20
عند الجد كانو قاعدين يتعشو ولفو كلهم على الصوت الي سمعوه من سيف:مساء الخير،
ناصر:اعوذ بالله وطالع للعيال 'صدووو'
صدو العيال،
سيف:ادخلي لعند الحريم،
بيلا:سيووفي من هاؤلاء عائلتك؟؟
سيف:ايوه
بيلا:لما لم يفرحو بنا؟؟
"مُلاحضه يوسف بن ناصر ذكرته بالبدايه كان في الولايات المتحدة يدرس وتزوج من بيلا هناك"
الجد بحده:سيف من ذي الي جايبها معك؟؟
سيف:زوجتي ،
ناصر بشهقه:ووووش زوجتك ومتى تزوجت؟؟ولييه ماعلمتنا؟؟وكيف تتزوج من الخارج؟؟
سيف:حبيتها ي يُبه وتزوجتها،
الجد:ولييييه ماشورتنا وكييف تسمح لها تطلع معك بذا الشكل'كانت لابسه فستان قصير وشعرها مفتوح يعني موب متغطيه'
سيف:ماتبي تلبس عبايه،
ناصر:وكيييف ترضى لنفسك تخرج معى حرمتك بذا الشكل والكل يناظر لها ماتخاف الله انت!؟
سيف:يُبه لاتخلها محلقه وذي زوجتي وبكيفها ،
'
نور الي كانت قاعده تناظر من الشباك:من هاذي البنت وماتستحي كيف لابسه هاكذا قدام الرجال،!
مشاعل:يُمه الي معاها مو نفس سيف بن عمي ناصر؟؟
ام سعود بتركيز:ايييي والله سيف تعالي شوفي ولدتس ي سعاد مين جايب بعده !!
سعاد وهي تناظر:ياربي من الذي معه؟؟
ماقدرت نور تتحمل خرجت من المجلس ودخلت الغرفه الي وصلو لها بالعصر اخذت عبايتها ولبست ولبست النقاب واخذت عبايه سما وخرجت متوجهه للحوش وتجاهلت وجود الاعمام والعيال خرجت والكل لفو يناظروها منصور عقد حواجبه وهو مستغرب لييه طلعت قدام العيال ،
مشت لعند بيلا ورفعت يدها الي فيها العبايه لأكتاف بيلا وغطتها وسحبت العبايه وستحبت بيلا معها ودخلت البيت منصور ابتسم لا شعوريًا وهو يشوف غيرتها نزل راسه وهو يتذكر كييف خرجت متغطيه وضحك وهو يتذكر كيف سحبتها،
'
دخلت للصاله والكل كانو ينتظرونها بيلا دفتها وبعدت العبايه من فوقها ونطقت بقرف:مابكِ وما هاذا الشيء المقرف ،
نور:هاذا الشي المقرف عبايه تسترش ،
بيلا بعدم الفهم:ماذا تقولين؟؟
رهف:من انتي؟؟وليه جيتي معى اخويا سيف؟؟
بيلا:انتي رهف اخت سيووفي؟؟
رهف بقرف:ايوه رهف وانتي من؟؟
بيلا:انا زوجه سيف ،
الخبر نزل صدمه للجميع،
سعاد:وشووووو زوجه سييف تزوجتس انتي لييييه ماعاد في بنات يوم جابتس انتي؟؟
بيلا كانت تطالع لهم وهي موب فاهمه شي،
رهف لفت لامها وهي تلعن خيرها:يُمه سيف شمسوي وشذي المهزله؟؟
سعاد بصدمه:لالا مستحيل سيف يسويها مستحيل ،
'
سما:جده سمعتي الصوت ؟؟
الجده:ايوه تعالي خلنا نروح ونشوف شصاير!
خرجت الجده وشافتهم مجتمعين بالصالة عقد حواجبه بأستغراب وقالت:شصاير؟؟
لفو لها وبعدو وشافت الجده بيلا ونطقت:من ذي؟؟
سلمى:تعالي شوفي ي جده تقول حُرمه سيييف!!
الجده بصدمه:وشوو سيف تزوج؟؟
رهف:تزوج ي جده وجابها وهي بذا الشكل !!
سما بشهقه:بهاااذا الشكل قدام الكل؟؟وسعود شافها؟!
نور:الكل شافوها!!
سما ناظرت بـ بيلا:ماتستحي انتي؟!وليييش تخرجي بدون عبايه؟!وبهاذا الشكل؟؟
بيلا وهي تناظر للباب:الى ايين ذهب سيوفي فأنا لا افهم عليكم؟!!
سما:يخوووو والقرف،
'
الجد:وليييه رجعت ؟
سيف:تعبت من الغربه ي جدي ،
نبيل:الله يهديك ي ولدي وليييه تزوجت من الخارج؟
سيف:حبيتها وبدل ما اسوي شي بالحرام قلت اتزوجها بالحلال،
ناصر:لو كان صديت بصرك ماحبيتها وكان زوجناك من القبيله،
سيف:يُببببه لييه شبيصير اذا تزوجت من خارج القبيله سعود ومنصور تزوجو من اليمن وما عارضتو بس انا لا!!
الجد:تخسى تقارن بنات اليمن ببنات اليهود حتى ماخفت من ربك وانت تتزوج من واحده ماتعرف الله ،
سيف:انا جبتها عشان اغيرها وبعرفها على كل شي وبخليها تدخل للإسلام بس ابي منكم تفهمو موقفي،
الجد بحده:بيتى يحرم عليك وعلى حرمتك الي مايعرف الله مانعرفه،
سيف بصدمه:جدددي،
الجد:اخر كلامي،
وصد ودخل للبيت وشاف الحريم صد ودخل غرفته وقفل،
الجده:يلا كل واحده على بيتها،
خرجو وكل واحد توجهه لبيت،
'
ببيت ناصر،
سيف:يُمه سامحيني بس والله جبتها وتزوجتها،
سعاد ببكى:ماتوقعتها منك ي سيف ماتوقعتها،ونزلت راسها وهي تبكي ،
رهف:سيف شصار لك وكييف ترضى على نفسك انك تخرج معاها بذا الشكل؟!
تجاهل كلامها وقرب حضن امه:يُمه سامحيني،
ناصر:اسمعني زيين ياولد تأخذ اغراضك وتطلع من البيت مثل مادخلت،
طالع له سيف بصدمه:يُببببه،
سعاد فزت بخوف:لالا ي ناصر ولدي ولدي،
ناصر:اخر كلامي،
سعاد ببكى:حلفتك بالله ي ناصر لا تفرقني عن ولدي لا تحرمني من ولدي ي ناصر ،
ناصر بأسى على حاله زوجته:اسمع كلمتي وخلها في راسك زوجتك تستتر وتقعد بغرفتها ما ابي اشوفها ،
سيف:بس يُبه..سكت وهو يناظر بأبوه صد ومشى من عندهم تنهد بضيق ومشى ودخل غرفته،
'
ام سعود:ايوه نضفنا الدور الثاني فييه غرف كثيره عكس هاذا غرفه لك وغرفه لمنصور ،
سعود:تمام،
كل واحد دخل غرفته،
دخلت نور الحمام لبست بجامه ونسدحت على السرير دخل منصور الغرفه ودخل الحمام غير وخرج وقعد على طرف السرير ناظرت له وعقدت حواجبها:فيك شي؟؟
لف لها منصور:اسمع زين ما ابيتس تخرجين مره ثانيه وعيال عمي موجودين!!
نور وهي متفشله: يخي مدري م وقع فيني م قدرت ابسرها وهي بتياك الشكل معاد اخرج مره ثانيه،
منصور بأبتسامه مكر:لايكون غرتي؟؟
نور بصدمه:ماهو اني اغيير وليش اغير؟؟
منصور:اكيييد تغارين على زوجتس على ميين يعني؟؟
نور:لالا هاذي مشي غيره،
منصور:طب وشو؟؟
نور:مدري بس مشي غيره!!
'
ام سعود:طب لييه ماتزوج من السعوديه؟!
نبيل:يقول يحبها ،
ام سعود:حسبي الله ايش الي حبه فيها،
فجأة طلع صوت من السطح،
نبيل:سمعتي ؟؟
ام سعود:بسم الله الصوت جاي من السطح صح؟
نبيل:ايوه،
ام سعود بخوف:لايكون سارق؟!
نبيل:بروح اشوف،
ام سعود:لالا يرجع يسوي فيك شي!
نبيل:بشوف،
خرج متوجهه لسطح
خرج منصور من غرفته وخرج سعود بنفس الوقت،
منصور:سمعت الصوت؟!
سعود:ايوه سمعت اكييد في احد بالسطوح خلنا نروح نشوف،
منصور:لحضه اجيب السكين،دخل المطبخ وجاب السكين وشغل فلاش الجوال وطلعو،
منصور بهمس:تسمع صوت الحركه؟؟
سعود بنفس الهمس:ايوه اسمع،
شد منصور على السكين الي بيده بقوووه ووجه الفلاش للأرض وتقدم يمشي بخطوات سريعه يطعن السارق بس نبيل بصراخ:ووووقف ووقف تبي تقتل ابوك ي كلب،
منصور رفع الفلاش على ابوه:يُبه شقاعد تسوي هنا،؟
نبيل:سمعت الصوت قلت اطلع اشوف شصار بس ولدي يبي يقتلني،
منصور ضحك بقوه:هههههههههههههههههههههه مادريت ضني انك السارق،
سعود بضحكه:كنت بتصير قاتل ابوك،
نبيل بضحكه:يلا يلا ،
منصور:والسارق؟!
نبيل:مافي شي دورت ومالقيت،
'
نور سمعت صوت الصراخ وركضت لغرفه سما ونزلين لعند ام سعود
نور:سمعتي ي عمه الصوت؟؟
ام سعود بخوف:سمعت ي بنتي سمعت لايكون صار شي ؟!
نور ببكى:عمه شكل السارق قتلهم؟!
سما:مالش انتي والافكار هاذي يمكن هم قتلو السارق،
ام سعود:يارب سترك على اولادي يارب،
دخل منصور غرفته وماشاف نور. وخرج :سعود زوجتي عندك ؟
سعود:لا يمكن عند امي يلا ننزل،
دخل نبيل وشاف البنات عنده:خير شصاير؟؟
ام سعود:وين عيالي؟؟صار شي؟؟لييه الصراخ؟مسكتو السارق؟؟
نبيل:هدي هدي مافي لا سارق ولا شي،
ام سعود:شذا الصوت الي سمعناه؟؟
نبيل بضحكه:ابنتس كان يبي يقتل ابوه!!
ام سعود عقدت حواجبها:شقاعد تقول؟!
نبيل:منصور مفكر اني السارق وكان بيطعني بالسكين!!
ضحكو بقوه ونطقت نور:يعني مابش احد بالسطح؟؟!
نبيل:ايوه مدري شكان ذاك الصوت!
طق منصور الباب:يُمه زوجتي عندتس؟!
فزت سما من تذكرت انها تحدت منصور بترجع له المقلب وهمست:عمه قولي لا بالله خليني ارجع له المقلب ،
ام سعود:حرام عليتس تخرعي الولد على زوجته!
سما:امانه عليش وانت ي عمي لا تقول ولفت لنور:وانتي سيري(روحي) تخبي بالغرفه،
راحت نور ودخلت غرفه سلمى ومشاعل،
ام سعود:خيير ي ولدي لييه نور موب عندك؟؟!
منصور عقد حواجبه:لا يُمه موب بالغرف ،
سعود:يُمه وسما عندتس؟؟
ام سعود:ايوه ي ولدي سما عندي بس نور توها طلعت قالت بتطمن عليك!
نبيل:شفتها انا وطمنتها وقالت بتجي تطمن عليك لييه ماجت،
منصور بخوف:لا ماجت برجع اشوف بالغرفه يمكن كانت بالحمام،
وركض طلع فوق ودخل الغرفه وتوجهه للحمام ونطق بصوت مرفوع:نووورر نووور وينتس؟! نورررر ،
دخل سعود وشاف سما قاعده تضحك عقد حواجبه وتقدم لها:شفيتس لييه تضحكين؟؟
سما بضحكه:ضحكت على اخوك،
سعود:وش؟؟
سما:نور داخل عند سلمى ومشاعل رديت له المقلب،
ام سعود:حرام عليتس والله بيكون الحين خايف،
سعود بضحكه:خليه يستاهل،
'
مشاعل بصدمه:كذبتي على منصور؟!
نور:ايوه كذبت لجل سما تفعل له مقلب ،
سلمى:ههههههههههه يستاهل خله يحس ويخفف علينا مقالب،
مشاعل:الولد هاذا مارح يخففف ولا رح يوقف المقالب تمشي بدمه،
نور بضحكه:صدقتي والله مايقدر من دون المقالب،
'
خرج منصور من الغرفه وطلع للسطح وهو يصارخ بأسم نور وكان خايف عليها خايف لوكان الصوت الي طلع من السطح يكون سارق وخطف نور معه ماقدر يستوعب وين بتكون راحت ،
نزل ورجع لعند امه وهو يصارخ من وراء الباب:يُمممممه رجعتتت؟!ماشفته فوق ويييين بتكون راحت؟!
ماقدرو يمسكو ضحكتم وضحكو بصوت مرفوع،
منصور من عرف انهم سوو فيه مقلب تضايييق ونطق:حتى انتي يُمه؟؟حتى انت ي يُبه؟؟
ام سعود:جبرتي سما ياولدي،
ابو سعود:ذا عشان تحس بالناس يوم تسوي فيهم مقالب،
منصور:اجل الحين وينها،
ام سعود:بغرفه سلمى،
منصور:بطلع الحين وانتي قولين لها تطلع بعدي،
طلع منصور الغرفه وطلع سعود وسما وتوجهو لغرفتهم وام سعود نادت لنور طلعت نور وهي بدرج سمعت صوت غريب تقدمت تشوف وبحركه سريعه تحركت من بين رجولها وكانت قطوه وصرخت وهي تمشي يمين شمال:منصووووووور يُمممممممممه يمُممممههههه وبدات تبكي،
خرج منصور لها:شفيت ليه تصارخين؟؟
ماردت عليه وتقدمت حضنته وتبكي بحضنه انصدم من شافها تبكي بحضنه قعد يطبطب على ضهرها:شفتي شي؟؟لييه خايفه؟تعالي معي الغرفه يلا،سحبها معه ودخلو الغرفه،
'
سلمى:يُمه شصاير لها؟!
ام سعود:اكيييد منصور خرعها،
مشاعل:ولدتس ذا لازم تشوفين له حل،
ام سعود:شسوي؟؟!
نبيل:خلهم يسدو مالنا فيهم يلا نروح ننام تعبت،
الكل:يلا،
'
سما بشهقه:سمعت صوتها سمعت؟؟
سعود:ايوه سمعت!!
سما:اكيد اخوك خوفها،
سعود:بذمتس انتي لو ماكذبتي ماكان خرعها الحين،
سما:الله يقلعه حرام بالبنت ع يقرح(يفقع)ريتها،
سعود:مالنا منهم هم ع يسدو بس ابي منتس تسكتين بس خمس دقايق لين انام وبعدها تكلمي انتي والجدار،
سما:لييش ايش ابسرتني(شفتني)لوما تشتاني اتجابر(اتكلم)انا والجدار الي يسمعك يقول اني مابين اشكتش (ما اسكت)،
سعود طالع لها بهدو وهو موب فاهم شي،
سما:مالك بتبسر صلايا(تشوف لي)ولا اول مره تبسر واحده حاليه ودمها خفيف مثلي،
سعود فهم انها تمدح نفسها:اقول استي ويين الحلاوه الي فيتس بعدين حاولي توضحين كلامتس ماني فاهم،
سما:اها يعني مافهمت كلامي،؟احسن ارقد لك،
سعود رفع حواجبه:زين بنام بس اسكتيين ،
انسدحت سما على السرير:تمام وانت اسكت اشتي ارقد قدنا ميييته نوم،
'
قعدت نور على السرير وجلس منصور جنبها ومسك اكتافها وطالع بعيونه:قولين لي شصاير لييه تبكيين؟؟
حطت يدها على وجهها وزاد بكائها،
بعد منصور يدها ورفع راسها:طالعي فيني لييه تبكين؟!
نور ببكى:كان في دمه في الدرج مشت من تحت رجلي وفجعتني،
منصور:وشي؟؟
نور:قطوه يعني،
كتم ضحكته وهو يناظر لها كيف كانت تبكي:اهاااا خفتي من قطوه؟!خلاص وقفين دموعتس وخذي اشربي شويه ماء
شربت الماء ومسحت دموعها وطالعت بمنصور الي كان قاعد يطالع فيها،
منصور:مشاء الله ي كثر الدموع عندتس،
ابتسمت بخفه ونزلت راسها،
منصور:اجل نامي ورتاحي،
انسدحت على السرير ونسدح منصور معاها واعلنو نهايه يومهم،
'
بيلا:سيوفي لما عائلتوك لم تفرح بنا؟؟!
سيف بتنهيده:فارحين ي بيلا فارحين بس زعلانين لاني تزوجت من غير ماعلمتهم،
بيلا:حسنًا ماذا كانت تلك الفتاه تقول لي ولما لبستني ذاك الشي القرف،
مسكها سيف من كتوفها:انصتي الي لا تبالي بكلام احد واريد منكِ ان تلبسي أشياء آكثر سترًا،
بيلا بصدمه:ماذا تريدني ان اغير من لبسي لما؟؟
سيف بكذب:هنا لايوجد امان وانا اغار عليكِ ي عزيزتي،
بيلا:حسنًا سأحاول،
'
الصباح بعد مافطرو كان الجد قاعد هو وعياله ومنصور وسعود،
الجد:منصور اليوم انت روح وفتح المحل مافيني حيل اليوم،
منصور بقله حيله:ابشر ي جدي،
وقام اخذ المفاتيح وخرج،
سعود:اجل انا رايح المزرعه،
الجد: فأمان الله،
خرج سعود ولحق منصور ومشو من نفس الطريق شافو فيصل،
فيصل:على ويين؟؟
سعود:ارض ربي وااااسعه،
فيصل:معاكم يلا،ومشو وبعد مده شافو الشله مقبلين لهم
سعود: صبحتو بـ صباح يسرّ و يبهج الخاطر،
خالد:صبحكم الله بالخير،
عساف:على ويين؟؟!
سعود:ارض ربي واااسعه،
فايز:سحبتو علينا،
فيصل:ناوي اتزوج لجل اسحب مثلهم،
عساف:حتى انا بسحب عليكم قريب،
مشعل:اقول اسكتو ولف لمنصور،كييف الزواجه؟؟
منصور:حيااااااااه،
ضحكو بقوه ونطق منصور:مابقى شي ابيكم كلكم تتزوجون وتعيشون شعوري،
مشعل:خلنا من العرس خلونا نمشى على كل ديره وما نوقف،
منصور:تم يلا،
سعود:بس ها ما ابي احد يقول تعب،
خالد:ولا يهمك نمشي لين بكره اذا تبون
سعود:اجل يلا،وبدئو يمشون ويسولفون ويضحكون،
فيصل:شباب خلونا نتسابق؟!
الكل:يلا ،وركض منصور الاول والكل بعده،وبعد مده وقفو الكل وهم يلهثون من التعب،
عساف وهو يحاول يستجمع انفاسه:الله تعببت ،
فايز:توه بدري على التعب،
ناظر لهم منصور بخبث وتقدم طق باب احد البيوت وركض،
فيصل:ابوووك يالنكبه،
عساف:اخووووو العيييييال اركضووووو ،
ركضو بعد منصور قبل يخرج صاحب البيت ويشوفهم وقعدو يركضو لين وصلو لأخر الديره وكل واحد يتحلف بمنصور وقفو يستجمعو انفاسهم ومنصور وقف جنب بيت من البيوت وحاط يده على الرجوله ويستجمع انفاسه بتعب تقدم له سعود وطق الباب وركضو بعد سعود ومنصور الي انصدم من فعله سعود وكيف قدر يغدر بأخوه وقعد بمكانه موب قادر يركض من التعب خرج صاحب البيت ونطق:هلا ي ولدي شتبي،!؟
منصور تجمد بمكانه من الخوف ونطق بعدم وعي:وين بيت يعقوب؟؟!
ابو صقر:يعقوب؟؟من انت؟!
منصور بربكه:ولده ،حس على نفسه وهز راسه بـ النفي لالا منصور ،
ابو صقر:والله ي ولدي توني جيت الديره معرف احد،
منصور:خلاص ماعليك قصور بروح ادور،
ابو صقر:اجل فمان الله،
مشى منصور متوجهه المحل وهو متفشل من الرجال وصل فتح المحل وقعد يطالع بالناس،
'
سلمى:يُمه وين السمعات؟؟
ام سعود:خير شتبي فيها؟؟
سلمى:بطلع عند البنات نستانس شويه وينه؟؟
ام سعود:كلمي مشاعل يمكن تعرف؟؟
سلمى:يُمه قاعده ادور عليه انا ومشاعل وما لقيناه،
ام سعود:شوفي ..قاطعتهم مشاعل:شفته يلا سلومه،
سلمى فزت بفرح:يلا،وطلعو متوجهين لعند البنات،
'
الجد:ناصر وين سيف،
ناصر:بالبيت يُبه ما اقدر اطرد ولدي ،
الجد:صك راسك في الجدار انت وولدك،
ناصر:يُبه ولدي ذا؟؟
الجد:ماقلت شي سد انت وولدك،
خرج سيف وشافهم:السلام عليكم،
الكل:وعليكم السلام،
الجد شافه وصد للارض مايبي يطالع فيه لاحظ سيف وتقدم يقعد عند جده:جدي ماتبي تكلمني لييه وانا شسويت غلطت اني تزوجت بالحلال وما يرضي الله لو كان سويتها بالحرام كان استانستو صح اسمعني ي جدي ترا والله احبها وتزوجتها وابيك ترضى علي ي جدي تكفى تكفى ي جدي لا تحرمني من رضك،
الجد:تبي رضاي طلقها،
سيف:بس ي جدي،
الجد بمقاطعه:اخر كلام عندي تبي ترضى جدك طلقها وخلاص،
تنهد سيف بقله حيله ونطق نبيل:اجل يُبه حنا بنروح لأشغالنا،
الجد:الله معاكم،
خرجو كلهم وخرج سيف لعند واحد من اخوياه وقعد الجد بالحوش لوحده وجت الجده وقعدو يتقهو ويسولفون،
'
نور:طيب بعلمكن الثلاث واشتي تركيز الحركه الذي افعلها تفعلينها مثلي ،
الكل:تمام،
شغلت نور اغنيه وبدات تعلمهن خطوه خطوه مر الوقت وهي قاعده تعلمهن ،
سما:بس بس حسرت(تعبت)،
نور:بس تعليمي فادش قدش تستري (تقدين)شويه،
سلمى:متعب والله،
مشاعل:نكمل بكره خلونا الحين ننزل الحوش الجده والجد قاعدين يسولفون،
سما:يلا يلا خليني اسير اغير جو،
مشو متوجهين لعند الجد،
نور:السلام عليكم،
الكل:وعليكم السلام،
الجده:صاير شي ي بناتي؟!
نور:مابش شي ي جده جينا نغير جو،
سما:ماتصدقي شفناكم من الطاقه(الشُباك)قنا نجي نخرب عليكم الرمنسيه،
ضحكو ونطقت مشاعل:امس ي جدي منصور كان ع يقتل ابويا،
ضحكت سما من تذكره ونطق الجد:وشوو يقتله ؟!
الجده:بسم الله على ولدي شصار؟؟؟
سلمى:سمعنا صوت من السطوع طلع ابويا يشوف وطلع منصور وسعود وضنو انه السارق وكان منصور ع يطعنه ،
الجد بضحكه:الولد ذا خبل والله خبل يتسرع من دون مايعرف شسالفه،
الجده بضحكه:كان بيقتل ولدي ذا الخبل،
ضحكو الكل خرجت بيلا وكانت لابسه بلوفر ابيض علاقي وشورت ارزرق قصير:هااااي قايز،
لفو الكل لها وفزت الجده وغطت عيون الجد ونطقت بحده:اعوذ بالله اذلفي وجهتس ماتستحين انتي؟؟!
طالعت لها سما وفزت غطت عيون نور،
نور وهي تبعد يدها:مالش ليش غطيتي عيوني؟؟
سما:يووو حسبتش سعود،
ضحت نور وطالعت سما بـ بيلا بقرف:يخووو ماهو هاذا ؟!
سلمى:بنت شذا اللبس تراتس ب الديره موب إمريكا،
كانت بيلا تطالع لهم وموب فاهم شي،
مشاعل:علامتس تطالعين فينا كذا ماتفهمين؟؟؟
نور:بنت قسم بالله لوما تدخلي وتلبسي لبس مثل الاوادم(الناس)لا اجي ارفسش ادخللللي،
بيلا:ماذا تقولون؟؟
سلمى:اقول ادخلي لا اجي اتوطى في بطنتس،
مشاعل بحده:بنت ادخلي لا اجي العن خيرتس،
'ادري ابطييييت عليكم اسفه'
انتهى🖱
نجمه تقدير لتعبي🤎..
