25
'
نصفُ جمال الإنسانُ لِسانه ، فأحسنوا الحديث،
'
بعد طريق طويل وصلت العائله، والشباب يجهزون المخيمات(مخيم للحريم-مخيم للعيال) بعد ما خلصو قعدو وكان فيصل يشُب النار ومنصور يصب القهوه للفناجيل وكانت الساعه حوالي 12 الليل وكان الجد وعياله دخلو نامو والعيال تجمعو على النار وبدئت سوالفهم،
والحال نفسه عند الحريم الجده والامهات نامو والبنات تجمعين وسلمى شبت النار، وختلط نسيم الهواء البارد معى رائحه القهوه والنار وكانت الاجواء عابره بضحكات تخرُج من القلب في الأمسيه الحنونه الي يتلاشى بعدُها كُل هم ،
'
فيصل:خلونا نسوي فعالية ولا ايش شي نتسلى،
وليد:وش نسوي؟؟
منصور:نلعب شرئيكم؟؟
غازي:وش نلعب؟؟
منصور:نلعب 'تأليف القصه'
محسن:وش ذي من لعبه؟؟
منصور تعدل بجلسته:اللعبه كـ الاتي 'اكبر واحد فينا يبدا بروايه قصه ،ولازم اللاعب الي بعده يكون مركز لان اللعبه ذي تعتمد على السرعه في التأليف، ولازم يكون السرد مطابق معى سرد اللاعب الاول'
سعود:احس صعبه،
غازي:لا والله حلوه خلونا نرتب،
منصور:برتبكم،غسان-يحيى-سعود-محسن-غازي-منصور-وليد-فيصل-سيف،
سعود:يلا ابدا بالقصه ي غسان،
'
عند البنات،
سلمى:بنات الي عندها شي تقول ولا مواهب تغني يلا اتحفونا،
رهف:تكفييين كله الا الغناء موب ناقصين اصوات النشاز،
ساره بضحكه:شفييتس احتمال واحده صوتها حلو،
اسيل:شرئيتس تغني لنا ي سما،
سما:احممم اخاف تنهبلون،
آمال:لبيييه والغرور،
اثير:خفي علينا شوي،
سما بضحكه:امزح امزح ابردو (طنشو)لكم مني خلو نور تغني،
مشاعل:نور غني نبي نسمع الأغاني اليمنيه،
نور:اني وسما يمنيات ليش ما تغني سما،
سلمى بضحكه:تكفييييين كله الا سما،
سما بتقليد:لييييه شفيني أساسًا ماني بمغنيه لكم اخاف على صوتي،
نور:اقول اسكتي وخلي صوتس مانبي نسمعه،
سما:والله واقتلبنا سين وحركات،
رهف:والله حلوه خليتس تتكلمين مثلنا،
ساره:بنت خليتس على السين احلى،
سما:لا تغلطي على لهجتنا،
ساره:ما اغلط بس لهجتكم شويه صعبه،
اماني:لا تغيرون السااااالفه نبي نور تغني،
مشاعل:ايوه صح غني،
اعتدلت بجلستها بدئت تغني بتنهيده:قـلبي اشتـاق لـ أهلي والأحباب والبيييييت اااااه لو ليت تنفع كنت باقول ياليييييت،
كملت ودخلت سما معاها:ليتنننني طيييير لاضــاقت علي المدددن طارت رجعععععونني بلادي قلبييييي اشتااااق له كاااااااااام،
خلصت والكل صفقو لهن،
مشاعل:ياليلااااااه،
ساره:ي ربي مررررره تهببببل،
سلمى:شذا الإبداع تجنن مره،
رهف:وانا معتس الصدق فازت الاغنيه بقلبي،
اسيل:تتمنون ترجعون اليمن؟؟
نور:اكييييد من م يشتي يرجع دياره او تبسري(تشوفي)كم قدنا فاقده لها؟؟
آمال:ليييه ماحبيتو السعوديه؟؟
سما:مشي قصه حُب بس الواحد بدياره غير الصدق،
مشاعل:يعيني لو جت فرصه بتروحون؟؟
نور:ايوه،
سما:بالله عليش قدي الفرصه تجي لعند رجلش وعادش تجزعيها (تروحيها)لاوالله ماتجزع (ماتروح)من يدي،
ساره:مانبي ذي الفرصه تجي عشان ماتروحون تعودنا عليكم ترا،
سما:حتى اني تعودت عليكم،
آمال:بنات خرجونا من ذي السالفه،
منى:اي طفشنا بغينا شي محمس،
'
غسان:مره كنت قاعد بالمجلس وحاط السمعات ب اذني ومرفع الصوت لأقوى درجه ومتحمس معى الأغنيه مادريت الا وتحمست اكثر وقمت ارقص وانا موب شايف احد غير حماسي، المهم كنت ارقص والف على الباب وشفت ابي قاعد يناظرني....
سكتو وهم ينتضرو يحيى يكمل،
منصور:يحيى شفيك كمل،
يحيى بضحكه:بالله وش اقول؟؟قصته يكملها،
غازي:يحيى اللعبه كذا،
يحيى:طب افكر انتضرو،
طااااال السكوت وهم ينتظرو يحيى،
سعود:يحيى اللعبه تحتاج سرعه ب التأليف!!
يحيى:انحشت وحسيت عروق دماغي افتقعين المهم وانا راجع من الحوش شفت كلب...
الكل:هههههههههههههههههههههههههههههههههههههههههه،
منصور وهو يضحك:بالله وش ذا؟؟
وليد:يأخي كان بالمجلس رجع الحوش وشاف كلب هههههههه،
فيصل بضحكه:شفيييك ماقدرت تكمل ترا سهله،
يحيى:بنشوف لين يجي دورك،الحين دورك ي سعود،
قال سعود بعد تفكير:رجعت وشفت كلب بالحوش وكان محاصر لجدتي وجدتي كانت تصارخ وقال يقلدها (ساعدوننننني تكفوووون ي ابو ناصرررر تعاااال)المهم انا شفتها مادريت اضحك على شكلها او اخارجها من الكلب تقدمت لعند الكلب بس الكلب...
منصور بضحكه:لو تسمعك جدتي بتكون بعداد الموووت،
محسن:القصه بكفه والتقليد بكفه ثانيه هههههههه،
فيصل وهو مييييت ضحك:التقليييييد يفووووز،
وليد:لو تدري جدتي انك تكلمت عليها بنموووت،
سعود بضحكه:والله مدري ليه خطرت ببالي هي عاد لو تشوفو شكلها الي تخيلته هههههههههههههههههههههههههههههههههههههههه ي ربييييييي يمووووت،
فرطو ضحك على سعود وتخيلاته، وبعد نوبه ضحك طويله قال فيصل:اجل يلا كمل لنا القصه ي محسن تحمست،
منصور بضحكه:ايوه يلا خلنا نشوف الفارس الشجاع الي بينقذ جدتي،
وليد وهو ميت ضحك:تخيلت الفارس..ماقدر يكمل من كثر الضحك،
غازي بضحكه:ولد لايكون تخيلت جدي؟؟
وليد وهو يأخذ نفس ويمسح دموعه الي نزلت من كثر الضحك:تخيلو جدي يجي ينقذها ب لبس سوبرمان ههههههههههههههههه ،
منصور بضحكه:ماسك بيده على خصره عشان ما يكتسر،
سيف:تخيلو يجي لعندها وبدل ماينقذها ينقذ الكلب،
غسان بضحكه:والله يفطس ضحك بس موب حاسسن زودنها شويه،
سعود:ايوه زودنها خلونا نرجع للعبه كمل ي محسن،
محسن:تقدمت لعند الكلب بس الكلب عضني في يدي وقعدت اصارخ(يُممممممه تكفيييين ولدتس بيمووووت يُببببببه)جو واخذوني للمستشفى بس الصدمه...
فيصل:غازي كمل تحمسنا،
منصور:بسرعه بسرعه،
تعدل غازي بجلسته:اخذوني للمستشفى بس الصدمه قالو عندك جلطه،
ماقدرو يمسكو نفسهم وفرطو ضحك،
سعود بضحكه:عضه كلب وصارت جلطه ي ربيييييي بطنييييي،
منصور:سرعه التأليف عندك تفوزززززز الصدق،
غازي:بالله وش بغيتوني اقول؟؟
وليد:ابد اسكت وبنشوف منصور كيف ع يعالجك،
منصور:دخلت المستشفى سوو الفحوصات وخرج الدكتور قال فيك جلطه ي ولدي انصدمت وما قدرت اتمالك نفسي وطحت للارض مدوخ انفجعو علي لايكون جت لي الجلطه الثانيه ورشوني بالماء صحيت بخوف وفجعه وقلبي يرجف من رجفه يديني ورجولي ناظرت للغرفه بس الصدمه طلع كل ذا حلم😂،
غسان:وجع بعيونك حقتي موب حلم،
فيصل ووليد كانو ميتين ضحك وكل واحد يطق الثاني،
غازي الي جت له لحضه ادراك:حتى جدتي وجدي حلم؟؟
هنا ماقدر منصور يتحمل ونفجر يضحك بكل قوته،
سعود بضحكه:يقول طلع حلم يعني كل شي حلم،
غازي:وجع وجع كان تخيلت شكلهم والله،
فيصل:شفيك ترا قصه وماحد قدر يضبطها،
'
اثير:من عندها لعبه نلعب؟؟
سما:نلعب لعبه 'انا عمري....'
سلمى:اشرحين لنا اللعبه،
سما:ابسرو(شوفو)تيه(هاذي)ماتسبر الا نكون رافعين اصابعنا الخمسه،ونفعل قرعه بالورق من الي يلعب الاول بس دام مابش هانا ورق نبدا من عندش ي اماني لعندش ي اثير على الترتيب يعني،وطبعًا تبداي ي اماني بسرد جمله تبدا بـ انا عمري ما فلت تيه الحاجه، واذا في واحده مثلش ما فعلت تيك الحاجه تخلي اصابعش مرفوعه واذا فعلتيها تنزلي اصبع من اصابعش،وكذا اول واحده تنزل اصابعها الخمسه هي الخاسره،
مشاعل:اللعبه حلوه،
ساره:أي والله ابدئي ي اماني،
اماني:يلا نبدا ،عمري ماسويت شعري ويفي،
الكل نزل اصبع وناظر لها بطرف عين،
اسيل:بنت شذا بالله في من ماسوت شعرها ويفي؟؟
اماني:حتى انا اولهم بس ابي الكل يخسر،
آمال:اجل دام تبي الكل يخسر، عمري مارحت مكه،
نزلو اصابعهم،
ساره:بنت بالله في من مارحت مكه؟؟
آمال:ابي الكل يخسر،
ساره:طيييب ،عمري مالبست بنطلون،
نزلو اصابعهن وهن يضحكين،
رهف بضحكه:بالله اذا مالبسنا بنطلون وش بنلبس ؟؟
سما:ماعاد دريت الصدق،
رهف:اجل دوري،عمري ماسويت شيء ندمت عليه،
نزلو اصابعهم الا سما،
اماني:وأخيرًا واحده اختلفت يلا قولين لنا وش الي ندمتي عليه،
سما:ندمت انني احب ذي البنت'اشرت على نور' لوكان ما احبها ماكان لحقتها وقلت بمشي معاها بس للاسف ضعنا الثنتين،
نور:ماعاد اشتي حبش هاذا ع تذليني عله طووول عمري،
سما:حسي بالفخر لأني احبش،
نور:حسبي الله،يلا يلا كملو،
سلمى:عمري مارحت بقاله،
نزلو اصابعهم ب إستثناء نور وسما،
ملاك بصدمه:مارحتو بقاله من قبل؟؟
نور:الا سرنا(رحنا)،
مشاعل:طب ليه مانزلتي اصبعتس؟؟
سما:يعني بالسعوديه ماقد سرنا(رحنا) بقاله،
'
منصور:يلا وليد دورك،
وليد:صحيت بفجعه وشفته حلم دخلت الحمام توضيت وخرجت سمعت صوت من المجلس وكان صوت اشخاص يتسابقون خرجت اشوف بس الصدمه شفت غسان حاط سمعات ويرقص...
غسان:اماااااا طلعت انت مو ابويا،
منصور بضحكه:ابد ضبط كذبتك،
فيصل الي طاح بين ارجل وليد وهو مييت ضحك،
وليد بضحكه:من عند غسان ورجعنا لعند غسان،
غسان:حبيييت كمل كمل،
وليد:دور فيصل يلا،
فيصل:انت نقصت فقره ي غسان،خرجت من الغرفه وشفت غسان يرقص تقدمت له بس الصدمه كان يرقص ويتحرك بالغرفه ويسرع ويلف يمين وشمال ويدور على الغرفه،لو تتخيلوه مثلي يفطس😂،المهم كان يرقص تقدمت له وسحبت السماعة بس الصدمه كانت اغنيه هنديه و كان معتبر نفسه شاروخان....
سكتو الكل مافي الا اصوات شهقاتهم يضحكون،
منصور الي حرفيًا مييت ضحك:خف علينا..سكت ماقدر يكمل من كثر الضحك،
وبعد نوبات ضحك هستيري قال:خف علينا ي شااااوخان،
سعود بضحكه:تخيلت شكله يفطسسسس،
وليد:شوفو شوفو مصدق روحه انه شاروخان،
ضحكو على شكل غسان بقووووه،
غسان:شفيكم ترا يوم تخيلت ما تخيلت اغنيه هنديه،
فيصل بضحكه:بس خيالي اغنيه هنديه شسوي؟؟
محسن:ابد لا تسوى شي حبينا خيالك كملو نشوف وين بنوصل،
سيف:خرجت من غرفتي وسمعت صوت شفت ابويا خارج وقال لي ي ولد منين الصوت ذا قلت مدري ي يُبه قالت امي في حرب وسط المجلس قلت نروح نشوف رحنا شفنا بس الصدمه لقيت غسان وفيصل يرقصون والصدمه الثانيه على اغنيه هندي صرخ ابويا(وجعععع يوجعك انت وهو علامكم ترقصو مثل الحريم)
كل واحد انحاش وحنا فطسنا ضحك على اشكالهم ،المهم خرجت للحوش وشفتتت سوبرمان ينقذ جدتي من الكلب بس الصدمه سوبرمان كان يصارخ(ابعد ي كلب اببببعد)وانا الف يمين شمال ولا في اي كلب، بس الصدمه جدي كان يصارخ على يحيى يعني وش.....
فيصل بضحكه:وش بك خليتني ارقص هندي معى الخبل ذا؟؟
يحيى:ترقص هندي ولا تصير كلب،
سكتو من جت لهم لحضه ادراك وضحكو كلهم بقوه،
غازي بضحكه:انقلب السحر على الساحر،
منصور:كييييف تخيلت شكل سوبرمان؟؟؟
سيف:خلوني ساكت احسن،
طقه محسن على راسه بشويش:لا تغلط على جدي بس،
وليد:والله زودنها الله لا يسامحك ي منصور على اللعبه ذي،
منصور:شدعوه المهم وسعنا صدورنا،
فيصل:وش وسعنا الا بكيييت من كثر ماضحكت والله،
قام سيف بيخرج من عندهم،
غازي:على وييين؟؟
سيف:اسجر،
خرج سيف يسجر والكل مشو يجهزو اماكنهم لنوم،
'
رهف بضحكه:عادي المهم رحتو بقاله،
نور:خلاص بنزل اصبعنا ،
سما:كلكم نزلتو الخمس ماغيري،
مشاعل:والله مايصير موب كذا اللعبه لازم الواحده تقول شي ماسوته صدق عشان يكون اختلاف وواحده تخسر مش الكل يخسر وواحده تفوز،
سلمى:صدق والله،
اسيل:اقول بس يكفي خلونا ننام،
ساره:شفيتس توه الليل،
اسيل بضحكه استهزاء:الساعه 2 ي حلوه يلا،
ساره بصدمه:صدق؟؟
رهف:كيييف مشى الوقت كذا يلا يلا خلونا ننام،
الكل:يلا،
قامو يجهزو لحافاتهم ويتجهزون للنوم،
ساره:بنات لحافي موب موجود،
آمال:وينه؟؟
ساره:مدري،
مشاعل:جبت لحاف زايد بس بالسياره روحي جيبيه،
رهف:بغيتي اجي وياتس،
ساره:لالا جهزي انتي بروح بسرعه موب بعيد،
خرجت لسياره منصور فتحت وسحبت اللحاف وطاحت قرزازه العصير ونكسرت،
ساره:اعوذ بالله خرعتينييييي،
قفلت السياره وبتمش بس وقفها صوت جاي من وراها،
سيف الي سمع الصوت وفكر انه سارق اخذ العصا وراح لمصدر الصوت وماكان في ألا ضوء القمر ماعرف شيسوي وقال:من انت وش تبي؟؟
ساره الي تجمدت مكانها وهي خايفه يكون سارق طيحت اللحاف ومشت بتهرب بس قبل تهرب ضربها سيف بالعصا على راسها وطاحت للأرض ،
خرج فيصل وراح لعند سيف بس الصدمه شافه متصنم وشخص طايح ب الأرض،
فيصل:سيييييف وش ذااااااا،
سيف:سارق فتح السياره وكان بيأخذها،
فيصل تقدم وقال:ابك بنتتتت!!
سيف بصدمه:في ذمتك،
فيصل وهو يرفعه بس ساره صرخت:سااااااااااااارقققققققق فلتنيييييي،
فيصل:ساره شتسويين هنا،
ساره:فيصل ذا انت صح؟؟
فيصل:شجابتس لهنا؟؟
ساره الي تنهدت براحه:جيت اخذ لحاف ،بس الله يسامح راسي يعورني من الضربه،
فيصل بضحكه:ذا سيف ضربتس موب انا،
انقطع صوتها وتجمدت بمكانها من سمعت اسم سيف ،
'
سما:سمعتو؟؟؟
نور:ساره،
رهف:تعالو نشوف،
خرجين وشافين للأرض على انعكاس ضوء القمر شخص ب الأرض والثاني قاعد جنبه وشخص واقف يناظرهم وبيده العصا،
مشاعل:ابووووك ي النكبه بناااات سرق،
سلمى وهي تركض:اركضووووو،
ركضو وصلت سلمى ومسكت فيصل من شعره وتبعده عن ساره وسما ورهف ونور راحو لسيف اخذت سما العصا منه وبدات تضربه ونور تكفخه كفوف على وجهه ومشاعل الي تطقه برجولها اما سلمى الي كفخت فيصل وكان يصارخ:بسسسس بسسسسس،
برغم من صراخه الا انه صراخ البنات كان اكبر محد قدر يسمع صوت صراخ فيصل وسيف،
ساره الي جت لها الفرصه مشت وسحبت العصا من سما وبدئت تكفخ فيه،
سلمى وهي تصارخ:سااااااااعدونا سررررررق،
رهف:جددددددي سرررررررق بيقتلوووووونا،
سما الي سمعت سيف وهو يقول:بسسس بسسس انا سيييف زاد ضربها له وطلعت كُل حرتها ببيلا فيييه،
كل واحده كانت تصارخ وتقول سرق ساعدونا وكانت كل واحده تضربت من طرفها وكفخوهم لييين قالو اميييين،
خرج الجد والاعمام على الصوت وشافو البنات،
الجد بصراخ:وش صاااااااااير،
سكتو وهم يلفو على الجد سلمى وهي شاده على شعر فيصل:جديييييييي سررق سرررق تعاللللل،
فيصل:جددددي تعال انقذ ولددددك البنت قتلتني،
الجد:سلمىىىى!!!! فيييصل!!!
سلمى الي جت لها لحضه ادراك وفكت فيصل وركضت لعند الجد،
رهف:جدي ذا السارق كان بيخطف ساره،
ابو غسان:رهف ذا انتي،
رهف :يُببببه تعاااال،
سيف الي كان محاصر مابين البنات وكل واحده تكفخ فيه:يُببببببببه تعال فكني من ذول المتوحشات ،
رهف بصدمه:سيييف؟؟
سيف:وجع بعيونتس انتي وهي قتلتووووني،
الجد:بناااااااات ادخلين يلا،
دخلو البنات وقام سيف الي كان كله ضربات وراسه ينزف وفيصل الي كان متكسر ورجله تعورت دخلو المخيم والكل فزو بصدمه من المنظر،
سيف كان ماسك راسه والدم ينزل وفيصل الي كان يعرج،
غازي:علامكم معى من متهاوشين؟؟
دخل الجد والاعمام ،
سعود:فيصل سيييف شفيييكم؟؟
الجد:البنات مكفخينهم مفكرين سرق،
منصور ضحك بقوه:بالله البنات مكفخينكم صدق؟؟
محسن بضحكه:ماني مصدق والله،
الجد:بنروح وانتو شوفو وش تسوو لراس ذا'سيف' وناااااامو،
سعود:ابشر،
خرج الجد وقام سعود لف على راس سيف ب الشماغ عشان ينقطع الدم وفرشو لهم ونسدحو ينامو،
سيف:لو كنت بعرف انو راسي بينفقع ماكان خرجت اشرب زقارتي،
فيصل:انا الي مدري شصار فيني وخرجت بعدك الحين رجلي انكسرت،
منصور بضحكه:والله البنات مو هينات،
سيف:وحوش والله وحوش،
يحيى:لا تغلط على اختي،
سيف:وانت شعرفك انها اختك؟؟
يحيى:اعرف ذي الوحشيه ماتجي الا منها،
سيف:توك قايلها بنفسك وحشيه،
غازي:وووين راحت هيبتكم ولا رجولتكم اسم،
سيف:هيبه قال اقول اربع او خمس فوقي تكفيخ بس في واحده كانت تضرب ب العصا ذي الله لا يسامحها قتلتني والله،
سعود:اسكتو اسكتو لاحد يسمع انه بنات مسويين فيكم كذا،
منصور:ايوه قولو صار حادث وش الافضل حادث ولا كرامتك،
فيصل:لوكانو موب بناتنا كان اشتكيت عليهن،
وليد:اعقب ي ولد وش بتقول بنت كفختني !
محسن:مافي احد بيصدقك،
منصور بضحكه:بتكون كبيرره في حقتكم اذا اشتكيتم بتطيح هيبتكم،
'
دخل الجد وهو يقول:قتلتو الرجال علامه ذا الضرب بكله؟؟
رهف:ضنينا سارق ي جدي،
سما:يستاااااهل ولو ماكنت جيت كنت عد اقتله ،
ابو سعود:وش تقتلين ي بنتي الله يهداتس ،
سما:كان بيخطف ساره،
ابو غسان:بس طلع موب حرامي،
نور:ضربنا الرجال بسبب تفكيرنا،
ساره:بنات والله يستاهلو فقعو لي راسي وخرعوني ،
ابو يحيى وهو يمسك بكتفها:والله ماينخاف عليكم وحوش،
ساره:وش يُبه؟؟
ابو يحيى:ابد قلت ماينخاف عليكم،
الجد:وعاد يضربو ويصارخون ساعدونا وش ذا،
رهف:جدي حنا نعزز لكم تجون تنقذونا،
ابو سعود:ماكان في داعي نجي كفيتم ووفيتم قتلتو الاولاد وخلصتو،
رهف:يستاهلو والله،
الجد:اجل يلا نامين،
وخرج وكل واحده انسدحت تنام وكانت سلمى بعالم ثاني وكان كل تفكيرها:كيييف قدرت اضربه من غير ما انتبه الحين الله يعلم وش قاعد يسب فيني،
'
«يوم جديد»
الضهر بعد ما صحو العيال وذبحو الذبيحه والحريم طبخو وجهزو غدا الرجال وغدا الحريم وتغدو وكانت الفرحه عامره بجمعت الاهل والاقارب،
'
عند البنات كان يشربون قهوة ويسولفون فزت رهف من شافت اشكال فيصل وسيف وقالت:بناااات تعالو شوفو كيف اشكالهم،
قامين البنات يناضرين مشاعل بضحكه:بنات بالله ذا احنا سوينا فيهم كذا؟؟؟
رهف:والله مدري لييه صرنا متوحشات كذا،
سما:هاا كيف تشتي نخليه يخطفها وحنا نبسر جبرني مانا اشتي اقتله،
نور:لا والله ماتسبر،
ساره:مسكييين اخويا ضربته سلمى لوحدها ورجعته اعرج،
رهف:اتخيلي سلمى لوحدها بس سيف كلنا فوقه،
اسيل:لا والله مسكين الولد ماخليتو فيه شي حي،
سما:هاذي سلمى اتهوره على راس الولد الي بيقع (يصير)زوجها،
سلمى:شعرفني انا انه فيصل كنت احسبه سارق،
سما:بالله في واحده تفعل هاكذا بزوجها؟؟
نور:اسكتي بس عادش اكثر منها ولا بالله عليش واحده تصيح لزوجها على جرح بيدها ولييييت جرح يستاهل،
سما:هي مشي قصه الجرح لا ،مابلا قلبي ماكان مرتاح كان ناقزني وكنت اشتي اتأكد ماقد وصلت لذي الخباله اصيح له لجل جرح خفيف،
نور:ليش ناقزش الي يسمعش يقول انه ب اسطنبول هاذهو جنبش،
سما:مدري اقولش ناقزني افهمي،
رهف:بس بس هدو لا تتضاربون الحين موب ناقصين يكفينا امس،
ساره:وانتي صادقه موب ناقصين،
مشاعل:بنات شرئيكم نروح عند الجده،
سما:ايوه يلا يعجبني اجلس اتجابر (اتكلم)معاها،
قامو الكل وراحو عند الجده والجد كان قاعد معها،
مشاعل:شكل جينا بوقت غلط،
الجد:لييه؟؟
سما:قاطعنا عليكم الرومنسيه خلاص بنرجع،
الجده:هاهاها اقعدو،
قعدو البنات وقالت الجده:خييير شجايبكم؟؟
سلمى:حبينا نجي نونسكم ،
سما:لا تصدقم ي جده جينا نشتي نسمع قصص الجد،
نور:طفشنا سمعينا ي جده،
الجده:كم احكي وكم اخلي،
ساره:لا والله فضايح،
الجد:ام ناصر اقول اسكتي ولا تفضحينا،
ملاك:جدي خلها تتكلم نبي نستانس شوي،
دخل ابو سعود وام سعود وهم يردو السلام وقعدو،
ابو سعود:مسويين جلسه من دوني؟؟
سلمى:توه مابدينا بتحكي لنا الجده قصص جدي،
ابو سعود:زييين جيت بوقتي،ابدئي ي يُمه،
الجد وهو يغير السالفه:الا يا ام سعود اخونتس شخبارهم ماعاد سمعنا لهم طاري،
فزت ام سعود بفجه:نبييييل،
ابو سعود:بسم الله علامتس؟؟
ام سعود:كلمني اخي قبل يومين وقال انو بيجي يزونا اليوم،
ابو سعود:وليييه ماقلتي من قبل؟؟
ام سعود:توي تذكرت يوم جاب عمي طاريهم،
الجد:لازم نتحرك يلا نبيل كلم العيال بنرجع عشان نستقبلهم،
ابو سعود:ابشر،
خرج ابو سعود وكلم الجميع والكل جهزو وركبو سياراتهم بيحركوا،
'
بسياره منصور حرك السياره بيمشي بس وقفته نور وهي تقول:منصورر جوال نسيته،
لف لها:وين،
نور:داخل مابشو (مش موجود)هنا،
نزل منصور من السياره:بروح اجيبه،
الجد من وسط سياره ابو سعود:على وين ليه راجع؟؟
منصور:نور نست جوالها بروح اجيبه،
الجد:اسرع وحنا بنحتريك ،
منصور:لا انتو امشو عشان اذا وصلتو الاولين تستقبلو اخوالي،
الجد:اجل يلا لا تتئخرون،
الكل مشي ومنصور راح وجاب الجوال ورجع ركب السياره،
سعود:ارجع بسوق انا،
ركب منصور معه ومد لنور جوالها وحرك سعود السياره بس توقفت،
منصور:شصار؟؟
سعود وهو ينزل من السياره:لحضه بشوف،
نزل وشاف انه حرك على قزاز ونفقع التائر،
سعود:منصور انفقع جيب التأر الثاني،
منصور:مافي خرجته عشان احط اللحافات والشناط،
سعود الي دق على التأر برجوله بغضب:لييييه خرررررجته كااان حط الشناط ب الأرض الاهم التأر وششش بنسوي الحيييين؟؟؟
منصور:مافي معنا حل غير ننتضر وبيرجعو لنا،
سعود:حسبي الله بس،يلا نرجع المخيم،
منصور:ليه؟؟
سعود:لالا نقعد بالسياره لييييين يجونا صح؟؟؟
منصور:علامك نافخ بوجهي كذا ماقنا شي يلا انزلو،
سعود:نافخ بوجهك لان ذي مصايبك شف يلا تحمل،
منصور:وانا شعرفني بالله انو بيفتع اليوم؟؟لوكان عرفت ماخرجته ،
سعود:يلا يلا انزلو،
رجعو للمخيم منتضرين حد يرجع يأخذهم بس للأسف طااااال الأنتضار وكان الجد وعياله واصلين البيت ومستقبلين الاخوال وصارت الساعه حوالي 10 مساءً ومنصور الي شب النار وقعدو حلقه على حوليتها منتضرين،
سما:متى ع يجو؟؟
نور:تجمدنا برد والله،
سلمى:الحين يكونو وصلو اذا ذكرونا بيرجعون واذا ما ذكرونا بنقعد هنا،
مشاعل:وش ذا الحظ الي معانا،
سعود:القهوه وين ؟؟ بالسياره ولا معاهم؟
مشاعل:لا معانا في السياره،
سعود:بروح اجيبه،
مشاعل:في شويه اكل باقي جيبه نأكل ميته جوع،
سعود:طيب،
راح سعود للسياره ومنصور الي قرب مكانه لجنب النار وقال:نور تعالي هنا تدفئي،
نور وهي تقوم:والله وسوييت خير تجمدت،
قعدت جنب منصور رجع سعود ومعه الاكل والقهوة قعد يسوي القهوه والبنات يأكلين خلص وصب للجميع،
منصور:نور تدري الحين احتمال يطلع لنا ضبان بأي وقت،
نور:صدق؟؟
منصور:عاد هنا في ضبان ثعابين يعني بأي وقت يضهر لتس،
سلمى:منصور لا تخرع البنت،
منصور:وانا صادق او ماتدريين؟؟
مشاعل:حتى لو صدق لا تقول للبنات بيخافون ،
منصور:ما اخوفهم انا بس قلت احذرهم بس،
سما:مابش داعي تحذرنا أصلًا احنا مانفتجع من حاجه(مانخاف من شي)،
نور وهي تمثل القوه:ايوه مانخاف أساسًا شفنا اشياء كثيررر في اليمن،
منصور بضحكه:لوكان ما اعرفتس كان صدقتس الصراحه،
نور:صدق بس،
مشاعل بتغيير السالف:سما الحين صدق الي قالوه كل اليمنيين يأكلون قات؟؟
سما:من قالش؟؟
مشاعل:الكثيير يقولون،
سما:مش كل اليمنيين صح في يأكلو قات بس مش الكل وعائلتي ماتأكل،
سلمى:انتي اكلتي من قبل؟؟
سما:لا مافي احد من عائلتنا يأكل،
نور:منصور متى ع يجو تعبت،
سعود:منصور تعال خلنا نروح نشوف الطريق اذا في سيارات ولا ناس شابين نار نأخذ منهم تأر،
منصور:يلا،
سما:هاها ويييين كييف تجزعو (تمشو)وتخلونا لوحدنا؟؟
سعود:موب بعيد بنرجع بسرعه،
سما:لا مانيش جالسه لوحدي،
منصور بضحكه استهزاء:قلتي ماتخافين من شي،
سما الي لفت له:اسكت انت مالك دخل اكلم زوجي،
سعود:بببنت برجع بسررعه ،وانتي انتضري هنا ولا تروحيين مكان تمام،
سما بتأفأف:تمام،
مشى سعود ومنصور يشوفون حد يساعدهم،
'
ببيت الجد يعقوب وصلو وماهي الا دقايق معدوده ووصلو الاخوال،
