15
'
عند غسان كان قاعد بالغرفه يسمع اغاني وفرحان ومستانس دخلت منى للغرفه والغضب في عيونها وشافته قاعد يغني وفرحان تقدمت له ونطقت:مستانس،
غسان:فووووووق الغيييم،
منى:خلني اقلك ان الي في بالك ماتم!!
غسان عقد حواجبه:وضحي مافهمت عليتس ،
منى:اقول الي كنت بتخطبها خطبها ولد عمك وبكره الملكه ،
غسان بصدمه:وشووووو ،
منى:مثل ماسمعت ،
غسـان الـي انـصدم مـن الكـلام مـاكان متـوقع بيـصير كـذا وكـيف بتصـير لغـيره وهـو قـد كـأن بـدأ يـحلم بعـيشته مـعها
وكـيف كـذا تحطـمت كـل احـلامه قاطعت تفكيره منى وهي تقول:اسمع زين البنت ماتبيك شبتسوي الحين وين بتدور؟؟واحده تقبل فيك ؟؟
غسان بحده:اقول اسكتي ،
منى بنفس الجده:مانيب ساكته شبتسوي؟؟؟
غسان بغضب:مننننى اهجدي
منى:بعد الي سويته تبيني اسكت؟؟انت تدري لو عيالي مابجلس عندك دقيقه
تجاهل غسان كلامها وخرج من الغرفه يروح يتأكد من الخبر ،
،
عند ام سعود دخلت نور الغرفه وقعدت جنب سما ونطقت ام سعود:اسمعين ي بناتي غسان ومحسن طالبينكن وانا والله ما ارضى العذاب لبناتي ويشهد عليا الله اني اعتبركن من بناتي بس ابيتس ي سما تفكرين بالي قاعده اقوله انتي واختس ،
سما:افكر ب ايش وانتو بتزوجونا بكره؟؟
نور بشهقه:اييييش اسمعي ي خاله هاذا الشي من حقنا وما يحق لأحد يقرر علينا واذا انتم مصممين بتصل على خالي واخليه يجي الان ونمشي معه،
ام سعود:هدي ي بنتي وسمعيني غسان طالبس وانا ما ارضي لتس فقترحت على منصور وسعود يتزوجوكن لأجل نسكت الجد ونسكت كلام الناس والزواج مابيكون زواج حقيقي بس تصيرين محله له لين تجي عائلتس وبعدها يطلق وترجعين ديارتس وما يصير شي ،
سما:ليششش هاذي الرفسه بكلها نرفض غسان ونرفض عيالش وخلاص ،
ام سعود:افهميني الحين في من قد وسوس للجد واكيد غسان ادري يعني الجد اذا قال بيزوج يعني بيزوج اهم شي عنده السمعه وانتي فكري وكلميني ،
نور:مستحيييييييل اوافق مستحيل ،
سما:حتى اني مستحيل ،
ام سعود:طب ليه ماتفهين كلامي ليييه؟؟اقول زواج موب حقيقي بس لجل الناس!بعدين تدرين انه بعد شهر ماتقدرين تقعدين بالسعوديه بتخلص اقامتكم واذا ابوتس ماقدر يطلع بيبدئون يدورون عليكن وبتدخلون السجن فا ضروري الزواج وتكوني بأسم رجلتس وتقدرو تقعدون دام تزوجتي وصرتي من السعوديه ،
نور بشهقه:بننسجن ؟؟
سما طالعت لنور:اقلش خلينا نكلم امي وامش ونبسر(نشوف) ،
ام سعود:ايوه كلميها وخلنا نشوف،
نور:تمام واخذت الجوال ودقت على امها وردت الام:هلا ي بنتي كيفش ولييش امس ما اتصلتي لي ؟؟
نور:الحمدلله ي الغاليه انتي كيفش وكيف ابي ،
ام نور:والله الحمد لله بخير ايذاهو جنبي،
نور:يُبه كيفك ،
عبده:ي هلا يانظر عيني الحمدلله دامش بخير احنا بخير ،
نور:كنت اشتي اتكلم معاكم في موضوع ،
عبده:خير ي بنتي ايشش ،
نور:ذلحين لما تنتهي مده الاقامه في مكه بننسجن ،؟؟
عبده بتنهيده:ايوه ي بنتي بعدين والله ما ارقد الليل من كثر التفكير قد حاولت اكلمهم اطلع هاذا الشهر بس ماقدرت وهاذي المشكله انا خايف منها اذا انتهت الأقامه ع تنسجني لوما اطلع اشلكن(اخذكن)،
ناظرت نور سما بخيبه ونطقت ام سعود:احنا شفنا الحل،
عبده:صدق ايش؟؟
حكت له ام سعود السالفه..عبده:هاذي مخاطره كبيييره ،
ام سعود:اقول بس تصير حليله له لين تطلع وبعدها يطلقو ،
ام نور:خلاص احنا موافقين بس امااانه انتبهي عيالش وبناتي في ذمتش ،
ام سعود بفرحه:ولا عليتس والله اني اعتبرهن بناتي ،
عبده:تمام دام كذا الله يكتب على خير يلا فمان الله ،
نور:يلا سلام ،
قفلت الخط وناظرت لسما ونطقت:ذلحين ع نتزوج ؟؟
سما:لا تخليها محلقه والزواج مش حقيقي عادي ولفت لام سعود:من بتزوج من عيالش ،
ام سعود بضحكه:بعدين اقولتس الحين نقول مبروك ،
نور:مافي بيدنا شي غير نقول مبرررروك ،
ام سعود:اجل بكره الملكه والشوفه والوقت الحين متأخر البسين اي شي من ملابسكن وبعد الملكه تخرجي انتي ورجلتس تجهزون للعرس،
سما بضحكه:اني وزوجي ،
نور:ههههههههههههه ماتخيلتها ورب البيت وما اقول الا الله يعينه بس ،
سما:ههههههه كلام امي ،
ام سعود:لا ي بنتي والله محضوض بتصيرين زوجته ،
نور:هههههههه صدق محضوض ،
ناظرت لها سما بطرف عين ونطقت ام سعود:يلا روحين نامين بكره عنا شغل
نور وسما:يلا ومشين لغرفتهن ومشت ام سعود للمجلس تكلم نبيل،
'
في الطرف الثاني من البيت بغرفه محسن بعد ماسمعت اثير بالخبر انهارت انهيااااااار كبيييير وكانت قاعده تبكي فوق السرير بحرقه دخل محسن ويسمعها ويتقدم ينحني على رجوله ويناظر لها:اثير شفي شسالفه ليه تبكي؟؟
اثير ببكى:انا تسوي فيني كذا ي محسن بوش قصرت معك ها لييه تبي تتزوج علي حارمتك انا من شي؟؟منقصه شي؟؟لا وليييه ي محسن تحرق قلبي ليييه حرقتني ليييه؟؟؟؟
محسن سمع كلامها وحس انه مثل السم نزل على قلبه وحضنها من دون مقدمات نطقت وهي بحضنه:محسن شسويت انا ؟؟
محسن وهو يمسح على راسها:والله ي اثير والله مادريت الا اليوم جاني غسان وقال يبي البنت يبي يتزوجها ،
اثير ناظرته لعيونه والدموع بعيونها:وانت قلت بتزوج معك الثانيه صح ؟؟
محسن:اثير انافدال عيونس وقفي بكى حرقتي نفستس وحرقتيني معتس ،
اثير زاد بكائها:شـ ـ ـشتبيني اســوي غير البكى ي محسن شتبيــني اسوي؟؟؟
محسن:وقفي واسمعيني غسان كلم جدي وكان خايف ان جدي مايوافق فقال واحده له وواحده لي وانا والله مادريت وكنت بكلم جدي اني ما ابي اتزوج بعدين انا مكتفي فيتس انتي ام عيالي وتبيني افلتس بذي السهوله والله ما افلتس انتي حبيبت قلبي تفهمين والله ما اتزوج سامعه وقفي بكى وقفي،
ناظر لعيونه:كنت بتكلم جدك انك ماتبي؟؟
محسن وهو يمسح دموعها:ايوه والله كنت بكلمه بس الحمدلله الخبر ماتم وبيتزوج سعود ومنصور ،
ناظرت له ورجعت دفنت وجهاها في حضنه وتبكي:كنت اضن انك بتتخلى عني بتفلتني لوحدي كنت خايفه ي محسن خفت كثييير خليك عندي لا تروح لا تروح ،
بعدها من حضنه ومسك وجهها ونطق:والله ما اخليتس تسمعين انتي اثير زوجت وحبيبتي وام عيالي فاهمه
ابتسمت ابتسامه خفيفه ناظر ابتسمتها وقبلها من وجنتيها ورجعها لحضنه وقعد يمسح على راسها،
'
عند غسان مشى متوجه لبيت الجد وشاف منصور وسعود ب الحوش منصور همس لسعود:شف شف شبسوي فيه نطق بصراخ:غسان تعال تعال،
تقدم لهم غسان ونطق منصور:مافي مبروك بكره الملكه حقنا؟؟
غسان وهو يتظاهر بالغباء:مبروك ومن العروسه؟؟
سعود:بنت اليمن ،
غسان الي تأكد هنا اني خلاص راحت وكانت نيران قلبه تشتعل:بنت اليمن وكيييف تتزوجون من خارج القبيله؟؟
سعود:شفيهم بنات اليمن والنعم فيهم تربيه وادب وجمال ،
منصور:وانت صادق لو نقلب السعوديه كلها موب ملاقيين مثل بنات اليمن ،
غسان الي تنرفز وقعد يطالع فيهم وهم يضحكو ماقدر يسوي شي،
منصور بهمس لسعود:والله وسويناها
سعود بضحكه وبنفس الهمس:شفت كيف تغيير وجهه ،
منصور بهمس:يستاهل مايستحي يبي يتزوج وهو متزوج يخسى،قاطعهم دخول فيصل وهو يرقص ويغني قامو وبدئو يرقصو ويهزو اكتافهم ومتجاهلين غسان وهو يطالع فيهم بقهر ،
فيصل وهو يهز اكتافه نطق بصوت مرفوع:مبرررررروك ي عيال الععععم مبرووك
منصور بضحكه:عقباااالك ي فييصل
فيصل:قريب قريب
ورجعو كملو رقص وغسان الي تنرفز منهم انهم ماعبرو وجوده مشى والغضب مصيطر عليه،
سعود:بس بس بروح لعند امي ابيها في موضوع،
دخل سعود ومنصور وفيصل توجه لبيتهم،
'
دخلت ام سعود المجلس وشافت الجد ونبيل والجده قاعدين يسولفون دخلت وقعدت جنب نبيل ونطقت:موافقات ،
نبيل:صدق،
ام سعود:ايوه مثل ما اتفقت انا وانت وافقين ،
الجد:اجل على بركه الله ،
الجده:ي حليلهم احفادي ربي عوضهم ببنات يشرحين الصدر ،
ام سعود:وانتي صادقه والله ي حليله ،قاطعهم دخول سعود ومنصور وردو السلام وقعدو ام سعود:قررت ي ولدي؟؟
سعود:بأخذ سما ي يُمه ،
ام سعود:اجل ونور لك ي منصور ،
ابتسم منصور لا شعوريًا وهو موب مصدق انها بتصير زوجته وحلاله موب مصدقه انو الي كان يفكر بها صارت له وموب مصدق انه بيعيش حياته معها وقعد يسرحه بتفكيره ويقول بنفسه معقول بيجي يوم وتعتبرني زوجها حقيقي؟؟معقول بيجي يوم وتصير ام عيالي شتت تفكيره من تذكر انه بيكون يصبح في وجهها وبتسم وصد وطلع لغرفته يكمل سرحانه ليين غفى ونام
والكل توجهو لغرفه واعلنو نهايه يومه ،
'
يوم ثاني الساعه11 خرجت نور وسما من الغرفه وتوجهين للمطبخ ونطقت نور:تشتو مساعده ولا شي ؟؟
سما:ايييييش اليوم الملكه حقي وتشتيني اشتغل اني بخرج لي وانتي اشتغلي وخرجت ضحكو الكل عليها ،ونطقت نور:هاذي البنت مستحيل تعقل
ام سعود:روحي ي بنتي وارتاحي مانبي شي ،
رهف:ايوه خليتس مرتاحه اليوم بتكون الشوفه ،
ساره:ترا ها ما ابيتس تخافين ولا تتوترين
نور:لا تفتجعي ماعد(ماني)اتوترش ،
سلمى:بس ها خففي المكياج شوي لا تطيحين منصور من اول يوم ،
نور بضحكه:تمام ولا تخافي بخففه ،
ملاك:وانتي ي سلمى خلي اخوتس يخفف من الاناقه قبل مايدخل لا يرجع يطيحها من اول يوم ،
ضحكو الكل ونطقت نور :ماعد اطيحش وبعدين لو طحت هو زوجي ولا مايسبرش(يصير)؟؟
رهف:بسم الله من بدايتها حركات المزوجين ،
ام سعود:روحي ارتاحي وخليتس من ذول الخبلان ،
لفت لها رهف:افا انا الحين خبله؟؟
نور بضحكه:الذي على راسه بطحه يحسسه وخرجت تدور على سما ،
'
عند سما مشت لبيت الجد ودخلت وشافت الجد والجده وجلست في راس المجلس بهدوء ،
الجد:علامتس ي بنتي صاير شي؟؟
سما:لا ،
الجده:شفيتس ي بنتي ترا واضح عليتس
سما:ذلحين ع تزوجوني بدون ما تجهزت للعرس بدون ما اشتريت فساتين العرس حتى بدون برع،
الجد:افا ذا الي مزعل خاطرتس
سما:قاهرننني ومزعل خاطري ومعكر مزاجي ،
الجد:شتبين نسوي الحين؟؟؟
سما:اشتي العرس اسبوع مش يوم الملكه والعرس وبس اشتي يوم البس فستان يمني ويوم الذهب ويوم الابيض وحفله ببيت زوجي يوم ثاني وتشغلون برع علشان احس انه عرس صدق ،
الجده:ليييه الحين موب حاسستيه عرس؟؟
سما وهي تأكل من صحن الفستق:لا ليش هاذا عرس حتى شهيتي مسدوده من القهر ،
الجد:افا الحين ذا موب عرس بس ي بنتي الاعراس كذا عندنا وعندكم غير مانقدر نسوي شيء،
سما:عد اسكت بس علشاني بالسعوديه مشنا باليمن..يقاطعهم دخول نور للمجلس:السلام عليكم،
الكل:وعليكم السلام ،
قعدت نور جنب الجده ونطقت:ليش هربتي ي حيوانه؟؟؟
سما:انتي مجنونه تشتيني اشتغل بيوم عرسي؟؟
نور:مايقع شي مش ع ينقص من حالش ،
سما:مستحيل اني عروسه ،
نور:اص اص والله مايقع بش شي بس انتي خبلا ،
سما:ايش دخلش مني مشتيش اشتغل بالغصب؟؟؟
نور:ايوه بالغصب،
سما:اسكتي ولأ والله لا اجي اضربش ،
نور:اتحداش جي يلا ،
سما:مشنا ناقصه لش عرسي قدو قريب،
نور:مابه الا قولي انش افتجعتي ،
سما:هاااااااا من اني افتجع منش؟؟...قاطعهم الجد وهو يصارخ:بس بس ليييه الهواشه الحين؟؟ولا انتو دائمًا تتهاوشين؟؟
نور بضحكه:احنا نتهاوش عاد انتو مشنتو داريين (ماتعرفو)بالمصايب الذي من تحت راسها هاذي مصيبه ،
الجد:افا سما ومصايب لالا شكلك مخربطه ترا المصايب موب زينه ،
الجده:ههههههه انت تتكلم عن المصايب ي ابو مصايب ؟؟
نور:الجد عنده مصايب لالا مستحيل
الجده:ايوه مصايبه كيبررره وورث لـ منصور ،
سما:منصور ايش فعل؟؟
الجده:ابد طال عمرتس اخر مره مكحل لنا الرجال بفلفل!!!
سما بشهقه:قولي والله ،
الجد:وششششششو طلع منصور موب البنات ؟؟؟
الجده بضحكه توتر:ءء ااالا موب منصور اقصد رهف ،
الجد:وشوووو وانتو قلتو سلمى يعني منصور صح والله لا اوريه ،
الجده:اعقل ترا الي صار صار وبعدين الولد عريس ومايصير ،
الجد:تبيني اسكت له ابي اعرف لييه سوى كذا ب ابو ضاري ،
الجده:اسكت اسكت ماسوى شي يستاهل وخلنا نقفل على الموضوع ،
الجد:بس...يقاطعهم دخول رهف:السلام عليكم ،
الكل:وعليكم السلام ،
رهف:جهزنا الغداء لعند الرجاجيل ي جدي وانتي ي جده الغداء عند الحريم جاهز يلا ي بنات ،
سما:انييييي اتغداء معاكم منصدق؟؟
الجد:ايوه لييه وين تبي؟؟
سما:ماعندكم احترام لخصوصيات المراء؟؟
الجده:لييه شمسويين حنا؟؟
سما:بالله عليكم تشتوني اتغداء معى ام العريس الصدق انا بين اخزاء (استحي)
الجده:ايش هاذي اخزاء،
نور:تستحي ،
الجد ناظر لها:تستحين وانتي مكمله صحن الفستق ؟؟
رهف:سما تستحي هههههه ضحكتيني اقول يلا تحركي ترا عمتس ام المعرس مسويت لتس كبسه دجاج الي يحبها قلبتس ،
فزت سما وقامت:ايششش كبسه ،
رهف بضحكه:ايوه كبسه،
سما:يلا يلا ي جده تأخرنا على الحريم ،
الجد:وين راح الحيا حقتس ؟؟
سما بتقليد:افااااا انا استحي معصي لييه شايفين من يستحي على بطنه ؟؟؟
ضحكو الكل عليها ونطقت:ي جد اسمع بطني مقدر استحي عليها يلا اخطو (امشو)وخلونا نلحق ،
الجد بضحكه:اجل يلا ،
طلعو كلهم متوجهين للغداء وبدئو يتغدون وخلصو وبدئو البنات تنضيف وسما ونور توجهيين للغرفه يتجهزين والجد بدئ يستقبل المعازيم وقعدو ببيت ناصر يتقهوون ويسولفون .
'عوضتكم حق التأخير'
انتهى🖱
نجحمه تقدير لتعبي🤎..
