21
الجده بحده:ماتسمعين انتي؟؟اذلفيييي،
طنشتهم وهي موب فاهمه عليهم ورجعت غرفتها،
نور:استغفر الله العظيم ناس ماتمشي الا بالصميل،
سما:اسمع ي جد لازم تبسر لك حل الصدق مايسبرش (مايصير)تجلس هنا واذا تشتي تجلس ي تتستر ي تجلس بغرفتها مشحنا ناقصين ذنوب لاظهرنا اليوم انت شفتها بكره احتمال سعود او منصور او اي واحد مـن العائله،
نور:ايوه صدق مايسبرش ي جدي كلم زوجها يسترها،
الجد:يصير خير،
مشاعل:سما ليييه تغارين على سعود،
سما:اكييد اغار وليش ماتشتيني(تبيني)اغار على حسب علمي انو زوجي ولا بين اكذب؟
سلمى بضحكه:لالا صدق محد بيكذبتس بس سألت اذا تغارين او لا،
سما:اغار اغار ابسرو حتى الجده غارت على زوجها وغطت عيونها،
نور:ايوه صح ايش هاذي الرمنسيه،
سما:بالله عليش ي جده تغاري على زوجش وقدش بالعمر هاذا؟؟
الجد:شفيني عاد بجيب اربع جنبها،
الجده:ايوه صح وانا صابره عليك عشان تتزوج فوقي بأخر عمرك،
الجد:عادنا ببدايه عمري عاد بقبرتس وبتزوج بعدتس اربع،
الجده:وليه من قال لك اني بموت واخليك تتزوج ؟؟
الجد:كل شي مكتوب عند الله،
مشاعل:لييه ي جدي تخاف تتزوج وهي لسى عايشه؟؟
نور:شكلش حكومه ي جده،
ضحك الجد ونطقت سما:قولي لي ي جده كيف خليتي زوجش يفتجع منش ويسمع كلامش،
الجده:ولا فعلت شي هيبه من ربي سبحان الله،
سلمى:يالبييييييه والغرور ي جده خف على جدي وعلينا شويه،
الجد:اقول بس الله معاكن روحن جهزن الغداء،
'
غسان:الحين قولي لي لين متى بتقعدين كذا؟؟!
منى:شفيني؟؟
غسان:ما تتكلمين واذا تكلمتي تتكلمي من راس خشمتس !
منى:ماني طايقتك ولا ابي اتكلم معك ،
غسان:ولين متى يعني؟؟؟
منى:لين تنتهي بالطلاق،
غسان:شقاعده تقولين استهدي بالله بعدين حنا عندنا بنات،
منى:أساسًا مامصبرني للحين الا البنات ولا كان الحين انت في طريق وانا في طريق،
غسان:خلنا ننسى الي صار ونرجع مثل اول،
منى بضحكه سخريه:ننسى !!! تبغاني انسى كيف حرقت قلبي ولا كييف غدرت فيني ولا كيف دمرتي ودمرت حُبك بقلبي ؟؟
غسان:تدرين ان الشيطان شاطر لعب فيني ووسوس في راسي،
منى:اذا شفت بنت مره ثانيه الشيطان بيلعب فيك،
غسان:اذا سويتها مره ماني بمسويه مره ثانيه،
فجأة طلع صوت رهف وهي تصارخ،
منى:شذا الصوت؟؟
غسان:رهف تصارخ شصاير معها،
منى:خلنى نروح ونشوف،
'
رهف لبيلا:ماتستحين انتي؟؟شذا اللبس؟؟ماتدرين انا في البيت رجال ومايصير تلبسين كذا،
بيلا:اظُن انكِ تتحدثين عن ملابسي اليس كذالك؟؟
رهف:لا على جمالتس ايوه قاعده اتكلم على البدع الي انتي لابستيه!!!
بيلا:اذا كُنتي تتحدثين عن ملابسي فـ انقلعي من امامي لن استمع اليكِ،
رهف بصراخ:هاااااااا اذا تبي تقعدين بذا الشكل غرفتس موب بالصاله الرايح والجاي يشوفتس،
خرجت منى من الغرفه وغسان وراها بس انصدمت من شكل بيلا بحركه سريع لفت لغسان وسحبته للغرفه،
غسان:شفيتس؟؟
منى:اقعد هنا لا تخرج من الغرفه لين نتفاهم معى النتفه الي بالصاله،
غسان رفع حواجبه:نتفه من؟؟
منى:اوووف غسان مرت اخوك لاتخرج تمام،
ابتسم بخفه:تمام بس بسرعه عندي شغل،
خرجت وشافت اثير واماني يطالعون بـ بيلا ورهف تصارخ عليها تقدمت لها وناظرت لها بطرف عين:وش بلاتس تلبسين كذا من الصبح وتخرجين ماتستحين؟؟
كانت تطقطق بجوالها رفعت نظرها وناظرت لها بطرف عين وصدت للجوال وتجاهلتها،
منى بغضب وصراخ:قاعده اكلمتس ي الهاااااانم،
اثير:منى خليتس منها نكلم عمتي تتفاهم معاها، ولفت لـ رهف:وين عمتي؟؟
رهف:راحت بيت عمي نبيل،
اثير:خلاص لين تجي نتكلم ونتفق معاها،
رهف:مقدر اتحمل هاذي البهذله بروح عند ساره،
تأفأفت منى ودخلت غرفتها:اليوم بتقعد هنا،
غسان:لييه؟
منى:البنت موب راضيه تسمع الكلام ماتبي تدخل غرفتها،
غسان:طب انا عندي شغل مقدر الغيه،
منى:طب والمطلوب تبي تخرج وهي قاعده بالصاله بذاك الشكل تخسى والله،؟
غسان:بخرج من غير ما اطالع فيها،
منى:بس بس ما اعرفك انا صح ؟؟
غسان:شسوي الحين؟؟؟
'
مشت رهف وتوجهت لبيت نايف دخلت وشافت اسيل تأكل ولدها،
رهف:سلام وين اهل البيت؟؟
اسيل:ي هلا ادخلي ،
تقدمت رهف واخذت حمد وعطته بوسه:كيفك ي دحوم،
اسيل:عمتى راحت عند امي وامال بغرفتها وساره اليوم ماشفتها خرجت من غرفتها،!
رهف حطت حمد ع الارض بأستغراب:ساره ماخرجت ليه شفيها؟!
اسيل:والله مدري،
حمد:ماما ابي اروح العب معى عبدالله،
اسيل:اجل رح بس انتبه لنفسك،
رهف: وانا بروح لها،
'
ام غسان:والله مادريت شمسويه له البنت وكيييف لعبت بولدي،
ام يحيى:هن كذا بنات الخارج يلعبين على الرجال ليين يطيح،
ام غسان:تدري امس ناصر كان يبي يخرجه من البيت من تحت راسها ،
ام سعود:مايقد ي سعاد 'ام غسان' والله مايقدر هاذا ولده ضناه بس لازم نشوف لها حل،
ام يحيى:لازم والله
ام غسان:امس كلام ابوه ماهز له جفن،
ام يحيى:ماعد في رجال الحين صارو تحت رجلين نسوانهم،
ام غسان:وانتي صادقه الله يهديه ويعرف انو غلطان،
ام سعود:بيفرجها ربي ان شاء الله لا توترين نفستس،
'
بالمطبخ عند البنات،
سما:متى ع يجو يتغدو؟؟
سلمى بكذب:سعود يتأخر مايجي الا الساعه 2:30،
نور:صدق تتغدو ولا تريعو له،
مشاعل:وش؟؟
نور:يعني تنتضرو له؟؟
مشاعل:ها لا اكيد ننتضره ،
سما بشهقه:مااهو قدو ع يأذن ضهر وع نجلس نريع له ساعتين ؟؟؟
سلمى:ايوه مايصير شي،
سما:لالا والله مقدر اتحمل قدنا مييته جوع من الآن وكيف ع اصبر لوما يجي؟؟
نور بضحكه:معى الاسف مجبووره ي بنت عمي،
سما:اسكتي انتي اني عد اصطلح اني وزوجي،
نور:مانيش معد تفعلي(شبتسوي)؟؟
سما:كما قدي براس انفي اسكتي لا اقرحها في راسش،
نور:اتحداش ،
سلمى:هدو هدو شصار بعدين كذبت عليتس يجون بعد الصلاة على طول لا تخافي،
سما رفعت حواجبها:وليش كذبتي؟؟
سلمى:كذا احب اشوفتس متنرفزه،
سما:استغفر الله بشتكي لزوجي واخليه يعلمش ،
سلمى:مايقدر انا اخته،
سما:واذا اخته بخليه يكلمش ويأدبش ،
مشاعل:بس خلاص صرعتو راسي هدو شوي،
'
دخلت رهف الغرفه وشافت ساره منسدحه على السرير تقدمت لها:ساره شفيتس؟؟
فزت ساره من سمعت صوتها وقعدت على السرير تناظر لها:شفيني؟؟
رهف:لييه نايمه الحين؟؟فيتس شي تعبانه،
ساره:لا مافيني شي قلت اريح شوي بس،
رهف:متأكده من امس وانتي موب على بعضتس ؟
ساره بضحكه تسليك:بالله شبيكون فيني طفشت وانا قاعده لحالي قلت اريح،
رهف:زيين وانا ضبحت من البيت قلت اجي اشوفتس،
ساره:ليه شصاير،؟
رهف:في غيرها ذيك المفرعه ماتستحي لابسه لبس مبين لها كل شي في جسمها وقاعده تتمشى بالبيت كأن مافي رجال فيه،
ساره تضايقت من جابت سيرتها وقعدت تطالع بـ رهف بهدوء،
رهف:اقول لها ادخلي غرفتس ولا تستري تقول انقلعي من امامي ييييع والقرف ي ربي،
ساره:بس خلينا منها ماحبيتها ولا ابي اسمع شي عنها،
رهف:كلنا ما حبيناها خليني بروح اصلي نلتقي بالعصر نروح عند البنات،
هزت ساره راسها بـ اي ومشت رهف ورجعت ساره انسدحت على السرير بقهر،
'
منى وهي تناظر لـ الصاله:اجل الحين اخرج،
غسان:راحت!!
منى:ايوه راحت،
غسان:اجل فأمان الله،
منى:اسمعني زين اذا شفتها لا تطالع فيها صد،
غسان بضحكه:ابشري،
منى:مانيب متطمنه بس يلا،
'
العصر بعد ما تغدو رجع منصور لدكان ونور نامت وسعود طلع غرفته يريح شويه وسما منسدحه جنبه تتصل على امها بجوال سعود ،
تحرك سعود بأنزعاج من سما الي ماخلته ينام من كثر سوالفها ولف لها:موب ناويه تخلصي؟؟
ناظر له ورجعت للجوال:خلاص يُمه الله معش اكلمش بعدين،
قفلت الخط وناظرت له:وانت مش ناوي تقوم؟؟
سعود:لييه نايم على حسابتس انا؟؟
سما:لا بس رقده ايش هاذي الساع؟؟
سعود:نايم انا ولا انتي شدخلك،؟
سما:بسير اغير عد انزل عند البنات وانت قم شف لك شغله،
ناظر لها بطرف عين وهو منسدح على السرير مشت ودخلت غيرت ملابسها ولبست فستان احمر بأكمام ومخصر جسمها وطويل خلصت وخرجت طالعت ب سعود الي كان قاعد يطقطق بجواله رفع نظره لها اول ماخرجت تقدمت عند التسريحه مشطت شعرها ورفعته وحطت مكياج خفيف وكان سعود يطالع لها بصدمه كييف تتحول كذا موب مصدق اني الي كانت قاعده معه من اول هي نفسها الي قاعده تتجهز طبعًا ماينكر انه يحب شخصيتها الجريئه بس شخصيتها ذي الي ماتطلع الا بالنادر غييير تقلب موازينه،
رتبت شكلها وهي تناظر بالمرايا وتتعطر ونطقت تكلم نفسها:اعوذ بالله من حُب النفس كُل ما ابسر نفسي بالمرايا اتخرفن فكيييف الي يبسروني؟!
سعود:قاعد اشوفتس الحين وماني شايف غير الهبل حقتس،
لفت له:ساعه جالس تبسر صلايا(تناظر لي)وذلحين تقول هبل تخرفنت لدرجه معاد دريت ايش تقول،
سعود بضحكه:اتخرفن على وش بالضبط؟؟
سما:مدري انت اخبر على ايش جالسه تبسر؟؟
سعود:قاعد اشوف هبالتس متى بتخلص؟؟
سما:خلاص قدنا داريه بعدين بالله عليك هاذا الجمال وماتشتاني اتخرفن؟؟
سعود:وين لا جسم ولا شعر ولا حتى جمال،
سما:ماااهو شعري مش حلو شف شف مافي احلى منه وجسمي بالله ذا الجسم وما تشوفه وجمالي مكان يستاهلك احمد ربك اني تزوجتك،
سعود:ي هووو ترا شوفت الحال الزايده موب حلوه بعدين على وش شايفه نفستس؟؟
سما:لا ماني شايفه نفسي متأكده %100 اني حلوه،
ناضر لها بطرف عين وصد دخل الحمام يتوضى خلص وخرج صلي،
سعود:اجل بروح الحين تبين شي؟؟
سما:بروح عند البنات،
سعود:تمام،
'
نور لسمى:وين نجلس؟؟
سلمى:مدري وين تبين انتي؟؟
نور:نطلع المجلس طالع احسن،
مشاعل:ايوه ايوه بس ساره ورهف بيجون شنسوي بمنصور وسعود؟؟
سلمى:نور متى بيجي منصور؟؟
نور:مدري والله خرج قال بيسير المحل،
مشاعل:اجل دام المحل بيجي بالليل،
نور:يلا خلونا نطلع،
طلعو البنات فوق وبعد دقايق جت ساره ورهف دخلت سما:سلاااااااام،
الكل:وعليكم السلام،
قعدت سما ونطقت بتقليد:افااا مجتمعين بدوني ماقالو لكم ان اللمه ما تصلح الا بي؟؟
سلمى:جت النكبه،
سما:ايششش اني نكبه؟؟
رهف بضحكه:قصدها تقول جت الي بتحلي اللمه،
سما:ابسري ابسري الناس كييف يتحاكو (يتكلمو)مش مثلش،
مشاعل وهي تمد لها صحن الكيك:ماعليتس منهن ولا تصدقي تراتس جبر خاطر والله،
اخذت سما الصحن واكلت،
نور:سعود خرج صح؟؟
سما:مادخلش بزوجي؟؟
نور:دخلني الباب مادخلني بعدين سألتش سؤال جاوبي عليه وبس،
سما:ماعد اجاوبش مادخلش وليش تسألي؟؟
نور:سألت على سب(منجل)نأخذ راحتنا،
سما:لا تفتجعي حتى لوهو هنا مش ع يبسر لش معه حُرمه مكفيه وموفيه،
رهف:بس بس صرعتونا،
مشاعل:ها كيف طعم الكيك؟؟
سما:تجنن من فعلها؟؟
مشاعل:سلمى،
سما:ماهو سلمى يعووو وانا اقول ليش طعمها هاكذا،
سلمى:شفيها تهبل،
سما:مدري ماحبيتها،
نور:هو الي مايوصل لعنقود العنب يقول حامض والله ان طعمها جنان،
سما بضحكه:دام هاكذا اجنني لوحدش ،
رهف:شفيتس ترا حلوه والله،
ناظرت سما لسلمى الي كانت قاعده تناظر لها بطرف عين ونطقت:اعوذ بالله لا تصدقي بين امزح معش طعمها حاليه بس لو كثرتي السكر قليل،
نور:ي ليلاه قدو بلاش قال اوزنه قري(اهجدي)ي بنت،
ضحكو بقوه عليها ونطقت سما:منين بلاش هاذا من حق زوجي ولا بين اكذب؟؟
مشاعل:ماتكذبي وهاذا من حق زوجتس،
نور:مالش اليوم ي ساره ساكته بش شي؟؟
فزت ساره الي كانت بعالم ثاني وطالعت لها وضحكت بتسليك:مافيني شي مخليه الساحه اليوم لكم،
رهف:بنات البنت موب عاجبتني من امس وهي مقلوبه وموب راضيه تتكلم،
سلمى عقدت حواجبها:ساره تكلمي شفيت،؟
ساره:شفيكم مافيني شي!!
مشاعل:بنت موب من عوايتس تسكتين فأكيد صاير شي علمينا،
ساره بنفسها:ابوك ي النكبه شقول الحين؟؟
سما:بنت،
ساره بكذب:تعب كُل شهر مافي شي،
رهف:اجل دام كذا خلونا نلعب لعبه،
الكل:تم،
رهف:اللعبه كـ الأتي بسأل كل واحده سؤال وتجاوب بصراحه وبعدها كل واحده تسألني،
سلمى:يلا ابدئي،
رهف :سؤال لتس ي سلمى'ما الفرق بين السعاده والحزن'
سلمى بغرور:السعاده انا والحزن غيابي اصصصص ولا كلمه ادري بتوفقوني الرئي،
مشعل:لبيييه والغرور،
سما:صدقتي نفسش ،
سلمى:ايوه ادري انكم من دوني ولا شي،
نور بضحكه:سما النسخه الثانيه،
رهف:عطينا اجابه واقعيه انتي وذا الخرابيط،
سلمى:اجابتي النهائيه،
رهف:خلاص سؤالي لتس ي ساره'الحب قدر ام قرار شخصي'
تنهدت تنهيده كبيييره وحست بالغصه الي كتمتها من شافت سيف ومعه زوجته تذكرت حُب طفولتها الي مدفون بين ضلوعها من زمااان ماكانت متوقعه من سيف انه بيصدمهم هاذي الصدمه كلها حست نيران قلبها اشتعلت من سمعتها تقول'انا بيلا زوجه سيف' وللحين ماطفأت وشلوون بتطفي نار الغيره الي اشتعل بداخلها؟!وكيف قدر سيف يتزوج ؟!وليييه ما اختار الا ذيك المفرعه؟!معقول حبها صدق؟! حتى لو حبها ماكان في داعي يتزوجها..قاطع تفكيره مشاعل وهي تطقها برجولها:بنت وينتس؟؟
ساره بتنهيده:قرار شخصي صح احيان الزواج يكون قدر بس الأكثر قرار شخصي يعني لو الشخص مايبي يتزوج لا يتزوج ذا قرار واذا الشخص يحدد بنت معينه ذا قرار بس كل شي على نصيبهم الي كاتبه ربي'يعني جوابي الزواج قرار شخصي يوم يقرر الشخص يتزوج والقدر مكتوب كذا ولا كذا بس يبي قرارك انت'
سما:صح،
رهف:ايوه ذي الاجابه الصح موب مثلتس ي سلومه تعلمي،
مشاعل:لا والله اقنعتيني الصدق،
سلمى:اجابتي احسن،
رهف:الحين سؤالي لتس ي سما'برئيتس الفلوس تشتري السعاده'
سما:السعاده اول ما تسمع بسالفه الفلوس تلبس وتجي،
ضحكو عليها بقوه ونطقت مشاعل بضحكه:الصراحه صدقتي بها ،
نور:كان خلي السؤال هاذا لواحده ثانيه عدمو عليش خليتي سما ،
رهف:ليه؟؟
نور:بتوقف معى الفلوس اكيد،
سلمى:ترا موب كُل شي بالفلوس،
سما:بأيش،
سلمى:اشياء كثيره،
رهف:خلاص سؤالي لتس ي مشاعل'هل حقًا يتعافى المرء بروئيه من يُحب'
مشاعل:يتعافى المرء اذا شبع نوم،
سما بضحكه:هاذي صح اديتيها قويييه،
نور:وانا معش الصدق قا احب قال ابردي لش منه اهم شي النوم،
مشاعل:ابرد منه؟؟
سما:يعني طنشيه،
ساره:الي يقول يتعافى ترا كذاااب،
سلمى:شعرفتس انتي؟؟
ساره بضحكه تسليك:كذا حسيت،
سلمى:رهف ترا اجابتها مقنعه الي بعده،
رهف بضحكه:اجل سؤالي لتس ي نور'هل الحياة قاسيه ام نحنُ اصبحنا ضعفا'
نور بتفكير:الحياه مشي قاسه البشر صارو ضعفا لدرجه اذا بقع معى احد شيء كبيير يجلس يبكي والله سُبحانه وتعال يقول في آية الكريمه:{فَـذْ كُـرَنّـيِ اَذكُـركُـمَ}
بس للأسف في اشخاص اذا قست عليهم الدنيا مايقدرو يصبرو ويضعفو وما يدرون ان الله عز وجل قال في آية ثانيه:{وَجَـزاهُـمْ بِـمـاَ صَـبَـرْوا جَـنّـةً وَحـرِيَـرًا}
بالله ايش ع نشتي بعد هاذا قدو ربي يقول جنه وحرير بس ضروري نصبر وربي مش ع ينسي صبرنا كما قال في آية ثانيه:{إِنّـمَـا يُـوُفَّـى الـصَّـابِـرُن أَجْـرُهُـمْ بِـغْيـرِ حِـسَـابٍ}
'يعني اجابتي الحياه اذا قسه علينا فهاذا ابتلاء من الله •والله اذا حب عبداً ابتلاه• ف اذا اصابك ابتلاء من الله •فصبر ان الله معى الصابرين•'
رهف:ونقول افضل اجابه اقنعتني،
سلمى:للآسف اشياء كثير مشغولين عنها مافي غير نقول ربي عفوك ومغفرتك،
نور:اي والله احنا مقصرين كثير مانقول الا عفوك ومغفرتك علينا ي الله ،
سما:ربي يسامحنا ويغفر لنا ولكل من قلبه غافل،
الكل:امين يارب،
رهف:الحين خلصت فقرتي دوركم،
مشاعل:بسألتس'الغضب يكشف حقيقه الإنسان '
رهف:الغضب يسوي اشياء كثييره مثلًا في ساعه غضب رجال طلق زوجته في ساعه غضب اب ضرب ولده في ساعه غضب اخ قتل اخوه في ساعه غضب صديق خان صديقه 'يعني اجابتي الغضب ما يكشف حقيقه الإنسان الغضب يدمر الإنسان ويما شفت ناس كثير ندمو على شي سووه في ساعه غضب فما نقول الا الله يجيرنا من الغضب و صن لسانك وقت الغضب لجل لا تهدر حقك فالغصب جمره تحرق كل شيء '
نور:صح الله لسانش وانتي صادقه يما تدمرت قبايل بسبب الغضب،
سلمى:اجابه مقنعه برافو عليتس،
نور:بسألش'شيء يعطي اهميه للإنسان'
رهف بتفكير:على حسب خبرتي اقول الأخلاق'اذا كان الشخص معتس خلوق ومحترم ذا يكون له اهميه موب بس عندتس لا عند الكل ويكون له احترامه'
سما:غلط الذي يدي اهميه بذات للرجال هي الزلط(الفلوس)،
سلمى:بس انتي والفلوس والله الواحد ماعنده الا اخلاقه غيره مافي،
نور:صح الأخلاق اهم من كل حاجه،
سلمى:بسألتس'لو كنتي شعور شبيكون'
رهف:اكيد شعور الاطمئنان مافي شي احلى انك تكون متطمئن من نفسك مطمئن من حوالك مطمئن وجود الله معك وبقربك اخخخخ وربي احلى شعور،
ساره:صح احلى شعور والله،
سما:عاد لو تبسرو شعور الفرحه بالزلط يعوووو تجنن،
سلمى بضحكه:مافي عندتس شي غير الفلوس،
سما:بسألش'تتفقي معى مقوله عندما تمتلى الجيوب بالفلوس يصبح للحياه معنى'
رهف:لا في نااس كثييره مافي معاهم فلوس بس في شعور مطمئن بداخلهم شعور العافيه شعور النعمه 'ف اجابتي موب كل شيء بالفوس اهم شي راحه البال والعافيه'
مشاعل:صح في ناس يتمنو العافيه حقتس ف نحمد الله ونشكره على العافيه،
ساره:بسألتس'ماذا قيل عن الغيره'
رهف:قيل عن الغيره'حينها لم اكن اعلم اكان القلب يدق ام يضرب راسه بحائط صدري'
مشاعل:شعرفتس بذا الكلام ي بنت؟؟
رهف بضحكه:والله مدري سمعت اشخاص يتكلمون وحبيتها بس برئيكم يدق ام يضرب؟؟
ساره:يضرب،
سما:يدق،
نور:يضرب،
رهف:حتى انا اقول يضرب،
'انتو شتقولون ي القارئين'
'
بعد مرور الوقت بدون إحداث تذكر الساعه 10 رجع منصور من المحل دخل وطق باب البيت ونطق بصوت مرفوع:يُمه ادخل؟؟
ام سعود:ي هلا ي وليدي ادخل مافي الا زوجتك،
ابتسم بخفه ودخل رد السلام وقعد جنب امه:علومتس ي الغاليه؟
ام سعود:نحمد الله ونشكره انت كيف الشغل معك؟!
منصور بتنهيده:يُمه انتي تدرين اني ما ابي اشتغل بالمحل افضل اقعد عند النياق ولا اروح المحل،
ام سعود:تحمل ي ولدي بيفرجها قرييب،
منصور وهو يهز راسه:بيفرجها سلومه سوي لي عشاء ميت جوع،
سلمى:وراك ماتخلي زوجتك تسوي لك عشاء،
طالع منصور لنور ورجع لسلمى ونطق بضحكه:ما اسخها عليها،
سلمى:ي الليل ماتسخى على زوجتك بس على اختك عادي؟؟
نور بضحكه:بفعل(بسوي)له عشاء بس ايش تشته(تبي)؟؟
مشاعل:يأكل كل شي سوي الي تبي،
نور:افعل لك شكشوكه،؟؟
منصور:على وش ذي؟؟
نور:بيض بطماط،
منصور:لا خليها بيض بس بدون طماط،
نور:تمام،
وتوجهت للمطبخ تسوي العشاء وبعد دقايق خلصت اكل منصور البيض خلص وطلعو غرفتهم دخل الحمام تغسل وخرج قعد على السرير يسولف معى نور،
نور:ذلحين ايش تشتغل بهاذا المحل؟؟
منصور:ابيع الجنابي واشياء مثل كذا،
نور:مالك ولييش تفضل المزرعه؟؟؟!
منصور:ما اتحمل نفسي وانا بالمحل بعدين صح احب المزرعه واحب النياق والحلال واحب اعلف النياق بس كل واحد وعنده حلم وان شاء الله بدخل لمحلي الخاص،
نور:ايش حلمك؟
منصور:ابي يكون عندي محل للعطور اعشق العطور وذا حلم طفولتي،
نور:طيب ليييش ما تفتح المحل دام هاذا حلمك؟
منصور:قريب بفتحه ان شاءالله،
نور:بس هاااااا اول عطر لي!
منصور بضحكه :اذا موب لك لمييين،؟
نور بأحراج:بس سألت،
منصور:طب انتي كلميني شوي عنتس معرف شي،
نور:ايش تعرف وانا عد اقلك،
منصور:ما اعرف الا انتس من اليمن واسمتس بس،
نور بضحكه:نور بنت عبده آل هزاع ، مامعي خوات معي اخ واحد صلاح ، بس عائلتنا كبيييييره لو احسب لبكره ماتخلص،
منصور:والنعم فيتس،مشاء الله عليكم ، والدراسه؟؟
نور:عاد تيه(ذي)السنه خلصت ثانويه ما درست جامعه،
منصور:ليه ما درستي ، وكم عمرتس؟؟؟
نور:اول شي ما كنت عد ادرس جامعه مشتيش ، ثاني شي عمري 19، وانت؟؟
منصور:لساتك صغيييييره، حسبتك أكبر والله،
نور بضحكه:ايوه صغيره لا تكون تفعل لها مقالب وتفجعها،
منصور الي يضحك:ابشري انا عمري 29،
نور:يووو ماشاءالله ما يبين عليك،
منصور:حتى انا اذا شفت نفسي بالمرايه احس يكذبون علي بعمري،
ضحكت بقوه وضحك من ضحكتها،
منصور:يا جعل منحرم من ضحكتس الحلوه،
نور الي انقطع صوتها تدريجيًا وبردين اطرافها نزل راسها وصدت بهدوء،
منصور بضحكه:يلا ننام بكره وراي دوام،
انسدح على السرير ونور انسدحت بهدوء لين نامو،
'
بعد ماصارت الساعه 12 وصل سعود ودخل غرفته فزت سما من نومها وطالعت فيه:وينك للان انت داري كم الساعه؟؟
سعود:انشغلت،
سما:ايش من شغل،
سعود:من زمان مارحت المزرعه اليوم نضفتها وعلفت النياق،
سما بشهقه:ماهوو مزرعه؟؟؟
سعود:ايوه مزرعه شفيتس؟؟
سما:ومنين لك زلط اذا انت تجلس بالمزرعه ومابش معك شغل مثل الاوادم ،
سعود:راضي بحياتي انتي شدخلك؟؟
سما:بس اني مش راضيه ايش ع تأكلني اني وجهالك ؟؟
كتم ضحكته:منين لنا عيال؟؟
حكت راسها:جالسه اجهز سيناريو المستقبل،
ماقدر يمسك نفسه وضحك:تدرين ان ناقه من نياقي تسواتس انتي وعيالتس ؟؟
سما بشهقه:عيالي؟؟منين لنا عيال؟؟
سعود:توتس قايله عيالنا!
سما:بعدين ابسرو الي مايستحي نياقك تسوى سما بنت عدنان وعيالها؟؟
سعود:والنعم فيتس وانا صادق بكلامي!!
سما:بس بس اخرط على غيري،
سعود:وش؟؟
سما:اكذب على غيري،
سعود:اذا خلصتي اسأله ممكن ادخل اغسل عشان انام؟؟
سما:تمام،
'
'اذا شفتو شي ماعجبكم بالبارت فتمنى تسامحوني ذا خيالي'
'ممكن تجاوبو على اسألت رهف والبقيه نشوف رئيكم'
انتهى🖱
لاتنسسسووو النجمه تقدير لتعبي🤎..
