفح الدم للركب،
نور:هو هاذا الذي اني خايفه منه مشنا ناقصه لجنانش واذا قالين شي تحملي،
سما:اها اني اتحمل تمام بتبسري بعدين قد قالي قره عيني اخرج الضاربه مش المضروبه،
نور:ي سلااااااااام كان نقصنا سعود ذلحين اجتمعو سعود وسما الله يعيننا بس،
سما:سعليش مش ع يقع شي،
نور:ذلحين صدق قالش تضربيها؟؟
سما:ايوه والله ،
نور:مايستحي على وجهه وكيف يشتيش تضربي مرت خاله؟؟
سما:شكلها غثيثه للكل ف عادي،
سلمى:شفيكم تتهمسون على وش؟؟
نور بضحكه تسليك:مابه شي،
الهنوف:اجل اسمعي ذي عمتي مرت عمي مافي معاها غير ولدين توئم،
نور:توئم!! وينهم اشتي ابسرهم (ابي اشوفهم)،
ام صقر:حسبي الله عليك ليه زوجك ماملى عينك تبي تشوفي اولاد الناس،
نور:مالش ومايقع لو ابسرناهم (مايصير لو شفناهم)؟؟
الهنوف:عمه البنت ماتدري،نور حبيبتي هم كباره موب بزران،
نور:كان قولي من قبل بدل الموال وعيال الناس وملى عينش ،
الهنوف وهي تحاول تغير السالفه:وذي امي وانا وحيدتها وذي خالتي عندها ولد وشوق واشواق،
سما وهي تهمس لنور :طلعت ام براطيم بنت مُرنه محد مصدق،
نور:سبحان الله،
سما:شوق موجوده واشواق؟؟
سلمى:اشواق ذي بزر خرجت تلعب،
دخلين البنات والامهات وسلمين ورهف الي قعدت بيمين نور وساره الي قعدت بشمال سما،
سما:بسم الله ماعبش بقعه (مافي مكان)ثانيه،
ساره:اسكتي احنا جايين نحذر،
نور:خير،
رهف:نور شوق ذي من زماااااان وهي تبي منصور زوج لها وللحين عينها عليه ف احذري،
نور بشهقه:امانه عليش،
رهف:والله،
ساره:وانتي ي سما ام صقر كانت تشتي تزوج سعود على اختها لانه سعود يعجبها وتقعد تناظره كل ماتشوفه،
سما:عمى يعمي عيونها هاذا زوجي خلوها تحترم نفسها ولا والله ثم والله لايقع شي مايعجب احد،
نور:هدي هدي الله يقلعش انتي وحقش الغيره هاذي اهدئي،
سما:ابسري ابسري (شوفي)حتى اني لوما (يوم)جيت انا وسعود كانت تبسر صليه (تشوف له)ولا بعدت عينها وانا مشنا داريه (مانيب عارفه)على ايش تفكر هيييين بتبسري،
ساره:بنت مانبي مشاكل،
سما:مشاكل واني لالا مايجتمعين ،
نور:كل ماتبسري مشاكل بتبسر سما راس المشكله ف سعليش مايجتمعين المشاكل وسما،
رهف:الله يستر ،
'
بمجلس الجد دخل منصور وسعود بعده سلمو وقعدو جنب ماجد،
ماجد:وأخيرًا شرفتونا،
منصور:شفيك؟؟
ماجد:طفشت هنا،
منصور:وليه تطفش والكل موجود،
ماجد:شياب شياب ومابغيتني اطفش،
سعود:مشاء الله وانت وش ولا شايف نفسك صغير؟؟
ماجد:اعوذ بالله منك قول مشاء الله ادري انك حاسدني بتقول خالي ويبان اصغر مني،
منصور:اص اص لو انت مزوج الحين عندك عيال بعمرك قال صغير قال ماتشوف نفسك؟؟
سعود:بعدين على وش نحسدك وانت مربي عيال خالي والحين شف رجال قريب بيتزوجو وبتصير جد وش باقي وين الصغر فيك، الا قول منت ناوي تتزوج؟؟
ماجد وهو يمسك بكتف صقر بيده اليمين وسليمان بيده اليسار:ذول عيالي وماعندي اي مانع اني اصير جد لأولادهم بس الزواجه مانيب متزوج،
