30
'
بكُل رضى الحمد لله على كل شي🤎،
'
قبل تقرئو احب اوضح لكم كم شغله طبعًا انتو بغيتو شي حلو ومفهوم مابغيتو اي هبد وبس فـ انا مرره اتعب بالكتابه واحيان تجيني ضغوطات كثيره ما اقدر اكتب لكم ، اليوم فضيت وقررت أكتب و صار لي من الساعه ٢ الضهر وانا اكتب والحين خلصت احس تعبت تعب كبير ف قدرو تعبي الله يسعدكم وعذروني على الاغلاط الاملائية ، وبس خاطركم بروح انام لاني مرره تعبت وما ابغى اصحى الا واشوف عدد التصويت مثل عدد المشاهده يلا اثبتو وجودكم😞🤎،
'
ببيت ابو غسان بغرفه وليد صحى من نومه بعد مانام اول مارجع من بيت عمه ، دخل الحمام توضى وصلى الصلاه الي فاتته ، خلص واخذ جواله وهو يدق على اماني ،
اماني:هلا،
وليد:حيا كيفتس الحين،
اماني: الحمد لله احس بتحسن،
وليد:الحمدلله، ابيتس تهتمين زين لنفستي تمام،
اماني: ابشر،
وليد: مرتاحه عندتس ولا اجي اخذتس عندي!؟
ضحكت بالخفيف: بالله في من مايرتاح في مسقط راسه!؟
وليد بنفس الضحكه: الا اكيد بترتاحي بس عندي كان راحه احلى،
اماني: ابد حنان الأم غير،
وليد: عاد حنان وليد اخخخ لو تشوفي،
ضحكت بقوه ونطقت: صار لنا سنتين متزوجين واعرفك اكثر من اي شخص،
وليد: ماتعرفي،
اماني: وش عندك تتصل ذي الحزه ليه مارحت الشغل،
وليد: توني صحيت،
اماني: والله، خلاص اماني راحت بتأخذ راحتك بالنوم،
وليد: هههههههههههههه تدرين اني امس سهران جنبتس،
اماني: يلا يلا روح شف لك شي تأكل،
وليد: انتي اكلتي؟!
اماني: اي الحمدلله،
وليد: اجل خاطرتس بسكر،
اماني: الله معك،
قفل الخط وخرج وهو ينادي لـ رهف بس مافي اي رد قعد بالصاله ينتضرها، خرجت ام غسان من الغرفه: وليد !؟
لف لها: هلا يُمه،
ام غسان: لييه جيت وين زوجتك !؟
حط يدينه ورا رقبته وانسدح: وديتها عند اهلها،
ام غسان: ليه،
وليد: قالت تبي امها،
ام غسان: انزين احسن لها، وش صار معها !؟
وليد: الاشاعه سليمه وقالو انها احسن تقدر تخرجها، وانا خرجتها،
ام غسان: ي قهر قلبي عليها،
وليد: انا جوعان وين رهف ليه ماترد،
ام غسان: فيصل اخذ البنات ع المول:،
وليد: ليه وش المناسبه،
ام غسان: يتسوقين عشان عرس سلمى والهنوف،
وليد: ياربي نسيت ان العرس قرب،
ام غسان: كلنا نسينا، انت انتضر لحضه بروح اجيب لك شي تأكله،
راحت تجيب له اكل وهو انسدح على الكنب ينتظرها
'
بالمول««
وصل فيصل معى البنات وماهي الا دقائق ووصل سعود والبقيه ، تجمعو البنات بمكان واحد وفيصل راح لعند سعود ومنصور،
فيصل:وينكم ليه تأخرتو ؟!
سعود:اسكت بس ،
فصيل:شصاير ؟!
منصور:مشاكل الحريم ماتخلص ، الا انتو تسوقتو ولا لسى،
فيصل:لسى ، تونا واصلين،
سعود:يلا يلا،
مشو والحريم معاهم،
رهف:ليه تأخرتو،
مشاعل:لو تشوفون وش صار،
ملاك:وش صار ؟!
سلمى:سما كفخت الهنوف وامها،
ساره بشهقه:في ذمتتتتس،
سما:هدي هدي شفيتس بغيتي سعود يقص لسانتس،
لف لهن سعود:خليكم هادئين،
سلمى:ابشر،
رهف بهمس خافت:اويلي ويلااااااه فاتتني ،
ساره وهي تضرب قلبها بحره:ي قهررر قلبي فاتتني ي قهري قهرررررراااه،
سما:عادي مايصير شي بتشوفون اشكالهم يوم نرجع،
ملاك:مفختيهم بقووه ؟!
نور:ام الهنوف مابقى براسها شعر والهنوف اختفت ملامح وجهها بس،
سلمى:بسسس وش لسى باقي ؟!
ساره:والله تستاهل ذيك العقربه وامها،
رهف:كان زيدي وذا الراس لتس،
سما:مسكني الجد ماخلاني اكمل،
مشاعل:لو ما مسكها الجد الله يعلم وش كانت بتسوي اكثر،
ملاك:انا ما احب الهنوف ابد خليها تستاهل،
ساره:الحين حنا نمشي ليه مانوقف نشوف بالمحلات،
رهف:ساره تعالي معي ذا المحل،
ملاك:باين فيه اشياء حلوه خلونا نروح،
مشاعل:روحو انتو وحنا بندخل ذا 'محل الفساتين'
ساره:طب يلا،
دخلو قسم الفساتين ، والبقيه راحو المحل معى فيصل،
فيصل:بسرررعه عجلو مامعنا وقت،
ساره:فيصل تكفى لا تسمعنا صوت لين نرجع،
رهف:ايوه نبي نأخذ راحتنا،
ملاك:عاد لو تروح تختار فستان زوجتك وتفكنا انه احسن،
فيصل:اقول بسرعه بسرعه،
ساره:حسبي الله،
ملاك:بنات تعالو شرئيكم بذا الفستان،
مشت ساره لعندها:مررره يهبل،
ملاك:يعني اخذه،
رهف:خذيه،
ملاك:اوك،
ومشت تشوف لها اشياء تتناسب مع فستانها وساره ورهف بعدها يدورون فساتين انيقه،
'
دخلت منصور وهو يقول:سلووم اختاري الفستان الي تبيه ولا تبيني اختار لتس،
نور:تكفى لا تختار لها خلها تختار بنفسها،
منصور:بس انا ذويييق،
سعود:انظم وانت ساكت ي الذويق،
منصور:حسبي الله فيكم،
مشاعل:لا تزعل بعرسي انت بتختار فستاني،
منصور بضحكه:بعرستس انتي ؟! ليييه من بيتزوجتس ؟!
الكل فرط يضحك عليها،
سعود:اصصصص فضحتونا،
سما بصوت شبه واطي:قالت لتس ذيك اليوم رهف واليوم منصور،
نور:شفيهم عليتس ي شعلول ،
مشاعل:حسبي الله فيكم وش مسويه فيكم انا ، الشرهه علي موب عليك ي منصور ،
منصور وهو يحاوط كتفها:امزح امزح والله انه سعيد الحظ الي بيأخذتس،
مشاعل:فهمتها من اولها،
منصور:افااااا زعلتي مني ؟! والله امزح،
مشاعل:لا تمزح على حسابي،
منصور بضحكه:ابشري ي عيون اخوتس ،
سعود:اذا خلصتو لو سمحتو عطو خصوصيه لعروستنا تختار براحتها،
سما:محنا ماسكين يدها ، تختار،
سعود:خليتس ساكته احسن ، وانتي سلومه اختاري وش الي عاجبتس،
سلمى:احترت كلهم حلوات،
منصور:خذي بحسابتس اختاري اثنين واحد لك وواحد لزوجتي الثانيه،
نور:لا تصدقي انا بختار لها ، وردت تناظر لمنصور:ضرتي لازم اختار لها،
منصور:اجل اختاري بس لازم يكون مميز وانيق بغيت الكل يناظرها بالفستان ويعتمي من الجمال،
نور:عمى بعيونك انت وهي ، قال اختاري قال ، اقول اذلف قبل اهد المحل ع راسك،
سما:خفي علينا،
نور:شوفي ذا الي مايستحي،
مسكها من يدها وسحبها:تعالي معي،
نور:على وين،
منصور:تعالي بس،
اخذها ودخلو قسم فساتين واشياء حلوه،
منصور:اختاري او اختار لتس انا ؟!
نور وهي تناظر بالفساتين:قولتك اي واحد احلا ؟!
منصور وهو يأشر:ذا حلوه ،
نور:ما احب ذا اللون ، مستحيل البسه،
منصور:اللون البُني صح،
نور:البُني الأحب لقلبي ، اموت فيه،
منصور:ومنصور ماتموتي فيه ؟!
نور:لا،
منصور:اجل الحقيني بختار لتس افضل فستان،
مشى ومشت بعده وهم يدورو على فساتين وكانت اي شي يعجبها تشتريها وشرت لها كم فستان انيق ومنصور بزور قدر يشوف فستان حلو ع ذوقه،
منصور:ذا بيصير فوقتس يهبببل،
ناظرت للفستان:متأكد ؟!
منصور:ميه بالميه بنأخذه وانتي اللبسي بالبيت وبتشوفي بيطلع يهبل،
نور:اجل دام عجبك بأخذه،
منصور:ناقصتس شي،
نور:قول وش شريتي،
منصور:خافي ربتس ماتشوفين الاكياس الي بيدي ؟!
نور:ذول اشياء عاديه بغيت اشياء للعرس،
منصور:الله يستر،
نور:شف حلو ذا الفستان،
لف يناظر:الاخضر ؟!
نور:يععع لا الي ع يمينه،
منصور:حلو تعالي نأخذه،
نور:متأكد ،
منصور:بالله انا بوافق على شي موب حلو ؟!
نور:مدري،
منصور:تعالي تعالي،
'
نرجع عند سعود بعد ما اختارت سلمى الفستان وكل شي تبع الفستان،
سعود:متأكده ماعاد في شي يحتاج ؟!
سلمى:والله مافي خلصنا هنا بنروح محل ثاني اخذ لي كم اشياء،
سعود:يلا،
خرجو من قسم الفساتين ودخلو محل ثاني وكل واحده تبحث بالفساتين وتختار،
سما:سعود تعال،
راح لها:سمّي،
سما:كيف ذا الفستان،
سعود:مهوب حلو،
سما:خلاص بأخذه،
سعود: اجل تعالي نشوف السعر،
سما:هاهاهاهاها لحضه،
لف لها:وشو ؟!
سما:عجبك ؟!
سعود:ايوه،
سما:متأكد ؟!
سعود:لا،
سما:سعععععود،
سعود:وش بغيتي ؟!
سما:كيف الفستان ؟!
سعود:حلو،
سما:صدق،
ضحك ونطق:امزح معتس شفيتس ي الخبله حلو والله،
سما:اجل مارح اخذه،
سعود:رجعيه،
سما:حسبي الله عليك والله لا اخذه،
سعود بضحكه:قايل لتس حلو انتي الي ماتصدقي،
سما:تعال شوف ذي الشنطه،
قدم وهو يناظر للشنطه والسعر:موب حلوه،
سما:والله حلوه،
سعود:بغيتي تطفريني ؟!
سما:ايوه أساسًا شغلك كله لي اذا موب لي لمين ؟!
تجاهلها ومشى لعند البنات:اقول تحركي،
سما:لحضه لحضه ،
لف لها:وشو،
سما:كم معك فلوس،
سعود:ليش،
سما:كذا كم معك،
سعود:معي بيكفي ،
سما:عطني البوكيه حقتك،
سعود:ليش،
سما.كذا بطمئن،
سعود:اقول امشي قدامي،
مشت لها:قره فدوه عطني،
عطاها البوكيه وهو يتحسب،
سعود:يلا،
سما:انت رح بشوف اذا في شي عجبني بأخذه،
سعود:طيب لا تتأخري،
صدت ومشت من الجهه الثانيه:شنطه مارضي يشتريها لي حسبي الله عليه مستحيل يأخذ لي شي عجبني لاكن هييين بتشوف ، واصلت طريقها وهي تناظر للفساتين واي شي يعجبها تأخذه،
وصل سعود عند البنات،
سعود:خلصتو ؟!
سلمى:باقي بندخل محل ثاني،
سعود:اجل الحقوني،
مشاعل:وين سما ؟!
سعود:قاعده تناظر لشنطه سعرها سعر كليتي الحين بتجي،
سلمى بضحكه:حبت الشنطه،
سعود:ايوه،
مشاعل:حرام كان شريتها لها،
سعود:ماهيب حلوه ولا كان شريتها والله ماينقصها شي وانا موجود،
سلمى:المهم ذوقها،
سعود:ابد تطق راسي لين اقول لها حلوه والاخير تقول ماتبيها ،
مشاعل:ليه ترفس كذا،
سعود:خبله،
سلمى:هههههههه ، تعالو خلونا ندخل ذا المحل،
دخلو المحل وسعود كان مابين الاثنين المحلات ينتضر لسما لين تخرج،
'
عند نور الي كانت بقسم العطور ومنصور الي راح يحاسب ع الاولات رجع يشوفها تختار بالعطور راح لها،
منصور:خلصتي،
نور:ماشفت العطر الي انا دايم اشتريه ،
منصور:اما ليه ؟!
راعي العطور:العطر الي تسأل عنه موب موجود عندنا،
منصور:وش العطر الي تدورينه،
نور:شغف الورد،
منصور لـ راعي العطور:مافي متأكد،
راعي العطور:مافي،
منصور وهو يأشر:اجل عطني ذا العطر،
خرج العطر ومده لمنصور ،اخذ منه العطر وعطاها وهو يقول:ذا حلو،
اخذت العطر وهي تفتح وتشم:حلو،
منصور:شفتي قايل لتس انا،
نور:صراحه طلعت ذويق صدق،
منصور:ادري ، ولف لراعي العطور:بنأخذ ذا ، ورد بنضره لنور عقد حواجبه بأستغراب وهو يشوف الرجال القاعد بالأرض يطالع بنور،
نور:شفيك ،
طال النظر ومنصور يناظر بالرجال والرجال يناظر بـ نور ، ماقدر يتحمل وراح له ووقف امامه:خييير لييييه قاعد تطالع بزوجتي،
مارد عليه الرجال وهو لسى يناظر بـ نور،
نزل منصور لمستواه ومسكه من يأقه ثوبه:قاعد اتكلم معك انا تفهم ولا ماتفهم،
هز راسه بأستيعاب ونطق:من انت شقاعد تسوي فكني،
شد عليه بقوه لين اختنق الرجال:لا تسوي نفسك موب فاهم شقاعد اقول ترا لك ساعه تناظر بزوجتي احترم نفسك،
الرجال:من زوجتك ذي،
شد على قبضه يده وعطاه بوكس بوجه ونطق بنبره غضب:قسم بالله ان ماتحترم نفسك وترحو من هنا لا اتوطى في كرشك،
الرجال وهو ماسك بوجهه:خبل انت ولا وشو ، وكييف تسمح لنفسك تمد يدك علي ي قليل المروه ، وقام وهو يرد له البوكس بقوه:اول شي انا محترم لنفسي ثاني شي ذا محلي انت اخرج ما ابي اشوف وجهك بمحلي،
قام له بغضب وهو يدفه ويعطيه الكف الاول والثاني:اول شي ما اتشرف اقعد بمحلك ، ثاني شي غض بصرك ولا تقعد تناظر على حريم الناس ،
رد الضرب لمنصور ومنصور يرد الضربه وصارت هواشه وضرب ، تعبو الناس وحاولو يفرقو ، اما نور الي حاولت تهدئ منصور بس مافي فايده قعدت تناظر من الزاويه بخوف،
قدمو اثنين من الرجال وهم يفكوهم ،
الرجال:شفيكم ليه مسوين هواشه،
منصور:ذا الواطي مايستحي على وجهه،
راعي المحل:تحكم يألفاضك ي الحقير،
الرجال:اصصصص خلوني افهم السالفه،
منصور:قاعد ساعه يطالع بروجتي لين جيت اسأله ليه قال من ذي زوجتك ،
راعي المحل:والله ماكنت اطالع فيها كنت شارد،
منصور بصراخ:لاتكذب لا تكذب شفتك بعيوني ي قليل الحيا،
راعي المحل:احترم نفسك،
الرجال:بس ادحرو الشيطان ، والقصه ماتستاهل خلونا نقفل ع الموضوع،
منصور:بس...
الرجال:اخويا الله يصلحك الولد يقول شارد ، خلنا نقفلها احسن،
صد وراح لعند نور ومسكها من يدها ومشى بغضب وخرجو من المحل ،
نور:منصورررر يدي،
من كثر غيرته عليها ما انتبه انه شاد على يدها،
وقفت وهي تحاول تسحب يدها:منصور يدي عورتني،
فك ليدها ومشى وهو يفك ياقه ثوبه ويتكى على سكه المول ، مشت لعنده وكانت تناظره بهدوء ، طال الهدوء وهو يحاول يستجمع افكاره ويضبط غيرته عليها ويتحكم بمشاعره المفضوحه ،لف لها وكانت تناظره بنفس النظرات،
منصور:اوجعتس ؟؟
نور:عادي،
منصور:اسف اذا اوجعتس مدري شصار فيني،
نور:لالا عادي مافيها شي،
مسح على وجهه وهو يتنفس بصعوبه،
نور:وش فيك ،
منصور:مافي شي ، تعالي نرجع،
مشت بعده بهدوء ورحو عند البنات،
'
فيصل:والله اني تعبت استعجلو،
ساره:اقعد من ماسك بك ،
فيصل:بالله بغيتيني اقعد وانتو هنا بلحالكم،
رهف:انت اقعد ومارح يصير شي،
فيصل:اقول استعجلو،
ساره:ليه ماتروح تأخذ الشبكه لزوجتك ؟!
فيصل:منتضركم تخلصو عشان اخذ راحتي،
ملاك:خلصنا خلنا نروح نختار لك،
ساره:يلا يلا،
فيصل:اقول انطمو انتو روحو عند البنات ونا بروح اختار بلحالي،
رهف:لالا خلنا نعطيك ذوقنا،
فيصل:مانيب حاجتكم انا ذويق،
ساره:اسكت اسكت ي الذويق ولحقني يلا بختار لك انا،
فيصل:ارجعي،
ساره:الحقني،
لحقينها البنت ونطق فيصل:حسبي الله اخرتها اختك تتحكم فيك ، وسارع بخطواته يدخل المحل قبلهن،
'
مشى منصور لعند سعود ونور انسحبت لعند البنات،
منصور:خلصتو،
سعود:تعال بشوف البنات،
دخل وهو يكلم البنات:خلصتو،
سلمى:لسى،
نور:وين سما،
سعود:ليه للحين مارجعت ؟!
مشاعل:وانت قاعد تنتضرها ؟!
سعود:دق جوالي رحت ارد،
سلمى:مارجعت،
عقد حواجبه بأستغراب ونطق:منصور خلك معى البنات بروح اشوف،
منصور:طيب،
راح سعود وهو يدور عليها بالمول ودخل اخر محل شافها فيه 'عند الشنطه' وماشافها ونطق بنفسه(وين راحت ذي الخبله وين اشوفها الحين) ومشى يدور عليها بكل المول وماشافها ،
'
عند سما الي كانت بمحل الأحذية واختارت لها كم كعب ومشت لعند الكاشير ونطقت:بأخذ ذول،
اخذ منها الاحذيه وحسب الأسعار وقال لها ، خرجت بوكيه سعود الي اخذتها منه وعطته الفلوس وخرجت والاكياس بيدها وكانت شبه مخلصه ومشت بترجع لعند البنات ، وطال مشيها وماشافت المحل الي كانت فيه ونطقت بنفسها(وين ذك المحل ي ربي لايكون ضعت) ومشت وهي تلف على كل المحلات وماشفت احد،
'
عند سعود الي تعب من كثر مادور عليها وماشافها رجع عند منصور وهو يقول:رجعت !؟
منصور:لا ليه ماشفتها ،
احتدت ملامحه بخوف من انها تكون ضاعت وجلس بحيره موب عارف شيسوي ، دخل فيصل معى البنات ولف له سعود:شفتو سما ؟!
فيصل:لا ماهي عندكم،
سعود:لاحوووول وين بتكون راحت،
منصور:فيصل اقعد عند البنات بنروح ندور عليها،
فيصل:بأمانتي ،
راحو يدورو عليها بكل المحلات ومافي لها اثر ، مرت نص ساعه وهم يدورو والكل بان عليه الخوف واولهم سعود الي رجف قلبه بخوف من عدم وجودها خاف انه يكون صاير لها شي او حد سوى فيها شي ، وسما من كثر مابحثت ماشافت احد حطت الاكياس ب الأرض ووقفت بتوتر وخوف من انهم يكونو نسوها واذا صدق نسوها وش بتسوي ماتعرف احد بذا المكان وبلاد غير بلادها ،
وقف منصور بتعب ونطق:تعبت ومالقينا ذيك المجنونه،
سعود:لاحول ولا قوه الا بالله وينها وين راحت وشوله بنشوفها الحين ،
منصور:وش رئيك نسوي نداء واذا موجوده هنا بتسمع وتجيك،
سعود:خبل انت بغيتني اناديها البنت موب بزر تعرف وتفهم بعد،
منصور:قلت احسن مانقعد ندور ترا لفينا المول اكثر من مره،
سعود:لا تقول احسن ، قال اناديها قال ، وكرامتي وين اؤديها ؟!
منصور:طب عندك حل غيره ؟!
سعود:مافي الا نقعد ندور لين نشوفها،
منصور:خلاص ذي المره نفترق،
سعود:طيب يلا،
تفرقو وكل واحد راح من مكان يدور عليها ، سما الي تجمعت الدموع بمجحر عيونها وهي تناظر للاكياس الي ب الارض وكانت الافكار توديها لكل مكان ،
عند سعود الي كان يمشى ويدور عليها وقف من لمحها بس خاف انه يروح لها ويتفشل من اطلع موب هي قرر يتقدم ويشوفها من بعيد ، قدم وماكان يشوف غير قفائاها قرب اكثر وهنا تأكد انها سما احتدت ملامحه بغضب وخوف وصرخ بنبره غضب:سماااااااا،
فزت بخوف من الصراخ ولفت له وهي تشوف ملامحه الغاضبه تجمعت الدموع اكثر بعيونها ورتمت بحضنه لاشعوريا وهي تبكي بهدوء حتى شهقاتها كانت بهمس ، انصعق من حس انها تبكي وخاف انه صار لها شي ، بعدها من حضنه ومسك وجهها بكفوفه ارتخت ملامحه وهو يشوف دموعها ونقابها المُبلل ولأول مره يشوف دموعها اول مره يشوفها بذي الحاله وهو من عرفها مايشوف غير طقطقتها على الكل ودايم تضحك وصدرها وسيع بس اليوم يشوفها بذي الحاله وبذي الهزيمه ، وين راحت سما الي مستحيل يرف لها جفن ، تقطع قلبه عليها من منضرها شد على وجهها بكفوفه ونطق:سمائييييي شفيتسس ،
ماقدرت تتحمل نبرة صوته وتعامله الحنون معها ورتمت بحضنه مره ثانيه وهي تبكي ورتفع صوت بكائها اكثر ، شد عليها بحضنه وهو يمسح على ضهرها ويهديها ، وقعد حاضن لها ليين بدئت تهدئ شوي شوي ، بعدها عن حضنه ورفع يده يمرر اصبع ابهامه بجفونها ويمسح دموعها ، ناظرت له بعيون باكيه وكانت اول مره تشوف ذا الجانب الحنون من سعود ،
مسح دموعها ونطق:ليه تبكي ي عيوني،
نطقت بنبرة باكيه:دورت بكل المول بس ماشفتك ضنيت اني ضعت وانتو نسيتوني،
سعود:اما انا انسيتس انسى نفسي ولا انسيتس ي سما قلبي انتي،
اختفت كل دموعا وبلعت ريقها بخوف وهي تشوف جديه كلامه لها ،
سعود:ليه مارجعتي للمحل ؟!
سما:كنت اتسوق خلصت وماشفتكم مادريت كيف سرحت بالتسوق لدرجه ماعرفت وين رحت،
سعود:صار لي ساعه قاعد ادور عليتس،
سما:وانا لفيت كل المول ادور عليكم وماشفتكم ضني انكم نسيتوني،
سعود:ايوه صح انسيتس وانا لي ساعه ادور عليتس ،
سما:طب انا فكرت كذا،
سعود:بعدين طلعتي تعرفي تبكي،
سما:كله بسبتكم خوفتوني ،
سعود:مابكيتي يوم نسوتس بالسعوديه والحين بكيتي ،
سما:نور كانت موجوده خليت البكى لها ،
ضحك بالخفيف ونطق:ماكان في داعي لكل ذا الخوف وانتي تدري ان قره عينتس بيجيتس ،
سما:حاولت وقلت قره عيني بيجي بس خفت كثير ، تخيل حد جى لي وقال تعالي بوديتس لعند سعود وضحك علي واخذني معه ،
سعود:وذا الي بيضحك عليتس وش عرفه انه انتي ضايعه وتدورين على سعود،
سما:مدري بس قلت تخيل،
سعود:لاحوووول خبله انتي ولا وشو من ضحك عليتس تروحين معه كذا ،
سما:هو يجي ويمد لي يد المساعده ، وانا في بلاد غريبه معرف احد اكيد بروح ،
سعود:ذا الي بيضحك عليس اذا اخذتس بيردتس يوم ثاني مارح يقدر يتحملتس ، انا متحملتس غصب ، فكيف هو،
سما:اقول احمد ربك اني زوجتك ، الكل يتمني اني اصير زوجته واولهم بن عمي الغني،
سعود:نحمده الله ونشكره على ما ابتلانا ، بعدين ماعندتس سالفه غير ذا ولد عمتس ، الرجال يكون عايش حياته ومتزوج ومرتاح وانتي قاعد تتأملين فيه،
سما:اول شي انا موب بلوه واذا كنت بلوه ي محلاها من بلوه ، ثاني شي بن عمي منتضرني لين افتك منك وبيجي يتقدم لي وانا اكيد بوافق،
سعود:الرجال اكيد ماصدق انتس رحتي وشكله وشكله تزوج ثاني يوم من فرحته ، الحين امشي الكل منتضر لتس،
سما بفخر:ادري الكل ينتضرني مايقدرون من دوني،
سعود:امشي امشي ،
اخت الأكياس ولحقته ومسكت يده،
سعود:ليه مسكتي يدي امسكي يد بن عمتس،
شدت على يده:بمسك بيدك عشان ما اضيع مره ثانيه واقعد بحمايتك لين ارجع لولد عمي بمسك بيده،
سعود:لاحووول الله ، امشي وانتي ساكته،
سكتت شويه ونطقت:قره عيني،
سعود:وشو،
سما بدلع:ي قررره عينييي،
سعود:وشو،
سما بنفس النبره:قره عينييييي،
سعود:وششششو،
سما:حسبي الله فيك ،
سعود:علامتس ي المخبوله ؟
سما:ماتقدر تقول سمّي او امري او تم او على خشمي ؟!
سعود:وش بغيتي،
سما:استغفر الله ، بغيت في موضوع جاد جدًا ،
سعود:وش ذا الموضوع الجاد،
سما:اول قول تم،
سعود:والله ما اقول لين اسمعتس ،
سما:ليييه تحلف ليييه،
سعود:قولي بسرعه وش بغيتي،
نزلت راسها للأرض ونطقت بعد تردد:ابيك ماتكلم احد اني بكيت،
ابتسم بخبث وهو يناظر لها:ليه وش بيصر اذا تكلمت،
سما:كذا لا تتكلم ،
سعود بضحكه:خايفه على كرامتس ، اجل ابشري بسوي تغريده بالتويتر واقول للكل انتس بكيتي،
سما:سعووود،
سعود:اسرعي اسرعي يادوب الحق اكلم الكل،
سما:سعووود تكفى تكفى لا تكلم احد،
سعود:اممممم بفكر يلا،
سما:مايحتاج تفكير لا تكلم احد وبس،
سعود:تمام يلا،
سما:احلف ماتكلم احد،
سعود:طب والله ما اكلم احد،
تنهدت براحه:اجل الحين يلا مشينا،
وصلو ومشت سما لعند البنات،
