My Luna

Part-19

'တောက်၊ သူတို့သားအဖတွေ မကောင်းမှန်းသိပေမယ့် ဒီလောက်ထိ ယုတ်မာမယ်မထင်ထားဘူး'

'အခု စာထဲမှာ ဘာတွေရေးထားလို့လဲ အဖေ'

'ဂျောင်ဝူကို ပြန်လိုချင်ရင် ငါက werewolves မျိုးနွယ်လေးခုလုံးရဲ့ ခေါင်းဆောင်နေရာကနေ ဆင်းပေးရမယ်တဲ့ ၊ ဒါတင်မကသေးဘူး ဂျောင်ဝူရဲ့ mateကိုပါ သတ်ပေးရမယ်တဲ့'

'ဘာ ဒါဖြစ်မှမဖြစ်နိုင်တာ'

'ဒါဆို ဂျောင်ဝူကို သူတို့ဖမ်းချုပ်ထားတဲ့သဘောပေါ့ ဦးလေး'

'ဟုတ်တယ် ရူတို၊ ဒါပေမယ့် ဂျောင်ဝူလိုလူကို သူတို့ ချုပ်နှောင်ထားဖို့ဆိုတာ ဘယ်လိုမှမဖြစ်နိုင်ဘူး ၊ တခြားဘာလှည့်ကွက်တွေရှိနေတာလဲ'

'ပြီးတော့ အဖေ့နေရာကိုသူတို့ရရင်တော်ပြီလေ ဘာလို့ဂျောင်ဟွမ်ရဲ့အသက်ကိုပါ လိုချင်နေတာလဲ'

'ဒါကရှင်းပါတယ် အစ်ကိုဂျီဟွန်း၊ လီခေါင်းဆောင်ရဲ့သမီးက ဂျောင်ဝူကိုသဘောကျနေတာမို့ ဂျောင်ဟွမ်မရှိတော့မှသာ သူဂျောင်ဝူကို အပိုင်ရနိုင်မှာလေ၊ ဒါပေမယ့် ဂျောင်ဝူက သူ့ကိုဘယ်တော့မှပြန်ချစ်လာမှာမဟုတ်ဘူး'

'ဒါဆို ဒီကိစ္စကို အခုဘယ်လိုလုပ်ကြမလဲ'

'ကျွန်တော့်အမြင်ကိုပြောရရင် ကျွန်တော်တို့ လီခေါင်းဆောင်ကိုသွားတွေ့သင့်တယ်၊ ဒါမှဂျောင်ဝူရဲ့အခြေအနေကိုလည်း သိနိုင်မှာ ၊ ပြီးတော့မှ ဘာဆက်လုပ်ရမလဲဆိုတာ ဆုံးဖြတ်ကြတာပေါ့'

'လောလောဆယ် ဒီကိစ္စကို ဂျောင်ဟွမ်ကို လျှို့ဝှက်ထားတာကောင်းမယ်'

'အဲ့လိုပဲလုပ်ကြတာပေါ့'

.............................................................................

ထိုအချိန် Guardian မျိုးနွယ်စုရဲ့ နယ်မြေမှာတော့ သူတို့ရဲ့ အကြံအစည်က အောင်မြင်လာတော့မှာမို့ အပျော်ကြီးပျော်နေကြကာ အောင်ပွဲခံနေကြတယ်

လီခေါင်းဆောင်ရဲ့သမီးဖြစ်သူ လီဆူယွန်းဟာ ယမကာတစ်ခွက်ကို သူ့ဘေးနားမှာရှိနေတဲ့ werewolf ထံပေးလိုက်တယ်