23
'قبل نبدا احتاج مساعدتكم في نشر الروايه ي الغوالي💗'
'
ام غسان:اسمع ي ولدي لازم تشوف لك حل مايصير زوجتك تخرج بذا الشكل وانت تدري ان اخوانك بها،
سيف:يمه تبيني امنعها؟؟
ام غسان:اذا ذا الحل الوحيد ايوه امنعها لانه حرام تخرج بذا اللبس،
سيف:مقدر امنعها ذي حياتها وحريتها،
ام غسان:بس ي ولدي هنا الديره مب امريكا لازم تتستر ولازم انت تخاف الله بنفسك وبزوجتك،
سيف بتنهيده:يُمه تدرين انها طول حياتها عايشه ب امريكا ودلوعه محد يقدر يمنعها بس اصبري عليا شهر بالكثير وبعلمها كل شي،
ام غسان:ان شاء الله،
'
رجع غسان من شغله دخل الحوش بس انصدم من الي قاعد يشوفه رجع بخطوط بسيطة لورا ، شاف بيلا الي كانت لابسه فستان ابيض قصير عاري الاكتاف وشعرها الا شقر منسدح على ظهرها وحاطه سمعات وتعني وتتمايل معى الاغنيه ، اخذ نفس وهو يناظر لها مد يده يرجع شعره لورا، وهو حرفيًا انصعق من المنظر الي قاعد يشوفه،
تقدم بخطواته للأمام يناظر شكلها عض على شفاته وهو يشوفها بفستانها العاري وكيف تتمايل وقال لنفسه:والله وسويتها ي سيف ما الومك يوم عصيت ابويا وتزوجتها وانا من صبح الله افكر بغيره منى طلعت من القنبله ذي اي والله قنبله وعرف سيف يختار،
صد بنظره دخل البيت بعد ماشبع وهو يناظر لها الي حرفيًا تخرفن فيها،
'
وقت الغدا في بيت ناصر،
ابو غسان:رح ي وليد نادي جدك للغداء،
وليد:ابشر ،
خرج متوجهه لبيت جده دخل وقال وهو يبوس راس جده:جدي يلا غداء،
الجد بضيقه:بروح عند نبيل،
وليد:بس ابويا يقول اناديك؟؟
الجد:اجل قل لأبوك ذا مانيب جاي بيته،
وليد:الله يهداك ي جدي مايصير كذا،
الجده:محنا بجايين وقل لأبوك اذا بغانا نجيه يخرج الساقطه من بيته،
وليد:بس..
الجد بمقاطعه:يلا يا ام ناصر مشينا،
الجده:مشينا،
رجع وليد وهو ضااايق والكل كان ينتظره،
ابو غسان:وين جدك ي ولد؟؟
وليد:يقول موب جاي لين تخرج الساقطه،
ابو غسان الي تضايق:زين زيننن اقعد تغداء،
قعد وليد وقام سيف الي حس بالغصه على نفسه،
محسن:ي هوووو على وييين؟؟؟
سيف:مالي نفس،
كملو اكلهم احترامًا للنعمه وسيف الي خرج لغرفته وشاف بيلا على جوالها،
'
دخل الجد بيت نبيل،
نبيل:ي مرحبا ليه تأخرت ي يُبه اقلطو اقلطو دخل الجد للمجلس وقدمو الغداء وبعد الغداء جو البنات يتقهوون ويسولفون،
الجد:شفتكم مشيتو الصباح رحتو المزرعه؟؟
منصور:ايوه ي جدي مشينا المزرعه،
سلمى طالعت بـ نور وسما:حسسافه علكم تطلعون بدوني؟؟
مشاعل:مافي احد ذاكرنا بس تمممون تمووون،
سما:اشكري الله انش ماجيتي،
سلمى:ليه؟؟
سما:لحقتنا الناقه وطاحت نور وعورت نفسها،
مشاعل:صدق؟؟
نور:عادي مشو كبير،
نبيل:وشوله تلحقتس الناقه؟؟
منصور:والله مدري ي يُبه شصار عليها اليوم بس عدت على خير،
الجد:الحمدلله عدت على خير،
ام سعود:منصور ي وليدي منقصين أغراض للمطبخ،
منصور:ابشري ي الغاليه بس سجلي الي تبغينه وبروح اجيبه،
سلمى:سجلنا كل شي وهاذي الورقه،
اخذ منصور الورقه ونسحبت نور بهدوء لغرفته لاحظ منصور وراح بعدها،
،
سيف الي دخل الغرفه وقعد على الكنب وهو يمسح وجهه،
حطت بيلا الجوال وناظرت له:سيف مابك؟؟
سيف:لا شي،
بيلا:هل انت مُتأكد لا اضُن انهو كذالك؟!
سيف بأبتسامه تسليك:لا تخافي ي عزيزتي ليس هُنالك شي،
بيلا بأبتسامه:حسنًا إذًا دام لا يوجد شي أُريد ان اتسوق لم اخرج من البيت منذُ ان اتينا من الولايات،
سيف:حسنًا هيا بنا فل تلبسي فستان طويل وساتر،
بيلا:حسنا انت لا تخف،
'
سعود:اجل وانا بخرج سلام،
الكل:وعليكم السلام،
خرج سعود بس قبل يخرج لحقته سما:وقف وقف،
لف لها:سم،
سما:لعدوك، المهم لا تخرج ذلحين ريع(انتظر)لوما(لين)اشوف الطريق،
سعود:مافي احد ،
سما:لا لا ريع (انتظر)،
خرجت وقعد سعود على الباب ومثل ما توقعت شافت بيلا،
سما:ي هانم ادخلي لو سمحتي زوجي يشتي يخرج،
بيلا:انني انتظُر زوجي أيضًا سنذهب لكي نتسوق،
سما:حسنا فل تقفي جانبًا لكي يخرج،
بيلا:انني فتاة مثلُكي فدعيه يخرج لن اكُله،
سما:لا أُريده ان يراكي انقلعي الى حيث ستذهبين،
بيلا:سأذهب لا اتسوق فزوجي يسمح لي دائما ليس مثلُكي ،
سما بضيقه:ماينفعش معش الاحترام ،
صدت ورجعت للبيت خرج سيف واخذ بيلا وخرجو،
سعود:علامتس؟؟
سما:مافيني شي،
سعود الي سمع كل الكلام:تبغين تخرجين تتسوقين ولا تروحين مكان ثاني؟؟
سما:لا
سعود:متأكده؟؟
سما بدون ماتحس على نفسها:ايوه متأكده بجلس هنا احسن من اي مكان بوجودك ووجود العائله ارتاح والله،
سعود الي ناظر لها ويبغى ينسحب:اجل خاطرتس،
سما حست على نفسها وضحكت:طلع يستحي،
،
انسحبت نور من المجلس وطلعت للغرفه يوم حست بألم بركبتها دخلت وجلست على السرير رفعت بنطلونها تناظر الجرح وكان صغير بس في وجع اخذت المطهر ورجعت للسرير رفعت بنطلونها دخل منصور ، نزلت فستانها وطالعت فيه،
عقد حواجبه:شفيتس؟؟
نور:ولاشي،
تقدم لها:شفيها رجلتس توجعتس؟؟
نور بتوتر:لا ماتوجعني ،
منصور:وريني،
اتسعت عيونها بصدمه:ايش اوريك؟؟
منصور:وريني رجلتس خليني اتأكد يلا،
نور:بس...
منصور:نور شفيتس بشوف جرحتس بس خليتس على طبيعتس،
نور الي زاد توترها وهي تدري ان منصور مستحيل يتركها لين يشوف الجرح ويتأكد ، رفعت فستانها بقله حيله وقالت:ها ابسر قلت لك مشو كبير،
منصور الي اخذ المطهر وبدا يطهر ويعقم لها الجرح بشويش وينفخ فيه ، ناظرت له كيف كان يطهر جرحها بشويش وينفخ فيه وهي تحب تناظر حنيته تحب حنيته الي تطلع لها تحب تشوفه خايف عليها ويهتم فيها صح يسوي فيها مقالب بس هاذا ماينكر انها تحب كُل شي فيه، قاطع تفكيرها منصور وهو يقول:انا قايل لتس بالمزرعه يوجعتس شي قلتي لا ليه ماقلتي على ذا الجرح؟؟
نور بكذب:ماحسيتش بوجع بالمزرعه الان حسيت وقلت اشوف طلع جرح خفيف،
نزل لها بنطلونها بعد ماسوى لزقه وقال:حتى لو خفيف مالازم تستخفين ضروري تطهير ، بعدين عطيني يدتس اطهر الجرح،
ناظرت ايدها:مايحتاج،
طالع لها بطرف عين وسحب يدها وطهر لها الجرح،
منصور:خلصنا اذا صار شي مره ثانيه تكلمي ولا تسكتين،
نور:طيب،
منصور:اجل يلا البسي وخلنا نطلع،
فزت بفرح:وييين؟؟
منصور:نجيب أغراض للمطبخ ونتسوق نغير جو يلا احتريتس بالسياره،
خرج ونزل السياره يحتريها ، لبست عبايتها وهي من فرحتها الدنيا موب ساعتها خلصت ونزلت وحرك منصور السياره لف لها:اشوفتس متحمسه،
نور:حماااااس بخرج اغير جو شويه واشوف السعوديه،
منصور:اوريتس الحين أشياء حلوه،
نور:شغل لنا حاجه نسمع،
شغل منصور وابتسم من سمع سامري ماقدر يمسك نفسه ولف يناظر لها،
نور بأستغراب:ماهي (وش)هاذي من اغنيه؟؟
منصور:سامري سااااامري ماتدرين انتي؟؟
نور:لا ما اعرفها،
منصور:اجل اسمعين،وبدا يغني بكل حماس وبكل احساسا،يا نّاس راعي المحبه لا تعذلونه،
ماهوب عن صاحبه داله ولاسالي،
لو يسهر الليل كله لا تلومونه،
الحُب بلوى ماني باول ولا ثاني،
الاغنية كانت كفيله انها تطلع كل المشاعر الي بقلب منصور لـ نور الي ماقدر يخرجها قدر يقولها بـ الاغنيه حرفيًا تجسدت كل مشاعره بـ هل الأبيات ونور الي اول مره تسمع شي مثل كذا بس استانست حييييل من السامري والكلمات الي اثرت فيها وبـ الاخص من تسمعها من ثغر منصور ،
نور:حلوه حلوه والله شغل واحده ثانيه،
منصور:ابشري،
شغل ومنصور يضحك ويغني معى السامري ونور تسفق وكان طريقهم مليااااان حياه ملياااااان حُب مشاعر فايظه وابيات السامري المعبره عن الف شعور،
'
عند آمال إلي بدأت أعراض الحمل تظهر عليها وكانت تعبانه حيل دخل يحيى وهو يناظر لها وكان فرحان انه اخيراً بيصير اب بس يشوف تعبها وما يقدر عليها تقدم لها:حبيبتي شفيتس؟؟
آمال بتعب:غثيان ونفسيتي تحت الصفر،
يحيى:خاطرتس في شي؟؟ تبغين شي؟؟
آمال:لا ولا ابغى شي،
يحيى:طب شرائيتس نخرج نتمشى شوي وتعدلين من نفسيتس ؟؟
آمال:اذا نفسيتي بتتعدل يلا،
لبست وخرجت وحرك يحيى وهو ماهوب عارف وين يروح،
آمال:ودني مكان مافيه احد ،
يحيى:ابشري تبغين شي ثاني؟؟
آمال:ايييي ابغى غزل البنات،
يحيى بضحكه:غزل البنات ليه بزر انتي؟؟
آمال بضحكه:مدري اشتهيته ي يحيى،
يحيى:ابشري بعزتس واذا تبين عيوني فدالتس ي عيوني انتي،
آمال:فدا عيونك انا ي جعلني ما انحرم من وجودك ي بعد حيي ومميتي ،
يحيى وهو يبوس يدها:ولا منتس ي عيوني،
'
سلمى:اخذتي السماعة؟؟
مشاعل:ايوه يلا،
طلعو وطقت مشاعل الباب وفتحت سما وهي حاطه يدها على خصرها:خير ايش به معانا؟؟
دفتها سلمى من الباب ودخل:مانبيتس انتي نبي نور وينها؟؟
سما وهي تدخل بعدها:نور مابشي،
مشاعل:وش؟؟
سما:مثل ماتقولو نور ومو فيه،
سلمى:وييين؟؟
سما:مدري الصدق طلعت وماشفتها،
مشاعل:شكل منصور اخذها معه،
سما:ايوه اكيد،
سلمى:كان ابيها تكمل تعليمنا،
سما:لا تفتجعي(تخافي)سما موجوده بعلمش اني،
سلمى:اقول اسكتي بس بالناقص اخليتس انتي تعلميني،
سما:ليش مً يقع اذا علمتش قد علمتني نور شويه حركات اعلمش،
سلمى:الحركات الي علمتس عليها نور علمتني انا بعد ف لا تتعبين نفستس،
سما:عادي اعلمش البرع احسن لش من الهز،
سلمى:ما ابغى برع بالغصب،
سما:يخوووو على عائله كلها نفسيات،
مشاعل:خرجيني من قائمه النفسيين موب مثلهم انا،
سما:صح انتي صادقه مش مثلهم نفسيات،
سلمى:خلاص عرفت اني نفسيه،
سما:والله مسكين الي ع يتزوجش،
مشاعل:ههههههههه يكون يجي يتكلم معها تقول انطم،
سما بتقليد سلمى:اقول اسكت بس بالناقص كلامك انت،
ضحكت مشاعل بقوه وسلمى ماقدرت تتحمل شكلها وضحكت،
سلمى بضحكه:بس حبيبتي انا ما اسوي براطيمي مثلتس،
سما:ماتبسري وجهش ولا انتي تفعلي هاكذا،
سلمى:لا تكذبين ما اسوي كذا انا،
سما بغمز لمشاعل:مشاعل تسوي كذا او لا،
مشاعل بكذب:اييي سلومه تسوين كذا،
سلمى:تخسى اني اسوي مثلها،
'
في بيت نعمان،
ملاك:يُبه بغيت اخرج طفشت بالبيت،
ابو ملاك:روحي عند البنات غيري من جوتس،
ام ملاك:كلمتها تقول مابغت تروح،
ابو ملاك:افا لييه؟؟
ملاك:يُبه ما ابغى اروح عند ذوك النفسيات ما ابغى،
ابو ملاك:ليه مسوين فيتس شي؟؟
ملاك:لا،
ابو ملاك:طب ليه ماتبين؟؟
ملاك:مدري احس اقعد بالبيت بالحالي افضل،
ام ملاك:ترا حلوات ي بنتي فرفوشات،
ملاك:يُببببه قلت بغيت اخرج موب اروح عند البنات،
ابو ملاك:مقدر الحين بعدين اخذتس،
قامت وهي معصبه:اجل لاعاد تأخذني ما ابغى،
دخلت غرفتها وصكت الباب بقوه،
ابو ملاك:بسم الله شفيها بنتس ذي؟؟
ام ملاك:عاد انت تعرف حالاتها المعتاده موب جديده علينا،
ابو ملاك:لا حول ولا قوه الا بالله،
'
مر الوقت وصار وقت الغروب ونرجع عند ابطالنا بعد ما تسوقو واخذو كل شيء يحتاجوه وهم بالسياره راجعين،
منصور:ها استانستي؟؟
نور:استانس الا طايره فرح،
منصور:اجل دام بشوف ابتسامتس ذي بخرجك كل يوم،
اكتفت ب ابتسامه وهي منحرجه وصدت تناظر من الشباك وبعد دقايق وقف منصور السياره بمكان مافيه احد بطريق السفر يناظر غروب الشمس،
نور:ليش وقفت ؟؟
منصور:انزلي،
نزل منصور ونور الي استغربت ونزلت معه بس انصدمت من المنظر وضحكت لاشعورياً وهي تناظر غروب الشمس والهدوء الي يحُبه قلبها حرفيًا كان اسعد شي سواه لها منصور اليوم ناظر لها كيف استانست من المكان وابتسم لا شعوريًا وهو يحب يشوف ابتسامتها وغمازتها الي توديه لعالم ثاني اخذ نفس وهو يناظر فيها وقال:حبيتيه؟؟
لفت له بأبتسامه ساحره قلبه:منصور الجمال هاذا وماتشتاني (ماتبيني) احبه؟؟
اخذ نفس طويييل وهو يناظر فيها عجز يبعد عيونه عنها وقال:اذا تبين شي ثاني ابشرين به،
نور بعدم وعي:بالله ايش عاد اشتي بعد هاذا غروب الشمس ووجودك؟؟
ابتسم ابتسامه وسسسيعه من سمع اعترافها الغير مباشر وهو للان يناظر لها كيف تفشلت وموب عارفه شتسوي،
ناظرت له وهو قاعد يناظرها وابتسمت بأحراج،
منصور:معتس عيون صغيره واذا ابتسمتي تختفي وتظهر خدودتس وغمازتس اصفن بجمالتس وسأل نفسي كيييف بنت مثلتس قاعده معي فمكانتس جوار الغروب،
تفشلت اكثر من كلامه وحست بأحراج شديدًا توترت ومب عارفه شتسوي صدت وناظرت ب الأرض تلعب برجولها،
منصور بضحكه:شفيتس متفشله تراني صادق بكلامي،
ماردت عليه وهي تلعب برجولها وتحس بمغص،
منصور:لييييه ماتتكلمين؟؟
نور رفعت نظرها له وصدت :ايش تشتاني (وش تباني)اقول؟؟
منصور:مدحتس انا الحين باقي دورتس ولا مافي شي فيني يستاهل مدحتس،
نور بنفسه(اني امدحك ايش امدح بالضبط حنيتك الي احبها ولا كلامك الي المعسول ولا شكلك الي ساحرني ولا ايش بالضبط)نور:مقدر امدح احد،
منصور:افا لا تخافين انا موجود بعلمتس،
نور بنفسه(اخرتها اتعلم من كلامك المعسول)
طال السكوت وهم يناظر الغروب قطعه منصور الي قال:مشينا؟؟
نور:يلا،
ركبو السياره وكملو طريقهم وبعد مرور الوقت وصلو،
عند الجد الي كان قاعد بالحوش وعياله معه دخل منصور وهو يرد السلام ونور دخلت البيت،
الجد:زين جيت بوقتك،
منصور الي قعد جنب سعود وفيصل:ليه شصاير؟؟
الجد:في شي بتكلم فيه بعد ما قررت انا ونايف،
ابو غسان:نسمع ي يبه سم،
الجد الي لف يناظر لنبيل:جاي وطالب يد بنتي سلمى لولدي فيصل على سنه الله ورسوله،
عم السكوت ينتظرو رد نبيل،
نبيل بعد تفكير:هاذي الساعه المباركه وين بشوف لبنتي شريك احلى من فيصل بس خلني اخذ رئيها،
الجد:خذ راحتك،
منصور بهمس لفيصل:والله ونويت،
فيصل بنفس الهمس:تبي تتزوج انت وانا لا؟؟
منصور:ابد خذ راحتك مسكينه اختي بس،
سعود:بروح اقنعها واخليها ترفض،
فيصل:شفيكم علي لا توقفون بوجه مستقبلي،
منصور بضحكه:موب نوقف قاعدين نصلح عشان مستقبلك يكون احلى،
فيصل:راضي انا لا تدخلو انتم،
سعود:بس انا موب راضي على اختي،
فيصل:قم شف اختك راضيه او لا،
منصور:بجي معك واخليها ترفض،
فيصل:اقول اهجد ي ولد،
ضحكو على فيصل ومشو متوجهين للبيت،
'
وصلت نور ودخلت المجلس:السلام عليكم،
الكل:وعليكم السلام،
سما:اخيراً شرفتي وين كنتي من الضهر،
نور:ايش دخلش خرجت معى زوجي عندش مانع؟؟
سما:ايوه ليش ما شليتوني(اخذتوني) معاكم،
نور:هاكذا،
سلمى:طيب وين رحتو؟؟
نور:جبنا اغراض المطبخ،
مشاعل:وليه تأخرتو؟؟
ام سعود:علامكم على البنت خلوها في حالها،
سلمى:ماقلت شي انا سؤالي من باب الفضول،
قاطعهم دخول نبيل ومنصور يصارخ من ورا الباب:يُمه ادخل،
لفت للبنات يتغطين:اييي ادخل ي ولدي،
دخلو وردو السلام وقعدو،
ام سعود:وش يبي عمي ي نبيل,
ابو سعود:جاي وطالب سلمى لـ فيصل قلت اجي واشوف رئيها،
بردت اطرافها وحست بتوتر ماكانت متوقعه الخبر كذا،
ابو سعود:ها يبنتي شرئيتش تدرين لوكان شخص غير فيصل كان رفضت بس فيصل ماشاءالله عليه رجال والنعم فيه،
سعود:لوما كنت اعرف فيصل كنت برفض قبلتس بس اعرفه وادري مافي احلى منه زوج لتس،
سلمى بتوتر:اذا انتم تشوفونه مناسب ف انا بعدكم،
منصور:يعني نقول مبروك،
سلمى بهمس:مبروك،
ابو سعود:اجل على بركه الله مبروك لتس ي بنتي،
عم الفرح والكل يبارك لسلمى ونفس الشي من بشرو الجد ان سلمى موافقه الكل يباركو لفيصل وفرحانين وفيصل الي ع يتشقق من الفرحه،
الجد:اجل مبروك ي ولدي ومتى تبي العرس؟؟
فيصل:لا نستعجل لين نخلص امورنا على مهل،
ابو سعود:بعد شهر يناسبكم؟؟
فيصل:ايوه،
ابو يحيى:اجل الملكه والعرس بنفس اليوم،
ابو سعود:على بركه الله،
'
صباح يوم جديد على أبطالنا صباح اطهر يوم في الاسبوع صباح يوم البركه والخير صباح اليوم الأحب لقلوب الجميع صباح «يوم الجمعه» صحت نور وفتحت البرادي و الشبابيك دخل ضوء الشمس معى نسيم الهوى البارد ابتسمت بخفه وهي تشوف منصور نايم اخذت لها ملابس ودخلت غيرت ورجعت اخذت مصحفها وقعدت على السرير وبداءت تقرأ سوره الكهف النور بين الجمعتين،
صحى منصور وشاف حال الغرفه وعطرها الي معبي الغرفه ابتسم وهو يشوفها قاعده تقرأ تحرك لها وحط راسه على كتفها وبداء يقرأ معاها ،
حست بتوتر وكل همها تخلص القراءة عشان يبعد،
بعد دقايق خلصت قراءة حطت المصحف على الطاوله ولفت لمنصور الي كان على حركته،
نور:منصور خلصنا،
مارد عليها وقاعد على حركته،
نور الي مسكت كتفه وهي تهزه :منصور منصور،
طاح من حضنها لسرير،
نور الي تهزه بخوف:منصور منصور ،
اخذت ماء وبدئت ترشه فز منصور برعب:شفييييتس؟؟؟
نور:انت الي ايش فيك؟؟
ضحك منصور وهو يسحبها لحضنه بهدوء،
نور توترت وهي تشوف يدينه على خصرها وراسه قريييب من رقبتها لدرجه تحس بأنفاسه الحاره:منصور ايش فيك ابعد،
منصور:حطيت بس راسي على كتفتس دخلت عالم ثاني قلت اجرب انام وانتي بحضني،
تجمدت بمكنها بخوف مخالطه شعور غريب ماقدرت تحدد شعورها قعدت بهدوء وهي ماتحس الا بأنفاسه،
طق باب الغرفه وفزت نور بخوف وفرح انها بتفتك من منصور تركها وقامت تفتح :سلومه هلا،
سلمى:ياربي منصور للحين نايم؟؟
منصور الي لف لها بأنزعاج انها خربت عليه:شتبي من صبح الله ازعاج ؟؟
سلمى:مابيك بشي بس الوالدة تقول انزلو للفطور،
نور:تمام شويه وننزل،
سلمى:يلا سلام،
قفلت الباب وناظرت لمنصور:يلا قم غسل بسرعه،
منصور:خرجي لي ملابس،
نور:تمام،
'
عند سما بعد ماخلصت سوره الكهف اخذت لها ملابس ولبست وجهزت البخور منتضره سعود يخرج من الحمام يتبخر وينزلو للفطور،
خرج سعود والمنشفه محاوطه خصره لفت له سما وهي تقول:يلا فيساع (بسرعه)تعال اتبخر...سكتت وهي تناظر شكله كيف خرج وهو بذا الشكل وشعره ولحيته المبلله حرفيًا منضره قدر يأسر سما ولأول مره تحس بأحراج وخوف من شكل سعود الي دايماً تتهاوش معه صدت للأرض بهدوء،
ابتسم وقال:شفيتس ليه سكتي؟؟
سما وهي تناظر ب الأرض:ولاشي قلت تعال اتبخر،
سعود:وليه تناظرين ب الأرض ولا انحرجتي ؟؟
سما وهي تمثل القوه ناظرت له:لا بس ما اشتي ابسرك هاكذا وبعدين مافيش معاكم حمامات ليش تخرج بهاذا الشكل؟؟
سعود وهو ينشف شعره:ليه شفيها غرفتي وانتي زوجتي،
سما:حتى لو لا تخرج بهاذا الشكل،
سعود بأبتسامه خبث:ليه؟؟
سما وهي تقول بنفسها(استغفر الله العضيم وعادو يسأل بالله هاذا الشكل وعادو يشتي يخلي معي عقل):ولاشي غرفتك وانت اخبر امسك تيه(هاذي) المبخره البس سع(مثل)الناس وستر نفسك وتبخر ولحقني امك قالت بسرعه صبوح،
مشت بتخرج من الغرفه بس مسكها سعود وحط يدينه على الباب وحاصرها
سما:خير ايش فيك ابعد،
سعود:بغيت اتأكد اذا انحرجتي او لا بس شكلتس انحرجتي يلا روحي،
وبعد عنها وراح يلبس،
سما:ماهو اني انحرج منك ليش؟؟
سعود وهو يلبس ثوبه:مدري،
سما الي حرفيًا طاحت بدون مايسمو عليها:من ايش انحرج ما انت زوجي او بين اكذب انا غير عاد اخرج علميد اسير ابسر عمتي(بخرج عشان اروح اشوف عمتي)؟؟
لف لها بأبتسامه عذبه:يعني زوجتس خلاص جهزي...
سما بمقاطعه:اجهز ايش انت والتفكير الوسخ هاذا؟
سعود ضحك على تفكيرها وقال:والله تفكيرتس انتي الوسخ كنت بقول جهزي البخور من جديد خلصت لبسي،
سما الي تفشلت بقوه من تفكيرها:اها تمام بجهزها،
سعود الي يضحك:بوش فكرتي ؟؟
سما وهي تجهز البخور:ولاشي ،ها امسك المبخره،
سعود:خليها في يدتس،قرب لها ورفع طرف شماغه يتبخر خلص وقال:وين لسانتس اليوم منتي بالعاده ساكته كذا،
سما بنفسه(وليش انت عد خليت معي عقل بشكلك هاذا؟):ولاشي اني دائمًا هاكذا هادئه،
سعود بضحكه:اجل ي الهادئه مشينا،
سما:يلا،
نزلو شوي ونزل منصور ونور ودخلو وكان البيت مليااااان حياه ريحه القهوه المختلطه معى ريحه البخور وسوره الكهف النور بين الجمعتين وسلمى ومشاعل يجهزون الفطور حرفيًا اجواء يحبها قلبي😭،
'
بعد مرور الوقت صارت وقت الخطبه والكل خرجو للحوش متوجهين للجامع والحريم يجهزون الغداء،
بعرفه محسن كانت اثير قاعده تبخره دخل عبدالله وهو يقول:ماما وانا وانا بخريني،
اثير بأبتسامه:تعال تعال ي حبيب ماما،
محسن:وش هالزين ي ولد طالع لأبوك،
عبدالله وهو يهز راسه بالنفي:لا طالع طالع لأبوك،
محسن بضحكه:ماتبي تشبه ابوك؟؟
عبدالله:والله اني بغيت اني اشبهك بس معى الأسف الكل يقول اني اشبه ابوك،
اثير:يازينه ولدي الي يشبه جده،
طاح عليه العقال وقال:بابا ليه حقتي موب مثل حقتك؟؟؟
محسن:مثلها لا تخاف،
عبدالله:طب ليه حقتي يطيح موب مثل حقتك يقعد بمكانه خله مثلك،
محسن:تعال،
تقدم له عبدالله وثبت له محسن العقال وقال:الحين تمام،
عبدالله وهو يناظر شكله بالمرايا:اييي كذا الواحد يسوي موب مثل ابوك ماثبتها ،
محسن:متى بتحط عقلك براسك ذا جدك جدك افهم،
عبدالله:طب بسألك ليه ابوك ماسوى لي مثلك؟؟؟
محسن وهو يناظر له بطرف عين:من؟؟
عبدالله:ابوك،
محسن:ومصُمم بعد،
اثير:علامك على الولد،
محسن:خلك محترم وقول جدي موب ابوك،
عبدالله:امااا جدي؟؟؟
محسن:ايوه جدك،
عبدالله:اجل بروح امشي معى ابوك،
محسن:وش قلت انااااااااا،
عبدالله ضحك وهو يركض لعند جده،
محسن الي لف لأثير:ولدتس ذا يبي تربيه من جديد،
اثير:انت تدري انه مايشوف الا جدك ويعتبره الجد الوحيد اما عمي يقول له ابوك،
محسن:ولين متى بيقعد يفكر كذا؟؟
اثير:خلك من الولد لين يكبر بيفهم،
محسن:زينن بروح الحق على الخطيب،
اثير:الله معك،
خرج للحوش وشاف الكل متوجه للجامع مشى لعند جده وهو يبوس راسه،
عبدالله وهو بحضن الجد يعقوب:جدي شف ابويا بغاني اقول على ابوه انه جدي،
ناصر بضحكه:وانا جدك ي ولد،
عبدالله وهو يقول للجد:جدي قل لولدك ذا يبي يأخذ مكانك،
الجد بضحكه:هو جدك وانا جدك،
'بالنسبه للي يقولون طولي البارت قبل كنت اخليه16 الحين صرت اخليه 35 '
انتهى🖱
لا تنسوووون النجمه تقدير لتعبي🤎..
