29
'
إنّ الله يُديمُ نِعم الحامِدينَ
فالحَـمدُ لله دائماً 🤎،
'
يتبع بالحوش««
سعود:هدو وخلونا نطلع كلنا،
منصور:الحقوني،
تحرك منصور لبيتهم والكل بعده بهدوء دخلو البيت وطلعو لسطح،
سعود بهمس:مقفل من داخل !!
غازي:وش نسوي الحين،
منصور:مافي غير نتفرق وكل واحد يطلع سطح واحد من اعمامي وننط ونحاصرهم،
فيصل: نتقسم من ثلاثه يلا،
منصور:تعال معي يلا،
تفرقو وكل واحد راح بيت من بيوت الأعمام ومنصور وفيصل وسعود الي دخلو بيت ابو غسان وهم يركضو متوجهين لسطح،
عند الحريم الي كانو جنب ام غسان فزو كلهم بخوف من الصوت،
الجده:بسم الله وش ذا وش صاير،
دخلت اثير وهي تقول بخوف:مدري وش في بالسطح شفت العيال يركضون لفوق،
ام سعود:اي عيال ؟؟
اثير:والله مدري ماعرفت اميزهم ،
الجده:وش صاير،
الخاله:احتمال يلعبون،
ام غسان:الله يستر،
'
بمجلس الجد دخل يحيى وهو يلهث:جدي خليكم هنا لحد يخرج،
الجد الي قام:وش صاير ؟
يحيى:في سرق بسطح عمي نبيل،
ابو سعود:وشوووو !! سرق ؟؟
يحيى:ايوه خليكم هنا انا رايح،
خرج يحيى وطلع معى باقي العيال للسطح والجد الي خرج للحوش هو وعياله،
وصلو كلهم والكل كان متخبي ويناظر بس محد قدر يميز انهن البنات،
'
عند البنات الي كانت السوالف والضحك معبيه المكان،
رهف بضحكه:والله مغامراتس ماتنمل ي سما،
سما:عاد في كثيييير برجع احكي لكم،
ساره:بالله عطينى الحين،
شوق:ايييي تكفييين بس تكلمي سعودي ترا اكثر الكلام مافهمته،
تعدلت بجلستها:ابشري، زمان كان عمري 12 ولسى كنت صغيره كنت العب معى عيال الحاره،
مشاعل:ليه عيال مافي بنات،
سما:كنت مكفخه كل البنات ومافي احد تلعب معي ف كنت العب معى العيال ،
سلمى:حسبي الله حتى وانتي صغيره ماسلمو منتس،
نور:اخخخ لو تشوفين بس كانو كل الحاره يجون يشتكون منها ام مصايب ذي،
ملاك:اسكتو خلوها تكمل،
شوق:كملي كملي،
سما:ليوم كنت العب معاهم كوره والحارس الي كان من فريقي خبل مايعرف يحرس ودخلو علينا 4 اهداف وحنا ماقدرنا ندخل الا هدف واحد خلصت المباره وانا رحت وصبيت كل الغضب الي بقلبي بالحارس مسكته وكنت اكفخه كفوف وهو كان بس يبكي بالصدفه مرت حُرمه من حريم الحاره وجت تفرع على الولد وتصارخ اني ما استحي اضرب ولد ومدي وشو الولد مدي شصار فيه وجى دفني وطحت للأرض قمت وانا اصارخ والولد يبي يضربني صراحه انا خفت والله وتخبيت ورا الحرمه والولد يبي يتهجم علي رفعت الطرحه الي كنت حاطتها على رقبتي ومررتها لرقبته بس الطرحه نكبتني ووصلت لحد ارجوله بعدين انا اسحب الطرحه ولولد طاح وينسحب بعدي خفت مررررره وكنت احاول اسحب الطرحه وهو يستحب بعدي الكل كان يطالع فيني ويقول اني قويه وما اخاف من احد وكيف تجرئت اني اسحبه وكل شي صار بالصدفه طبعًا كل شي الا الكرامه سويت نفسي اني ارمي له الطرحه وقلت لو تعيدها بسحبك على اليمن بكلها وصديت ومشيت بهيبه وانا داخلي كُله خوف،
الكل فرط يضحك بقوه عليها،
مشاعل بضحكه:حبيت الكرامه والله،
ساره:طب الولد وش صار فيه فجأه،
سما:مدري والله،
ملاك:اضن حس انه انهان على يد بنت وامام الكل قرر يوريها رجولته،
شوق بضحكه:والله مغامراااااات ،
الهنوف الي كانت بس تسمع لسوالفهم ، لمحت اشخاص بسطح واحد من الأعمام:بنات شوفو شايفه اشخاص هناك،
لفو الكل يناظر، سلمى وهي تناظر لبيت ابو غسان:بنات حتى هنا شوفو،
مشاعل بشهقه:حتى في بيت عمي نعمان،
نور:من ذوووول لايكون سرق،
شوق:والله انهم سرق شوفو بنات تحاصرنا،
سما:يُمممممه بنااات شنسوووي،
عند العيال الي اتفقو ينطو كلهم بنفس الوقت، نطو والبنات صرخين بأقوى قوه،
سلمى بصراخ:يُممممممممممممه من انتووووووووو يُببببببببه،
نور الي حضنت سما بخوف وسما الي كانت تصارخ بأسم قره عيني تعال انقذني والكل كان خايف، ام العيال الي استغربو من انهم بنات،
الجد من تحت:انتبهو يسوو فيكم شي خليكم حذرين،
ابو سعود:يارب سترك على اولادي،
دخل منصور وهو يقول:سلمو انفسكن بهدوء،
الهنوف:منصور !!
منصور:ايوه منصور،
نور:منصوووور،
لف لها:نوووور شتسوين هنا،
نور:قلنا انتو بالحوش وحنا نقعد بالسطح،
سعود بصراخ:ليييييييه تطلعون وماتكلمونا لييييه،
سلمى:مانبي نزعجكم،
سعود:كان ازعجونا ولا تخلونا نفكر انكم سرق،
سما:حتى احنا فكرناكم سرق،
سعود:حسبي الله فيكم حسبي الله انزرززلو،
سما:بنقعد محنا نازلين،
سعود:اقول انزلي،
سلمى:بتخرجو من الحوش وتخلونا نقعد فيه ؟!
سعود:لا البنات بالبيت،
مشاعل:سعود تكفى مانبي نقعد بالحوش،
سلمى:تكفى تكفى مانبي ننزل،
منصور:خلاص ي سعود خلهن،
سعود:استغفر الله،وصد ومشي ومشو كلهم ونزلو للحوش،
الجد:سمعنا صراخ بنات مسكتو السرق ،
غازي:موب سرق طلعين البنات،
ابو ملاك:البنات !! اي بنات ؟؟
منصور:بناتنا ،
الجد:وشوله يطلعون السطح وبذا الليل ؟
سعود:قايلين حنا بالحوش وهن السطوح،
ابو سعود:ولييييه السطح يعيني !
فيصل:جو البنات وانت تدري ،
الجد:حسبي الله وليييه مانزلتهم يعني ؟!
سعود:موب راضيييين قايلين بيقعدون اكثر ،
ابو سعود:ليه ي ولدي ما نزلتهم موب زين القعده بالسطح،
الجده:ايوه ابوك صادق رح قول لهم الجد يقول انزلو ،
منصور:خلهم ي جدي حرام يغيرو جو،
الجد:اسكت انت الثاني مابي اسمع صوتك،
منصور:افاااا ليه ي جدي ؟!
الجد:انت تعرف ،
ابو غسان:تعال يُبه داخل شوف الجو كيف برد موب زين بتمرض،
ابو يحيى:ايوه ي يُببه تعال،
الجد وهو يمشي:حسبي الله فيكم، ولف لسعود:وانت لا تخلهم كثيير ، شف الجو كيف،
سعود:ابشر،
الجد لمنصور:وانت خليك واقف،
منصور:ابشر،
الجد:مابي ابشر ابي فعللللل لو شفتك قاعد ي ويلك قسم لا اجيك ،
منصور:ابشر،
دخل الجد وعياله البيت والعيال رجعو مكانهم يكملو سهرتهم وماهي الا نص ساعه ومنصور يتصل على نور ينزلو،
'
عند البنات بعد مانزلو العيال رجعو كل واحده لمكانها،
رهف:للحين ماني مصدقه صراحه،
ساره:ولا انا ،
مشاعل:قايله لكم لا تطلعون بيصارخون بس ماتسمعون انتو،
ملاك:الحمدلله انه طلعو العيال لوكانو سرق كان رحنا فيها،
شوق:اي والله، عاد منصور ذا يشاهد مسلسلات كثير قال سلمو انفسكم ههههههههههه،
الهنوف:والله ان شكله كان حلو دخل علينا مثل المنقذ ،
ساره:اي منقذ كان يبي يعتقلنا هههههههههههههههه،
سما:ذا زوجتس ي الخبله شايف نفسه انه ضابط ،
الهنوف:يحق له والله،
نور:خيييير مالش بتتحاكي هاكذا مش ملاحضه انش لش ساعه جالسه تمدحي زوجي !
الهنوف:لا تفهميني غلط،
نور:حاولت ما افهم غلط بس انتي تخليني افهم غصب ،
سلمى:هدو هدو ي جماعه شفيكم،
سما:اسمعيني زييين لاتخربي صورتس بنضري ترا لو خربت بتشوفين شي مارح يعجبتس ،
الهنوف:وش بتسوي،
سما:لا تستفزيني ،
الهنوف:امزح امزح شفيك،
ساره:بنات تكفوووون بس،
رهف:خلونا ننزل يلا،
شوق:شفييك توه الليل،
رهف:اذا بتقعدون كذا خلونا نروح افضل،
مشاعل:لالا بنغير ،عطونا لعبه او اي شي نسويه،
ساره:عندي لعبه مستعدين،
الكل:مستعدين،
ساره:اللعبه...سكتت من دق جوال نور،
سلمى:من ؟
نور:منصور بروح ارد وارجع،
سما:لا تطولو بالرمنسيه كثييير ورانا لعب،
نور بضحكه:ابشري بقله اختصر،
رهف:عاد لو تردين وتقولين قاعده العب اكلمك بعدين احسن،
نور:مايصير كذا اليوم كله ماشفته زين تبيني ما اسولف معاها ترا والله اشتقت له،
سما:لو سمحتي حركات المزوجين ذي مانبيها،
سلمى:وانتي وشو،
سما:اقول اسرعي يلا،
نور:بروح اشوف ويش يبي وانتم انتضرو،
رهف:انتي لا تتأخري بس،
نور بضحكه:كله على منصور ،
الهنوف:اقول ي تروحي تردي ولا اقعدي وخلينا نلعب ،
طالعت فيها بطرف عين وصدت للطرف الثاني ترد،
ردت:هلا،
منصور:وأخيرًا بغيتي تردي،
نور:البنات مايخلوني بلحالي شسوي،
منصور:استغفر الله،لساتكم بالسطح،
نور:ايوه،
منصور:طب يلا انزلو انتهى الوقت وجدي يصارخ،
نور:والله مابغيت انزل الجو خيااااال والقمر مكتمل ونسيم الهوى البارد ينعش الجسم وش ابي بعد ؟!
لف يناظر للقمر:وانشهد ناقصتس منصور بس،
ضكت وقالت:وش ابي فيك انت،
منصور:بالله تبي تستمتعي لوحدتس ماتبي تشاركي اللحضات الحلوه معى زوجتس،
ابتسمت ابتسامه وسيعه من قال زوجتس ونطقت بعدم الوعي:دامك موجود اللحضات بأي وقت حلوه،
شقت الابتسامه وجهه وهو يطالع بالقمر ويسمع لكلامها:والله وصاير كلامتس حلو اخاف تجيبين راسي بكلامتس ذا وقال بنفسه(اشهد اني طايح بهوتس من زمااااان)،
نور الي تفشلت من نفسها وفضلت السكوت،
منصور:الوو موجوه ؟!
نور بزور قالت:ايوه،
ضحك بقوه على نبره صوتها،
عقدت حواجبها:ليش تضحك،
منصور:عليتس شفيتس تفشلتي،
نور:يلا يلا الله معك بقفل،
منصور:يلا الان تنزلو ،
نور:تمام،
قفل ورجع عند الشباب ،ونور الي حست بتوتر شديد وهي للان مهيب مستوعبه كيف قدرت تقول له ذا الكلام وبكل برود ،شتت افكارها ورجعت عند البنات،
سلمى:الحمدلله على السلامه،
نور:الله يسلمش،
سما:وينش هاذا كله،
نور:اكلم زوجي عندش مانع،
ساره:خلاص لاتكبروها مافي داعي،يلا خلونا نلعب،
نور:لا ننزل الجد قال الحين ننزل يلا،
ملاك:اوووووف ليييه تو بنبدا،
شوق:تكفووون لا لسى مالعبنا،
مشاعل:يلا يلا دام جدي الي قال يلا بسرعه،
قامت وقامين البنات بعدها وكل واحده تتأفأف انهم ماتهنو ب جلستهم وصلو وكل واحده راحت بيتها،
عند نور وسما بشقتهم بالصاله ،
سما:ها ان شاء الله هاذي المره تكوني دريتي،
انسدحت على الكنب ولفت لها:ماهو ؟!
جلست مقابلها:العقربه تيك (ذيك)مثل امها،
نور:قصدش الهنوف ؟!
سما:ايوه الهنوف (شفتي) كيف كانت تتحاكى ،
نور بقرف:قسم بالله اني اشتي افقع عيونها تيك(ذيك) الساقطه،
سما:سعليش(لاتخافي)سما موجوده والله لا افقعهن وديهن لـ يدش،
نور:معتمده عليش واذا ماقدرتي وكليني قسم بالله لا اعدم ملامحها،
سما:هههههه سما ماتقدر عليها ضحكتيني،عادهم م ابسرو (شافو)ايش تقدر سما تفعل(تسوي)،
نور:الله يجيرها من بنات اليمن بس،
سما بضحكه:اميييين، اسمعي اسمعي ابسرتي (شفتي)كيف فرحت انه منصور ع يرقد عند الجد،
قامت ترفع شعرها لورا بغضب:ايوه ابسرت(شفت)،
سما:شكلها ماتشتي منصور يرقد عندش،
اخذت طرحتها ومشت بتنزل:دام فرحت وانا والله مايرقد منصور الا عندي،
لحقتها:كفو ذي بنت عمي يلا،
نزلت ونزلت سما بعدها ومشين من الحوش الخلفي بحكم العيال مايشوفوهن دخلين وكالعاده الجد والجده قاعدين يتكلمون دخلت سما على طول لعند الجده ونور لعند الجد،
الجد:اللهم اجعله خير وش مجيبكم ذي الحزه،
سما:ومن يقدر يقعد بذاك البيت والعقربه والساقطه فيه،
الجده:الساقطه ذي جديده من،
نور:الهنوف،
الجده بأستغراب:الهنوف !! ليييه شفيها،
سما:وش متوقعه مثل امها ،
الجده:كان كفختوها وبردوا على قلوبكم،
الجد:هدو هدو مانبي مشاكل حنا ، وش سوت فيتس ي بنتي وانا بأخذ حقتس،
سما:لو كان سوت فيني شي كان اخذت حقتي بنفسي بس للحين ماسوت،
الجده:ولا عليتس خوف يومين بالكثير وبتطلع وجهها الحقيقي وانتي لا تقصري فيها،
سما:اكيد أساسًا انا منتضره لين يطلع وجهها،
الجد لـ نور:الي يشوفهن يقوم ام وبنتها سبحان الله نفس الافكار،
نور:خلهن يسويين الي يبين البنت تستاهل صراحه،
الجد:اماااا حتى انتي ذي المره،
نور:شسوي ماقدرت اتحمل صراحه،
الجده:شفيك علينا يستاهلو محد قايل لهم يجون عندنا ،
نور:جدي انا جيت وطالبتك ،
الجد:امري وعتبريه تم لعيونتس،
نور:مايأمر عليك امر ،بغيت منصور اخاف انام بالحالي،
الجد:منصور !!
نور:ايوه منصور ،
سما:كان ابي اقول لا تصدق ي جدي بس حرام على نور،
الجد:دام تممت ابشري بعفيه من العقاب،
نور:تسلم ي جدي،
سما:اجل مانبي نزعجكم دام عفيته حنا رايحين،
الجده:اقعدو نسولف،
سما:لا مايصير نقعد جنب مزوجين،
ضربها الجد بالعصى بشويش:اقووول اذلفي،
سما بضحكه:ابشر ابشر يلا ي نور خلنا نخرج بكرمتنا،
قامت:يلا،
خرجو ورجعو للبيت دخلين وشافين ام الهنوف وام صقر وشوق والهنوف بالصاله وسلمى الي كانت بالزاويه نايمه ومشاعل تلعب معى اشواق،
سما:السلام عليكم،
ام سعود:وعليكم السلام،
الخاله:ي هلا شرفتونا منين جايين،
دخلين وجلسين جنب الخاله،
نور:رحنا بيت الجده،
الخاله:ذي الحزه ؟!
سما:ايوه،
الخاله:ليه وين ازواجكم،
سما:منصور معاقب وسعود عنده،
الهنوف:عاد الجد قال منصور بينام عنده اسبوع ممنوع يروح عند نور،
ام سعود بصدمه:صدق ذا الحتسي ؟!
سما:ايوه،
الخاله:مايصير كذا ،
الهنوف:محد يقدر يسوي شي ذا قرار الجد،
ناظرت لها نور بطرف عين واخذت جوالها وهي تكتب لمنصور(تعالي الحين للبيت كلمت الجد وعفاك من العقاب)ماكان ودها ترسلها الحين عشان يأخذ راحته معى الشباب بس كلام الهنوف استفزها وما قدرت تتحمل،
'
بالحوش««
الكل راح من زمان مافي الا منصور وسعود،
منصور: الحين منت ناوي تروح!؟
سعود: قاعد على قلبك انا!؟
منصور: لا اقعد براحتك ماقلنا شي،
سعود:الحين جدي مصمم على العقاب،
منصور: وش تتوقع من ذا الشايب بالله،
طقه بالمسبحه على راسه بشويش: احترم نفسك،
مسك رأسه: وجججع شفيك!؟
سعود: وجع بعيونك ي قليل الحيا،
منصور: حسبي الله وش قايل انا،
سعود: مدري انت اخبر،
منصور: قم رحلك قم،
سعود: الشرهه علي موب عليك لني قاعد عندك،
منصور: لا تقعد محد طالبك،
قام وهو يرفسه برجوله: ناكر للمعرف مدري على من جيت،
منصور: اذلف اذلف،
سعود:حسبي الله فيك الحين اقعد معى الحائط،
منصور:مالك دخل بقعد بالحالي رح انت،
رح سعود ولف منصور على صوت رساله بجواله قرا وابتسم ابتسامه وسيعه واخذ اغراضه ورح ركض وتعلق ورا ضهره،
سعود:اعوذ بالله ابعد كسرت ضهري،
شد على يده المحاوطه رقبته بقوه،
كح وهو يحاول يبعده:اختنقت ابببعد ي ولددددد،
بعد وهو يضحك بقهقه،
لف له بغضب: وش بك ي الخبل،
منصور بضحكه: ولاشي،
سعود: مانيب راجع لا تحاول،
ضحك بقوه: من قايل لك ترجع،
سعود: وانت ليه جيت!؟
منصور: رايح عند زوجتي،
سعود بأستغراب: وجدي!
منصور: ماتقدر على فراقي وتشفعت لي عند جدي،
سعود: في ذمتك،
منصور: والله توها قايله لي،
سعود: وجدي قبل!!
منصور: اكيد لوكان ماقبل ماقلت لي اجي،
كمل طريقه ونطق:غريبه قدرت تقنع جدي،
لحقه ونطق:حتى انا مستغرب،
دخل البيت وهو يقول من ورا الباب:يُمممه وين زوجتي،
عند الحريم فزت مشاعل:منصور ذا!
منصور من ورا الباب:ايوه منصور وين نور،
طارت عيون الهنوف بصدمه وهي تناظر لنور،
قامت نور وخرجت له:هلا،
منصور:ماتقدرين من دون زوجتس صح!؟
نور:اطلع نتكلم طالع،
طلعو لغرفته،
مشاعل:انتو قلتو منصور معاقب،
سما:مايقدر يفارقها،
الخاله:الله يزيد محبتهم،
سما:امييييين،
مشت الهنوف بغضب ان كل شي فرحت له خرب دخلت الغرفه وهي تطق الباب بقووه،
ام سعود بفجه:بسم الله خرعتني شفيها،
ابتسمت سما بفرح وهي تشوف غضب الهنوف،
الخاله وهي تقوم:تعالي ي اشواقي نروح ننام،
قامت اشواق بعدها ودخلو الغرفه،
عند الهنوف دخلت وطقت الباب بقوه وتلف ع الغرفه كلها بغضب وغيض،
شوق:علامتك تطقين الباب كذا شفيك؟!
الهنوف بصراخ:اسكتي ما ابي اسمع صوتك مانيب ناقصة لك،
شوق:اعوذ بالله كلكم نفسيه،
الهنوف:شوووووق ادحري الشيطان،
شوق:خلاص سكت،
فتحت الدولاب واخذت لها بجامه وطقت الباب بقوه،
شوق بصراخ:بنتتتت زوتيها تراااااا،
الهنوف:شووووق قلت اسكتييييي،
شوق:ادحري الشيططططان شفيك تطقين بيت الناس،
تجاهلتها ودخلت الحمام وطقت الباب بقوه،
شوق بصراخ:قسسسم لا اجي اكفخك حيووووانه احترمي نفسك،حسبي الله شفيها ذي المخبوله،
'
دخل سعود المجلس وقعدو معى ابوه يسولفو شوي ودخلت ام سعود وسما وقعدو كلهم،
ام سعود:الحين بغيتكم في شي،
سعود:امري ي يُمه،
ام سعود:مايأمر عليك امر ي ولدي،بغيتكم بكره تخرجون البنات السوق عشان سلمى تتجهز لعرسها مابقى شي ع العرس،
ابو سعود:توني تذكرت والله الحين صدق بودع واحده من بناتي،
ام سعود:حتى انا مانيب مستوعبه ابد،
سعود:ذي سُنه الحياه ي يُمه، وان شاءلله بخرجهم بكره السوق،
سما: وناااسه والله واخيراً بغير جو،
سعود: ذا الشي الي هامتس انتي،
سما: وش يهمني بالله ليه في احلا من انك تخرج تتسوق،
سعود: ابد مافي شي احلا من انه سما تتسوق،
ابو سعود: علامك على البنت ي ولد،
سما: شف ي عمي ذنت شفت بعيونك شلون يتعامل معى زوجته مايحترمني ابد،
ابو سعود: مايصير كذا ي ولدي ذي امانه في رقبتك،
سما بتنهيده: حاولت كثثثير اقول له انا امانه في ذمتك بس مايفهم ودايم يعاملني بقسوه،
ام سعود بصدمه: شيسوي فيتس!؟
سما بتمثيل البكى: دايم يصارخ علي وما يحترمي واي شي اقول بغيته مايرضى يعطيني،
ابو سعود: سعوووود وش ذا الي قاعد اسمعه معقول انت تسوي كذا،
سعود: لا تصدق ي يُبه تكذب عليك،
سما بنفس التمثيل: شف يقول علي كذابه امامك لو انتو موب فيه كان صارخ علي،
سعود: يُبه لا تصدقها وربي انها ماخلت شي ماسوته فيني تكذب عليك،شفيتس ي المخبوله شقاعده تقولين،
سما:قاعده اقول الصدق تعبت وانا اتحمل،
سعود:اقول اسكتي قبل اكفخك صدق،
سما:شفتو شفتو وش قال!؟
ام سعود:سعود معقوله تمد يدك على بنت الناس،
ابو سعود:ماربيتك كذا وين سعود ابن نبيل وييين،
ام سعود:خلاص ي بنتي لا تطلعين معه بتنامي هون ما اسمح له يصارخ على بنتي،
سعود:خذوها افتكيت،
سما بضحكه تسليك:لا تصدقي ي عمه امزح معاكم سعود ماسوى فيني شي صح انه غثيث بعض الاحيان بس عادي نتحمل با الاخير زوجي،
ابو سعود:لا تتحملي ولا شي اذا سوى فيتس شي تعالي وكلميني وبتشوفين شبسوي فيه،
سما:ابشري،
سعود:لا تخافي ماتسكت عن حقها،
ابو سعود:الأفضل ولا تبيها تسكت لك،
لف لها سعود:خلصتي ولا باقي،
سما:الحين مافي شي بس بفكر لبعدين،
سعود:اقول تحركي يلا،
سما:وين !؟
سعود:شقتنا ولا تبي تقعدين هنا ؟!
سما:ها يلا،
مشو وطلعو غرفتهم،
ام سعود:مشاءالله حلوين مررره الله يديمهم،
ابو سعود:امين، قولتس لين تجي عائلتهن بيروحين ؟!
ام سعود:لا تذكرني تكفى اخاف افكر فيها حتى تفكير،
ابو سعود:الله يستر بس،
'
دخلت نور الغرفه وهي ترمي الطرحه بغضب فتحت الدولاب واخذت لها بجامه وطقت الباب بقوه ومشت متوجه للحمام ، طالع فيها وعرف انها معصبه مسكها من يدها وسحبها لعنده،
منصور:من معصب ذا الوجهه،
بعدت يده:مافي شي ماني معصبه،
سحبها مره ثانيه وحاوط خصرها:لا تكذبين اعرفتس انا،
شتت بنظرها ونطقت:منصور ابعد مافيني شي،
رفع يده وهو يلف بوجهها له:طالعين فيني كذا،
حطت عينها بعيونه:وش ؟!
منصور:وش فيتس انتي ؟!
نور:مافيني شي،
منصور:بالله وليه وجهتس كذا ؟!
بعدت عنه:اوووف منصور مافي شي البنت مطلعه ضغطي بس،
مسكها من كتوفها وهو يجلسها فوق السرير وجلس مقابلها:من البنت الي طلعت ضغطتس وش سوت فيتس،
نور:انت تعرف زوجت خالك ذي ف طبيعي متحملتها ومدري لين متى،
منصور:وانا قايل لتس لا تسكتين،
نور ماحبت تبين غيرتها عليه من الهنوف ودرتها لام الهنوف:مايصير اغلط اكبر مني،
منصور:لا تغلطي بس حاولي تردي عليها لو حتى شوي،
نور:سما موجوده ماتقصر،
منصور:ليييه منتي مثلها ليييه ؟!
نور:ما احب اغلط على اكبر مني ،وشخصيه سما تختلف عن شخصيتي ،
انسدح على السرير:ايوه ماقلتي لي،
لفت له:وشو ؟!
منصور:ماتقدرين من دون منصور ورحتي وساطه لعند جدي،
نور:ايوه ميته عليك أصلًا ،
منصور:خلاص كاشفتس انا ،
قامت ولفت له:ارقد وانت ساكت،
منصور بصراخ:وش ذاااا ورتس ضببببي اهرررربي،
فزت بخوف وركضت تخبأت وراه:وييين وين منصور تكفى،
ماقدر يستحمل وفرط يضحك:ههههههههههههههههههههههههههههههههههههه خبله انتي ولا وش وش يجيب الضبي لين هنا،
بعدت عنه ونطقت:شلوك (مالت عليك)ي لغجه قد كنت مرتاحه بدونك قلت حرررام شلوني(مالت علي) بس ، سحبت بجامتها ومشت بتدخل الحمام ،مسكها وسحبها لحضنه:اماااا انا لغجه ؟!
حاولت تبعده وتقوم ،شد عليها بحضنه اكثر،
نور: منصور ابعد بروح اغير عشان انام تعبانه حيييل،
بعد عنها:طب روحي يلا،
دخلت الحمام ،ورجع انسدح على السرير وهو هامم لها ويعرف انها ماتقدر تسوي شي بذي المواقف وقعد يفكر ويبحث عن حل لين غلبه النُعاس ونام من دون مايغير ملابسه،
خلصت نور وخرجت شافته نايمه وانسدحت معه ونامت على طول،
'
الفجر بالمستشفى ««
صحت اماني وهي تناظر لـ وليد كان نايم على السرير ردت بنظرها لسقف وهي تتذكر كل الي حصل معاها ذلفت دمعتها من تذكر كيف كان وليد يكلمها على اول ولد يجي لهم وكان منتظر لذي اللحضه من سنتين، مسحت دمعتها من دخلت الدكتوره ،فز وليد بفجعه ولف يناظرها:دكتورة !!
الدكتورة:شلونك ي اماني ،
هزت راسها بمعنى 'انها بخير'
وليد:وش صار على الاشاعات ؟!
الدكتوره:الحمدلله مافي اي كسر،
وليد:الحمدلله،
اماني:دكتوره تكفين ما ابي اقعد هنا،
الدكتوره:تقدر تخرجها ي استاذ بكتب لها شويه ادويه واذا صار شي ردوها،
وليد:تمام،
خرجت الدكتوره وخرج وليد بعدها وشرا الادويه ورجع لعند اماني جهزها وخرجو من المستشفى وطلعو السياره وكان يسوق بكل هدوء،
اماني:وليد،
وليد:سمّي ي عيون وليد،
اماني:سم الله عدوك ، طالبتك،
وليد:ابشري بغيتي عيوني قليله في حقتس،
اماني:برح عند اهلي،
لف لها بأستغراب:اهلتس ليه ؟!
اماني:كذا ابي ارتاح،
وليد:ابشري اوديتس ليش لا،
ابتسمت بالخفيف وردت تناظر من الشباك شروق الشمس،
وبعد طريق طويل وصل لبيتهم ودخلها ودخل معاها وكانت صدمه على الجميع والاخص امها الي زعلت مرره على حالت بنتها ،مر الوقت وهو يسولف معهم وقام ودعهم ومشى متوجه للبيت،
'
بعد الغداء بالحوش كان الكل مجتمعين ويسولفو واصوات ضحكاتهم معبيه المكان،
ابو صقر:عاد حنا بنستأذن ان شاء الله العصر نسافر،
ابو الهنوف:ايوه اشغلنا مانقدر نوقفها اكثر من كذا،
الجد:لا على ويين مافي روحه،
ابو سعود:ماقدرتو تحضرو عرس اولادي بتحضرو عرس بنتي،
ابو صقر:لا مانقدر وبعدي الله يعلم متى العرس،
الجد:مابقى شي العرس بعد اسبوع ،
ابو سعود:ايوه روحه مافي بتقدو وتحضرو العرس،
ابو الهنوف:دام اسبوع عادي بنقعد وبنحضر العرس،
ابو صقر: كنت مفكر شهر او اكثر بس دام اسبوع بنقعد،
صقر:ماجد حمااس بشوف اعراس الديره،
ماجد:بتتعرف عليهم ي صقققر،
سليمان:يُبه لييه اعراسهم غير عنا،
منصور:انتو بالمدينه وحنا بالديره اكيد في اختلاف،
فلاح:بس حقتهم احلى اجواء مممر حلوه،
سليما:مرره متحمس ،
دخل فيصل وهو يرد السلام،
الكل:وعليكم السلام،
فيصل:يلا مشينا ؟!
الجد:على وين،
فيصل:سعود كلمني بنأخذ البنات ع المول يجهزون للعرس،
سعود:خواتي معي وزوجتي وزوجه منصور بسياره وانت الحقنا بالثانيه،
فيصل:ايوه معي رهف وساره وملاك،
سعود:اجل لحضه بروح اشوف،
دخل البيت وهو ينادي على امه،
خرجت له:هلا ي ولدي،
سعود:بنخرج الحين كلمي بنات خالي اذا يبو يروحون معنا،
ام سعود:لحضه، دخلت للمجلس ومافي الا ام الهنوف وام صقر والهنوف وشوق،
ام سعود:البنات بيروحين السوق بغيتن تروحين ؟!
الهنوف:لا انا عندي،
شوق:ونا ما ابي كمان،
ام سعود:براحتكن ،
خرجت وهي تكلم سعود انه رفضين ،
سعود:احسن يلا برح اجهز السياره،
ام سعود:فمان الله انتبه على الطريق،
سعود:ابشري،
خرج متوجه للسياره فتح وكان منصور فيها،
سعود:اعوذ بالله متى جيت ؟!
منصور:من اشوي ، وين البنات ؟!
سعود:مستحيل البنات يخرجون بالوقت،
اخذ جواله يتصل على نور وكلمها انهم ينتضرو تحت بالسياره،
نزلت نور وسما وشافو مشاعل ومشو معها للسياره،
منصور:وين سلمى،
مشاعل:لسى ماخلصت،
سعود:حسبي الله الحريم دايم كذا،
منصور:خلها تدلع عروسه،
سعود:يلا مرفوع عليها القلم بس لانها عروسه،
طال الانتضار ولسى ماخرجت،
سعود:حد يروح يشوفها،
فتحت سما باب السياره ونزلت تركض:بروح انا،
نزلت ودخلت البيت وقفت من سمعت الهنوف تتكلم وقعدت تسمع،
'
بالمجلس عند الحريم،
الهنوف:الا يا خاله ليه زوجتو منصور على نور ؟!
ام سعود:النصيب،
الهنوف:لوكان مازوجتيهم ماكان رح يكون النصيب ، بالله شصار عليك يوم زوجتيهم على يمنيات ترا دايم اسمع ان سمعه بنات اليمن موب حلوه،
ام سعود:مايصير تتكلمي كذا ي بنتي هم بنات زيك زيمهم ،
الهنوف:يووو لا مستحيل اني اكون مثلهم ذوك مايستحون عاد نور تمثل البرئه امامك وهي عقرب صراحه ماكانت تستاهل منصور ابدا،
معى انه كان كل الكلام تحت مسامع سما الا انها قدر تتحكم بأعصابها عشان تسمع لوين بتوصل، بس نفذ صبرها من سمعتها تغلط على نور ، دخلت وهي تدف الباب برجولها بكل قوه،
فزو كلهم بخوف من ارتطم الباب على الحائط،
ام سعود:بسم الله ي بنتي خرعتينا،
دخلت سلمى وقي تقول:يلا سما خلصت،
بعدت نقابها بكل هدوء ورمته ع الأرض:انتي خلصتي بس انا باقي لي شويه تدريس لانه في ناس ماتعرف تتكلم،
ام سعود الي فهمت عليها:بنتي ادحري الشيطان،
الهنوف:لتكوني تقصديني،
سما:احتمال كبير،
ام الهنوف:ي ويلك تمدي يدك على بنتي،
الهنوف:يُمه لا تخافي بنات اليمن مايقدرون على شي،
سما بصراخ:هااااااااي لا تحطي راسش براس اليماني لانه لا انتي ولا غيرش ولا اكبر كبير يقدر يوصل لمستوانا،
الهنوف بضحكه استهزاء:مستواكم ذا وين ؟!
سما:فوق راشس انتي وكل الي يغلط على ابو يمن،
ام الهنوف:اقول اذلفي محنا ناقصين مجانين،
بعدت الطرحه من راسها وفسخت عبايتها ونطقت:مجانين ها ؟!
الهنوف:ليه فسختي روحي عند ذيك العقربه،
طقت اصابعها بغضب:عقربه اوريش من العقربه،
الهنوف:وش بتسوي،
رفعت اكمام فستانها:اوريش ، هجمت عليها وهي تكفخها كفوفو وتشد شعرها بكل قوه:عقربه ها والله لربيش ي بنت اللذينه والله،
طاحت الهنوف للأرض ومغطيه وجهها بيدهاو تصارخ:ابعددددي ي المتوحشه ابعدي،
جلست فوقها بعدت يدها وكفختها كفوف مره ثانيه:عقربه ها هيييين هيييين والله لعدم ملامحش ي الحيوانه،
دفتها ام الهنوف وهي تصارخ:بعدي عن بنتي ي المتوحشه ابببعدي،
قامت وهي ترفع فستانها:ارحببببببي ترحيببب المطر كان ناقصني انتي ، هجمت عليها وهي تشد شعرها :احترمت نفسي وقلت كبيييره عيب مايسبرش(مايصير)بس مشنتي حق احترام لا انتي ولا بنتش ، كفختها لين قالت امين،
وام سعود تحاول تفكهم بس مافي فايده والخاله وشوق كانو يناظرو ومستانسين اما ام صقر خافت تقدم وتتكفخ من سما اكتفت وهي تناظر،
ردت سما للهنوف وهي ترفسها برجولها:قلتي بنات اليمن سمعتهم مش حاليه ها قلتي بنات اليمن مايسترينش (مايقدرين)يفعلين شي ، ابسرتي (شفتي)ولا عادش(لسى) ،
الهنوف:ابعدي عني ي التوحشه والله ما امررها لش والله،
سحبتها من شعرها:اسكتي اذا انتي بنت امش وابوش اقدمي وع تبسري (تشوفي)م ع يقع بش(يصير فيتس)، وردت لكتفها وعضتها بكل قوه،
وعب المكان صراخ الهنوف وامها،
'
بالسياره،
منصور:وين راحت ذي،
نور:كان صوت صراخ،
مشاعل بتركيز:لالا مافي شي،
نور:طب انا بروح اشوف سما وين راحت،
ماكملت كلمتها الا وشافو سلمى خرجت للحوش وهي تصارخ:جدددددي تعااااال جدددددي،
فزو كل الي بالحوش وركض الجد والجده لعند سلمى،
الجده:شفيتس ي بنتي،
سلمى:الحقي ي جده سما ضربت الهنوف وامها،
الجد بصدمه:وشوووو،
الجده بفرح:بدمتس من زيد،
الجد:تعالي تعالي،
دخلو البيت والكل اجتمعو على باب الباب موب عارفين شسالفه ونور الي تأكدت انه سما ورائها وركضت هي ومشاعل ودخلو البيت،
دخلو وهم يشوفو شكل ام الهنوف وسما فوق الهنوف تضربها، دخل الجد وهو يسحبها وبزور قدر يبعدها ،اما الجده الي استانست وهي تشوف اشكالهن وسما بردت قلبها ، مشت نور لعندها والجد كان مسكها،
نور:سما مالش ؟!
سما وهي تناظر للهنوف بغيض:تيه (ذي)الساقطه تغلط على بنات اليمن وتقول منصور مايستاهلكش ، ها من يستاهل ي الهانم لايكون انتي تفوووو عليش وعلى اشكالش ،
الهنوف ببكى:ايوووه انا ولا انتو المتوحشات،
لفت لها نور:هاااااااااا زوجي ذا احترمي نفسش لا اجي اكمل الي ماكملته سما،
الهنوف:اتحدكِ تمدي يدك ي العقربه،
مشت بتضربها ومسكها الجد باليد الثانيه:هدي يبنتي هدي،
نور:جدي ماتبسرش (ماتشوف)ايش تقول،
الجد:الا شايف بس سما ماقصرت ولا ماتشوفي شكلها،
نور:شايفه وبزيد لها تستاهل ماتستحي على وجهها،
الجد:الهنوف بنتي شذا الكلام الي تقولينه،
الهنوف:لا تصدق ي جدي ذا افتراءً انا ماقلت شي هي تهجمت علي،
سما:ولش عين تكذبي بعد ي حيوانه اسكتي،
ام الهنوف:البنت غلطت علينا ماتشوف أشكالنا،
الجده:اكيد انتو غلطو ولا بنتي ماتسوي شي من دون سبب،
ام صقر:لا بنتك ذي تهجمت وهن ماقالو شي،
سما بصدمه:ماقلو شي وذاك الكلام الي كانت تقوله لعمتي وشو ؟؟
الجد:وش قالو ي ام سعود،
ام سعود:مثل ماقالت سما غلطت الهنوف،
الهنوف:لا تصدق...
الجد بصراخ:بس بس بسسسس قفلو على السالفه، وانتي خذي بنتك لداخل يلا،
اخذتها ام الهنوف ودخلين الغرفه الثانيه،
سعود من ورا الباب:يُمه شصاير ادخل،
ام سعود:ادخل ي سعود ادخل،
دخل سعود ونصدم وهو يشوف شكل سما ،وسما الي خبت يدها ورا ضهرها،
دخل وجلس مقابلها:وش فيتس ليه كذا شكلتس،
سما:قرررره عيني ضربونييييي،
اتسعت عيونها بصدمه:وشووو من الي سوى فيتس كذا وليه مادافعتي عن نفستس ؟!
سما بتمثيل البكى:ماقدرت تهجمين عليا الثنتين وضربوني وانا كنت اصارخ ي قره عيني وينك بس ماجيت ليه ليه ماجيت خارجتني لييييييه،
حضنها بدون مقدمات ومسح على راسها ونطق:خليها علي بتشوفين قره عينتس شبيسوي فيهم،
رجف قلبها بخوف من جرائتُه وحضنه لها امام الكل،
الكل فرط يضحك عليها ، وعلى سعود كيف صدقها ، بعد عنها لف لهم بأستغراب ، وسما الي نزلت رأسها للأرض بأحراج،
سعود:شفيكم ؟!
الهنوف وهي توريه يدها من ورا الباب:شف ذي المتوحشه شسوت فيني،
قامت لها بعضب ونطقت بصراخ:ادددددددخليييي قسم لا اجي اكمل اليد الثانيه،
لف يناضرها بصدمه ، خرجت ام الهنوف ، لف لها سعود زادت صدمته وهي يناضر لـ ام الهنوف ولشكلها ،
ام الهنوف:شف ذي المتوحشه وش سوت فينا قاعده تمثل عليك البرائه،
رد بنضره لها وهو يشوف البرئه بعيونها ، ورد وهو يشوف شكل ام الهنوف احتار من يصدق ونطق:سما رفستوني من ضربت الثانيه،
خرجت يدينها وهي توريه شعر الهنوف وامها ونطقت:انت قلت لي اخرج الضاربه موب المضروبه !!
ام الهنوف:والله ان ما تربوها لا اربيها بيدي ، وش ذي القله الحيا في من يضرب اكبر منه معاد في احترام ،
الجد:انا قلت ادخلي وبأخذ حقتس ادخلي،
رجعت ام الهنوف لداخل،
الجد:بنتي حتى لو غلطت عليتس مايصير تمدي يدتس على اكبر منتس عييب،
الجده:اسكت انت الثاني خلها تستاهل ، لاتصدقي ي بنتي زييين سويتي عاد لو ناديتيني كنت اضربها معتس ، الا قولي لي كيييف ضربتيها ،
سما:اخخخ بس كفختها لييين قالت اميين تستاهل فطرتني،
سعود:طب ليه كذبتي علي يعني ؟!
سما:اها كان اشتي اشوف رده فعلك،
سعود:حسبي الله شايفه شكل الحُرمه كيف صارت بالله انتي مكفختيها،
سما:ايوه بردت قلبي،
الخاله:بردتي قلوبنا كلنا،
شوق:اي والله،
الجده:خير ماسويتي ي بنتي،
سما:شفيكم كلكم حاقدين عليها يعني ماحد يحبها ليه ماكلمتوني من اول ماجت كان كفختها وبردت عليكم،
سعود:هدي هدي كفيتي ووفيتي خلاص ، وعاد تشتكي (وقال يقلدها)ضربوني ي قره عيني ضربوني،
سما:طلعت تقدر تقلدني،
سعود:وقت سماجتس الحين ؟!
الجد:اقول قم اذلف انت وزوجتك يلا عشان ترجعون بحين ،
سعود:ابشر ، لف لها:عدلي شكلتس والبس يلا ولحقيني،
سما: ابشر،
خرج يرجع للسياره وسما عدلت شكلها ولبست عبايتهامن جديد وطلعت معى البنات بالسياره، حرك سعود ومشو بهدوء،
'
بسياره فيصل كانت الاجواء اغاني ووناسه، قصر صوت الميوزك من حس بأنزعاج،
ساره: شفيييك لييه طفيتها،
فيصل: بس ازعاج انتو والاغاني السامجه ذول،
ملاك: والله انهن حلوات،
رهف: ايوه خلنا نسمع انت لا تسمع،
فيصل: وشلون ما اسمع والصوت شاق راسي،
ساره: شفيك انت موب نفسيه، ترا والله لكلم سلمى وخليها ترفض،
فيصل: سوي الي تبين، انا هام سعود ليه مالحقنا للحين،
ساره: اي صح غريبه وينهم،
فيصل: والله مدري قال بيلحقنا،
رهف: بيلحقونا لا تهم،
'
نرجع لبيت ابو سعود وتحديداً بغرفه الهنوف وامها،
الهنوف وهي تناظر لعضه سما: شوفي شوفي تقول كلب مسعور أعوذ بالله،
ام الهنوف: كان عندي شويه شعر نتفته، حسبي الله عليها، بس هييين بتشوف شي ماشافته بحياتها،
الهنوف: يُمه لازم نضربها والله،
ام الهنوف: خليها بتشوفين،
'
بسياره سعود قاطع هدوئهم منصور وهو يقول: الحين شصار ليه الكل متوتر،
سعود: خليك بحالك محنا ناقصين مجانين،
منصور: شفيك وش قلت انا،
مشاعل: خلك من سعود اليوم الهنوف وامها غلطت على زوجتك وزوجته،
لف لها: في ذمتس،
مشاعل: والله،
منصور: ليه ماعلمتوني من قبل كان دخلت ولعنت خيرها هي وبنتها كيف تسمح لنفسها تسب فيهم،
نور:مافي داعي سما ماقصرت كفت ووفت،
سلمى: اي والله كفخت الهنوف ذي لين شافت امها عروسه،
نور: تستاهل،
سما: والله اني طلعت حرتي فيها تستاهل،
منصور: كفو عليتس ذي حرمه اخوي الصح،
سعود: اقول اسكت بس،
مشاعل: بالله شغلو لنا شي نستانس فيه،
سلمى:ايوه شغلو لنا نانسي ،
نور:بشبك بشغل لكم انا،
منصور:اجل يلا شغلي،
اخذت جوالها وشغلت لهم انشوده من طيور الجنه ، لفو كلهم لها بأستغرب وفرطو ضحك من سمعو 'سيارتنا الاموره لأحلا عيله مع انها صغيوره بس اصيله'
منصور:ابك وش ذا ؟!
سلمى:بنت قلت نانسي موب عصومي ووليد،
نور:حلوه والله حلوه،
غنت مشاعل وسما معى الصوت وشوي شوي دخلو الكل معاها وهم يغنو ويضحكو على انفسهم شلون يغنو كذا وسلمى تسفق وتهز اكتافها على الانشوده ،
مشاعل:وش فيتس ترقصين على انشوده ،
سلمى:قلت احاول انعش الجو بس ماقدرت ، نور تكفين غيريها،
مشاعل:لاتصدقي حبيتها والله ،
منصور وهو يغني معى الصوت:لاتصدقين خليها حلوه،
رجعت سلمى تغني والبنات بعدها وبين اسطر الانشوده يفطسون ضحك على انفسهم ،حرفيًا كانت الاجواء كُلها حُب وسعاده بعد ماعاشو مغامرات اكشن فضيعه معى سما الا انهم اتناسو كُل شي امام السعاده وفرحه الاهل،
'فراشاتي والله ماقدرت انزل لكم اعذروني ضغوطااات ماقدرت ارد على احد بس ابيكم تسعدوني وصلو البارت 200 نجمه+شوفو التيك توك a-wafa 🔥🔥'
انتهى🖱
لاتنسووووون النجمه وتعليقاتكم تقدير لتعبي🤎..
