កំហុសនឹងវិប្បដិសារី

ភាគទី ២២ : ភាគរយនៃក្តីសង្ឃឹមអាចមាន50នឹងក្រោម50

     " គុកបងមិនខ្លាចទេតែបងខ្លាចគេមើលងាយអូន !!! "
     " បងថេយ៍ " ព្រះជាម្ចាស់អើយស្តាប់ពាក្យសម្តីគេនិយាយចុះ ពាក្យសំដីមួយឃ្លានេះពិតជាមហាសែនមានន័យខ្លាំងណាស់ដល់ថ្នាក់រ៉ូសុីកាត្រូវបង្ហូរទឹកភ្នែកចេញមកទាំងរំភើប ។

     " គ្រប់យ៉ាងគឺបងធ្វើដើម្បីអូនទាំងអស់ "
     " អ្នកណាមើលងាយគ្រាប់ពេជ្រមានតម្លៃរបស់បង បងក៏មិនទុកជាដែល " ប្រអប់ដៃក្រាស់ឃ្មឹកលើកទៅអង្អែលសរសៃសក់ទន់រលោងខ្មៅក្រិបរបស់នាងថ្នមៗដោយក្តីស្រលាញ់នាងដឹងដែលទេថានាងពិតជាសំខាន់សម្រាប់គេខ្លាំងណាស់គេអាចជាប់គុកបានតែគេមិនអោយអោយកិត្តិយសរបស់នាងធ្លាក់ទាបនោះឡើយ កាលណាដែលនាងស្ថិតក្នុងដៃជាកែវភ្នែកសំណព្វរបស់គេហើយគេនឹងលើកតម្កើននាងអោយខ្ពស់ហួសមេឃដូចជាកេរ្តិ៍ឈ្មោះរបស់គេយ៉ាងអញ្ចឹង ...។

     " បងធ្វើដើម្បីអូនច្រើនយ៉ាងនេះ អូនអាម៉ាស់ណាស់ថេយ៍ " រ៉ូសុីកាទម្លាក់ទឹកមុខចុះនឹកឃើញរឿងដែលនាងធ្លាប់គម្រោះគម្រើយដាក់ថេយ៍ធ្វើអោយនាងមានវិប្បដិសារីថេយ៉ុងល្អយ៉ាងនេះមិនគួរណានាងមើលរំលងស្នេហារបស់គេថែមទាំងធ្វើអោយគេឈឺចាប់ទេ ។

     " មនុស្សយើងត្រូវតែដើេរទៅមុខណាអូនសម្លាញ់ "
     " រឿងអតីតកាលបងក៏ធ្លាប់ខុសដាក់អូន អូនក៏ធ្លាប់ខុសដាក់បង "
     " ពេលនេះយើងរួចគ្នាហើយណាអូនសម្លាញ់ចាប់ពីថ្ងៃនេះទៅយើងនឹងរស់នៅជាមួយគ្នាកាន់ដៃគ្នាអោយជាប់ដើរលើវិថីមួយដែលមានឈ្មោះថាប្តីហើយនឹងប្រពន្ធអស់មួយជីវិតណា "
     " ហឹមមមមម " រ៉ូសុីកាងក់ក្បាលថេយ៉ុងទាញនាងមកអោបហើយក៏ថើបសក់ក្បាលរបស់នាងដោយក្តីស្រលាញ់អស់ពីចិត្ត ។ ដៃរ៉ូសុីកាក៏បានប៉ះទៅលើស្នាមរបួសថេយ៉ុង ឈាមក៏បានជ្រាបប្រឡាក់ដៃរបស់នាងទើបនាងដឹងថាថេយ៉ុងដាច់ថ្នេររបួសកំឡុងពេលមានរឿងមិនខាន

     " ថេយ៍បងហូរឈាម ! បងព្រោះតែអូនឈឺខ្លួនទៀតហើយ "
     " បងអត់ឈឺទេកុំធ្វើមុខរកយំ "
     " ជាប្រពន្ធបងធំរឿងបន្តិចបន្ធួចកុំយំលឺដែលទេ " ថេយ៉ុងអង្អែលក្បាលរបស់នាងគេចង់បង្រៀនអោយនាងនឹងមាំដូចកាលពីមុនមិនងាយរំជួលចិត្តមិនងាយនឹងបង្ហូរទឹកភ្នែក ។ ជាប្រពន្ធរបស់បងធំមានឧបសគ្គបន្តិចហើយពេលខ្លះត្រូវគេឆ្មក់វ៉ៃរបួសលើសនេះក៏មានត្រូវដាច់ដៃដាច់ជើងក៏មានម្លោះហើយត្រូវតែធ្វើចិត្តអោយរឹងមាំ

     " ថេយ៍ !!! " នាងបង្អូសសម្លេង
     " ហៃយ៉ាបងដូចជាឈឺណាស់ពួកយើងទៅបន្ទប់វិញទៅ "
     " ហឹមមចាស៎ប្រញាប់លាងរបួសកុំអោយហូរឈាមច្រើនជាងនេះ " បាតដៃតូចរបស់នាងខ្ទប់មុខរបួសដើម្បីទប់ស្កាត់ឈាមមិនអោយហូរចេញពីររាងកាយរបស់ប្រុសជាទីស្រលាញ់អស់ច្រើនជាងនេះ ។ នៅពេលដែលទៅដល់បន្ទប់រ៉ូសុីកាដាក់អោយថេយ៉ុងគេងនៅលើពូកអោយស្រួលហើយបន្ទាប់មកនាងក៏ហៅគ្រូពេទ្យអោយមកជួយមើលរបួសអោយថេយ៉ុង ...។

             || មួយម៉ោងក្រោយ ... ||
ថេយ៉ុងត្រូវបានពេទ្យអូសចូលបន្ទប់សង្គ្រោះមួយទៀតសារជាថ្មីដើម្បីសំអាតមុខរបួសទាំងប្រព័ន្ធគ្រឿងក្នុងហើយនឹងថ្នេរសាច់ខាងក្រៅ របួសគេនេះត្រូវថ្នមណាស់តែគេមិនស្តាប់ឡើយទាល់តែចូលសង្គ្រោះហើយនឹងដេរសារជាថ្មីបែបនេះទើបដឹងប្រឹង ...។ 

     " គ្រូពេទ្យអើកក ! ស្វាមីខ្ញុំគាត់យ៉ាងមិចហើយ ? "
     " លោកគីមពេលនេះអស់អីហើយ គ្រូពេទ្យបានដេររបួសអោយគាត់សារជាថ្មីរួចហើយឃើញថាប្រក្រដីវិញល្អខ្លាំងណាស់ "
     " ចាស៎អរគុណខ្លាំងណាស់លោកគ្រូពេទ្យ " សុីកាញញឹម
     " តែគ្រូពេទ្យសង្កេតឃើញរឿងមួយទៀតមិនប្រក្រដី "
     " រឿងអ្វីទៅ ? " រ៉ូសុីកាជ្រួញចិញ្ចើម
     " គ្រូពេទ្យបានសង្កេតឃើញថាសរសៃប្រសាទផ្នែកខួរក្បាលរបស់លោកគីមមួយចំនួនដូចជាមិនសូវប្រក្រដីតើជាធម្មតាលោកគីមមានអាការះចម្លែកដែលទេ ? ដូចជាឆេវឆាវខុសធម្មតា " សំនួររបស់គ្រូពេទ្យចាប់ផ្តើមធ្វើអោយរ៉ូសុីការបុកពោះភ័យ ថេយ៉ុងមិចនឹងអាចអោយមានរឿងបែបនេះកើតឡើងទៅ ? នាងម្នាក់ហើយនាងដឹងថាវាពិបាកខ្លាំងណាស់ទម្រាំតែឆ្លងកាត់បានមួយដំណាក់កាលៗ ។

     " ក៏មានខ្លះដែល " រ៉ូសុីកាឆ្លើយតាមការពិត
     " បើបែបនោះខាងគ្រូពេទ្យនឹងពិនិត្យផ្នែកខួរក្បាលលោកគីមអោយបានល្អិតល្អន់បើមានរឿងមិនល្អកើតឡើងសុំអោយទទួលការវះកាត់ជាបន្ទាន់ភាគរយនៃក្តីសង្ឃឹមអាចមាន50នឹងក្រោម50 " គ្រូពេទ្យ

===========================
ស្រីឆេមកបង្ហើបថារឿងមួយនេះអាច Sad Ending 😬

✨ឆេមីន♡