10
،الساعه 10
،رجع منصور وسعود للبيت دخلو المجلس ونادى منصور:سلمى سلللللللمى وينتس؟!تعاااااااالي
سعود:اهجد ي ولد علامك تصارخ ؟!
منصور:ذي البنت ماتسمع خلني اصارخ
سعود:اسكت ابوي وامي اكيد نايميين انتظر وبتجيك!
منصور:يالييييييل ميت جوع وهي موب ناويه تجي
سعود:ميت جوع ها؟؟
منصور:ايوه احس بموت الحين؟؟
سعود:طيب موت شناطر؟؟
منصور:شناطر؟؟ناطر لأختك تجي وتعطيني اكل،ورجع ينادي سلمىىىىىىىى حيووووووانه وينتتتتتتتتس؟
،سلمى كانت بالغرفه تسولف معى مشاعل وفزت بخوف من صراخ منصور وخرجت وهي تركض لعندهم للمجلس ومشاعل بعدها سلمى:شفيك؟؟
منصور:اخيراً شرفتي انتظرتس من ساعه وينتس؟؟
تنهدت سلمى براحه:خوفتني قلت مدري شصاير كنت بالغرفه شتبي انت؟؟
منصور:مييت جوع ابي عشاء
سلمى ناظر لمشاعل ولفت لمنصور:مافي شي بالمطبخ انت شتبي تأكل؟؟
سعود:مابقى من عشائكم؟؟
مشاعل:مابقى شي
منصور:ياللللللللليل انا جوعان عطوني اي شي بسرعه
مشاعل:شفيك اقول مابقى شي تبي نطبخ لك ؟؟
منصور:شتطبخين ؟؟
سلمى:الي تبي
منصور:احس مقدر اصبر لين تطبخين!
مشاعل:اهجد ترا حتى نور وسما ماتعشون!!
منصور عقد حواجبه:ليييييه
سلمى:مايأكلون لحمه!!!
سعود بضحكه سخريه:مايأكلون لحمه؟؟؟!
مشاعل:ايوه
سعود:شذا الدلع بنات اخر زمن
سلمى:شفيك مايحبونها طبيعي!
منصور:خلونا من ذا الكلام اطبخين لنا كبسه دجاج
سلمى بتأفأف:لييه كبسه اسوي شي ثاني!!
سعود:ليه شفيها الكبسه؟؟
سلمى:منهد حيلي مقدر اسوي تاعبه
منصور:قم انت ي سعود اطبخ لنا
سعود:انا
مشاعل:ايوه والله اني مشتهيه الكبسه حقك
سعود بتفكير:خلاص نقوم كلنا ونطبخ
منصور:شعلووووول
مشاعل لفت له:هلا
منصور:ابي كيك ولا حلاء
سعود:شفيك ي ولد
سلمى:خلها بكره نسوي لك الاثنين بعد
منصور:مشتهيها الحين ابي اكُل بعد العشاء
مشاعل:ابشر بسوي لك حلاء انا وسلمى وانت وسعود اطبخو الكبسه
منصور:تم يلا، ومشو متوجهين للمطبخ يجهزو يطبخون،
،اسيل كانت قاعده تنيم حمد وبزور نام حطته على السرير ودخلت الحمام تتغسل وخرجت لبست اجلاله الصلاه وبدات تصلي وتدعي ان غازي يربح القضيه الي صار له ايام ماينام وهو يبحث عن حل واليوم المحكمه وتدعي ان ربي يفرح قلبه بالفوز ويفرح قلبها بزوجها،
،دخلت نور الحمام توضت ولبست اجلاله الصلاه وبدات تصلي خلصت وقعدت على السرير بعد مالبست بجامه النوم ناظرت لسما كيف كانت نايمه وكانت زعلانه عليها انها نامت بدون ماتعشت وانها كانت جاوعه اخذت الختمه وبدئت تقراء من القران وبعد مده حطت الختمه على الطاوله وانسدحت جنب سما تحاول تنام،
،في بيت نايف كانت ساره ويمنى وفيصل بالمجلس يسولفون ويأكلون حلاء
فيصل:تدرين اني ماابيتس تروحين ي يمنى اذا رحتي من بيسوي لي الحلاء؟؟
يمنى:ساره موجوده بتسوي لك
فيصل ناظر لساره بطرف عين:ذي بتسوي لي؟؟شكلتس ماتدرين ان ذي البنت(واشر على ساره)ماتعرف تسوي شي
ساره:اقول اسكت انت الي ماتعرف اما انا مشاء الله علي بنت سنعه
فيصل ضحك بقوه:انتي سنعه ماتناسب على اسمتس كلمه(سنعه)
ساره:فيصل اسكت
فيصل:وانا صادق ولا ي يمنى
يمنى ناظرت لفيصل ورجعت تناظر لساره كيف كان منرفزها:فيصل ترا هي سنعه امي علمتها وصارت مشاء الله عليها بس
ساره رفعت شعرها بغرور:شفت شف الناس كيف يتكلمو تعلم منها قبل ماتروح عند زوجها
فيصل:بس بس اعرفتس انا واعرف انتس ماتعرفين تسويين شي
ساره:وانت شعرفك ليه قاعد بالمطب...قاطع كلام غازي وهو يدخل وخل معه يحيى:السلام عليكم
الكل:وعليكم السلام
تقدمو وجلسو معاهم
يحيى:شقاعدين تسوون،وناظر ليمنى،وانتي ليه ماتروحي تنامين؟؟ولا نسيتي ان بكره عرسك؟؟
يمنى:قلت خلني اسولف واقعد معاكم دام اخر يوم لي ،قعد غازي جنبها:حبيبه اخوتس انتي كبرتي وبتتزوجين وبتروحين عنا بس انتي بقلوبنا واذا طفشتي كلمي زوجس يجيبتس واذا مارضي اتصلين لي بأخذك غصب عنه
ضحكت يمنى ونطق فيصل:هدى هدى ترا موب اول واحده تتزوج
يحيى:اسكت انت ذي موب اي واحده ذي يمنى
غازي:ايوه ذي يمنى دلوعتنا الاولى
ساره:احمممم ترا باقي واحده لا تنسون
فيصل:شف شف الغيوره دخلت
رجمه يحيى بالمخده:اسكت اسكت وناظر لساره:وانتي بعد دلوعتنا واخر العنقود بس يمنى عروسه وبتمشي وانتي عندنا بنشوفك كل يوم
غازي حضنها من الجنب:فديت الغيوره وانتي بعد دلوعتنا وحبيبتنا شتبي بعد
ساره:ما ابي شي ابيكم تكونو سند لنا
يحيى:ابشري بعزتس انتي بس امري
شدت على حضنه:ماعليك قصور والله يخليكم لنا سند
يمنى:امين، يارب تحفض لي اخواني
الكل:امين
غازي تعدل بجلسته:اجل دام كذا ابشركم
فز فيصل:بتتزوج الثانيه
طقه غازي بالمسبحة بشويش:عمى بعيونك وليه اتزوج وانا متزوج وزوجتي موب مقصره
فيصل بضحكه:اجل وش البشاره
فزت ساره:غازي لا يكون اسيل حامل مره ثانيه؟؟؟
ضحك غازي:لالا البشاره اني كسبت القضيه الي مستلمها من اسبوعين
فزت يمنى بفرحه:والله الف مبرووووك
حضنه يحيى:الف مبروك وادري انك قدها
ساره:مبروك ي غازي مبروك
فيصل:شفيكم منصدمين اخو من هو اخويا اكيييد بيربح
ناظرت له ساره:خف علينا ي المغرور
ضحك فيصل وبارك لـ غازي
غازي:الله يبارك فيكم اجل بروح ابشر زوجتي واشوف حمد
يمنى:الله معك ،ومشى متوجهه لغرفته
يحيى:وانتم يلا نوم تأخر الواقت بكره العرس يلا،مشو كل واحد على غرفته يعلنو نهايه قعدتهم الحلوه
