17
،بغرفه غسان دخل الغرفه وشاف منى كانت قاعده ترتب الملابس غسان:خرجي لي ملابس بدخل اتغسل
ماردت عليه ناظرها ودخل الحمام تغسل وخرج والمنشفه محاوطه خصره وشاف منى على حركتها:وين الملابس؟!
ماردت عليه، غسان بغضب:بنننننت وين الملابس؟!
ناظرت لعيونه ونطقت بكل برود:بالدولاب خرجهن ،
عقد حواجبه ونطق:بالدولاب وانا قلت لتس تخرجين ؟!
منى بنفس البرود:نسيت بعدين انا مشغوله خرجهن بروحك ،
غسان:بنت اهجدي ترا مابيصير خير ،
منى:غسان بس لا تزودها قلت نسيت ولا بتعاتبني اذا نسيت؟؟
غسان:حسبي الله وتقدم وخرج له ملابس ولبس وانسدح على السرير ،طق باب الغرفه ناظر لها كيف كانت ماتبي حتى تفتح الباب قام وفتح الباب وكانت انهار وليلى،
غسان:ي هلا بحبيباتي ،
انهار:بابا ليلى ماتبي تنام، حظنها غسان وحطها على السرير وقعد معاها:افااا ليه ي ليلو ماتبي تنامي؟!
ليلى:ليه زوجتو يمنى والحين منصور وسعود بيتزوجون ،
غسان:واذا يعني يتزوجون ،
ليلى:وانا ابي اتزوج ،
ضحك غسان :وشوو تبي تتزوجي بس توك بزر ي حبيبتي ،
انهار:حاولت اكلمها بس ماتسمع تبي تتزوج ،
تقدمت منى وقعدت جنبها:ليلووو حبيبي مايصير تتزوجين الحين لين تكبري ،
ليلى:وانا الحين كبيره ابي اتزوج،
غسان:اسمعيني تبي تتزوجين،
ليلى:ايوه ،
غسان:خلاص اكبري بس شويييه وبعدها بزوجتس،
ليلى:وعد،
غسان:اييي وعد ،
ابتسمت من الفرحه وحضنها غسان وحضن انهار معها:حبيبات قلبي انتو ،
انهار:يلا ليلو ننام ،
ليلى:يلا وخرجين ونطق غسان:انهار انتبهي على اختس ،
انهار:طيب بابا ،
قفل باب الغرفه وانسدح على سريره وشوي وانسدحت منى جنبه بهدوء ونامو ،
'
عند سعود بالسياره قدهم قريب المول
سلمى:انا جاوعه ،
منصور:سعود وقف لنا في مطعم حتى انا جاوع ،
مشى سعود ووقف في مطعم:اجل بروح اجيب اكل واجيكم ،
سما:ايششش تأكلنا هنا ،
سعود:شفيها؟!
سما:لالا بدخل معك للمطعم نتعشى داخل مش بالسياره،
مشاعل:ايوه احسن نأخذ راحتنا ،
سعود بقله حيله:تمام يلا، وخرجو وطلب سعود طاوله للبنات وطاوله له ولمنصور وطلب الاكل وبدئو يأكلون خلصو تقدم سعود ومنصور عند الكاشير وخرجت سلمى ومشاعل للسياره وسما ونور غسلين وخرجين بعدهن وهن بالطريق
سما بشهقه:بنننننتت شوفي ،
نور:اعوذ بالله مالش ؟!
سما:جي كلاس ،
نور:وووووو ي فخااامه لونها ،
سما:اسود خيااااااااال ،
وقعدو يناظروها بسرحان خرج راعي الجيكلاس وشافهن قاعدات يناظرين وتقدم لهن وكان في مساااافه بينهم ونطق:اذا تبيها فداك ،
نور بأحراج:الله يبارك لك فيها ،
سما:صدق هات ،
راعي الجيكلاس قعد يناظر فيها بهدوء بنفسه:شذا شسويت ي ولد ،
عند منصور وسعود حاسبو وخرجو وشافو نور وسما والرجال واقف بعيد تقدم سعود بغضب:خير شتبي ،
راعي الجيكلاس:ولا شي وطلع السياره وتحرك لف سعود لسما:شصار ليه قاعده تكلمين الرجال ،
سما:من قال ان احنا تحاكينا معه؟!
سعود بغضب:ولييييه كنتي واقفه لييه مادخلتي السياره ،
سما:كنت انتظرك ،
سعود:امشي قدامي يلا ومشو وطلعو للسياره وكملو طريقهم.
'
بغرفه وليد كانت اماني تنظر جيه وليد
اماني:لييه تأخر ماله بالعاده يتأخر معقول صاير معه شي لالا موب صاير شي احتمال عنده حاله طارئه وقعدت الافكار توديها وتردها وهي مستغربه موب عوايد وليد يتأخر،
'
عند آمال رجعت من الملكه وهي تعباانه حييييل دخلت الغرفه ودخلت الحمام تتغسل خلصت ولبست بجامه وخرجت والمنشفه على راسها :يحيى متى جيت؟؟
يحيى:توني تقدمت وقعدت على السرير وحطت راسها على كتفه بهدوء،
يحيى:صاير لتس شي؟؟
آمال:مافي شي،
يحيى:صاير لتس ايام موب على بعضتس متأكده،
آمال:مدي ي يحيى راسي له ايام يعورني وبطني احس بوجع غرييب ،
لف لها يحيى:وليييه ماتكلمين من البدايه ليييه صابره؟؟
آمال:قلت يمكن وجع عادي بس اليوم زاد ي يحيى ،
يحيى:يلا البسي وخليني اوديتس المستشفى يلا،
لبست وخرجو للسياره ومشو وهم بالطريق كل شوي ويحيى يناظر لها ويشوف كيف تعبانه:آمال شفيتس ؟؟!
آمال:فيني خمول غرييب ونفسيتي مضروبه ،
يحيى:نامي لين نوصل ،
نامت آمال وكمل يحيى طريقهم للمستشفى ،
'
عند الشباب وصلو للمول
سعود:يلا بسرعه اختاري الي تبيه وخلنا نمشي
سما:بشتري الذي اشتي بس بنقص ثلاث حاجات ،
سعود عقد حواجبه:ليييه ؟!
سما:اخصم الفلوس الذي عندي 150 ،
سعود:اسغفر الله يلا يلا امشي،
مشت لعند البنات وبدئو يتسوقون وبعد ماداريين على كل المول خلصين ،
سما:يلا ذلحين معى باقي الا فستان العرس ،
نور:اسمعي سيري(روحي)لعند سعود وختاري حقش معه وشلي(وخذي)مشاعل معش واني بختار حقي اني ومنصور وسلمى معي ونخليها مفاجاة لبكره ونشوف من الذواقه ،
سما بغرور:ادري ان حقي الافضل بس يلا مشاعل ،
مشت هي ومشاعل لعند سعود واخذته وراحو لفساتين الاعراس ونور وسلمى مشين لعند منصور:خلصنا ،
منصور:اجل يلا نحاسب ،
نور:باقي شي،
منصور:ولييه ماشريتيه ؟؟
سلمى:افااا منصور ذا كلامك وييين كنت يوم كنت اقول لسى باقي شي كنت تقول يكفي والحين؟!
منصور:شفيتس سلومه ذي زوجتي،
سلمى:ابيك تعاملني مثلها ولا والله لا اكلم جدي على الفلفل ،
منصور:بنت اهجدي تبيه يقتلني وانا عريس؟؟
نور:تطمني ي سلومه جدي قد عرف ان منصور سوى الفلفل،
سلمى ومنصور بنفس الوقت:وشوو؟؟
نور:تكلمت الجده وفضحتك،
منصور:وجدي وش قال ؟؟
نور:كان ع يجي يضربك بس الجده ماخلته،
سلمى:رحتي فيها ي سلمى حاوط منصور كتفها:افااا ي سلومه اذا تبين شي خذيه فدالتس ،
ضحكت سلمى ونطقت نور:ذلحين باقي فستان العرس خلنا نروح نختار ،
منصور:اجل يلا،
'
نرجع عند سعود دخلو وبدئت سما تختار:سعود هاذا حلو وهاذا حلو وهاذا حلو،
سعود:اختاري واحد ،
سما بتأشير:بختار هاذا لالا هاذا لالا هاذا ولا اقول لك بختار الثلاثه ،
سعود ناظر لعيونها:لييه بتزوج ثلاث حريم انا ،
ناظرت له بنظرات:خلاص بأخذ هاذا وبس ،
سعود:لا خذي هاذا الي على اليمين،
سما بتفكير:حلو طلعت ذواق ،
سعود :تعالي وتقدم يتفق على السعر وشرو الفستان وخرجو سعود:وين منصور والبقيه ؟!
مشاعل:يشرون فستان لنور ،
سعود:خلونا نروح السياره ونحتريهم هناك ومشو للسياره وطلع سعود وطلعت سما جنبه ومشاعل ورا ،
سعود:ارجعي ورا ،
سما:خلني اعيش الجو ،
سعود:اقول ارجعي ورا ،
ناظرت سما ليده ونطقت:وين جوالك عطني ،
سعود:ليه ،
سما:عطني بسرعه ،
خرج سعود جواله من مخبأه وعطاها اخذت الجوال وحطت يدها بيده وبدات تصور وتصور وتصور ،
سعود:بس بس ليييه كل ذي الصور ،
مشاعل بضحكه:توثيق توثيق ،
سما وهي تناظر الصور:سعود الصور تجنن ،
سعود:شذا الخربيط عطيني جوالي ،
سما:بعطيك بس لا تحذف ،
سعود:طيب هاتي ،
سما:احلف ،
سعود:اقول عطيني وبس،
عطته سما الجوال وناظر لصور بهدو ونطقت مشاعل:اليوم تسوقنا مخلينا شي بالموال الا واخذناه،
فز سعود من تذكر:ايوه قلتي بتخصمي ثلاث اشياء ؟؟
سما:ايوه خصمت ،
سعود:وش؟؟
سما:مناكير اصفر ما احبه وروج وردي يخخو ما احبه واظافر مشتيش(ماابي)حقي احسن ،
سعود:ترا ذا الخرابيط بـ 30 ريال ،
سما؛عادي اعتبرهن بـ 150 بعدين مني حين قد في اخذ وعطاء بين الزوج وزوجته ،
سعود:متى ماتبين شي اصير زوجس،
سما :معى الأسف قدو صميل عليا انت زوجي ،
سعود:طب خلصينا وطلعين ورا بسرعه،
سما:تمام بس لوما(لين) يجي منصور بس ،
سكت سعود وقعدت سما تطقطق معى مشاعل ينتظرون جيه منصور ،
'
عند منصور دخل قسم الفساتين معى نور وسما وبدئت نور تختار ،
منصور اشر على احد الفساتين:هاذا تخيلتس فيه ،
ناظرت نور لعيونه وصدت من شافته يناظرها:حلو ؟؟
منصور:ايوه،
نور:طيب نأخذه ،
منصور:اجل الحقوني وتقدم لعند الكاشير وحاسب وطلعو للسياره ،
،شافت سما منصور وتقدمت تخرج دخل منصور السياره ودخلت معه سلمى ونور وتحرك سعود بالسياره ومشو متوجهين لديره
'
عند اماني نامت بعد ما قعدت تنتظر وليد الذي تأخر دخل وليد الغرفه وشافها نايمه تقدم وفتح الدولاب وطلع له ملابس ودخل يتغسل وخرج وقعد على رجوله يناظر لها كيف نايمه وهمس لها:اسفه ادري تأخرت عليتس بس كان عندي حاله طارئه فزت من سمعت صوته وقعدت تناظر فيه ونطقت:وليد ليه تأخرت موب من عوايدك صار معك شي ؟؟
وليد:هدي هدي ماصار شي كان عندي حاله طارئه ،
اماني:وانا حالتي حرررررجه ،
وليد:شفيتس صاير معتس شي يوجعتس شي حاله وشو ؟؟
اماني:حاله حرجه مشتاقه داويني ي دكتور ،
ابتسم وليد وحضنها:اجل دام كذا الحين علاجتس عندي ،
اماني وهي بحضنه:الحضن ذا مكفيني بس لا تتأخر مره ثانيه تراني اخاف واهوجس ،
وليد وهو يمسح على شعرها:ابشري مانيب متأخر عليتس مره ثانيه ،
اماني وهي تبعد من حضنه:اجل كذا...قاطعها وهو يسحبها لحضنه:لا تروحين خليتس بحضني ،
ابتسمت اماني وحضنته:شكانت من حاله؟؟
قعد وليد يحكي لها عن يومه واماني تحكي له عن يومها،
'
عند يحيى وصل للمستشفى ودخل ودخلت معه وحجزو عند الدكتوره ودخلو وقعدت آمال على الكرسي ويحيى واقف جنبها ،
الدكتورة :اشرحين لي الأعراض الي تعانين منها ،بدات آمال تشرح لها الأعراض خلصت ونطقت الدكتورة :متزوجه صح،
آمال:ايوه ،
الدكتورة :كم صاير لك متزوجه؟؟
ناظر لها يحيى بعدم فهم ونطق:لنا 4سنوات ،
الدكتورة :نبي نسوي تحاليل لين تطلع النتيجه نشوف ،
خرجت آمال وسوت الفحوصات ورجعت عند يحيى وحطت راسها على كتفه بتعب وبعد مرور الوقت رجعو لعند الدكتورة يحيى:طمني ي دكتوره شفيها؟؟
الدكتورة:مبروك بعد 8 اشهر بتصير اب زوجتك حامل بشهر ،
فز يحيى وناظر له:تمزحييين؟؟
الدكتوره:مبروك ،
اماني بفرحه:والله والله ،
يحيى:حامل بتصيرين ام وبصير اب ياالله لك الحمد يارب ،
الدكتورة:بكتب لها شويه ادويه تأخذهن وان شاء الله تولدين على خير ،
آمال:ان شاء الله ،
اخذ يحيى الورقه ورح شرا الادويه وتوجهو لسياره آمال:يحيى واخيرا ربي رزقنا تقدم يحيى يحضنها بقوه:الحمد لله يارب الحمدلله ربي رزقنا بعد هاذي المده ،
آمال وهي بحضنه:مانيب بمصدقه والله احس اني بحلم ،
يحيى:يااللللللللله تدرين انتس خليتيني اسعد انسان بالكون ،
آمال:ي الله ياكريم رزقنا ربي بعد مافقدنا الأمل،
يحيى:قلت لك لا تيئسين رحمه الله واسعه بعد عن حضنها وناظر لعيونها الي بكت من الفرحه مسح دموعها ونطق:خلينا نرجع لجل ترتاحين ،
ناظرت له وحطت راسها بكتفه ونامت تحرك يحيى بالسياره ومشو متوجهيين للبيت ،
'
بالسياره عند سعود الي كانت الاجواء غيييير كانت ونااااسه واغاني اصاله وجو الليل وضحك البنات وطقطقت منصور لسعود وبعد مده وصلو للبيت وكانت الساعه 2 الفجر وكان الجد قاعد بالحوش ينتظرهم دخلو بهدوء وشافهم الجد:اخيراً شرفتو تدرون كم الساعه ؟!ولا نسيتو ان بكره عرسكم؟!
سما:انت داري(تدري)ي جدي اني اشتريت لك ثوب من افخم الماركات،
نور:واني ي جدي اشتريت لك شال(شماغ)يحبه قلبك ،
سلمى:وانا ي جدي شريت لك عقال مافي مثله ،
مشاعل:وانا شريت لك بشت يرجعك شباب ،
ضحك الجد وناظر لمنصور وسعود:وانتو ششريتو؟؟
منصور:ماشرينا شي شرو البنات،
الجد:استغفر الله ويقولون لي ليه احب البنات اكثر شف على حنيه ي ورع انت وياه شف،
خرجت الجده للحوش وشافتهم تقدمين البنات لها سلمى:شرينا لتس ي جده جلابيه وطرحه ،
الجده:منجد!؟
سما:ايوه ليش في شي يغلى عليش ؟!
الجده:اجل تسلمين بس يلا نوم ترا بكره عرس،
ومشو البنات وكل واحده توجهت لغرفتها تعلن نهايه يومها ،
'
وقت اذان الضهر كان البيت قايم قيامه البنات الي بالمطبخ يسوون الغداء والي بالحوش ينظفين والي بالمجلس وسعود ومنصور بالمخيم وفيصل بالبقالة يشتري اغراض لأم سعود والجد مجتمع معى شياب الحاره ونبيل وناصر ونعمان ونايف يشيكون على الرجاجيل وسما منسدحه على السرير تطقطق بجوال نور ونور الي كانت تناظر كل الاجواء من الشُباك وموب مستوعبه ان كل ذا التجهيز لجلها لجل عرسها وكيف بيصير العرس وامها موب معها وابوها وعائلتها كلها ماكنت تحلم بعرس زي كذا كانت تحلم بلمه عائلتها واعمامها وخالها وبنات عمها وكانت تفكر شبيصير بعد العرس وكيف بتنقلب حياتها وبتصير مرتبطه مع شخص غريب كيف بتقاسمه كل شي بحياتها تبي تتعرف عليه تبي تفهمه منجل تستطيع تتعايش معى الوضع وقعدت الافكار توديها من مكان لمكان لين وصلت لعند منصور لما دخل بالشوفه وتذكرت ملامح وجهه واول مادخل عليها بالبشت وجسمه العريض كان مغري لدرجه ماقدرت تنسيه عضت شفاتها السفليه وتذكرت حنيه كلامه الي مستغربه ليييه كُل ذا الحنيه قاطعت تفكيرها سلمى وهي تدخل ب الغداء
سلمى:يلا اتغدين بسرعه الميكب ارتست بتجي الحين ،
فزت سما من السرير وناظرت للاكل الي بيد سلمى وتقدمت اخذته منها:تمام الان نتغدي وبعدها يقع(يصير) خير ،
سلمى:اجل يلا بروح اكمل شغلي،
نور:الله معش ،
خرجت سلمى وبدئت نور وسما يتغدين بعد مده خلصين ودخلت الي بتسوي الميكب وبدئت بتجهيز البنات.
'الي يقولو تتأخر ترا انزل كل يوووووم بس ذاك اليوم كنت مشغوله واليوم مانزلت بالوقت بس وطبعًا الي يقولون قصير الحين انا قاعد اطول بالبارتات الي اكتبهن والي يطالبون بالتعويض ابشرو قاعده اكتب بسرعه انزلها لكم كامل ف اعذوني على الانشغال'
انتهى🖱
نجمه تقدير لتعبي🤎..
