الا ياليت كل الديار ديار خلي.

2

2

،بالسعوديه،
عند منصور توجه يدخل الملقط وشافهم مجتمعين جنب ابو ضاري
منصور:شسالفه،؟
التفت ابو ضاري له وعيونه حمرا وجفونه قدهن بخدوده حبس ضحكته منصور ونطق بشهقه:علامك ي ابو ضاري شصاير
فيصل بهمس لمنصور:شف شف عيونه كيف ناطله لخدوده
منصور بنفس الهمس:اسكت تكفى بزور ماسك ضحكتي
نايف:مقالب البنات موب ناويه تخلص حاطين فلفل بدل الكُحل
سعود ضحك وهمس لمنصور:اكيد سلومه تكفلتها
منصور:اكيد وفي غيرها
ابو ضاري وهو موقف:عاد انا استأذن
الجد:مثل ماقلت لك عمل بزران،والسموحه منك ي ابو ضاري امسحها في وجههي
ابو ضاري:معذور ي ابو ناصر وهاذا المكتوب يلا استأذن سلام.
الكل:وعليكم السلام
طلع ابو ضاري وتقدم سعود:عاد انا استأذن وطلع من الملقط وخرج منصور وفيصل بعده وتوجهو للحوش الخلفي وقعدو يشربون قهوه
فيصل بضحكه:ي اخي قسم بالله مادريت كيف مسكت ضحكتي
منصور:هههههههه حتى انا شفتو كيف صار وجهه هههههه
سعود:ماتخيلت ان الفلفل يسوي كذا
فيصل:بس اشهد انك سويتها ي منصور وبردت قلبي بعد طبعًا مدري شسوى فيني بس مدري ليه حسيت حتى انا قلبي برد
سعود بضحكه:علامك على الرجال شسوى فيك.؟!
فيصل بضحكه:مدري بس حسيت يستاهلها والله.
منصور:والله يستاهـ....قاطعهم صوت نبيل وهو يصارخ:كنت عارف ان انت كنت عارف المصايب ماتجي الا من تحت راسسك ي حيوان كنت عارف ان الافكار هاذي افكارك الوسخه مثلك ي وسخ ورفع عقاله وتقدم يبي يكفخه
منصور شاف ابوه يصارخ تجمد بمكان بلع ريقه من شافه يتقدم والعقال بيده:يُبه استهدي بالله يُبه...قاطعه:اسكت ولا اسمع لك نفس
سعود:يُبه افهم شسالفه اول
منصور:يبُه مو انا افهمك السالفه ومسك ثوبه ورفعه على خصره وبداء يركض وابوه وراه
نبيل وهو يركض وراه:تهرب مني ي كلب .؟؟!
منصور:معصي ي بُبه بس انت معصب رايح ادور لي الامان وتقدم وهو يدخل البيت وتوجه لغرفه جدته وابوه بعده يصارخ:وقف ي حيوان وقف والله ماتروح لك ووووقف
منصور وهو ورا جدته:ي جده انا في وجهتس احميني
الجده:شمسوي ي ولد
منصور:ي جده ماسويت شيء لا تخليه يقرب انا في وجهتس
نبيل:اخرج اخرج بسرعه
الجده:نبيل خلاص
نبيل بصراخ:ااااااخرج
الجده بحده:معصي والله معصي تبي تضربه وهو في وجههي؟؟بعدين مو شايف الولد ماعاد بزر الولد كبر خلاص خلي عنك الافكار الطفوليه وخرج انت والعقال هاذا
نبيل:السموحه منتس ي يُمه بس هاذا الحيوان،واشر على منصور،اليوم حط الفلفل بدل الكُحل لا ابو ضاري
الجده:حتى لو مايصير تمد يدك عليها وخلاص امسحها في وجهي ولا ناوي تعصي كلام امك،
نبيل:محشوم ي يُمه خلاص هاذا المره عشانتس بس ولو عاودها والله ثم والله مايصير خير
الجده:زين زين اطلع وهاا حذاري ابوك يسمع بشي.!
نبيل:ابشري تأمرين بشيء؟.؟
الجده:الله معك.
خرج نبيل ولفت الجده لمنصور:الكلام هاذا صدق،؟؟
منصور:ي جده اسمعيني زين وافهميني
الجد بحده:منصور الكلام صدق ولا ؟؟؟
منصور وهو صاد الارض:ايوه بس..قاطعته وهي تضحك بقوه:تستهبل انت اعقل اعقل منت بزر كبرت خلاص
منصور:السموحه منتس ي جده بس يستاهل
الجده:الا قلي شصار معه.؟
منصور بضحكه:لو شفتيه ي جده كيف نطلت جفونه لين خدوده هههههه والله يفطس ضحك
الجده بضحكه:الله يأخذ ابليسك حرام حرقت عيون الرجال
منصور:يستاهل
الجده:يلاه قم اخرج الله يعلم متى بتعقل ويرتزم عقلك.!
منصور:يلا سلام
وتقدم يخرج بهدو وهو يسمع اذا ابوه عاد موجود او لا وتنهد براحه وهو يدور وماشافه وخرج من البيت بهدوم وتقدم وهو مبتسم يجلس عند اخوياه في الحاره:السلام عليكم
الكل:وعليكم السلام
فايز:وينك ي ولد ولا عاد شفناك
عساف:خير شفيه وجهك
منصور عقد حواجبه:وجهي انا شفيه؟؟
خالد:الابتسامه شاقه وجهك ويش مهبب
منصور:احس اني اسعد انسان اليوم
خالد:انت دايم اسعد انسان مو غريبه
منصور:بس المره ذي غييير قلبي بارد
خالد:دايمه عليك ان شاء الله
مشعل:الا ي سعود عطنا قصيد من زمان على ها الجلسه الحلوه
سعود ناظر لهم وقعد يفكر اذا راح لهم تختفي كل احزانه وهمومه يرتاح لهم ويدري انه ماله بعد عائلته الا اخوياه ويدري انهم السند والعون له واذا يأمرهم بشيء يلبوه بمحبه ومستحيل يجتاج شي وهم موجودين.
ونطق:

‏احب الرفقه اللي مابها حاسد ولا محسود
واحب الصاحب اللي صحبته ماهو بجالبها
وسيع المعرفه لاهوب لا جاحد ولا مجحود
قوي الباس ما ياخذ على الرفقه ضرايبها..

صفقو له الكل:صح لسانك
سعود:صح الله ابدانكم
عساف:سعود عطنى عن البداوه؟
سعود بتفكير ونطق:

‏انا افتخر بين العرب بالبداوه
لجل البداوه كلها طِيب في طيب
ِ
الضيف عندالبدو يلقى الحفاوه
البدو هم ساس الكرم والمواجيب
ِ
‏‎خالد صفق له ونطق:وانشهد ان البدو ساس الكرم
منصور:صح لسانك ي شيخ
سعود:صح ابدانكم
فيصل:وش الزين ذا ي ولد العم.
منصور:اخويا من يوم يومه مزيون
مشعل:بس بس لا تمجد له الحين قاطعهم دخول ريان وتركي :السلام عليكم
الكل:وعليكم السلام
تأفف سعود من شافهم مقبلين عليهم ونطق بهمس لمنصور:وهذول وش جابهم
منصور:اركد ي ولد وخلها عليا
تركي:شمسويين؟؟
فيصل:قاعدين نتقهوى ونسولف انت شجابك؟
تركي:تمشينا وشفناكم قلنا نمر عليكم
فيصل وهو يمد له فنجان القهوه:زين خذ القهوه
تركي وهو يمد يده يأخذ القهوه:تسلم
ريان:سعود سويت ذبيحه وعزمت اهل الديره كلهم بس احنا مابدينا في وجههك؟؟
سعود:السموحه نسيت
تركي:ماني مسامح ابي العوض
منصور ابتسم بخبث:ابشر بالي يرضيك واليوم العشاء عندي
ريان:مابي نكلف عليكم.
منصور:لا والله اليوم العشاء عندي ومافي اي كلافه
سعود ناظر منصور وعقد حواجبه مستغرب من الي قاعد يسويه ونطق تركي:زين العشاء عندك
ابتسم منصور وناظره فيصل وسعود وهمس فيصل لسعود:الله يستر الابتسامه ذا ما وراها خير،
سعود بنفس الهمس:الله يستر

'في البيت عند ام سعود
سلمى:ايوه يُمه منصور سواها وبدل الكُحل بالفلفل
ام سعود:الله يهديه الولد ذا مدري متى بيعقل
مشاعل:يُمه ابويا ماقال لك متى نطلع الرياض.؟
ام سعود:ايي زين ذكرتيني بنطلع بكره قومي جهزي انتي واختس الاغراض
سلمي:الحين نجهز يلا مشاعل
توجهت سلمى ومشاعل للغرفه وبدئو يجهزو الاغرض

،عند منصور بعد ماطلع من عندهم هو وسعود وفيصل توجهه للبيت وطلب من امه تعطيه (مصيده للفئران)
ام سعود:شتبي بها ي ولدي
منصور:يُمه مصيده يعني اصيد الفيران
ام سعود:زين ي ولد لا تسوي مصيبه جديده خذ هاذي المصيده
اخذها منصور وتقدم يطلع من البيت وتوجه للحوش ناظره سعود ونطق فيصل:وش ذا على وش ناوي ي ولد
ضحك منصور:ابد طال عمرك خلنا نتسلى شوي
سعود:طيب تكلم على وش ناوي؟؟
منصور:اوففف اكلمكم بعدين الحين قولو وين اشوف الفيران؟؟؟
فيصل:شتبي ب الفيران.؟
منصور:خلص ي ولد اكلمك بعدين قول وين اشوف الفيران ابي اثنين او ثلاثه!
سعود:ولد اعقب لا يكون ناوي تسويها
ضحك منصور ونطق فيصل:لالالا مستحيل بتسويها؟؟؟
اذا اكرمتوني بالدعم بكره انشر لكم 2

.انتهى🖱
نجمه تقدير لتعبي..🤎