22
الفجر صحت نور على صوت ابو سعود يصارخ لأولاده،
نور:منصور عمي يصيح صلاه،
فز منصور من صوتها وقام توجه للحمام توضى وخرج من الغرفه وشاف سعود خارج نزلو ومشو هم وابو سعود والجد والعيال كامل،
بعد الصلاه رجعو دخل منصور غرفته وشاف نور قاعده تنظف الغرفه:بروح اليوم المحل،
نور:ع تتأخر؟؟
منصور:ليه؟؟
نور:بس سألت بدخل اغير وانزل عند عمتي اشوف لك صبوح،
منصور:اسرعي عشان بمشي،
دخلت الحمام لبست فستان خفيف لونه اصفر خرجت وحطت الطرحه على راسها ولفت لمنصور الي كان قاعد يطالع فيها تقدم لها ونطق:وقفي ولا تتحركي!!
تثبتت بمكانها بخوف وتطالع فيه:ءءايش في؟؟
منصور:اكيد دخل من الشباك وطار عليتس بس لا تخافي مارح يأذيتس،
بدات تبكي بخوف:ويين ويينو؟؟
منصور:هدي بكتفتس من وراء،
نور ببكى:منصور ابعده من فوقي ابعده،
منصور رفع يدينه بتمثيل انه يأخذه ومشى متوجهه للشباك ولف طالع فيها:ارميه ولا ارجعه لفوقتس،؟
نور بصراخ:منننننصور!!
ضحك منصور بقوه ناظرت فيه بطرف عين وعرفت انه سوها مسحت دموعها وقعدت على السرير بهدوء،
منصور بضحكه:وش الي بيطير عليتس وانتي ماشفتي شي دخل من الشباك،،
ماردت عليه ومنزله راسها بهدوء،
منصور:قاعده تفكرين بمقلب ترديه بس ابشرتس مارح تقدرين ذي المره،
ماردت عليه وقاعده على حركتها!!
تقدم وقعد على رجوله ومد يده يرفع وجهها:ناظرين فيني!!
تجمعت الدموع بعيونها وهي تناظر عيونه:ليش ليش كذبت ماتستحي من الصبح مقالب مشنت ناوي تعقل؟؟
منصور بضحكه:ذا شيءٍ مستحيل،
نور:جحفه(مالت)علي وعلى حضي،
ضحك منصور ونطقت نور:ذلحين حرك الرجلك وسير(روح) لعند امك وخله تدي لك صبوح،
منصور:افا زعلتي مني ليه في من تزعل من زوجها؟؟
نور:مشنت زوجي الزوج مايفعل هاكذا بزوجته،
منصور:وش يسوي؟؟
نور:يعاملها بأحترام مش يفجعها من الصبح ويتحاكى كلام حالي كلام رمنسي مش مثلك،
منصور:بس انا احب اشوفتس كذا،
نور:تحب تبسرني (تشوفني)وانا بين ابكي؟؟
منصور:تدري ان في وجهتس كل الي تحبُه العين وفي صوتس ودي احب السوالف،
حست بنبره صوته وكلامه وحست بأطرافها بردت ونطقت وهي تركض:بسير ادي لك الصبوح،
منصور بضحكه:قلتي اروح بنفسي؟؟
ماردت عليه وهي تركض ونزلت لعند ام سعود جهزت الفطور وطلت،
ضحك من شاف احراجها وتقدم يدخل الحمام يتغسل،
'
بغرفه سعود كان قاعد يلبس الثوب خلص ولبس الشماع وحط العقال ع راسه وتعطر ولف لسما الي كانت قاعده تطالع فيه ونطق:علامتس تطالعين فيني كذا ادري اني حلو،
سما بضحكه استهزاء:ماهو وانت امس قلت لي الثقه الزايده مشي حاليه؟بعدين ايش الحاجه الحاليه الي فييك؟؟
سعود:ساعه قاعده تطالعين فيني والحين وش الحلو؟؟
سما:صح جالسه لي ابسرلك(اشوف لك) مش على جمالك لا!!مريعه (منتظره)لك اول ماتخلص البس عبايتي واخرج معك،
سعود:وش تخرجين معي على وييين؟؟
سما:اني داريه انك ع تسير المزرعه واني عد اجي معك،
سعود:اقول اهجدي ويين تروحين؟؟
سما بتقليد:تكففففى ي قره عيني خذني معك تكفى،
سعود:اسكتي ماني بأخذتس،
سما:جبرك جبرك شلني (خذني)معك جبرك،
طالع لها بقله حيله:البسي يلا،
سما:يووو جبرني الان اللبس،
لبست وخلصت وطالعت فيه كان قاعد يطقطق بالجوال انسحبت بهدوء لغرفه نور،
'
دخلت نور بالفطور وهي متفشله وكان منصور توه طالع من الحمام قاعد ينشف شعره لف لها ،
نور:جيت وديت لك الصبوح،
منصور:ي مرحبا ب أغلى من يروح وأغلى من يجي،
طالعت فيه وكان قاعد يضحك:هيا ماهو هاذا ليش تتجابر (تتكلم)معي هاكذا..وسكتت وهمست في نفسها:لا تتحاكوش (لاتتكلم)معي هاكذا تعال وبسر قلبي قد احسه ع ينكع(يطير)،
ناظر لها:ليه سكتي؟؟
فزت :مابه شي مابالا ليش تتكلم هاكذا؟
منصور بضحكه:انتي قلتي ليه ما اتكلم كلام حلو من الصبح؟؟لايكون الحين ماعجبتس؟؟
نور:ايوه ماعجبنيش ارجع مثلما كنت وبس،
منصور:ارجع للمقلب؟؟
نور:لالا ابسر(شف)لك حاجه ثانيه،
منصور:مافي شي،
نور:خلاص سعليك(لاتخاف)مش ع افتجع افعل ما اشتيت،
منصور:متأكده،
نور:لو تفعل لي مقلب مره ثانيه مانيش ع ابكي عد اقحصك ،
منصور:وش؟؟
نور:خلك مشنت داري احسن معابه الا اطبق لوما تفجعني،
طالع لها وضحك وهو مو فاهم الا نص كلامها،
نور:يلا فيساع اصطبح المحل مريع لك،
منصور:فيساع؟؟وش ذا ؟؟
نور:بسرعه،
منصور:شذا الكلام؟؟
نور:احسن من حقكم،
منصور:بالله ذا الخرابيط الي قاعده تقوليها احلى من حقتنا،
نور:ايوه احسن من حقتكم!!
منصور:تأخرت اسكتي خليني افطر،
نور:ليش ماسكه في حلقك ولا في يدك ايذنا بين اتحاكى في لقفي،
منصور:بنت ترجمي مافهمت عليتس،
نور:قلت ليه قاعده في حلقك ولا في يدك انا اتكلم بفمي اتمنا تكون فهمت؟؟
منصور:صبرك يارب ،
فطر وخلص ونزل متوجه للمحل وكان الجد قاعد بالحوش،
الجد:على وين ي ولد،
منصور:صبحك الله بالخير ي جدي المحل،
الجد:اليوم بروح انا انت رح المزرعه،
منصور:ليه ي جدي خلك ارتاح،
الجد:لالا بروح انا،
منصور:اجل دام كذا بطلع لعند سعود ونروح المزرعه،
الجد:في امان الله،
طلع متوجه للغرفه وشاف سما دخلت الغرفه وقعد يسمع من ورا الباب،
سما:بنت يلا يلا،
نور:وين؟؟
سما:اقنعت سعود نسير المزرعه على ميدش(عشانتس)ادري تحبي هوذا الاشياء،
فزت بفرح:منصدق؟؟
سما:ايوه يلا البسي بسرعه،
نور:بس مايسبرش اخطى(امشي)معاكم ومنصور مابشو(مو موجود) ،
سما:ليشش ،،
نور:عيب اثنين متزوجين سايرين (رايحيين)المزرعه يفضو راسهم شويه ماجي مفعل اني؟؟
سما:شندع لش مطرق الان(بسوي لك كف)ماهو هاذا مابتقولي يخوووو ي لغجه،
نور:مالش بين اتحاكى (اتكلم)منصدق ميسبرش(مايصير) وحتى منصور مابشو هنا (مو موجود)وكيف تشتيني اسير (اروح)وانا ما استأذنتش زوجي؟؟
سما:منيحين قدو زوجش وقد في رسميات المتزوجين ما تخرجي الا بأذن؟؟
نور:من هاذيك الليله وهو مايسخاش عليا بشي،
سما:اص اص للخرط(كذب)والبسي فيساع (بسرعه)نكلمه بعدين ونقول له احنا خرجنش معانا،
قاطعهم دخول منصور وهو مبتسم من كلام نور:خير شتبي لييه قاعده عند زوجتي؟؟
سما:بنت عمي قبل ماتقع(تصير)زوجتك،
منصور:بس الحين زوجتي،
سما:ابرد لك ذلحين نشتي نسير المزرعه،
لف لنور:بخاطرتس تروحين؟؟
نور:لا،
سما:ي بنت مايقع شي اذا جيتي معانا،
منصور:اذا بخاطرتس بروح معتس،
نور:وانت قلت ع تسير (تروح)المحل،
منصور بكذب:مستحيل اخلي شي فخاطرتس واذا تبين عيوني فدا ي شيخه،
حست بأحراج:جبرك ي حيدي،
ضحكت سما ونطق منصور:ووش؟؟
سما:ابرد لك خلها سر بيني انا وبنت عمي وذلحين البسي يلا،
نور:الان،
خرجت سما وبدات نور تلبس ومنصور منسدح على السرير يناظر لها كيف متحمسه:ليييه تبين المزرعه؟؟
لفت له :مدري احس بشعور حااالي لوما ابسر الغنم والنياق واتمنى تكون المزرعه مثل الي في بالي،
منصور:الحين وش قلتي قبل شويه،؟؟
نور:خلها سر مشو ضروري تدره(تعرف)،
منصور:لا يكون سبيتيني ترا شفتها تضحك،
ضحكت نور ونطقت:مدري؟؟
منصور:اجل لا تقولين لي ،
نور:هيا اخطى (امشي)واني ارجع اقولك بعدي مشو وقته(مو وقته)،
منصور:خلصتي،؟؟
نور:ايوه،
منصور:يلا مشينا،
دخلت سما الغرفه وناظرت لسعود،
سعود:وين رحتي؟؟
سما:سرت لعند نور،
سعود:لييه؟؟
سما:مشو ضروري تدره موضوع يخص البنات،
سعود:اجل يلا مشينا،
سما:يلا،
خرجو من الغرفه وشافو منصور ونور منتضرين عند الباب،
سعود:وين رايحين؟؟
منصور:جايين المزرعه معاكم،
سعود:ولييه؟؟
منصور:وانت قلت نروح المزرعه؟؟
سعود:ماقلت انا من قايل لكم؟؟
منصور:سما الحين جت وقالت لنا،
سعود وهو يلف لسما:انا بزور رضيت اني اخذتس وانتي رايحه تعلنين للكل،
سما:اسمع هاذي بنت عمي مسخاش عليها وبنت عمي ماتسخي على زوجها،
سعود: كان ناقص سلمى ومشاعل،
سما:صح نسيييت ضروري سلومه وشعلول،
سعود: تحركي يلا يلا تأخرنا بسبتس،
خرجو متوجهيين للحوش سما طالعت بالسياره وركضت لها:قسم بالله ما اطلع الا اني جنب زوجي قره عيني،
سعود:ياربي شذنب الي ارتكبته لين انبلشت فيتس؟؟
سما:لا تقولش ذنب قول ايش الحاجه الي فعلتها لوما ادالك ربي واحده مثلي وبعدين اخر قراري ماحد ع يطلع غيري،
سعود بحده:بنت ترا المزرعه جنب البيت ولييه السياره؟؟
سما وتقليد:سما حُرمه سعود تمشي بروجلها تخسى ماني خارجه الا بالسياره،
سعود:زين سويتي اقعدي بالبيت وحنا نروح المزرعه،
سما بضحكه تسليك وهي تمسك يد سعود:تشته تخطى (تمشه)من دوني أصلًا تيه(هاذي)الايام من يخرج بالسياره المشي صحه للأنسان،
نور:اخطي اخطي مكثر مجبرش (امشي مكثر كلامتس)،
سما:الله يقلع وجهش وانا فعلت تيه علميدش(فعلت هاذا عشانتس)،
نور:تمام ماقلنا شي اخطي فيساع(امشي بسرعه) ،
سما:يخووو ياربي،
مشو متوجهيين للمزرعه،
'
دخل غازي الغرفه فز حمد يحضنه:بابا اشتقت لك،
غسان وهو يمسح على راسه ويبوسه:اخخخ وانابعد اشتقت لك،ورفع نضره يناظر بأسيل:حتى انتي اشتقت لتس بعد،
ابتسمت بخفه وقال حمد:بابا ابي بقاله،
غازي:ابشر الحين اوديكم كم عندي حمد انا روح البس نعالك اغسل وجيك،
حمد بفرحه:ابشر،
خرج حمد يلبس نعاله وقالت اسيل:بشر؟؟
قام وحضنها بادلته الحضن بفرررحه وهي عرفت انه ربح القضيه،
اسيل وهي بحضنه:ابي افتخر فيك دايم،
بعد عن حضنها وباس جبينها:ابشري بعزتس وان شاء الله ما اخيب ضنتس ،
ابتسمت وهي تناظر فيه وكمل:بروح اغسل عشان اخذ حمد البقاله،
اسيل:اجل بطلع لك ملابس،
دخل المحام وبدئت اسيل تخرج ملابسه،
'
في المجلس كان قاعد ابو يحيى وام يحيى وفيصل وساره،
ابو يحيى:ساره بنتي علامتس متضايقه فيتس شي تبين شي حد مزعلتس بشي؟؟
لفو الكل يناضرو ساره الي توترت:سلامتك ي يُبه اشتقت ليمنى ودايم اجلس بالحالي،
ابو يحيى:وعلامتس ماتروحين عند البنات؟؟
ساره:مب مثل يمنى،
فيصل:بس هاذا الي مزعل خاطرتس ومنكد عليتس؟؟
لفت له:ايييي ذا الي مضايقني،
فيصل ناظر بعيونها ولف لابوه وقال:كذابه ي يُبه،
ابو يحيى:اهجد ي ولد شعرفك انت؟؟
ساره الي توترت ان فيصل كشفها،
فيصل:وانا صادق ي يُبه كذابه الحين هي زعلانه لانه يمنى تزوجت وهي لا ،
طقته ام يحيى بالمسبحه في راسه بشويش:ماتستحي على وجهك انت وكيف تتكلم كذا عن بنتي؟؟
ساره الي تنفست براحه،
فيصل:يُمه تطقيني علشان بنتس ذي؟؟
طقه ابو يحيى بالعصى وفيصل الي حس بألم وقال:حتى انت ي يُبه؟؟
ابو يحيى:بنتها ذي الي قاعد تتكلم عنها بنتي وكمان اختك ي قليل المروه،
ضحت ساره بقوه وناظر لها بطرف عين:اوريتتتسس هين،
ام يحيى:تخسى تمس بنتي،
ناظرت له ساره بأبتسامه نصر بادلها النظرات وقال بضحكه:امزح امزح ي يُمه علامتس تصدقين؟؟
ابو يحيى:الله يعلم متى بيعقل ولدتس ي سلوى،
فيصل:خلاص بعقل قرررريب،
ساره بضحكه:انت تعقل؟؟
فيصل:تقدرين تقولين مب اعقل بس قررت اكمل نص ديني،
ساره بعدم استيعاب:ها ها ومن بتقبل فيك ي الخايس،؟؟
ام يحيى بفرح:صدق ي وليدي ؟؟
فيصل بضحكه:اي ي يُمه،
ابو يحيى:زين حطيت عقلك في راسك وقررت،
فيصل:اي قررت بس ابيتس ي يُمه تدورين بنت الحلال،
ابو يحيى:بنت الحلال موجوده،
فيصل:من؟؟
ام يحيى:سلمى بنت عمك نبيل،
ابتسم فيصل بخفه وهو يدري انه من زمااااان من وهم صغار يقولون سلمى لفيصل وفيصل لسلمى:اجل دام كذا نكلم عمي ونشوف،
ابو يحيى:بكلم ابويا ونكلم نبيل،
دخل عليهم حمد وهو لابس نعاله،
فيصل:على وييييين ي والورع؟؟
حمد:البقاله مع بابا،
ساره:صدق خذلي اشياء معك،
فيصل:وانا خذ لي،
حمد:بخذ لساره لك لا،
فيصل:اماااا عااااد عيال اخر زمن اعقب ي ولد انا عمك،
حمد خرج لسانه:ننننننن منت عمي،
فيصل:هيييين اوريك ان ماذبحتك ماكون فيصل،
حمد بتقليد:هييييين اوريك ان ماذبحتك ماكون حمد،
فيصل الي قام يركض له:طب وقف ي حمد وذبحني يلا،
حمد الي ركض لعند جده:جدي قول لولدك ذا،
ابو يحيى:فيصل خلك من الولد،
فيصل:يُبه ابعد خلني اربيه،
حمد الي شاف ابوه وركض له:بابا شوف الخبل ذا يبي يذبحني،
غازي الي رفعه لحضنه:فيصل شفيك على الولد؟؟
فيصل:مايحترم عمه،
غازي:خله عمه اول يرزم عقله بعدين يحترمه،
فيصل:الشرهة مب عليك على الي قاعد يقول لك،
ضحكو الكل وقال ابو يحيى:ها ي ولدي شصار على القضيه؟؟
غازي بأبتسامه:ابشركم فزتها،
ام يحيى بفرح:الحمدلله الف مبروك ي ولدي،
ابو يحيى:الف مبروك ذا الولد الي نفتخر فيه مب زي الخبل ذا(فيصل)،
فيصل:افااااا انا خبل؟؟
ساره:لا شدعوه بس تحط عقلك بعقل بزر،
فيصل:شدخلتس انتي؟؟
ام يحيى بمقاطعه:اقعد تقهوى ي ولدي،
غازي:تسلمين ي يُمه بروح البقاله معى حمد،
فيصل:جيبو لنا معاكم،
مارد عليه غازي وهو يخرج،
'
عند سلمى ومشاعل الي طلعو عند البنات عشان نور تكمل تعليمهن للرقص بس ما شافو احد نزلين لعند ام سعود،
سلمى:يُمه وين نور وسما؟؟
ام سعود:شتبي فيهم،؟
مشاعل:نبيها تعلمنا،
ام سعود:خرجو الصباح،
سلمى:وييين؟؟؟
ام سعود:ما سألت ي بنتي،
مشاعل:الله يسامحتس يُمه كان عرفتي ،
سلمى:يأخذو زوجاتهم بس خواتهم لا،
مشاعل:شفيتس ي الخبلا ذول زوجات مب خوااااااات،
سلمى:حتى الخوات كان اهم،
ام سعود:تروحون لييه اذا يبغون يرتاحون شوي لازم تدخلو بالغصب،
مشاعل:كان يقول وحنا بنستحي وبنقول لا يعني اكيد ما بنرضى،
ام سعود:اذا خلصتن المطبخ نبي غداء،
سلمى:يُمه نبي خدامه،
ام سعود:ليه الخدامه وانا عندي بنات؟؟
سلمى:بس،
ام سعود بمقاطعه:بس يلا تحركين،
'
دخلو المزرعه وكانت نور تناظر لها بفرح،
منصور:تعالي بوريتس المزرعه،
سعود:منصور خله البنات وتعال ابيك،
ناظر له منصور بطرف عين،
نور:خلاص انت سير(روح)وانا عد اسير معى سما لوما (لين)ترجع،
راح معى سعود ونور وسما يتمشو بالمزرعه،
سما بغمزه:ايوه ي نور ايش هاذي الرمنسيه ،
ابتسمت وهي تناظر بسما،
سما:بنت لايكون قدش بتحنجيه(تحبيه،شفتهم يقولون كذا في يوتيوب🥲)،
نور الي صفعتها في راسها:مالش اتحاكي مثل الاوادم(الناس)،
سما:طيب فسري لي؟؟
نور:ما افسر لش؟؟
سما:الذي بقع (الي صار) بالغرفه؟
نور:مشنا داريه(ماني عارفه)،
سما:كييييف مشنتي داريه؟؟
نور:مدري،
سما وهي تضحك:والله انش بتحنجيه ولا عاد تخبي عليا وعلى نفسش بعدين حتى هو باين انو يحنجش خييييييرات(يحبتس كثير)،
نور الي ناظرتها وهي حاسه بشعور غيرب:خلصتي تحليلش؟؟
سما:ايوه خلصت وتأكدت انش تحنجيه وهو يحنجش،
نور وهي تحاول تناسي سما الموضوع:ابسري ابسري(شوفي) النياق بروح وانتي صوريني،
سما:تمام يلا،
مشت لعند واحده من النياق وسما تصورها،
سما:مالش اقربي شويه لجنبها،
نور:افتجع(اخاف)ترجع تلحقني،
سما:مشي ع تلحقش اقربي،
قربت وصارررت قرررريبه من الناقه وكانت خايفه وسما تصور،
نور:خلصتي،
سما:لا عباقي (لسى)شويه،
تحركت الناقه وفزت نور بخوف وابعدت شويه تحركت الناقه اكثر بأتجاه نور ،
بان عليها الخوف وهي ترجع ورا والناقه تتحرك لها ،
سما الي ناظرت لنور وكيف خايفه ماقدرت تمسك ضحكتها وضحكت بقوه ،
ناضرت لها نور:اوريتش كيف تضحكي ي بقره،
وركضت لها والناقه ركضت بعدها ،
سما الي كانت تضحك شافت نور تركض لها والناقه بعدها ركضت وبدئت تصيح:سعععععععوود سعووووووود الله يقلع وجهش لييييش جيتي لععععندي؟؟
نور الي كانت ماتدري تخاف من الناقه ولا تضحك على سما ولا تبكي على نفسها:وانتي ليييش تضحكي ي بقررره،
سما:اوريش سعععععععود،
سعود ومنصور الي كانو يشيكون على الحلال فزو بخوف وخرجو وشافو سما تركض ونور بعدها والناقه بعدها ضحك منصور لا شعوريًا:ي ربي شذا حتى الناقه يخافون منها؟؟
سعود:مافي عقل قسم بالله،
نور الي كانت تركض بخوف ماحست ع نفسها الا وطاحت للأرض وفزت بخوف تناظر الناقه الي وقفت يوم طاحت هنا حست بألم الطيحه وصاحت:ااااااااه الله يلعن شكلش ي سما،
ركض منصور وهو يرفعها ويمسح على عبايتها من الغبار:صار لتس شي يوجعتس شي؟؟
نور وهي تكبح الدموع:جرحت يدي ،
ناظر ليدها:تعالي خلنا نغسلها،
راحو واخذ منصور الماء وبدا يغسل يدها،
منصور:بالبيت اطهرها لتس واسوي لزقه في شي ثاني يوجعتس؟؟
نور الي كانت تحس بألم بركبتها بس هزت راسها بالنفي:لا مافي الا يدي،
منصور:زين ،بعدين ليه تخافين من ناقه؟؟
نور:سرت لعندها اشتي اتصور وما ابسرت الا ووجهها قدامي وفتجعت ،
منصور بضحكه:الحين حتى هي خافت شافتس تركضين ركضت معتس ،
نور:لو كانت ما فجعتني والله ماكنت عد اهرب،
منصور:جت جت صارت وراتس لا تتخركين،
فزت بخوف بدون ماتطالع ورها وتخبت ورا ضهره،
منصور ضحك بقوه:خلي معتس شويه عقل ي الخبله،
نور اقتهرت اكثر من منصور وقالت وهي ورا ضهره:عادي ارفع البرقع شويه؟؟
منصور:وش،؟؟
نور:النقاب،
منصور:ها عادي مافي احد،
نور الي كانت مقهوره منه ومن مقالبه ومن سما ومن الناقه رفعت النقاب وعظته بكتفه بقوه وقهر،
منصور بصرخ:ااااه شفيييتس ي المخبوله؟؟؟
نور:بالله عليك عدنا ناقصه مقالبك ؟؟بعديين قد قلت لك لو تفعل بي مقلب لقحصك،
منصور الي ضحك من وسط المه:الحين القصحه عظه ؟؟
ايوه:عظه،
منصور بألم:تهورتي على كتفي،
نور:تستاهل،
منصور:بتشوفين تحملين نتيجتس بنفستس ،
نور:وانت اتحمل نتيجتك بنفسك،
منصور بضحكه:تتحدين بعد؟؟
نور:ايوه اتحدي وياويلك يا سواد ليلك تفجعني مره ثانيه ،
منصور:بتشوفين ي الخبله،
نور:وانت بتشوف جروُي
منصور:وش؟؟
نور:لقبك الجديد،
منصور:طب وشو ؟؟
نور:اسم يناسبك،
منصور:وش معناه؟؟
نور:مشو ضروري تدره المهم اني بس والله يناسبك،
منصور:مب ناويه تقولين؟؟
نوري:معاد اقولش،
منصور:بتشوفي بخليتس بنفستس تقولين لي،
نور:وكيييف؟؟
منصور:بتشوفي،
طال السكوت وقال نور بتنهيده:اه ياريت واني باليمن اشتقت لها اشتقت لأهلي ودياري،
منصور قال بضيق: الدار دارتس منت طرقي ولا ضيف
هذي نفود أرضتس وهذي رياحتس،
نور بتنهيده:اها بس لو تبسر ايش به في داخلي،
منصور الي حاس الدنيا مش واسعته من ضيقه صدره كلما فكر انها بتروح اول ما يجي ابوها وتتركه وهو مايقدر من دونها ولا يعرف وش يسوي ونطق بقله حيله:شفي بداخلتس ؟؟
نور بتنهيده:قلب ومعده ورئتين وبنكرياس وحاجااات مثل هوذا،
منصور الي ناظر لها وضحك من وسط غصه،
نور:بالله ايش متوقع يكون داخلي غرفتين وصاله وحمام؟؟
زاد ضحكات منصور وناظرت له وضحكت معه،
وبعد نوبات ضحك فضيعه قال:والله انتس قتلتيني،
نور:لييش؟؟
منصور:شذا الحتسي؟؟منتضر تقولين قهر حزن ب الاخيره قلب و..
نور بضحكه:القهر مش حقي صح حزينه واشتي ارجع اليمن بس هنا مرتاحه والله وماشفت شي منكم ولين يجي ابي يسر خير،
'
عند سما بعد ما شافت نور طاحت والناقه واقفه تناظر لها خافت وراحت تخبت ورا سعود،
سما وهي تناظر ب منصور:ابسر كيف الواحد يفعل مش مثلك جالس تبسرني وتشته تأكلني،
سعود:شتبيني اسوي؟؟
سما:تعلم شويه من اخوك وبسر كيف الواحد يتعامل معى حرمه،
سعود:اقول اسكتي بس،
سما:وين جوالك ؟؟
سعود:ليييه؟؟
سما:عطني بالله بشغل اغنيه اعيش الجو،
عطها الجوال وشغلت اغنيه وبدئت تغني بهدوء وراحه وكان سعود يناظر لها ويناظر هدوءها صح تصير حلوه بس يحب جنانها يحب يشوفها وهي تعاند وتحط راسها براسه وتدخل الجو معه فز من سرحانه على صوت سما الي تقول:سعود عادي ابعد البرقع؟؟
سعود:وش؟؟
سما وهي تأشر على النقاب:هاذا ،
سعود:ها النقاب اي عادي مافي احد،
بعدت النقاب وطفت الاغاني وناظرت لسعود،
سعود:شفيتس ليه طفيتي؟؟
سما:طفشت،
سعود:لاحووووول توتس مشغلتيها؟؟
سما:قلت نتجابر(نتكلم) مثل الناس شويه،
سعود:انتي تتكلمي مثل الناس؟؟؟
سما:ايوه ليش ماينفع (مايصير) لي؟؟
سعود:طيب على وش بالضبط؟؟
سما:يعني كم عمرك؟؟
سعود:32
سما بشهقه:ماهوووو 32 يعني اني متزوجه من رجال شايب؟؟؟
سعود:ايي معى الاسف تزوجتي من رجال شايب،
سما:صدق عمرك 32؟؟
سعود:ايييه شفيتس ماصدقتي؟؟
سما:يا خي الي يبسرك(يشوفك)يقول العكس(23)،
سعود:مايفرق العمر المهم الشخصيه،
سما:بس لا تتكبرش ذلحين،
ضحك وقال:ليه وانتي كم؟؟
سما:21،
سعود اتسعت عيون بصدمه:صدق؟؟
سما:ايوه ايش فيك،
سعود بكذب:ابد الي يشوفتس يقول ام خمسه عيال،
سما:ماهو عادني صغيره وعادني بعمر الزهور ام خمسه عيال قال ههههههه ماتبسر شكلك صح،
سعود الي ضحك:اشوف وشايف عجوز قدامي انتي الي يحتاج لتس مرايه تشوفين وجهتس وشكلتس،
سما:مشاءالله عليك خفيف دم،
سعود بضحك:تعلمت منتس ي عجوز،
سما:حسبي الله طيب بسألك مره ثانيه ايش الاشياء الي تحبها،
سعود بتفكير:الاشياء الي احبها....احب جمعتنا انا واخويايا احب لمه العائله وحب اشعر (كان وده يقول واحب الهياط حقتس)بس مدري وش باقي لين اتذكر اقولتس ،
سما:لييييش انت شاعر؟؟؟؟
سعود:ايوه،
سما:قول قصيده قول امانه،
سعود:طيب لحضه افكر،
سما:مابش داعي تفكر ابسر صلايا(شوف لي)وقول القصيده،
سعود:تبيني اقول عليتس قصيده؟؟؟
سما:ايوه،
سعود:وش اقصد بالضبط؟؟على وجهتس ولا شكلتس ولا وش موب شايفه نفستس انتي بالمرايا؟؟
سما:يخوووو من حلاوه قصايدك معاد اشتيش ولاني بحاجه قصيده ادري اني حلوه واخذت فنجان القهوه تشرب وهي صاده تناظر للمزرعه،
سعود وهو يناظر لها بتمعن عشان يقصد فيها ويشوفها كيف تشرب وهي صاده وزعلانه ضحك وقال:لا تقهوت هي من زود الترفّ ذابت الحُمره على فِنجالها،
سما الي لفت تناظر له وعرفت انه قصد فيها بس مب فاهمه شي ابتسمت بتسليك،
سعود الي عرف انها مافهمته ضحك بقوه،
سما:خير ليش تضحك؟؟
سعود:سبيتك وانتي ابتسمتي،
سما بشهقه:احلف،
سعود:كذبت عشان اتأكد فهمتي بس طلعتي خبلا،
سما:ليش ايش قلت،
سعود:خلاص انتهينا قلت وقصدت فيتس مثل ما قلتي،
سما:طيب مافهمتها عطني واحده ثانيه،
سعود:خليها مره ثانيه، الحين خلنا نرجع البيت،
سما:يو مسرع،
سعود:وش تقعدين تسوين البيت مو ازين لتس،
سما:ولا عليك مايقع شي بجلس وبس،
سعود،طيب براحتس،
تفاعلكم يثلج صدري فلا تبخلو
حسابي تيك توك:a-wafa
حسابي انستا:a_wafa.18
انتهى🖱
نجمه تقدير لتعبي🤎..
