မနက်စာစားပြီးတာနဲ့သူမတို့ခြံထဲလမ်းလျှောက်ထွက်ကြသည်။ သူမအခုထိဘာပြောလို့ပြောရမလဲဆိုတာမသိပါ။ ပထမအကြိမ် သူမကိုဖုန်းခေါ်တော့သူမအမေနဲ့စကားပြောသွားသေးသည်။ သူ့နေရာမှာတစ်ခြားသူသာဆို ဖုန်းမှားခေါ်မိတယ်ဆိုပြီးလိမ်ရင်လိမ်ဦးမည်။သူကတော့ အဲ့လိုမဟုတ်ပါ အမှန်တိုင်းသာပြောသွားသည်။ အခုဒုတိယအကြိမ် သူမမိဘတွေနဲ့တွေ့တော့လည်းအကုန်လုံးကိုအမှန်တိုင်းပြောပြလိုက်သည်။ တကယ်ပဲ သူကဘယ်လိုလူမျိုးလဲ။ ပလေးဘွိုင်းဆိုပြီးနာမည်ကြီးနေတဲ့သူ့ကို အခုတွေ့နေရတဲ့ပုံစံနဲ့လုံးဝနှိုင်းယှဉ်ကြည့်လို့မရပါ။ သူ့ရဲ့ပုံစံအမှန်ကဘာပါလဲ။
" ဦးနှောက်သေးသေးလေးနဲ့ ဘာေတွအဲ့လောက်စဉ်းစားနေတာလဲ "
" ရှင် "
" ရှင်နှင်းဆီလေးရေ မေးချင်တာရှိရင်ပွင့်ပွင့်လင်းလင်းမေးလို့ရပါတယ်လို့။ တစ်ယောက်တည်းကျောက်ရုပ်လိုငြိမ်ပြီးအတွေးနယ်ချဲ့နေစရာမလိုပါဘူးခင်ဗျာ "
" မနောက်နဲ့ ကိုသုတ "
" ဟောဗျာ ကိုကို လို့ခေါ်ပါဆို "
" တော်တော့လို့ အဲ့လိုကြီးမခေါ်တတ်ဘူး။ ဒါနဲ့ ဆူးမေးချင်တာရှိတယ် "
" မေးပါခင်ဗျာ "
" ကိုသုတ ပုံစံအမှန်ကဘာလဲဟင်။ ဘာလို့လဲဆိုတော့ ဆူးမိဘတွေရှေ့မှာလည်းလိမ်မပြောဘူး။ ပြီးတော့ ကိုသုတ နဲ့ ဆူး နဲ့က တစ်ခါပဲတွေ့ဖူးပြီး ချစ်တယ်လို့ပြောတယ် "
" ဘေဘီရဲ့မိဘတွေရှေ့မှာလိမ်မပြောဘူးဆိုတာ သူတို့သမီးကိုတန်ဖိုးထားလို့။ ကိုယ် ဘေဘီကိုချစ်တယ်။ လက်ထပ်ယူဖို့အထိတွေးထားတယ်။ တစ်ခါပဲတွေ့ဖူးပေမယ့် ကိုယ့်မာမီကလွဲပြီးဘယ်သူ့ဆီကမှမရဖူးတဲ့ဂရုစိုက်မှုမျိုး အချစ်မျိုး ဘေဘီဆီကကိုယ်ရလိုက်တယ်။ ဒါကြောင့်ကိုယ် ဘေဘီကိုလိုက်ရှာခဲ့တယ်။ ဘေဘီနဲ့ပတ်သက်သမျှကိုစုံစမ်းခဲ့တယ်။ နောက်ဆုံး ကိုယ် ဘေဘီကိုတွေ့တဲ့အချိန်မှာပဲ ဘေဘီရဲ့ခံစားချက်တွေကိုသိလိုက်ရတယ်။ ကိုယ်မယုံနိုင်ခဲ့ဘူး....ကိုယ့်ကိုဒီလောက်ချစ်ပေးနေတဲ့သူရှိတယ်ဆိုတာ "
YOU ARE READING
Right Person
FanfictionRight Personတွေနဲ့တွေ့ဆုံချင်ရင်ကိုယ်တိုင်ကလည်း Right Personဖြစ်နေဖို့လိုပြီး ကိုယ့်ဘဝထဲကWrong Personေတွကိုလည်းလက်လွှတ်နိုင်ရပါမယ်။
