28
'
أعوذُ بك يارب أن أقع بما كنتُ أنهى الناس عنه🤎،
'
بالحوش««
رجع منصور لعندهم،
سعود:خير ليه رجعت،
منصور وهو يسحب من طرف السفره:ماسخيت عليكم والله،
فيصل:زين حطيت عقلك في راسك،
منصور وهو يسحب بقايا اللحمه من غير ماحد ينتبه له:عقلي براسي من زمان،الحين انا رايح،
سعود:والسفره،
منصور:ماني فاضي لكم،
فيصل:توك قايل ماسخيت علينا،
منصور وهو يمشي:حبيت اشوف رده فعلكم،
فيصل:وللللللنعه،
سعود:حيوان مايستحي،
خرج منصور وهو يصفر للكلاب الي كانو خمسه حط شويه من بقايا اللحمه ب الأرض ركضين الكلاب وكل واحد يبي يأخذها قبل الثاني رمى منصور اللحمه الباقيه للحوش والكلاب ركضين بعدها قفل باب الحوش من خارج ومشي متوجه اللبقاله،
'
بالمجلس خلصو اكل وقامت مشاعل تناظر من الشباك وفزت بخوف وهي تشوف الكلاب والكل خايف وحالته حاله صرخت وهي تكلم سلمى:قفلييييييي البببببباب قبببببل يدخليييين،
مشت سلمى تقفل وهي مفجوعه ومهيب فاهمه شي بس وقفت من دخلين كلاب وصرخت وعم المجلس بصراخ الحريم،
بالحوش قفل منصور الباب ودخلين الكلاب الكل فز بخوف،
الجد بصراخ:من دخلللللللل الكلاب،
سعود:لاحد يأذيهن عشان مايسوين شي،
فيصل:اويلي ويلااااااه والله اني فعلت منصور،
ماجد الي كان خايف وعياله خايفين ومتخبين وراه،
صقر:يُبببببببه تكفى تكفى لاتخليها تجيني تكفىىىىىىى،
سليمان بصراخ:بيجي بيجي اببببببببببعددددددددد،
ماجد:هدو هدو مارح يسويين شي اذا هدئتو،
وابو الهنوف وابو صقر كل واحد محتضن الثاني ويصارخ،
ابو الهنوف:وششششششش ذااااااا ي ابوووو ناااااصر،
ابو صقر:امسسس غنمه والييييوم كلاااااااب،
ام البقيه الي كانو يصارخو خايفين والي كانو يلاحقو الكلاب،
ومنصور شر حلاوه وكان راجع وهو يغني ويرقص ومستانس انو سوى فيهم مقلب ومايدري عن حجم المصيبه الي سوها في البيت، فتح الباب ودخل وهو يشوف اشكالهم تخبى ورا الباب وهو ميييييت ضحك،بعد نوبه ضحك دخل مره ثانيه وهو يشوف الكل خايف ويصارخ معى انو الكلاب هجمو على السفره وما اذو احد،
منصور وهو يعد الكلاب:ابوووك ي النكبه باقي واحد وينه،
عند البنات الكلب كان قاعد يلعب معاهن هن يركضين ويصارخين والكلب بعدهن،
سما:يممممممممه منين جى ذاااااا،
نور وهي ماسكه بسما:اويييييليي سماااااااااااااااا بيأكلني،
سما وهي تحاول تبعدها:اببببعدي نوووور ابببعدي،
نور:بيجي لي بيجججججي لييييي يُمممممممه،
الهنوف بصراخ:يُمممممه يُمممممه يُممممممههههه،
الجده وهي تركض:اويلي ويلااااااااااه لاتججججججي لي لالالالالالالا رح لك عننند امممممم الهننوف عااااااد فيييييي لحححم انا عظظظظظم،
ام الهنوف وهي تركض وراها:يُمممه لا تصدق موب مههههم اللحم اهممم شي العظاااااااام،
شوق ببكى:يُمهههه تكففففين ساعديني يُمممه،
الخاله الي كانت بخارج المجلس خايفه هي واشواق:لا تخافيييييي مارح يأذييييك،
ام سعود الي هبط فيها السكر وقعدت يوم حست بدوخه ومسكت راسها وخايفه من الكلب،
سلمى وهي تركض:يُمه. شفيييتس يُمه يُمممممه،
مشاعل بصراخ:منصوووووور سعععععععود اممممممي مدري شفييييها،
سما:سعوووود وييينك وييينك،
'
بالحوش لفو العيال السفره لخارج الحوش والكلاب بعدها،لفو كلهم على الصوت الي جى من عند الحريم،
منصور الي تأكد انه داخل رفع ثوبه وربطه على خصره وحط الشماغ بكتفه والعقال بيده وقال:سعود الحقني،
دخلو من الباب وصرخ منصور:تغططططططو،
فزو البنات وتغطو دخل منصور وهو يشوف حال البنات والكل يركض كتم ضحكته من شاف الجده ودخل يلحق الكلاب اما سعود الي دخل على طول لعند امه وهو يرفعها ويخرجها للغرفه الثانيه،
سعود وهو ماسكها:يُمه شفيتس،
ام سعود:السكر،
سعود:انتضري هنا بروح اجيب الابره حقتس وجيتس،
خرج سعود متوجه لبيتهم،
'
اما عند منصور الي دخل وقعد يركض بعد الكلب وبالزور مسكه وخرج وكلهم بالحوش يطالعون فيه خرج من الحوش ورمى الكلب معى البقيه ودخل بكل هدوى،
'
عند البنات كل واحده تنفست براحه والخاله وسلمى راحو لعند ام سعود دخل سعود وهو معه الابره سوها لها ووصى سلمى عليها وبعد ما تأكد انها بخير خرج للحوش وهو يشوف الكل يطالعون بمنصور،
سعود:خير شفيكم؟؟
ابو صقر؛وش ذا يابو ناصر كذا الضيافه عندكم،
ابو الهنوف:امس غنمه واليوم كلاب وبكره على وش ناوي؟؟
الجد:نكلم منصور ونشوف على و ناوي،
منصور:انا!!! ليه؟؟
ابو سعود:لا تسوي نفسك غبي نعرف انه انت وراها،
منصور:تفكرون كذا ليه انا خبل عشان اسويها فيكم؟؟
الجد:اكبر من خبل بعد،
فيصل:والله انو هو الي سواها ي جدي،
منصور:اسكت قاعد اكلم جدي،
الجد:اسكت انت ي قليل المروه ماتستحي على وجهك منت شايف شكد كبرك حسافه فيك الشنب حسافه،
منصور:جدي..
الجد:اسكت ما ابي اسمع صوتك ،اسمعني زين ي توقف مقالب ي بتشوف وش بسوي فيك،
منصور وهو منزل راسه:ابشر،
الجد:شايف الحائط ذا،
منصور لف يناظر:ايوه،
الجد:بتقعد واقف هنا من اليوم لين بكره وممنوع تدخل البيت،
منصور بصدمه:بس جدي...
الجد بصراخ:سااااامع،
منصور:سامع،
الكل ضحكو على منصور والجد تركهم ودخل البيت،
'
عند البنات الي كانو يطالعون من الشباك وعرفو انه مقلب من منصور ،
سما:اخخخخخ جدي سوى الي بقلبي ياليت وطولها 3 ايام،
نور:خله يستاهل أحتمال يعقل،
مشاعل:ذا الولد مستحيل يعقل،
الهنوف:شفيكم ترا هو الي ساعدنا حرام،
سما:لا تنسي حبيبتي انو هو الي سوى فينا كذا،
الهنوف:عادي الولد يبي يستانس يوسع صدره شفيها،
نور الي كانت تناظر لها بطرف عين،
سما:يوسع صدره على حسابنا شفيتس انتي،
مشاعل:الهنوف ترا تصرفاتس ذي المره غريبه صاير لتس شي،
الهنوف:شفيكم ماقلت شي اووووف،
صدت ومشت وهي تتحلطم والكل مستغرب منها،
ام صقر لأم الهنوف:الله لا يسامحه خرعني،
ام الهنوف:انا ما خفت لأني ما اخاف من الكلاب،
ام صقر :حتى انا بس انصدمت وانا اشوفه ورئي،
سما بهمس لمشاعل:وين الي كانت قبل شويه ميييته خوف،
مشاعل بنفس الهمس:اشكالهم قبل شوي يفطس والحين كل واحده تتفاخر وكل واحده شجاعه اكثر من الثانيه،
نور بصراخ:الكلب وراكننننننن،
فزت ام الهنوف وام صقر بخوف وكل واحده حضنت الثانيه وصرخت ام الهنوف:ويييين وييييين،
ام صقر:بالله لا تجيني بالله،
نور:ههههههههههههههههههههههه قايلين ماتخافو ،
سلمى ومشاعل فرطو ضحك،
ام الهنوف وهي تطالع بالغرفه وردت تطالع بـ نور:يعني تكذبييين،
نور:مقلب بسيط،
سما بضحكه:توتس قايله ماتخافين من الكلاب وش صار اليحن،
ام صقر:ترا تماديتو كثيييير خليكم محترمين ولا...
سما بمقاطه:حنا محترمات وخلوقات ومافي احلى منا بعد،
نور:وانا اشهد،
ام الهنوف:حسبي الله فيكم،
سما:خلونا نروح يلا،
فضى المجلس وكل واحده راحت غرفتها،
'
بالحوش الكل راحو مافضل الا ماجد وعيال العم كانو مسوين حلقه على منصور الي كان واقف على الحائط،
منصور:الحين شفيكم تطالعون فيني كذا،
فيصل:عاجبنا منضرك صراحه،
وليد:لا تصدق قلنا حرام خلنا نونسك شوي،
منصور:مانيب حاجتكم اذلفو،
ماجد:احترم نفسك ي ولد،
سعود:خلك من كلام وليد حنا قاعدين نشمت فيك،
منصور بضحكه:لا تتكلمون على الشماته وانتو ماشفتو اشكالكم قبل شويه ههههههههههه،
غسان:وش استفدت عقاب من جدي،
يحيى:من طلب الجن ركضوه وانت سويتها بيدك ورجلك،
منصور:والله ان مارحتو لا اصارخ لجدي واقول قاعدين تشغلوني،
سليمان:نشغلك بوشو،
منصور:ماتخلوني اوقف عدل،
الكل فرط يضحك عليه،
سعود:صارخ له ماهمنا اما روحه محنا برايحين عاد بطلب قهوه واقعد اشرب واستانس ،
محسن:بالله بغيتنا نروح ونروح منظر منصور وهو معاقب،
منصور:حسافه مستانسين لاني عم اتعذب،
غازي:فووووق الغيم لو تشوف بس،
صقر:انا شهد انك ابو مصايب وش مسوي الكل قلبه ع ينفقع منك،
منصور:حارقكم تستاهلو،
وليد وهو يتكي:وش رئيك تحلي لنا القعده وتعطينا غنيه،
منصور:بناقص احلي لكم القعده،
ماجد:بالله سمعنا يامنصور خلنا نستانس،
منصور:طب وش بغيتم،
فيصل:هيفا،
سعود:لالا نانسي،
سيف:اصاله احلى،
غسان:اقول احلام،
منصور:ياخي غيرو انتو و الأغاني الماسخه ذول،
صقر:وش رئيك تحلي القعده اكثر برقصه،
سليمان:ارقص مصري ورينا مهاراتك،
غازي:وين منصور حق زماااان،
منصور:انتهت ذيك الايام من كفخني جدي،
سعود:سوي استرجاع،
منصور:اخاف من جدي والله،
صقر:ليه يعرف يرقص،
سعود:اسكت بس ذا يهودي،
صقر:والله، بالله ارقص لنا ي منصور،
منصور وهو يبعد شماغه:اجل شغلو،
سليمان:وش بغيت؟؟
منصور:اي شي،
شغلو اغنيه وربط خصره بشماغه وبدا يرقص ويهز يمين شمال ويهز اكتافه بأحتراف والعيال الي كانو لافين خلقه عليه ويسفقون له،
خرج غازي فلوس من بوكه وهو يرمي على منصور:ايوووووواااا،
'
عند الجده الي كانت بالمجلس تتحسب الى منصور دخل الجد والعضب بعيونه،وحاط يده ورا ضهره ويدور على المجلس،
الجده:شفيك،
الجد:من ولدتس ذا ليه مخلي فينا عقل،
الجده:افعالك حسبي الله عليك انت وهو ،
الجد:انا كنت اسوي كذا بجدي ولا بالعائله؟؟
الجده وهي تناظر من الشباك:واكثر من كذا بغيتني اذكرك فيهن..سكتت وهي تشوف منصور قاعد يرقص،
الجده:ليه سكتي،
الجده:تعال شوف،
تقدم يناضر طارت عيونه بصدمه وهو يشوف منصور يهز والعيال يسفقون:شفتي ماهوب معتبرني أصلًا،
الجده:وانت ليه تعاقبه،
الجد:كل الي سوه فيني وبغيتيني اسكت بدون ما اعاقبه الولد ذا مستحيل يعقل مستحيل،ورد يناظر له:شوفي يرقص مثل الحريم بس هييين الحين اوريه،
الجده:اعقب لا تسوى بالولد شي،
الجد وهو يرمي شماغه ويأخذ عصاته وخرج وهو يقول:مانيب مسوي شي،
الجده:ياويلك لو تسوى شي،
'
عند منصور وقف من جاه اتصال وخرج جواله من مخبأه و ابتسم لا شعوريًا وهو يشوف الأسم'السارقه'
سعود:من المتصل؟؟
ماجد:ماتشوف وجهه كيف صار وربي انك خروف،
منصور:احممم عطونا خصوصيتنا لو سمحتو،
فيصل:محنا برايحين،
منصور:لو سمحتو،
الكل:محنا رايحين،
سعود:رد امامنا وش بيصير،
منصور:بغيتني ارد امامك؟؟
وليد:شفيها،
منصور:واذا بغت تتغزل بزوجها انتو شدخلكم،
سعود:خلنا نشوف غزلها،
ناظره بطرف عين وصد مشى لجهه ثانيه وهو يرد:ي هلا والله،
نور:حسبي الله عليك ي منصور حسبي الله عليك،
منصور:امااااا لييييه،
نور:هاكذا بالله عليك معى تستحاش على وجهك مابش معك دم ايش الي يمشي بعروقك،
منصور:مرق تيس،
نور:منصووور،
منصور:لبيييه ي عيون منصور امري وتدللي بعطيتس عيوني لو بغيتي،
نور:خله عيونك ينفعينك ذلحين بتجلس عندك؟؟
منصور بصوت رافع:اذا مشتاقه لي بجيتس الان،
نور:اين اشتياق واين طلي الا افتكيييت منك،
منصور الي كان متعمد يرفع صوته عشان يسمعوه:ي عيوني انتي جعل منحرم منتس،
نور:خير مالك ليش تتحاكى هاكذا؟؟
منصور:بغيتي شي ثاني،
نور:ايوه،
منصور:تم،
نور:اجل الله معك،
منصور:لحضه لحضه وش الي بغيتيه،
نور:قد تممت،
منصور:مالي حق اعرفه؟؟
نور:لا محد قال لك تتمم،
منصور:والله،
نور:والله،
منصور:هييييين اوريتس بخليتس تشوفي نجوم الليل بعز النهار،
نور بضحكه:اول خارج نفسك ورجع اتحلف،
منصور:ابشري،
نور:ذلحين الله معك،
منصور:حسبي الله ويييين الزوجات الرمنسيات وييين،
نور:بالجنه مش هانا،
منصور:سكري قبل ادخل لتس من الجوال،
نور:ليش ايش فعلت،
منصور:كان ناقصني انتي،
نور بضحكه:كنت اشتي اقول لك كلام يواسيك بس تستاهل،
منصور وهو يسكر لوجهها:حسبي الله كان ناقصني هي بس هييين اوريتس ي السارقه،
رجع لعند العيال وهو قالب وجهه،
فيصل:ي قهري عليك ي منصور ماتقدر تروح لزوجتك المشتاقه لك،
منصور:اقول دز نعالي بحلقك واسكت،
سعود:شكلها ماقصرت فيك،
منصور:سعووود اسكت،
منصور الي كان قالب من كل شي والعيال ماقصرو فيه وما خلو كلمه ماقالوها له وهم يشمتو فيه،
خرج الجد وهو يطق بعصاته بالحائط بغضب،لفو كلهم على الصوت،
فيصل:جدي ليييه كذا،
سعود:ابوك ي النكبه،
منصور الي لف يناظر لعيونه وعرف انه جاي له قام وهو يقول:جدي استهدي بالله وش بك،
الجد:قلت لك من قبل ما ابي اشوفك ترقص ،
منصور وهو يرفع ثوبه:اهاااااا على ذا،
مشي الجد لعنده ومنصور عظ على طرف ثوبه وركض،
وقف الجد:والله ان ماترجع ي ويلك،
منصور وهو يدخل بيت الجد:انا الصراحه اخاف على نفسسسسي،
لف الجد يناظر لهم:وانتو ماشاءالله عليكم تسفيق وحركات ليييه ماتعقلوه ليييه ولابغيتوني اكفخكم بداله،
فيصل وهو يقوم:استهدي بالله ي جدي،
الجد:عيال اخر زمن حسافه عليكم المرجله،صد وراح للبيت،والعيال فرطو ضحك على منصور،
سعود:هههههههههه الحين جدي بيكفخه،
سليمان:حرام بسبتنا حنا الي طلبنا منه يرقص،
فيصل:خله يستاهل وياليت جدي مايتساهل معه،
غازي:خلوه عشان يتأدب،
سليمان:والله حرام،
'
منصور الي دخل ويسرع لعند الجده،
منصور:جده انا في وجهتس ي جده انقذيييني،
الجده:تعال،
راح لها وتخبى ورائها،
الجده:لا تخاف مارح يسوي شي،
دخل الجد وهو يصارخ:انا تهرب علي ي حيوان انا ،
منصور:معصي ي جد بس انت معصب وانا خايف صراحه،
الجد:تعال تعال والله ان ماجيت ي ويلك،
منصور وهو يشد على الجده:جدددده،
الجد:بسرعه انا كم مره قايل لك ما ابيك ترقص الرقص للحريم وين رجولتك ويييين،
الجده:اهدى ي ابو ناصر،
الجد:انتي اسكتي ما ابي اسمع صوتس ذا دلالتس رب منتي شايفه،
الجده:اهدى ي ابو ناصرررر،
الجد بصراخ:اسكتتتتتتي وخليييتس برا الموضوع،
الجده بنفس الصراخ:والله ماتمسه والله وان مسيته مايصير طيب،
الجد:ام ناصر لا تدخلييييي،
الجده:مابغيتني اتدخل ذا ولد ولدي وما اسمح لك تمسه فاااااهم،
الجد:لااااااااا مانيب فاهم اخررررج ي منصور،
الجده:منننننصور لا تخرج،
خرج منصور وهو خايف لو تكبر المشكله:جدي جدتي هدو لا تسون مشكله على شي تافه وانا اعتذر ي جدي،
الجده:لا تعتذر انت ماسويت شي،
الجد:ماسوى شي ورقص الحريم وين وديتيه؟؟
الجده:ولدي وهو يعرف نفسه زييين مافي داعي لكلامك وبعدين ماتستحي على وجهك انت بغيت تكفخ الولد ماتشوف شكد كبره وماتستحي تمد يدك على ولد بطولك اربع مرات،
الجد:ماكنت بكفخه كنت بأدبه شويه،
الجده:وكيييف عندكم الأدب،
الجد:كنت بنصحه واقول له ذا شي غلط بس انتي ماسمحتي لي حتي اتكلم،
الجده:اهاااااا ماشاءالله وعندكم تتكلمون بالعصى؟؟
الجد وهو يناظر للعصى الي بيده:اماااا ذا العصى كنت بسوي شويه تخويف،
الجده:اجل الولد الحين سمعك تقدر تروح،
الجد:بيتي ذا ،
الجده الي لفت لمنصور:سمعت كلام جدك،
منصور:ايوه،
الجده:اجل توكل،
الجد:لحضه لحضه،
منصور الي رجع:سّم،
الجد:بسوي لك عقاب،
منصور:ما انا ماعقب،
الجد:عقاب الرقص وذا بيستمر لبكره،
منصور:سّم،
الجد:ممنوع تنام عند زوجتك بتقعد اسبوع تنام عندي بالمقلط،
اتسعت عيونه بصدمه:جدي..
الجد:اخر كلامي مفهووووم،
منصور وهو منزل راسه:مفهوم،
الجد:اجل الحين توكل،
صد منصور وخرج وشافهم ينتضروه مشى بهدوء وراح عند الحائط،
سعود:وش سوى فيك،
فيصل:اكيييد مكفخه لين قايل امين،
منصور:ماكفخني والله،
غازي:اكييييد مسفل فيك كلام،
سعود:كان يكفخ احسن انه يسفل بالكلام والله يجرح،
منصور:ماسفل فيني كلام،
الكل استغربو،
فيصل:طب وش سوى،
منصور:عقاب،
يحيى:طب ذا وشو؟؟
منصور:قال بنام عنده اسبوع ممنوع اروح عند زوجتي،
الكل:ههههههههههههههههههههههههههههههههههههههههههههههههههههههههههههههه،
سعود بضحكه:وانت زعلان؟؟
فيصل:اكيييد مايقدر على زوجته،
منصور:اذلفو ،
ماجد:عادي عادي بتتعود لاتخاف،
يحيى:والله اني رحمتك،
فيصل:ههههههههههههه يستاهل،
منصور فسخ نعاله ورميه عليه:اذلف اذذذذذذلفو مابي اشوفكم،
غازي:لا تخاف بنقعد نطالع فيك لين بكره،
منصور وهو يرفسهم برجوله:ما ابي اشووووفكم، ولف وهو يشوف عصى راح اخذها ورجع وهو يركض وراهم:خليكم بعيدين ما ابي اشوفكم،
ماجد:الشرهة موب عليك على الي يبون يونسوك امشو امشو خلوه وحده،
منصور:ما ابي وناستكم ،
سعود:خلاص اسكت رايحين،
منصور:الله معاكم،
راحو ورجع منصور وهو يتحلطم وقعد يريح رجوله:قال اقعد واقف لبكره قال والله مانيب موقف وش شايفني حديد،
الجد من الشباك:منصوووووووور،
فز بخوف وقام وهو يقول:واقف واااااقف،
الجد:وققققف عدددددل،
منصور:حسبي الله على كل ضالم انا وش سويت لحتى يصير فيني كذا بس هييين بتشوفون والله اني لنتقم من الكل،
'
عند نور من بعد ماقفل منصور وهي تضحك عليه واخيراً برد قلبها فيه وأخيرًا الجد عاقبه احتمال بيعقل ولا يوقف مقالب،
قامت توضت وصلت خلصت وفسخت اجلاله الصلاة وخرجت لها فستان أبيض بأكمام وسيعه ومخصر جسمها لبست وفردت شعرها البُني الطويل على ظهرها مشت للتسريحه وهي تأخذ كريم الوجهه وتدهن على وجهها وكتفت وهي تمشط رموشها بالمسكرا وتطبع بشفايفها روج بُني خلصت وهي ترش من عطرها وتناظر شكلها برضا ودلع،
طق باب الغرفه فتحت وكانت سما الي كانت لابسها عكسها فستان اسود طويل باكمام مضغوطة ورافعه شعرها وروجها الاحمر ومكياجها الخفيف دخلت وهي تقول:وش الدلع ذا ترا زوجتس معلق بالحوش مايقدر يشوفتس تكشختي ع الفاضي،
نور وهي تناظر شكلها بالمرايا:تكشخت لنفسي لاني معجبه جدًا بنفسي،
سما:يخخخ شايفه نفسش كأن مافي الا انتي،
نور وهي توقف بدلع:قالها عمرو دياب 'يا انا يا لا محدش تاني يا انا يا لاءءء ،
سما:غلط يا انا يا لا ي حتكون خرا،
نور بضحكه:ايوووه كذا ،
سما:المهم جيت لعندش نشتي نسير لعند لعند شوق،
نور:شوق ليش؟؟
سما:اول شي شوق وبعده الهنوف اشتي ابسر وش قصتهن ما ارتحت لهن والله،
نور:ابردي ،
سما:لا والله انحنا ع نسير،
نور:طيب ريعي شويه اشل حقي الطرحه،
سما:اسرعي،
اخذت الطرحه وحطتها ع رقبتها ومشو لعند شوق نزلو وشافوها بالمجلس جنب جوالها دخلت سما وهي تقول:سلاااااام،
شوق الي لفت تناظر لها:هلا حياكم،
سما وهي تقعد:الله يحييش كيفش،
شوق:الحمدلله،خير وش جابكم؟؟
سما:مابلا جينا نشتي نتجابر معش شويه،
شوق:وشو؟؟
سما:نتكلم معتس شويه،
شوق:تكفيييين دام تعرفي تتكلمي مثلنا واصلي حقتكم صعب،
سما:ابشري،
شوق:ماشاءالله ي نور شعرك كذا من الله ولا تسوين استشوار،
نور:لا من الله،
شوق:ماشاءالله يهببببل ذا انا فكيف منصور،
نور:لو تشوفي يعشقه،
شوق:ماشاءالله تتهنو،
سما:امين اميييين،
نور:ايوه من جيتي مانعرف الا اسمتس،
شوق بضحكه:وش بغيتي تعرفي عني،
سما:كيف علاقتس معى الهنوف،
شوق:حلوه مابها شي بس ما اطيق لا امها ولا ابوها لان داييييييم يتنمرون على ابويا،
نور:ليش؟؟
شوق:ابويا يشتغل بشركه مدير المحاسبه وماعنده شركه بأسمه بس هم عندهم وداااايم يتنمرون ويقولون فقير ،وابويا بعد مايطيقهم ولايحب يسمع طاريهم ومستحيل يجي هنا وهم موجودين،
سما:طب يوم جيتي احس كنتي معصبه،
شوق:ايوه لأني احب ابويا وما احب طريقه تعاملهم وكان اتمنى يجي معنا ويستانس لانه يحب الديره،
سما ونور الي حسوها من كلامها غيير عن الي قالوه البنات،
سما:والهنوف ذي كيف طبعها احسها هادئهـ وعلى نياتها،
شوق:لا تغركم المظاهر،
نور:وش تقصدي؟؟
شوق:يعني لا توثقو بأحد خليكم طبيعيين معى الكل وخصوصًا الهنوف،
سما:ليش وش فيها الهنوف،
شوق:معى الوقت بتشوفين بعيونكن بس احذرين،
نور وسما الي استغربو من كلامها،
سما:يلا ي نور،
شوق:على وين،
سما:بنطلع فوق وشوي بيجو البنات وبنقعد سوى،
شوق:اوك،
خرجت سما ونور ومشو متوجهين للغرفه الثانيه الي كانت الهنوف فيها طقت الباب،فتحت لهن الهنوف بأبتسامه:ي مرحبا،
سما:ندخل،
الهنوف:ادخلو ادخلو حياكم،
دخلين وقعدين،
الهنوف:ايوه وش صار وسحبتو على ازواجكم وجيتونا،
سما:والله زوجها معاقب وزوجي قاعد يواسيه،
الهنوف:ي حرام الحين منصور كم بيقعد واقف كذا رجوله بتعوره بعدين،
سما:خلينا منه جيت اتعرف عليتس شوي،
الهنوف:سم وش بغيتي تعرفي،
نور:كيف علاقتك معى شوق،
الهنوف:طبيعي مافي شي مهم يعني انتو عرفوني عنكم،
سما:وش بغيتي تعرفي،
الهنوف:ليه تزوجتي منصور ي نور؟؟
انصدمت من سوالها وقالت:تزوجت عشان اقعد بالسعوديه بأمان،
الهنوف بصدمه:يعني زواجكم موب حقيقي؟؟
نور:ابد زواج حقيقي وصرت احب منصور وهو يحبني ويعشقني بعد،
الهنوف:اها يزيد محبتكم،
نور:اميييين،
الهنوف:طب كم صار لكم متزوجين وليه مافي واحده حملت؟؟
سما:سبحان الله ربي ماكتب النصيب للحين،
نور:عن نفسي ما ابي من الحين ومنصور مثلي قال نرتاح ونرجع نفكر ب الاولاد،
الهنوف:اخخخخ وانا اتمنى كذا ما ابي احمل بسرعه بس موب كل الرجال مثل منصور متفهمين،
نور:وانتي صادقه موب كلهم مثل منصور مايبي يتعبني تدرين وش قال،
الهنوف:وش،
نور:يقول اذا بتعب مافي داعي نجيب اولاد كله الا تعبي مايسخى علي،
الهنوف:اهااااا، عندك سناب؟؟
نور:ايوه،
الهنوف:عطيني سنابك،
طلعت نور جوالها وعطتها سنابها،
الهنوف:اجل الحين بقدر اشوف استورياتك،
نور:ما استخدمه كثيير،
الهنوف:لييه،
نور:اكثر وقتي معى منصور وما اقدر امسك الجوال حتى،
سما الي كانت تسمع كلام نور وتشوف تعابير الهنوف قاطعتهم وهي تقول:يلا يلا نطلع شوي بيجين البنات وبنقعد كلنا،
نور:يلا،
خرجو وطلعين الثنتين للغرفه دخلت نور والغيض مسيطر عليها لفت وهي تقول:شفتي كييييف تتكلم على منصور،
سما وهي تقعد على السرير:الحين تأكدت اليهوديه الهنوف مثل امها،
نور:انا ماعاد عرفت شي من اليهوديه ومن لا،
سما:بنت حطي عقلك براستس وافهمي الهنوف ذي ماتطمن انتي بس ركزي عليها وبتفهمي،
نور وهي تقلد الهنوف بقرف:كذا بتعوره الرجوله،حسبي الله عليها قرفتني،
سما بضحكه:وانتي والله ماقصرتي تحبي منصور وهو يعشقتس الكلام الي قلتيه كذب صح،
نور وهي تقعد جنبها:اكييييد كذب كذبت لانها فطرتني،
سما:خليها علي وبتشوفين،
نور:المره ذي بوريهم نور وش بتسوي،
سما:الله يستر ،
'
ببيت ابو غسان بغرفه اماني كانت قاعده تنضف الغرفه دخلت رهف وشافتها تنضف فوق الدولاب،
رهف:هاها يتوقعين انزلي،
اماني وهي تمسح:لا تخافي مارح يصير شي،
رهف:ضروري التنضيف الحين،
اماني:خلني انضف بالله معرف متى اخر مره نضفته ،
رهف:توتس ماوفيتي السنتين وانتي متزوجه وانا الصراحه مذكر متى اخر مره شفتس تنضفينه ،
اماني الي لفت لها:خذي حطيها بالمي ورديها لي،
اخذت رهف المنشفه وخطتها بالمي ورجعتها لها ،اماني وهي تأخذها لفت ترجع تواصل انزلقت رجلها وطاحت للأرض على ظهرها،
رهف بصراخ:اماااااااااانييييي يمههههه تعالللي،مشت وهي ترفعها:اماني شفيتتس ؟؟
اماني بألم:ضهري ااااه احس تكسرت،
دخلت ام غسان ومنى واثير على الصوت،
ام غسان:شفيها وش صاير،
رهف:طاحت على ضهرها يمه،
ام غسان بشهقه:في ذمتتتتتتس،
منى:كلمو وليد يجي يأخذها للمستشفى،
اماني الي كانت تحس بألم بكل جسما:يُمممممممه بطنييييييي بطططني،
ام غسان بفجه:شفيها بطنتس،
اماني بصراخ والم:مدرييييي احسسس بموووووت بطني بطني ي عمه عمممممه،
ام غسان:اويلي اتصلي على وليييييد بسرعه،
اخذت رهف جوالها ودقت على وليد وقالت له يجي بسرعه،وليد الي استغرب رجع ودخل البيت ومشى متوجه لغرفته بس انصدم وهو يشوف حال اماني وكيف تبكي دخل وهو يمسكها:اماني ليه تبكين شفيتس،
اماني ببكى:ولييييد وليييد احس بموووت تكففففى سوى شي تكفىىى،
وليد:بسم الله عليتس وش صار لتس،
ام غسان:رح جهز السياره بنوديها المستشفى طاحت وهي تنضف،
وليد بصدمه:طاحت وشوله طاحت،
ام غسان:مدري انا شفتها كذا اسرع،
خرج لسياره وام غسان ورهف لبسوها العبايه وخروجها وطلعو متوجهين للمستشفى وكانت اماني طول الطريق تصارخ بألم وام غسان ورهف يحاولون يهدوها بس مافي فايده وصلو دخلو للمستشفى،
الممرضه:وش فيها؟؟
وليد:طاحت وتحس بألم،
الممرضه لـ اماني:وين تحسين ب الألم؟؟
اماني ب الزور كانت تنطق:ضهري واحس بطني بغيييت اموتتتتت،
الممرضه:بطنك!!!
اماني:ايوه،
الممرضه:تعالي،
اخذتها الممرضه لعند الدكتوره كشفت عليها وسوو لها فحوصات واشاعات وبعد نص ساعه بالغرفه خرجت الدكتوره وهي تقول:وين زوجها،
فز وليد وقام:انا شفيها،
الدكتوره:الطيحه كانت قويه وذا قدر ربي زوجتك سقطه،
وليد بصدمه:سقطه!!!ليه حامل!!
ام غسان بشهقه:لييييه حااامل،
الدكتوره:ايوه توها بأول ثلاث اسابيع،
رفع يده يرجع شعره لورا ويضرب ب الارض،
ام غسان:كيفها الحين؟؟ووجع ضهرها؟؟
الدكتوره:سوينا لها اشاعه بنشوف اذا في كسر او لا ولازم تقعد تحت المراقبه اذا صار نزيف،
وليد:اقدر اشوفها،
الدكتوره:تقدر تتفضل،
دخل وليد وهو يشوفها على السرير والمغذي بيدها جلس مقابلها ومسك يدها:كيفتس الحين،
اماني:ولييييد وجع وجع ببطنييييي غريييب احس بموت وش قالت لك الدكتوره،
اخذ نفس وقال:انتي سقطتي بس لا تهمي بتصيرين احسن،
اماني بصدمه:ليييه انا حامل،
وليد:ايوه ب اول اسابيع،
اماني ببكى:يعني ولدي مات قبل اعرف انه موجود،
وليد وهو يحضنها من جنب:خيره بغيره وعوض ربي كبيييير لا تيأسين،
بكت اماني على ولدها وعلى وجعها وعلى حالتها بقهر،
اكتفى وليد انه يطبطب على ضهرها بهدوء،
وبعد حاله انهيار كبيييره قالت:ليييه انا ي وليد ليه صار فيني كذا ليييه،ااااااه لوكان دريت والله ما انضف والله ،
وليد وهو يهزها من اكتافها:امااااااني استهدي بالله وش صاير بنتس ليييه تفكرررين كذا، ذا قدر الله مانقدر نسوي شي خليتس مؤمنه بالله،
اماني:ادي والله اني ادري ي وليد انحرمت من ذا الشعور انحرمت من اني افرح بوليدي،
وليد:بنتخطاها والعمر يمشي وبنجيب عيال وبتفرحين وبنعيش ذا الشعور معى بعض وبفرحه،
رجعت تبكي بحرقه دخلت ام غسان ورهف انقهرو على حالتها،
ام غسان:بيعوضتس ربي ي بنتي لا تخافي،
لفت تناظر لهم وشافت رهف:ياليت وانا سمعتس ي رهف ماكان صار كل ذا،
رهف:ذا المكتوب وما نقدر نسوي شي امام قدره الله،
ام غسان:الله يصبركم ي بنتي،
وليد:امين ي يُمه،
اماني:وليد ما ابي اقعد هنا تكفى خرجني،
وليد:بتقعدين تحت المراقبه اذا صار معتس شي،
اماني:وش بيصير بعد ذا،تكفى ما ابي اقعد احس اني اختنق،
وليد:اماااني بتقعدين لين تقرر لتس الدكتوره ما اقدر اخرجك كذا،
نزلت راسها بضيق ورجعت تبكي،
وليد:اماني بس بس ترا دموعتس مارح يرجعين الولد،
اماني:وش بغيتني اسوي،
وليد:نامي ورتاحي شوي وانا بروح ارجع امي وجيتس،
ام غسان:لا ي ولدي بقعد معاها،
وليد:لا ي يُمه مقدر اخليت هنا انتي ورهف،يلا،
خرجو من المستشفى وركبو السياره وحرك وليد متوجهه للبيت،واماني الي انسدحت تحاول تنام وتتناسى ألمها،
'
الساعه 9:30 الليل خرجت رهف من بيتهم وراحت لبيت ساره اخذتها وراحت لعند ملاك واخذتها ومشو كلهم لبيت ابو سعود،
بمجلس ابو سعود كانت سلمى تسولف معى نور ومشاعل وسما وشوق وام سعود هي والخاله مُزنه والهنوف جنب جواله اما بالنسبه لأم الهنوف وام صقر كل واحده بغرفتها،
مشاعل:وش ذا الطفش ي جماعه ويين رهف والبقيه ليه ماجو،
سما:غريبه والله ليه ماتروحي تشوفي،
ماكملت كلامها الا ودخلين البنات وهن يردين السلام ويقعدين ،
سلمى:وين انتو للحين،
ساره:بالنسبه لي كنت انتظر رهف،
ملاك:ايوه ليه تأخرتي ي رهف،
رهف:رحنا المستشفى،
ام سعود:بسم الله ليه وش صاير،
نور:فيتس شي ؟
رهف:اماني طاحت وودينها المستشفى،
الخاله:وش صار فيها،
رهف:يقولو كانت حامل وسقطت ،
ام سعود:لاحول ولاقوة الا بالله،
الخاله:الله يصبرهم،
ساره:والحين كيف حالتها،
رهف:والله انتس تشوفيها يتكدر خاطرتس من حالتها،
نور:الله يصبرها،عوض ربي اجمل ان شاءالله،
سلمى:مسكينه والله،
سما:والله اني انقهرت عليها الله يصبرها،
الكل:امييييين،
الخاله:وينها الحين،
رهف:بالمستشفى قالو تقعد تحت المراقبه اذا صار نزيف او شي،
ام سعود:اي احسن انها قعدت بالمستشفى،
الخاله:وامك عندها ؟
رهف:لا وليد روحنا قال بيقعد هو،
ام سعود:لوكان خلها كان احسن،
الخاله:كانت تنتبه لها،
ام سعود:قومي قومي بنروح نكلم الجده ونروح لعند ام غسان ،
الخاله:يلا،
خرجين ورحين لعند الجده كلموها وراحو كلهم لبيت ابو غسان،
'
عند منصور الي كان من اول النهار وهو قاعد خرجو كلهم وتجمعو عليه حلقه وفيصل شبّ النار وسعود خرج بالقهوه،
منصور:زيييين جيتو والله ميييت برد بس ليييه كلكم لابسين فروات ليه ماجبتو لي،
ماجد:الحين زين جينا والعصر اذلفو ما ابي اشوفكم،
منصور:وانت لا تكون تصدق كلامي ترا مهوب من قلبي،
فيصل:اسكت اسكت حنا ماعنا كرامه جينا بعد ما طردتنا،
منصور:سعود صب صب قهوة،وانت ي فيصل لاتكون تسمع كلامي وانا معصب مدري كيف يخرج،
سعود وهو يمد له القهوه:خذ وانت ساكت،
اخذ ألقوه وشرب وهو يقول:اخخخخ ناقص فروتي،لف وهو يناظر اشواق بحضن فلاح:اشواقيييي تعالي ي ماما تعالي،
فلاح:قومي،
قامت ورحت لعنده جلسهابحضنه:ابيتس تروحين لعند زوجتي وتقوليلها منصور يبي فروته،
اشواق:اي واحده فيهم زوجتك،
منصور:روحي قولي وين نور وبترد عليتس،
اشواق:عطني علامه،
منصور:علامه وشو ،
فلاح:يعني تعطيها شي يميز زوجتك،
منصور:بس كذا بتخطبطين مارح تعرفي،
اشواق بهمس لأذنه:هم في ثنتين واحده تقعد تتكلم معى ام الهنوف وتسبها والثانيه ام شعر طويل،
منصور بنفس الهمس:ايوووه ام شعر طويل روحي لها،
اشواق:ذيك زوجتك،
منصور:ايوه،
اشواق:تمام،
مشت اشواق ودخلت البيت لعند الحريم وهي تصارخ:نوووور قال منصور جيبي فروته نور قال منصور جيبي فروته،
دخلت على طول لعند نور ووقفت مقابلها:ي ام شعر طويل،
نور طالعت فيها بأبتسامه:هلا،
اشواق:منصور يقول جيبي فروته،
نور:منصور قال،
اشواق :ايوه
سما:مسكين روحي جيبي فروته البرد مايرحم،
ساره:ماعرفتو وش صار،
لفو كلهم لها،
نور:وش صار ؟
ساره:العيال طلبو من منصور يرقص ،
حطت الهنوف الجوال من يدها على طاري منصور وتعدلت بجلسها تشاركهم،
ساره:رقص وجدي شافه كان بيكفخه بس الجده دافعت عليه وعطاه عقاب،
الهنوف:عقاب ثاني،
سما:يستاهل،
نور:ويش العقاب،
ساره:فيصل يقول انه جدي قال بينام عنده بالمجلس اسبوع وممنوع يطلع عندك ي نور،
نور الي كانت بترد انها بترتاح قاطعتها الهنوف وهي تقول بفرحه:في ذمتتتك اسبوووووع مايشوفها،
ساره:ايوه،
سلمى:وانت ليه فرحتي،
سما:خيييير،
الهنوف:مافي شي يستاهل،
نور:يستاهل وانت من العصر تقولين حرام ومدري وش شصار الحين،
الهنوف:اووووف شفيكم ماقلت شي،
سما:ترا في شي براسي لاتخليني اكبره اهجدي احسن لك،
رهف:بس بس ي بنات غيرو السالفه وانتي روحي جيبي لزوجتس فروته يلا،
قامت نور الي سيطر عليها الغضب وكانت تبين عكس خرجت وطلعت الغرفه وخرجت الفروه ونزلت وهي تعطيها لـ اشواق ورجعت عند البنات،
سما:ي حظ العيال وربي قاعدين بالحوش وشابين النار على الجو ذا،
سلمى:حسبي الله فيهم اخذين الحوش اهم وحنا البيت،
ساره:بنات وش رئيكم نطلع السطح ؟!
رهف:والله ،
مشاعل:لالالا بيرجعو يصارخون علينا،
سما:والله مارح يصير شي خلونا نطلع ونغير جو،
مشاعل:واذا صار شي ؟؟
نور:مارح يصير شي نطلع ونشب النار والقهوه اخخخخ ي سلااااام،
سلمى:سويت حلا كمان،
رهف:اييييوه بتصير القعده خرافيه،
شوق:يلا يلا،
قامو وكل واحده اخذت شي وطلعو للسطح،
'
عند اشواق راحت وعطت منصور فروته وجعت عند امها،
منصور وهو يلبس:وذا ماكان ناقصني الحين ميه بالميه عطونا شي يونس،
سليمان:سمعونا شي وش رئيكم،
فيصل:بغني لكم،
منصور:تكككككفى لاتخرب مزاجي،
يحيى بضحكه:وانت صادق لا تخرب مزاجنا،
فيصل:حسبي الله فيكم حرام ماني مغني لكم شي،
سعود:احسن والله ناقصين لك،
سيف:بغني لكم انا،
منصور:كان ابي اقول لا بس ادري صوتك حلو مو مثل الماطور ذا'فيصل'
الكل فرط يضحك،
غازي:بيقع اذاني مانبي نسمعك،
فيصل:كلو تبن ،
منصور بضحكه:كل انت احتمال يعدل الحنجره حقتك،
فيصل:قسم بالله ان ماتسك لا ادخل تعالي لحلقك واسكتك غصب،
منصور:ههههههههههههههههههههههههه،
صقر:يلا غنى ي سيف،
سيف تعدل بجلسته واخذ تنهيده كييييره وبدا:
جو الشتـا هبت هبّوبه،
يطري علي ذاك الزمانّي !
والذكريٰات الي عذوبه،
مترسخه وسط المحانّي !
-
ويـن الغضٌي راحة دروبه !
والضٌـيق من عقبّه غشـانّي !
من عقبـهم نفسي تعوبـه !
والهًم بألوانّه ضوانـّي ،
-
جو الشتاء هبت هبوبه،
منّ دونّ زلات امحسوبه ،
راحو وخلونّي اعـانّي !
عيني ع لقيـاهم طروبه !
والوقت معهم مامـدانّي !
-
جو الشتـا هبت هبّوبه،
يطري علي ذاك الزمانّي !
والذكريٰات الي عذوبه،
مترسخه وسط المحانّي !
-
درب الوفا دربي ودروبه ،
لو راحت كل الاماني !
لين العمر يعلنّ غروبه !
وافي ولو حضي عصـانّي !
يا وقت بحسان ومثوبة ،
خذنّي بروفك ع الزماني ،
الشوق له ناراً شبوبه !
لامن طرا تذرف عياني...
-
سفقو له بهدوء وهم يشوفوه كيف يغني بقهر وبكل احاسيسه الكل لاحظ الضيق الي فيه ولاحظو انهم مايراعو مشاعر احد وكيييف سيف مخبي وجعه بقلبُه واليوم ذرف كل الي بقلبُببه بأغنيه واحده وبأحاسيسه الي وصلت للكل اكتفو وهم يناظرو له بحزن وقهر عن حاله، الكل ماكان يعرف انه بيلا كانت لها مكانه كبييييره بقلب سيف محد هامه غير نفسه وماهم هامين لوجعه،
عم الهدوء على الجميع والكل رجع يقلب بفنجالنه ويناظر ب الأرض وسيف الي تنهد بضييييق على حاله كيف كان وكيف صار ماكان يتوقع انه بيلا بتترك فراغ كبيير بحياته وكيييف بيقدر ينسى عشرته وحياته معها كيف بيقدر يتخطى وينسى كميه الحُب الي بقلبُه لها كيف بيقدر ينسى وهو للأن يذكر كل تفاصيلها وماينسى انه عائلته هي السبب بكُل شي صار معه وماينسى تعاملهم معاها وكيف كانو يعاملوها ومافي احد حبها بس كان مستعد انه يغير كُل شي ويحاول يخلي عائلته تتأقلم وتحب بيلا وكان بيحاول يغيرها للأحسن ويعرفها اصول الدين وتصير زوجته وحبيبه عُمره وشريكه حياتُه تعرف بأصول الدين وتسلم بس معى الأسف عائلته استنزفت كُل طاقتها وماقدرت تتحمل وقررت انها تختار راحتها على سيف ،وسيف الي تقبل قرارها وهو من تزوجها مايقدر يغصبها ولا يجبرها على شي تقبل قرارها بكل نفس راضيه لانه يعرف انها تحملت اكثر من طاقتها وبالنسبه لبنت مثلها ماتقدر تتحمل اكثييير من كذا ،
قاطعهم من الهدوء فيصل وهو يقول:شباب شوفو السطوح !
لفو كلهم يناظرو،
غازي:سرق !
منصور وهو يناظر بتمعن:ابوووك ي النكبه سررررق،
سعود:هدو هدو خلونا نطلع كُلنا بهدوء،
'
'تأخرت ادري اعذروني،فرشاتي تصويتكم للبارت الأول ماعجبني حاولو تعدلو تصويتكم وتعطو البارت حقه+شوفو اخر فيديو ناشرته بالتيك توك وبتعرفون ليه اتأخر a-wafa '
انتهى🖱
لاتنسون النجمه تقدير لتعبي وتعليقكم🤎..
